: احلفلك بإيه اني شريفة ومغلطش.. والله شريفة يازين 

بقي يبصلها بحيرة، نفسه يصدقها،، نفسه يقتنع انها فعلا شريفه،، بس ازاي، ازاي بعد ما شاف واقع ملموس قدامه 

رجع قعد علي الكنبة، مسح علي وشه بتعب، بعدين بصلها وقال.... قربي 

بصتله بدون فهم فقال بهدوء ... تعالي قربي 

قربت ببطئ وهي خايفة 

بهدوء اسقطها من دراعها و ارغمها علي النزول في الارض قدامه، رفع وشها ليه وقال... سامعك. اتكلمي.. اقنعيني ان اللي شوفتها دي مش انتي. 

كانت مرام بتشهق،،هزت راسها وابتدت تحكي اللي حصل  

وتقول... ايهاب.. كان عاوز يرتبط بيا.. اتقدملي اكتر من مرة 

وكل مرة كنت برفضه.. ولما عرف ان انا وانتا هنتجوز.. الغيرة عمته وحاول ينتـ قم ويوقع بينا 

قال.. وبعدين 

كملت ودموعها بتنزل وقالت... هو قالي. قالي مش هسيبكم تتهنو مع بعض.. 

بقت تمسح دموعها وتقول... انا مهتمش لتهديدو. لاني كنت واثقة انه مش هيتجرأ ويعمل حاجة.. مكنتش اعرف ان الغل كان عاميه لدرجة انه كان بايع نفسه

و غمضت عيونها وابتدت تفتكر

فلاش بااك 

كانت نايمة في الشقة اللي متعودة تتجمع فيها هي وصحابها 

صحيت وهي حاسه بصداع، خرجت من الاوضة، كان الشغالة اللي بتنضف موجودة فطلبت مرام منها قهوة وقعدت علي الكنبة تتصفح تليفونها 

بعد دقايق اتقدمت عليها الشغالة ب كوب عصير 

: اتفضلي يا هانم 

بصتلها مرام وبعدين قالت بغضب... انا قولتلك تعملي قهوة ولا عصير؟ 

فقالت الشغالة بسرعة..... قهوة.حضرتك قولتي قهوة وانا دقيقة وهيكون قدامك احلي فنجان قهوة

كملت وقالت .. بس قولت اجبلك الاول عصير فريش مفيد ليكي 

وهي بتقدملها كوب العصير، قالت... بصي دا عصير جزر بالبرتقال بينشط وبيقوي المناعة وكمان بيقولو انه مضاد للرشح والزكام وغني بالفيتامين و

قاطعتها مرام وقالت بنفاذ صبر... بس بس.. انتي هتعملي فيها دكتورة.. هاتي ورحي يلا شوفي القهوة 

: حاضر 

قالتها الشغالة واتحركت للمطبخ اللي مفتوح علي الريسيبشن ووقفت تحضر القهوة وهي متابعاها بعينها 

كانت مرام فعلا ابتدت تدوق العصير 

وهي بتكلم صاحبتها علي الموبايل وهي بتقول.. يابنتي قولتلك مش هسهر. لا هروح بار ولا حتي هفضل في الشقة. انا راجعة البيت دلوقتي 

لتقول صاحبتها ... يعني خلاص يامرام اعتزلتي السهر

لتقول مرام... اه ياقلبي عقبالك 

فقالت صاحبتها... طب خلاص مدام مش عايزة تييجي البار. خليكي في الشقة واحنا هنجيلك. نسهر في الشقة بقا وامرنا لله

اتنهدت مرام وقالت... يابنتي بقولك انا مروحة البيت اصلا 

وهي بتمسك دماغها، قالت... حاسة اني تعبانة ومحتاجة انام.. انا حتي كنت مريحة هنا علي الكنبة في الاوضة وانا في ايدي الموبايل النوم غلبني نمت لي حبة.. هروح اكمل نوم في البيت 

لتقول صاحبتها بزعل... يعني مش هنشوفك. بقالك كتير مش بتتجمعي معانا 

لتقول مرام... معلش ياچسيكا اليومين دول انا مشغولة.. وايا كان انا بطلت اساسا اخرج بليل واسهر

كملت بهزار.... وبعدين ياستي مجتش عليا. اتبسطو من غيري. مش انا اللي هحيي السهرة يعني 

لتقول صاحبتها بضحك... دااا انتي الملكة.

