انتي متخلفة أنا ناقص بلاوي ياستي امشي من قدام ام العربية.. 

جميلة فتحت عيونها وقلبها كان بينبض جامد هي كانت خلاص على وشك الموت بس ربنا سترها معاها والسواق وقف في أخر لحظة.. 

- في ايه انتي هتفضلي واقفة كدا كتير عاوز أمشي.. 

انتبهت جميلة وبصتله بعصبية: 

- صدق بالله أنت راجل معندك دم واصل علشان أنا كنت هموت بسببك وحضرتك جاي تزعقلي.. 

اتعصب ونزل من العربية: 

- أنا معنديش دم أنا هعرفك مين اللي معندهوش دم.. 

وخدها غصب عنها ورماها جوه العربية ومشي، وفي الحظة دي جم البنات وشافوا الشخص وهو بياخد جميلة غصب عنها فخدوا حاجتها معاهم وحصلوه... 

.... بعد فترة..... 

- سيبني بقولك انت ازاي تمسك ايدي كده يا حيوان.. 

بس اتفجأت انه جايبها القسم اترعبت.. 

- انت جايبني فين أنت اللي غلطان مش أنا أنا مسمحاك بس سيبني امشي يا عم.. 

بصلها وهو شاددها جامد: 

- اخرسي أنا هعرفك مين اللي حيوان.. 

ودخل مكتب الظابط ورماها جامد على الأرض هي من الوقعة معرفتش بتقول أيه: 

- أه يا حيوان مش كدا كنت هتخبط راسي.. 

سمعت شخص بيضحك وهو بيقول: 

- والله عشت وشوفت سامر باشا يتقاله حيوان.. 

- اخرس يا حيوان البنت دي.. 

وشاور سامر على جميلة.. 

- عاوزها تعفن في السجن ومتشوفش النور لغاية لم تجيلي وتبوس رجلي اخرجها.. 

جميلة بصت على الظابط ورجعت تبص لسامر وهي رافعة حاجبها: 

- بقى علشان حضرتك كنت هتخبطني وانا بقولك انت اللي غلطان تعمل فيا كده بس شكلك عيل كلام على الفاضي.. 

قام سامر وهو متعصب وجميلة من الخوف جرت على الظابط ومحستش بنفسها وهي بتتكلم صعيدي جامد رغم هي كانت مقرره متتكلمش صعيدي هنا بالذات.. 

- وه وه وه بتمد يدك على حرمة أياك كيف تعمل كده فاكر نفسك راجل بعمايلك دي.. 

سيف بس عليها بصدمة وسامر كمان كان مصدوم من  لهجتها وعرف هي اساسها صعيدي وهما كمان اساسهم صايدة اتكلم سيف وقال.. 

- لاء متقلقيش معندناش رجالة يمدوا يدهم على حرمة بس انتي خرجتية عن شعوره علشان كده كان متعصب وانتي تعرفي الصعيدي دمه حامي وميقدرش يستحمل حرمة تهينة.. 

اتكسفت جميلة لم سمعت الظابط بيتكلم بلهجتها: 

- بس هو جابني غصب عني وانا مكنتش حابه الموضوع يكبر بس هو اللي طول لسانه من الأول.. 

- حصل خير خلاص المهم اعرفك الرائد سامر اللي حضرتك شتمتيه وفي نفس الوقت اخويا .. 

بصتله جميلة بصدمة وقالت في سرها: 

- رائد يا جميلة يا وقعتك المهببة يا بنت كامل.. 

سمعها سامر وكتم ضحكته بس قال: 

- اه رائد ها ي على اني حيوان والا هترجعي في كلامك.. 

- مين اللي حيوان ده دأنا كنت بشتم نفسي والله مقدرش اشتمك دانت الأساس والباقي كله شنط في كياس يا باشا.. 

سيف ضحك على اخره وسامر كان مصدوم من تصرفها مكنش باين عليها بنت اجتماعية كدا كان باين انها انطوائية ولاحظ ده من خبرته في شغله بس خالفت توقعاته باسلوبها.. 

- على العموم حصل خير أنا كمان اتعصبت عليكي برضوا.. 

قالت جميلة بزوق: 

- وانا كمان مخدش بالي من اسلوبي بس انا كنت هموت وحضرتك بتشتمني كمان مقدرتش استحمل.. 

سامر اتكلم: 

- طب تعالي اوصلك لمكانك علشان حاجتك سبتيها وجيتي.. 

افتكرت جميلة وكانت لسه هتخرج وشافت اللي صدمها...! 

في بيت عم جميلة كان قاعد ومراته قاعدة جنبه: 

- يعني وافقت ان ابنك يهرب علشان بنت هنية ترتاح اديها راحت تكمل علامها وابني يا حبة عيني طفشان بسببها.. 

