رواية زواج علي ورق روح الفصل الثالث 3 بقلم اميرة حسن
رواية زواج علي ورق روح الفصل الثالث 3 هى رواية من كتابة اميرة حسن رواية زواج علي ورق روح الفصل الثالث 3 صدر لاول مرة على موقع التواصل الاجتماعى فيسبوك رواية زواج علي ورق روح الفصل الثالث 3 حقق تفاعل كبير على الفيسبوك لذلك سنعرض لكم رواية زواج علي ورق روح الفصل الثالث 3
رواية زواج علي ورق روح الفصل الثالث 3
قابضين على دكتور بيعمل عمليات إجهاض غير قانونى للبنات .
اول حاجه خطرت فى بالى انها اجهض نفسها ونزلت الطفل لما فكرت انى مشيت وسبتها وقتها ضميرى كان بيعذبنى بشكل كبييير ومبقتش عارف اتصرف ازاى ...فاسندت على الحيطه وغمضت عينى وانا باخد نفس عميق بحاول أهدى ....ومستنيها تطلع من عند النقيب وانا مش قادر اتلم على اعصابى ....لحد واخيرا طلعت والدموع على خدها بتبصلى ببرأه مع انى كنت ببصلها بخنقه ولقيت الظابط بيسحبها لبرة فاسألته: واخدنها على فين؟
رد عليا: هتروح على السجن لمدة 24 ساعه لحد ما تتعرض على النيابه.
اتصدمت فالقتها بتبصلى بعياط وتقول: ماتسيبنيش ...لو سمحت خليك معايااا...
هزيت راسى بطمنها وقولت: انا جاى وراكى متقلقيش.
نظراتها ليا كإنها بتستنجد بيا فاطلعت وراهم وانا بحاول افكر فى حل .....
وبعد ما وصلنا للسجن استأذنت الظابط اتكلم معاها....
وقفت قدامها وكان فاصل بينا حديد السجن وكأن ماصدقت عرفت اتكلم معاها عشان اقول اللى فى قلبى فا هبيت فيها وقولت بعصبية: عملتى كدة ليه ياغبيه ...ومين قالك انى همشى واسيبك ..وليه تصرفاتك دايما مستهترة كدة ...هو انا كل ماحاول احلها بتعقديها لييييه.؟!
ردت عليا بخوف وعياط: بس انا مليش ذنب والله اصلا من البدايه وانا قيلالك انى مش عايزة انزله.
رديت بعصبية: وايه اللى جد ؟ عشان مشيت فقدتى الامل وقتلتى ابنك ببرود.
هزت راسها بعياط وقالت: لا.... مقتلتهوش ....الحمد لله منزلش... والظباط دخلو على اخر لحظه .
فضلت ابصلها بعمق وحسيت نفسى هديت لما عرفت أن الطفل بخير وقولتلها بجديه: انتى عارفه ممكن تتسجنى قد ايه بسبب العمله بتاعتك دى...
عيطت اكتر وقالت: انا خايفه اوى والله ... ومكنتش عايزة كل دة يحصل .
اخدت نفس عميق ونفخته بقوة وانا بحاول افكر فى حل فاسألتها : امال ابوكى فين ؟ حتى مراته ملاقتهاش ولا حد من أهلك موجود ...ملكيش اخ ولا اخت ...عم...أو خال اى حد يكون معاكى.
بصتلى بدموع وكسرة وهى بتقول: مليش حد ....خليك معايا عشان خاطر ربنا.
فضلت باصصلها شويه ومركز فى الحزن اللى فى عينيها فالقتنى بقولها: خلاص أهدى... وفهمينى انتى قولتى ايه للنقيب جوة؟
بلعت ريقها ومسحت دموعها واتكلمت: قولتله ان جوزى مش عايز اطفال دلوقتى فاسألنى على قسيمه الجواز وعشان هى مش معايا فاعتبرنى كدابه وحطنى هنا.
اتنرفزت وقولت: يعنى جوزك السبب ...اللى يعتبر انا يعنى ...بجد مش عارف انتى طلعتيلى منين ...
ردت عليا بهدوء: ليه انت السبب...؟ هو احنا متجوزين؟ اصلا انا فكرتك مشيت .
قولت بضيق وسخريه: والله ....استغفر الله العظيم ....استغفر الله العظيم يارب.
فضلت تبصلى ببرأه فاقولت بضيق: طب انا المفروض اجيب قسيمه جواز منين دلوقتى ؟
قالت ببرأه: خلينا نمضى على الورقه العرفى دلوقتى وخلاص.
نفخت بقوة وقولت : هاتى ام الورقه اللى محيراكى دى عشان ارميها فى اقرب زباله .
قالتلى : انا بحاول احل معاك.
قولتلها: كدة بتعقديها ...
وسبتها وطلعت للظابط وسألته: هو انا ينفع ادفعلها كفاله؟
رد عليا بجديه: هى هتتعرض على دكتوره نسا بكرة ولو أكدت أن الطفل لسه عايش هتطلع من السجن بس هتمضى على إقرار عدم تعرض ودة لو حصل هتبقى عقوبته سنتين .
حرفيا ارتحت بسبب الخبر دة فاسألته: طب ينفع افضل معاها؟
رد بسخريه: هى لوكندا ياستاذ
بصتله بضيق وسكت ومريم كانت واقفه وسامعه اللى حصل فابصتلى بأمتنان فاقولتلها: متقلقيش انا هفضل برة لحد بكرة.