بعدين قالت بجدية ووضح في صوتها الزعل... من غيرك القعدة متحلاش يامرام... مش عارفة ازاي هتسبينا كده.

كملت بغيظ... لا وهتتجوزي كمان وتسافري الصعيد اخر الدنيا 

قالت مرام بضحك.. معلش سنة الحياة 

وبعد ما قفلت مرام، مسكت كوباية العصير اللي عجبها جدا

وارتشفتها كلها 

وكانت طبعا الشغالة متابعاها بعنيها وبمجرد ما نزلت مرام الكوباية فاضية وقتها اتنهدت الشغالة براحة بالطبع ف مهمتها تمت بنجاح

بعدين قامت مرام وقفت وهي بتاخد شنطتها وبتتجه للباب 

فقربت عليها الشغالة بسرعة بالقهوة وهي بتقول.. علي فين يا انسة مرام.. عملتلك القهوة اهو 

فقالت مرام باستعجال... مش لازم 

ولسه هتخرج 

اتفاجات ب ايهاب بيدخل واللي اول ما شافها، قال.. دا اي الصدفة الجميلة دي 

ولكن مرام اتجاهلته وبتفتح في الباب اللي قفله عشان تخرج 

بس هو مسك ايدها وقال... ايه. هو اذا جاءت الشياطين ولا ايه.

بصلها بوقاحة وقال... ما تخليكي ماشية ليه. انتي حتي وحشاني 

شدت مرام ايدها منه بحدة وقالت.... انا كده كده كنت ماشية. وحتي لو مكنتش ماشية.. اكيد مش هتجمع معاك في مكان واحد حتي لو في تجمع.مابالك لو لوحدنا.. انت مجنون؟!! 

في اللحظة دي مرام بدات تحس ان دماغها راحت لحتة تانية. ومبقتش مركزة كويس، لكن كانت بتعاند نفسها 

وراحت تمشي بس فجأة فقدت التوازن وكانت هتقع

لحقها لما مسكها بإديه وهي بيقول.. علي مهلك 

بقت تبصله بتوهان. صاحية بس مش دريانة بحاجة

.. 

بااك 

قالت بدموع... محسيتش بحاجة بعدها غير في اخر الليل. ابتديت افوق. لقيت نفسي علي الكنبة ومفيش حد موجود في الشقة. حتي الشغالة 

كملت وقالت... الشغالة اللي من وقتها اختفت. معرفش هو هربها فين 

اتنهدت وقالت... حاولت اتذكر ايه اللي حصل.. بس مفتكرتش اي حاجة.. كل اللي كنت فاكراه اني كنت خارجة

من الشقة وقابلته . وفوقت لقيتني في الشقة لوحدي. كنت هتجنن. مش عارفة ايه اللي حصل.. بس مفاتش وقت كتير 

وصلني منه مسدج بالفيديو.. وبعدها جالي وهددني ان لو جوازي انا وانت تم هيبعتلك الفيديو... انا مخوفتش لاني كنت عارفة انه هو اللي هيخاف ومش معقول هيضحي بنفسه. كنت واثقة انه مجرد تهديد ومفرقش معايا تهديدو 

كملت بغل... بالعكس انا كنت بتوعدلو ادفعه تمن اللي عمله وما زلت، حتي بعد ما اكتشفت ان اللي بعتلك الفيديو. شيري 

وانه زي ما توقعت هو جبان.

شردت وهي بتتوعدلهم بغل.. بس وديني لاندمهم كلهم 

رجعت بصتله واتنهدت وكملت تحكي... وقت اللي حصل قبل اي حاجة كان كل اللي فارقلي اتطمن علي نفسي انا لسه فيرجن ولا لا.. روحت للدكتورة واتاكدت اني زي ماانا 

بصتله بدموع ومسكت ايده وقالت بصدق... مكنتش في وعيي اقسم بالله.. حتي حسام انا مش فاكرة انه كان موجود اصلا 

" وده بالفعل اللي حصل، مرام شربت العصير اللي جابتهولها الشغالة واللي خلاها حاسة بس مش واعية زي اللي بيكون سكران كده 

وقتها الشغالة خدت حسابها من ايهاب اللي كان متفق معاها تعمل ايه ونفذته زي ما امرها وبعدها بعتتله مسدج ان مرام موجودة في الشقة لو حدها وكل حاجة تمام. هو طبعا كان مستني الاشارة ف في دقايق كان وصل الشقة 

