كانت جميلة قاعدة جنب صحابها وفجأة جه عليها شابين شكلهم مش في سنة أولى خالص.. 

- ها مش تعرفونا بالقمر.. 

سهى بعصبية: 

- لم نفسك يا زياد وخد صاحبك الصايع ده وامشي من هنا احنا مش بتوع مشاكل وكمان انتوا سنة رابعة ازاي جاين هنا مش فاهمه والله. 

صالح اتحرك بأتجاه جميلة وبيمدلها ايده وبيقول: 

- اسمي صالح والجميل اسمه ايه. 

وغمزلها جميلة اول مسمعت اسم صالح اتنرفزت وهي كرهت الأسم لأنه بيفكرها بأسم جوزها قالتله.. 

- أنا مش بتعرف على حد واصل ومش هيجي على آخر الزمن اتعرف على واحد صايع شبهك أنا ميشرفنيش أكون صاحبت حد زيك وياريت تبعد عني وعن طريقي وتسيبني في حالي  .. 

زياد بص لصالح وهو بيقول: 

- اوباا لاء البنت جامدة مش هقدر اتكلم هسيبلك أنت الطالعة دي.. 

شروق بعصبية: 

- والا بقولك ايه مش أنت اصلا فاشل ومعروف في الجامعة كلها انك فاشل وبتسقط ومش عارفه والله ازاي البنات بيعجبوا بيكم انتوا الاتنين على العموم انا وجميلة وسهى مش بنتعرف على حد أحنا صحاب وكافين نفسنا... 

زياد بغمزة: 

- طب متخليني ابقى رابعكم وابعدك عن العالم كله.. 

شروق بعصبية: 

- صدق انت عيل غتت وانا ميشرفنيش اتعرف على واحد زيك.. 

والتاني كان واقف بيبص على جميلة وبيقول في سره: 

- هو انا ازاي البنت قلت مني ومش قادر اكلمها وكمان اسمها على اسم مراتي بس شهادة حق دي احسن من مراتي اكيد مراتي مين الجاهلة دي، حد يسيب الفرس ويروح للمامة بتاعتهم.. 

جميلة بنرفزة: 

- ايه بتبصلي كده ليه.. 

- ها لاء مفيش.... 

وشد ذياد وخرج وسهى وشروق كانوا بيبصوا لأثر صالح وزياد وبيقولوا: 

- مش هيسبونا دول ناس شر وأحنا مش قدهم.. 

جميلة بهدوء: 

- القادر عليهم ربنا وانا واثقة في ده أما بقى بالنسبة لو هددونا لازم نكون مستعدين زين لغدرهم أنا مش أي حد أنا جميلة اللي محدش يقدر يكلمني واصل .. 

عند خال جميلة كان قاعد في الصاله وفجأة رن عليه ابو جميلة.. 

- الو اهلا يا كامل ياخوي.. 

-كيفك يا خوي كنت بسأل على جميلة اخبارها ايه عاد. 

مؤمن بتوتر: 

- الحمد لله بس جميلة مش أهنيه هي مقلتلكش والا أيه ياخوي.. 

كامل بصدمة: 

- ايه اللي حوصل وترتني عاد قلبي اتوغوش على بتي.. 

مؤمن: 

-- لاء متقلقش يا خوي بس.. 

وكان لسه هيقوله بس التليفون اتشد من اديه.. 

ريهام بكذب: 

- اهلاً بيك ياخويا اخبارك واخبار مرتك  ايه.. 

كامل: 

-الحمد لله يا خيتي بخير والله بس كنت بسأل عن جميلة بنتي اصل جوزك خوفني عليها.. 

ريهام بخبث: 

- والله ياخوي أنت طلعت من هنا وبنتك خدت شنطتها وخرجت وراك ومنعرفش مكانها خالص فكرناها رجعتلك تاني.. 

كامل بصدمة: 

- ايه اللي عتقوليه ده يا مرت أخوي بنتي هتكون فين دلوك.. 

ريهام: 

- مش عارفه والله جايز رايحة تقابل حبيبها أو هربت منك ومصدقت جوزها سابها.. 

قفل التليفون وهو قاعد مع مراته وبنته أميرة مراته اتكلمت بخبث: 

- جرى أيه يا كامل ايه اللي لخبط وشك كده. 

كامل حكالها كل حاجه سميرة بخبث وهي بتقول: 

- مش قلتلك لو سبناها تكمل علام هتتمرد أكتر ماهي متمردة وهتبقى واعرة قوي ومش هيقدر عليها حدى واصل.. 

كامل بغضب: 

- وأنا السبب في وجودها في العالم وهكون السبب في نهايتها من الدنيا كلياتها... 

وسابهم وخرج.. 

عند جميلة كانت قاعدة في الجامعة مع صحابها.. 

سهى بهزار: 

- جميلة ايه الجمال ده انتي خليتي الدكتور يعترف انك شاطرة جداً كنتي مخبية ده كلوا فين.. 

جميلة بضحك: 

- وه وه ايه اللي عتقوليه ده راشقة عينك في حياتي ياسهى ملازم تبوظ على الأخر.. 

شروق: 

- المهم يا جميلة احكيلنا ايه اللي حصل في حياتك وازاي ابوكي وافق تكملي تعليمك هو كان رافض المبداء.. 

جميلة حست بحزن وهي بتحكيلهم كل حاجة حصلت معاها من أول جوازها لغاية سبب مجيأها  القاهرة.. 

شروق بحزن: 

- ليه يعمل كده فيكي هو معندهوش دم ونخوة وقولنا ماشي أنما الظاهر حتى الرجولة مش عنده إزاي يعمل كده فيكي ويسيبك في أهم يوم في حياتك كلها.. 

سهى بكره: 

- رجالة أخر زمن حتى شرف بنت عمهم مش بيحافظوا عليه.. 

جميلة بحزن ظاهر: 

- القوة اللي جواتي انعدمت معتش قادرة اتحمل ضغط واصل وحمل الأيام زاد في قلبي كنت بتمنى حياتي تتغير بشخص يصوني ويقدر القرابة اللي بيناتنا بس الظاهر حتى أحلامي كانت مستحيلة... 

..... عند سامر كان قاعد وهو بيشوف صورة مرات اخو اللي صدمته وهو بيقول: 

-إزاي ده يحصل بقى جميلة بنت عمي وحصل فيها كل ده.. 

سيف باستغراب: 

- جميلة مين اللي بنت عمك يا سامر.. 

استوووب ياترى ايه اللي حصل وهل جميلة بنت عمه فعلا والا ده كلام وجميلة هتعمل ايه مع ابوها اتفعلوا بسرعة علشان انزل البارت الجديد...