هزت راسها بنعم وهى بتمسح دموعها .....
طلعت برة واتصلت بجدتى واضطريت انى اكدب عليها عشان متقلقش ....وفضلت قاعد فى المسجد لحد تانى يوم ومقدرتش انام من التفكير ...
وتانى يوم وبعد إجراءات كتير طلعت مريم من الحبس وحرفيا كانت ماشيه معايا جسد بلا روح لحد ركبنا عربيتى وهنا سألتنى : هنروح فين؟
رديت بأختصار: هنطلع على المأذون .
بصتلى بتفاجئ فاسألتها بجديه: بطاقتك معاكى؟
هزت راسها بنعم ولقيت عينيها رغرغت بالدموع وبتبص على الطريق بسرحان وانا التزمت الصمت لحد ما وصلنا عند المأذون وهناك فهمته وضعنا فالقيته تفهم الموضوع وكان فيه هناك شيخ تانى شهد على عقد الجواز لحد مالمأذون نهى كلامه بالجمله الشهيرة( بارك الله لكما وبارك عليكما وجمع بينكما فى خير)
وهنا بصيت لمريم لقتها بتبصلى بدموع وحزن وبجد مش قادر استوعب انها بقت مراتى فى يوم وليله .
كنا راكبين العربيه فى صمت لحد ما لقتها بتبصلى وتقولى بدموع: هو انت قولت ايه للشيخ عننا ؟
بصتلها بطرف عينى وقولت: عرفته ان احنا عايزين نتجوز وملناش حد...
ردت عليا باستغراب: بالسهوله دى !! وهو معقول صدق أن احنا ملناش حد بجد؟
رديت بسخريه: اكيد لأ احنا مش مقطوعين من شجرة يعنى...
فاسألتنى بفضول: امال ايه؟
رديت عليها بجديه: قولتله ان احنا غلطنا وجايين نصلح غلطتنا.
سكتت شويه وهى بتتأملنى بدموع وسألتنى: ليه كذبت عليه؟
رديت بأستغراب: كنتى عيزانى اقول ايه!
ردت بدموع : كان ممكن تقول الحقيقه ليه تشوه صورتك انت كمان قدامه.... كان ممكن تقوله أن انا بس اللى غلطت وانك انجبرت تقف جمبى وتساعدنى ..
رديت بجديه: مش هستفاد حاجه لو قولت الحقيقه بالذات انك بنت ومش سهل عليا اتكلم فى شرفك عشان عندى بنت زيك.
كنت سامع صوت شهقات عياطها فاحسيت أن واجب عليا أهديها فاقولت بهدوء كأنى بكلم حد من عيالى: وعلى فكرة مسمهاش (تشويه صورة)... البنى ادم وارد أنه يغلط احنا مش ملايكه وانتى صورتك مش متشوهه ولا حاجه بالعكس انتى ربنا خلق جواكى روح يعنى بقيتى ام ...والام مكانتها كبيرة اوى عند ربنا فاخليكى قد المسؤوليه دى وحافظى عليه .
لقتها مسحت دموعها وكانت بتسمعلى بأهتمام وقالتلى: صدقنى انا مكنتش عايزة اى حاجه من دى تحصل انا ....
قاطعتها وقولت: احتمال يبقى غصب عنك و....
قاطعتنى وقالت بعياط: هو غصب عنى فعلا والله انا....
سكتت لما لقتنى ركنت العربيه ولقتها بتبص على الشارع والبيت ببرأه فسألتنى: وقفت ليه؟!
رديت بجديه: وصلنا...
لقتها خافت وسألتنى: وصلنا فين؟
رديت: جينا على بيتى...
بربشت بعيونها بتوتر وقالت بلجلجه: اناااا...اااا... كنت... عايزة افهم بس...يعنى....احناااا...هيبقى وضعنا عامل ازاى؟...عشان انا حامل ومينفعش ااااا....
فضلت ابصلها بتركيز وفهمت هى عايزة تقول ايه فاتكلمت بهدوء: عايزك تطمنى يامريم... واتأكدى انا وانتى متجوزين على الورق وبس... ولحد ماتولدى ابنك لو حبيتى تطلقى انا مش همانع وهفضل واقف معاكى لحد ماتقفى على رجليكى .
لقيت تعابير وشها اتغيرت حتى أنها ابتسمت بإمتنان وقالت بدموع: والله مش لاقيه كلام أقوله انت اللى زيك خلصو من زمان وبجد مش عارفه اردلك الجميل دة ازاى.
فكرت لثوانى قولتلها: ولو قولتلك ترديه ازاى هتوافقى؟
قالت بدموع: انا مستعدة ابقى خدامه ليك طول العمر والله.
رديت بجديه: بس انا عايزك تبقى مُربيه لعيالى .
ردت بسرعه: والله اخدمهم بعنيا وثقتك فيا دى حاجه كبيرة بالنسبالي.
نفخت بضيق ورديت: بس انا مش هسلمك عيالى عشان واثق فيكى انا لسه معرفكيش ...
استغربت وقالتلى بكسرة: حقك برضه بس انا...يعنى انا مبقتش فاهمه انت عايز ايه بالظبط؟!
رديت وانا باصللها بتركيز: هدخلك بيتى على أساس انك مربيه لعيالى وبس ....مش على انك مراتى ...انا وانتى بس اللى نعرف أن احنا متجوزين لكن قدام الناس انتى المُربيه الجديدة ....موافقه؟
.......
يتبع...
للانضمام لقناة الواتساب اضغط هنا