- يولية اتقي الله ابنك خلى سمعت بنت اخويا في الأرض عمري محسامحه أبداً ولو رجع هخليه يطلقها واجوزها سيد سيده.. 

في سرها: 

- عمري مهخليكي تتهني يابنت هنية زي امك مخلتنيش تتهنى.. 

... في بيت اهل جميلة؛... 

كانت مرات ابوا جميلة قاعدة هي وبنتها اميرة.. 

- انا محروق قلبي ياما بقى جميلة تكمل علامها وانا لاء.. 

- استني انتي اما خليتها تبوس على رجلي مبقاش أنا سميرة بنت البشوات.. 

... عند جميلة.... 

اتفجأت بدخول صحابها بتوع الجامعة ومعاهم شنطتها.. 

- سهي وشروق اخباركم ايه.. 

حضنوا جميلة وهما فرحانين : 

- قلب سهى انتي اخبارك ايه. 

- الحمد لله والله وانتي يا شروق اخبارك ايه.. 

شروق بهزار: 

- احلا خبر مني ليكي انا بخير.. 

سهى ضربتها على دماغها: 

- ياريت تعقلي نفسي اعرف وصلتي كلية طب إزاي بعقلك ده.. 

الكل ضحك فجأة شروق شافت شابين واقفين وهما في القسم. 

- اه صحيح يا سارة مين الشاب ده وليه جابك هنا احنا تابعناكي وجينا وراكي لم لقناه بيشدك جامد على العربية.. 

ضحكت يلة وهي بتشاور على سامر: 

- اعرفكم ده دكتور سامر واللي جنبه دكتور سيف وهما الأتنين ظباط. 

سهى مدت اديها تسلم عليهم اما شروق قالت بهزار: 

- يعني أول يوم ليكي هنا تتعرفي على ظباط ايه الجمال ده يا بت يا جميلة.. 

جميلة ضحكت وهي بتزق صحابها علشان تخرج وهي بتقول.. 

- شكلك مش هتجبيها لبر يا شروق بينا نخرج بسرعة من من هنا... 

... في مكان تاني...... 

كان ماسك التليفون وبيكلم حد وبيقول: 

- اخوك عمل مصيبة يابني انا مش عارف هواجه عمك إزاي.. 

:....... 

-عارف انك قاطع صلتك بينا من سنين بس علشان خاطري دور على اخوك علشان اخوي مستحلفله وبنته بقت سيرتها على كل لسان البنت هربنت من البلد وراحت تكمل علامها علشان كلام الناس.. 

:.......... 

- حاضر هبعتلك كل المعلومات عنها وصورتها كمان وابعتلك رقم تليفون أخوك جايز تلاقيه.. 

وقفل الخط..... 

تاني يوم جميلة كانت بتجهز نفسها علشان تنزل الجامعة هي في سنة اولى كلية طب نزلت هي وسهى وشروق الجامعة وكانت داخلة الجامعة بكل هيبة رغم اللي حصلها بس جميلة فعلاً صدق من سماها، كانت لابسة البنطلون الجنز والجاكيت البينك والشنطة السودة ولابسة طرحة والنظارة كانها ملكة جمال... 

شاب كان واقف: 

- اوبا شوفت يا معلم البنت الجديدة.. 

نزل النظارة وهو بيبص على صاحبه اللي واقف جنبه

 - هتكون عاملة ازاي يعني.. 

بص على البنت اللي زياد صاحبه بيشاورله عليها واتفاجأ هي فعلاً اقل ما يقال عنها جميلة.. 

زياد بهزار: 

- ايه يا صالح مش كنت بتقولي اخرس من شوية ايه القط كل لسانك.. 

- يابني اسكت شوية مش عارف اركز.. 

- تركز ايه بس بأم السلعوة اللي انت بتحبها دي البنت دي جنب شوشو بتاعتك ملكت جمال.. 

-صالح بخنقة: 

- يوه بتفكرني ليه طيب دأنا مصدقت نسيتها كل يوم بترن عليا من ساعة مقولتلها على حوار اهلي.. 

زياد بخنقة: 

- لسة برضو مش قابل بنت عمك دي مراتك وانت رميتها وسبتها.. 

- يوه متقفل ام السيرة دي قولتلك مش متنيل متجوز انا خلاص بمشي في اجرأت الطلاق.. 

- طب ايه مش ناوي تذاكر علشان منظرك بقى وحش انت لسة في كلية الطب وبعيد السنة بـ اتنين اهلنا مفكرينا متخرجين من سنين.. 

صالح بخنقة: 

- مانا ناوي اذاكر السنادي علشان اتخرج بقى واخلص  من زن امي اللي مش بيخلص،  المهم متيجي نزور اولى كده ونشوف الأحوال هناك.. 

وغمز لصاحبه زياد ضحك وهو بيقول: 

- عمرك مهتتغير يا صاحبي طول عمرك دماغك سم.....