وهي اخدت حاجتها اللي كانت محضراها ومشيت.. بعدها وصل حسام اللي كان متفق معاه هو كمان يشاركه الليلة

وفي اللحظة اللي حسام دخل فيها، كان ايهاب اخد مرام اللي كانت في عالم تاني، اخدها علي الكنبة وابتدي يقلع قميصه ويقلعها الجاكيت اللي كانت لابساه 

وشاور لحسام اللي قرب لهم بعد ما ثبت الكاميرا 

عشان تصورهم

وبعدها انضم ليهم 

مغتصبو،، هاش طبعا كله كان تمثيل ويعتبر كلها كانت لمسات خارجية ولكن كان كل هدفهم انه يبان ان حصل علاقة بالفعل " 

مرام دموعها بتنزل وهي بتقول... اقسم بالله ما سلمت نفسي لحد بمزاجي  

كان بيبصلها وهو واضح انه مش داخل عليه كل اللي حكتو

بس هي قالت بسرعة وصدق... اقسم بالله مافاكرة ولا عملت حاجه بمزاجي. 

بقت تترجاه وتقوله.. صدقني يازين

هزت راسها وقالت بألم وخزي... اه كان واضح في الفيديو اني صاحية.. بس مكنتش واعية.. انا كنت حاسة بس مش واعية والله 

بصلها وبعدين قال بنبرة جامدة... وافرضي انهم خدروكي.

ده مش مبرر.. ايه اللي يخليكي تبقي في شقة بيبقي متواجد فيها شباب في اي وقت 

قالت بسرعة... دا. دا في الاول وبرضو انا كنت محافظة علي نفسي..صدقني من بعد ما ارتباطنا ووعدتك اني اتغيرت والله ما اتجمعت معاهم في مكان واي مكان كانو بيتواجدو فيه.كنت بسيبهم وامشي.زي ما حكتلك... يازين اقسم بالله انا كنت اتغيرت بجد. علشانك.. كل حياتي غيرتها. كل حاجة و

قاطعها وقال بهدوء مريب

: ليه مصارحتنيش باللي حصل قبل الفرح 

قالت... خوفت.. خوفت تيسبني.. وانا مكنتش هستحمل تسيبني يازين. لاني مكنتش بس حبيتك. انا كنت عشقتك.. بقت دموعها تنزل وتقول... كنت متأكدة اني لو صارحتك هتسيبني وده مكنتش هتستحمله ابدا

: فتفكري تستغفيليني 

قالها بنفس نبرته الجامدة اللي كلها توعد وشر.. بدون اي تأثر باللي قالته او بمشاعرها

هزت راسها بسرعة وقالت...والله ابدا..كل الحكاية اني خوفت اخسرك  .. انا مش ناسية يوم ما قولتلي انك بتحبني بس برضو مش هتتسامح في اي غلط

قال بغضب مكبوت... ومع ذالك فكرتي تستفغليني 

قالت بدموع.. والله ما كده.. فكرت اصارحك بس نبرتك وقتها لما قولتلي كده رعبتني. مقدرتش. خوفت

رفعت عيونها ليه وهي بتترجاه وتقول... انا عارفة اني غلطت لما خبيت عليك 

دموعها بقت تنزل اكتر وتقول بقهر والم وهي بتفتكر اللي عمله فيها طول الفترة اللي فاتت ... وبعدين انت عاقبتني اشد عقاب شهر كامل بتعاقب فيا يازين 

قام وقال بقسوة ... اللي عملته قليل اوي علي اللي المفروض كان يتعمل فيكي.. ومع ذالك كنت خلاص نويت اسيبك لحالك.. كنت راجع من المأمورية اطلقك يامرام.

ضغط علي ايده وهو بيتخيل نظرة الناس ليه بعد خبر القضية. بصلها بنظرة قا، تلة كلها توعد وقال .. ارجع اتفاجأ بأنك رافعة عليا قضية وتطعني في رجولتي. وتتعمدي تبعتيهالي في شغلي 

كانت واقفة قدامه ساكتة ف دلوقتي بس ادركت فداحت فعلتها

بصلها بشدة وميل عليها وقال... انتي عارفة. انتي عملتي. اييه.. مدركة 

رفع وشه وكمل بقسوة شديدة خلتها تبلع ريقها بخوف لما قال... اللي حصل الاول قوم وموضوع القضية ده قوم لان دا ليه عقاب تاني خالص. ادعي ربنا انك تستحمليه.. 

بقلم فريدة احمد 

.... 

