عبد الجليل: 

- انتي معدش فيكي عقل واصل الكره ملا قلبك وعقلك بدعيلك يا بنت عمي أن روحك تطيب من الحقد اللي جواكي... 

وسابها وطلع فوق وحفيظة بتقول في سرها: 

- أنت أول واحد هتنحرق من ناري لو فضلت تفكر بالماضي ياولد عمي... 

...... عند كامل....

كان جاي في الطريق هو وجميلة وسامر كان سايق عربيته ومروحهم.. 

كامل بجب: 

- أنا هجمع جمع شمل بيت اخوي ومهسبهوش متفكك كده.. 

سامر بغضب: 

- بيت اخوك اتهدم من سنين ياعمي من ساعت مساب امي لوحدها علشان مراته وابنه.. 

كامل بحزن: 

- كل أنسان خطاء ياولدي واحنا ولاد النهاردة لازم نفكر بالمستقبل قبل الحاضر ياولدي.. 

سامر سرح في تفكيره وجميلة كانت بتخطف نظر لسامر كل فترة هي حاسة أنها طايرة من الفرحة بوجودة معاها... 

بعد ساعات وصلوا على بيت كامل واستقبلتهم اميرة وسميرة:.

-اهلاً باللي هربت وسابت بيت خالها.. 

كامل بعصبية: 

- ايه اللي عتقوليه ده يا مرة الحديت ده مسمعهوش تاني واصل بنتي مهربتش والا عملت حاجة عفشة تتكسف منيها واصل..

اميرة بخبث: 

- امي كانت خايفة على اختي يابوي بس علشان كده بس متزعلش منها يابوي.. 

جميلة بحزن وهي عارفه عمايل اختها ومرات ابوها: 

- كيف يا عمة وانتي يا أميرك كيفك اتوحشتك قوي اليومين اللي فاتوا.. 

اميرة: 

- وانتي كمان اتوحشتيني قوي يا خيتي .. 

فجأة شافوا سامر جاي وراهم اميرة بصت على سامر باستغراب وهي بتقول: 

- وه مين ده يابوي تعرفه.. 

كامل : 

- ده ولد أخوي عبد الجليل.. 

سميرة بصدمة: 

- ولد اخوك كيف مجانين اياك لنصدق كلامك.. 

كامل: 

- ادخلوا وانا هقولكم على كل حاجه ادخل ياولدي بيتك ومترحك.. 

دخل سامر وجميلة كمان وأميرة كانت بتبص عليه ومعجبه بيه بعد مقعدوا كامل حكالهم كل حاجه.. 

اميرة: 

- يعني يابوي ده ولد عمي صوح.. 

كامل بابتسامه: 

- صوح يابنتي وانا جبته وياي علشان اعرفه على باقي عيلتنا واخلي اخوي يحاول يصلح غلطته.. 

سامر وقف: 

- عمي انا جيت معاك علشان اوصلكم اما بالنسبة إني اتعامل مع اخوك أنا مش هقدر وكمان عندي مأمورية كمان اسبوع لازم اروح علشان الحق اقول لأمي واخويا.. 

كامل: 

- يابني مش هتقعد حتى تحضر فرح اخوك وبت عمك أمال ده ميصحش عاد.. 

جميلة بصدمة: 

- جواز ايه ده يا بوي أنا عمري مهتجوز واحد سابني يوم حنتي خالى اللي يسوى واللي ميسواش يتحدث عليا.. 

كامل: 

- يابنتي أنا مش بيدي حاجة انتي مرته مش هقدر اخليه يطلقك غصب عنيه واصل ده حقه لو رايد يطلق هو حر مش رايد مش هقدر اغصبه.. 

جميلة بعصبية: 

- يعني معتجبرهوش على طلاقي انما الكلام اللي اتجال عليا عادي يابوي وكمان أنا رايدة اكمل علام مش رايدة اتجوز يابوي.. 

كامل اتعصب وكان لسه هيضرب جميلة كف: 

سامر: 

- ايه اللي بتعمله ده أنت تعرف ان القانون معاها ولو أنت غصبتها هتروح في داهية أبن أخوك غلط ولازم يتربى ياعمي... 

كامل: 

- سامر أنت ابن اخوي على عيني وراسي اما لو قصدك تدخل بيني وبين بنتي أنا اللي مش موافق على كده بتي هتتجوز صالح ولد اخوي وبس... 

سامر سكت وجميلة فضلت تبكي ودخلت على اوضتها وهي بتجري وكامل خرج من البيت أميرة وهي واقفة جنب سامر.... 

- إنت بقى بتشتغل ظابط مش كده.. 

سامر بخنقه:*

- اه أنا ظابط ليه في حاجه.. 

اميرة: 

- لاع مفيش حاجة واصل بس أنا مبسوطة قوي أن ولد عمي ظابط وانت متعرفش أن عندينا في الصعيد البنت لولد عمها وبس.. 

سامر فهم قصدها وقال:*

- اه علشان كدا جوزتوا جميلة من صالح بس أنا مش هتجوز من هنا لأني بحب واحدة من القاهرة.. 

اميرة اتعصبت وهي بتقول: 

- معنديناش الحديت الماسخ دي البنت لولد عمها وبس أما شغل البندر ده مش علينا يا حضرت الظابط.. 

سامر سابها وخرج لأنه اتخنق من كلامها وهو بيقوا في سره:*

- ايه المجنونة دي كمان بقى أنا في يوم اتجوز البنت الهبلة دي لو أنا اتجوزت من بدري كنت خلفت قدها قال اتجوزها قال... 

ست واقفة جنب بيتها : 

- ايه ياولدي شكلك عتتحدت مع حالك يا حبت عيني.. 

سامر بكسوف:*

- اسف يا خالتي بس بفكر في حاجه.. 

الست بابتسامة: 

- أنت مش من أهنيه ياولدي صوح.. 

سامر ابتسم بود:*

- اه أنا مش من هنا أنا من القاهرة.. 

الست: 

- وانت جاي لمين هنيه يا ولدي في البلد دي.. 

سامر: *

- انا جاي مع عمي كامل.. 

الست: 

- كامل ولد العزايزة أخو عبد الجليل صوح.. 

سامر:*

- أه محتاجة حاجة يا خالتي.. 

الست: 

- سلامتك يا ولدي.. 

رجع سامر لبيت عمه... 

عند صالح كان رجع من القاهرة وداخل بيت ابوه واول مدخل... 

- ولدي اتوحشتك قوي ياقلب امك.. 

صالح بلا مبالاة: 

- كيف اتوحشتيني ياما انا كنت هنيه من اسبوعين بس كيف لحقت اتوحشك.. 

حفيظة: 

- صدق انت عيل غبي ادخل شوف ابوك عيستنيك من فجور ربنا عايزك في موضوع مهم بس حسك عينك توافق تتجوز بنت هنية.. 

صالح: 

- حاضر ياما سيبيني ادخل لبةي لشوف رليد مني ايه.. 

صالح وهو داخل قال في سره: 

- سمحيني ياما مش هقدر ابعد عن بنت عمي واصل هي مرتي ومش هتركها لسامر أبداً.. 

... عند عبد الجليل كان قاعد هو وكامل ومستني صالح... 

صالح اول مدخل: 

- عمي كامل كيفك.. 

كامل مرضاش يسلم على ايده اللي ممدودة وهو بيقول: 

- اقعد علشان نتحدت على جوازك من بنتي.. 

صالح بص لأبوه اللي معبرش بنه وكان منتظر كلام اخوه.. 

كامل: 

- بص يا ولدي خلينا متفقين أن جميلة مرتك بس بنتي مش متلقحة عليك ياولدي رايد تطلق أنا... 

قاطعة صالح: 

- أنا موافق يا عمي جميلة بنت عمي وأنا رايدها ومعطلقهاش واصل.. 

عبد الجليل فرح وكامل قال: 

- بنتي أمانة في رقبتك ياولد اخوي لو جرالها حاجة أنا مش هيكفيني أطير رجبتك.. 

صالح: 

- اطمن ياعمي أنا اللي مش رايد اطلق بت عمي.. 

كامل حس بحزن على بنته بس كلام الناس وحش وبنته مش هتقدر تواجه حد.. 

كامل: 

- من بكره هنعلن جوازكم رسمي للبلد كلياته ونقول انك جالك حالة طارئة وروحت للقاهرة علشان كده سبت مرتك يوم فرحها... 

صالح هز براسة بس جواه كان بيقول: 

- يارب ميكتشفوا اني لسه مش دكتور من جميلة.. 

مشى صالح وكامل قعد جنب عبد الجليل وهو بيلومه ويقوله: 

- بقى كده ياخوي متقولش لينا حاجة واصل ده العشم فيك يا ولد بوي.. 

عبد الجليل باستغراب: 

- قصدك ايه عاد يا خوي.. 

كامل: 

- بقى كلامي مش فاهمه أياك والا أهبل عاد.. 

عبد الجليل: 

- خوي قول اللي عندك بلاش توغوشني عاد.. 

كامل: 

- بقى كنت متجوز وعندك ولد عاد ومقولتش لينا واصل جالك قلب منين تترك ولدك للغريب يربيه ياجبروتك ياخي.. 

عبد الجليل بصدمة: 

- ايه الحديت الماسخ دي ياخوي جواز ايه وولد مين اللي عتتحدت عليه أنا متجوزتش غير حفيظة ومخلفتش غير صالح وريم وبس ياخوي... 

كامل بتريقة: 

- طب وسامر يا خوي ده ولدك والا عيتبلى عليك عاد.. 

عبد الجليل بصدمة: 

- سامر...