في شركة مراد 

ليالي قاعدة شاردة مع بنتين زمايلها، بعد ما اصرت انها تنزل الشغل برغم ان مراد رافض، لكن محبش يزعلها او يقيد حريتها وبما انه كان ندمان علي تصرفه معاها ف كان حابب يعملها اللي هي عاوزاه ف معترضش وسابها تنزل 

زمايلها قاعدين بيتكلمو و يهزرو،، اما هي مكانتش  معاهم،، كانت شاردة في حياتها الجاية مع مراد،، حياتها معاه اللي اتفرضت عليها ولكن بمزاجها!! 

بصتلها واحدة منهم وقالت لما لقتها مش بتشاركهم في الكلام ... لي لي. مالك سرحانة في ايه 

انتبهت ليها ليالي وقالت. ابدا. مفيش 

وفي اللحظة دي جاتلها مسدج من مراد اللي جوا في مكتبه 

وكان محتوها "ادخلي، عايزك" 

بهدوء قامت من وسط زمايلها وهي بتقول... عن اذنكم

وخبطت ودخلت 

بصت البنت لصاحبتها التانية وقالت... مش واخدة بالك ان ليالي بقت بتدخل كتير عند مراد بيه في مكتبه 

فقالت الاخري ... اكيد شغل يابنتي ما هي بتشتغل معانا وهي السكرتيرة الخاصة ف طبيعي تدخل عنده

ردت عليها وقالت بشك...لا حاسة ان بينهم حاجة

ردت الاخري وهي بتحاول تركز في شغلها... ملناش دعوة. ركزي في شغلك 

.

اما ليالي بمجرد ما دخلت عند مراد اللي كان قاعد علي حرف المكتب بيدخن سيجاره. شاورلها بإيده بمعني تقرب 

قربت بتردد وبمجرد ما وقفت قدامه جذبها من وسطها بإيد واحدة بعد ما حاوطها وقربها ليه اكتر،، بص لملامحها اللي بتسحرو بعد ما اخد نفس من السيجارة اللي ما سكها بإيده التانية.. وقال... وحشتيني 

كانت ساكته وهو ميل بتمهل علي شفايفها وبخبرته بدأ يبو، سها بهدوء 

لدرجة غمضت عيونها اثر لمساته بس في لحظة و قبل ما تستسلم ليه افتكرت اللي عملو فيها. فزقته بإديها الاتنين وبعدت عنه وقالت بغضب.. انا قولتلك مش هسبيلك نفسي يامراد انسي. انسي انك تلمسني تاني مش هسمحلك. فاهم 

مسح علي وشه وقال بغضب مكبوت... يخربيت فصلانك 

قرب ليها وقال... يابت. انا مش وعدتك هعملك اللي انتي عايزاه. وكل الناس هتعرف بجوازي منك.

بصت لعنيه وقالت بقوة... ولحد ما ده يحصل.. انسي انك تلمسني 

بعدين قالت بسخرية... وبعدين فين وعدك ليا. انت قولتلي انك هتعرفني علي اهلك. محصلش يعني. عرفت ان وعودك كدابه. بس اقسم بالله يامراد لو طلعت بـ.. 

قاطعها وقال بسرعة... شش.. شايفاني عيل صغير مش قد كلمتي 

كمل وقال... وبعدين انا لو مش عايز اعمل كده مش هقولك ولا هوعدك بحاجة هو انا هخاف منك يابت ولا ايه.

بعدن قال.. كل الحكاية ان صحيت الصبح عرفت ان في مشاكل في البيت.اكيد مش هاجي في التوقيت ده واقولهم باركولي اتجوزت 

قالت ببرود.. تمام انا في بيت امي لحد ما مشاكلكم تتحل 

ولسه هتمشي 

مسكها من دراعها بغضب وقال... متختبريش صبىري.. مش عشان اتساهلت معاكي. هتفكري نفسك تقدري تتحديني 

رجع لطبيعته وقال بنبرته المعتادة... اسمعي وافهمي اني اقدر اخدك غصب وما علنش جوازي منك .. يعني انا لو مش عايز اعمل كده انتي ولا تفرقيلي. انتي معايا بفلوسي ولا نسيتي

كانت بتبصله بقهر واتجمعت الدموع في عينيها وبقت متيقنة انها رمت نفسها في حضن شيطان 

بس هو لما حس بيها علطول قال ... بس انا مش حابب ازعلك  لولاش قلبي الطيب و

قاطعته لما مسحت دموعها وقالت بسخرية... حوش الطيبة اللي بدلدق منك 

ابتسم ببرود وقال..شوفتي 

 وهي بصتله بغضب وخرجت

بقلم فريدة احمد 

... 

في السرايا 

سميحة قاعدة بتشرب القهوة بتاعتها وهي دماغها مشغولة باللي حصل

فجاة انتبهت ل زين اللي نازل وبتجه للباب ناوي الخروج 

بس هي لحقته لما قامت قربت عليه وقالت... استني ياولدي 

وقف مكانه وهي وقفت قدامه تطلع فيه وبعدين قالت... هتعمل ايه مع مرتك.. اوعاك تطلقها ياولدي 

وبغل... خليها علي ذمتك وربيها براحتك 

بعدين قالت.. انا عارفة انك دخلت عليها امبارح 

كملت باستفهام فهي لحد الان معندهاش علم باللي حصل ليلة دخلتهم.فقالت بفضول ... ايه اللي حصل يازين.

وبشك...مكانتش بت بنوت.صوح 

بس هو قال بحدة...ياما.قولتك من ساعتها انها شىريفة..واديكي لسه قايلة اني دخلت عليها..منين دخلت عليها ومنين مكنتش بنت بنوت 

اتنهدت وقالت بسخرية...هتغلب اياك..دي اكيد كانت عاملة العملية اياها.اللي بيعملوها دي وبترجع البت كيف ماكانت 

: امااااا

قالها بحدة و زعيق بعد ما نفذ صبره وقال بتحذير... اخر مرة تتكلمي في عرضها تاني.. مرام شريفة. واللي حصل مشاكل ما بينا. مش لازم حد يعرفها 

وخرج بغضب 

وبقت هي واقفة تبص علي اثره بهدوء

...... 

مساءا 

: هو انتا موديني علي فين

قالتها ليالي بتساؤل لمراد وهما في العربية

ليقول مراد.... مش كنتي عاوزاني اعرفلك علي عيلتي. اديني موديكي

قالت بتعجب... مش انت قولت الوضع عندكم حاليا مش احسن حاجة

رد عليها وقال .... ما انا لما فكرت لقيت ان الصدمات اللي بتنزل علي البني ادمين مرة واحدة احسن من اللي علي مراحل 

....... 

في السرايا كانو اهل مرام وصلو وبمجرد ما مرام سمعت صوتهم برغم تعبها والالم اللي كانت حاسة بيه نزلت تجري بلهفة واترمت في حضن مامتها اللي بقت بتطمن عليها 

وتقولها... انتي كويسة يامرام 

هزت مرام راسها وقالت.. كويسة يامامي 

وقربت علي باباها اللي كانت عارفة انه مش راضي عن اللي عملته وقالت بااسف... اسفة يابابي 

وبرغم انه كان غضبان منها الا انه كأي اب مش هيفرط في بنته مهما كانت افعالها فقال... يلا يا بنتي عشان تيجي معانا 

مكانتش مرام عندها استعداد تفضل في البيت ده دقيقة واحدة.او مع زين عموما. بعد كل اللي حصل. فهي ما صدقت اهلها جم عشان ترجع معاهم 

ولكن فجاة عينها جات في عين سهي وسميحة شافت في عنيهم الشماته والفرح 

وفي نفس اللحظة زين دخل قرب عليهم وقال بعد ماسمع ابوها ... تيجي معاكم فين يا سيادة اللواء 

بصله ابوها وقال بغلظة... بنتي هترجع معايا وانت الافضل ليك تطلقها بهدوء

بس زين حط ايده علي كتف مرام وضمها ليه وقال.. انا ومراتي اتصالحنا 

كلهم اتفأجو

وزين بص لمرام وقال.... مش كده ياحبيبي 

اتفاجأت مرام من تصرفه وفي نفس الوقت كانت نظرات الشماته اللي شافتهم في عين سميحة وسهي خلوها تلقائي هزت راسها بدون تفكير وقالت... ايوه يابابي. احنا اتصالحنا

في نفس اللحظة دخل مراد ومعاه ليالي واللي بمجرد ما الحاج همام عينه جات عليها همس في سره.. وفاء 

بقي يغمض عينه ويفتحها وهو بيتاكد من اللي شايفها قدامه

قرب علي مراد ببطئ وبقي يبصلها وهو بيشبه عليها 

بعدين بص لمراد وهو بيشاور عليها ويقول.. مين دي ياولدي 

يتبع......