حازم غضب عندما سمع منها هذا الحديث و رفع يديه ل يقوم بصفعها و لكن اوقفه يد مراد الذي امسكت بيديه بشده و وقف امامه ونظر له بحده وقال/ انت باين عليك هبت منك ونسيت انه اللي واقفه قدامك دي تبقى اختك.. عايز تمد ايدك على اختك يا حااازم. 

حازم بغضب/ انت متعرفش انه اختك بتكلم واد معايا في الجامعه وبتقابله من ورانا. 

مراد بحده/ اخررررس اختك مستحيييل تعمل حاجه من ورانا.. وحتي لو زي ما بتقول ده يديك الحق انك تمد ايدك عليها. 

لينا وقفت امام حازم والدموع تملأ وجهها وتحدثت بألم

/ انا حقيقي مصدومه فيك.. انت حازم اللي كان دايما يحميني وميسمحش لحد يلمس شعره مني.. على اخر الزمن انت اللي عايز تمد ايدك عليا.

حازم بإنفعال/ واكسر راقبتك كمان.. اوعي تفتكري عشان واثقين فيكي ف تعملي اللي انتي عاوزاه.. لأ انسي يا مااامااا. 

مراد نظر الي شقيقه الذي كانت تبكي بشده وتحدث معها بهدوء/ اهدي يا حبيبتي.. واطلعي اوضتك دلوقتي وانا هاجي وراكي. 

لينا صعدت الي غرفتها ومراد نظر الي اخيه وامسك ب لياقه قميصه وتحدث بحزم/ انت شكلك كده مش في واعيك ومش عارف انت بتقول ايه.. روح على اوضتك ومتخرجش منها الا وانت ندمان على انت هببته ده وبعديها تروح تعتذر من اختك.

مراد تركه وحازم كان سيتحدث ولكن مراد اوقفه بنظره حاده وقال/ اطلع على اوضتك يا حازم والا قسما عظما لأعرف بابا بكل حاجه.. وانت عارف بابا ممكن يعمل ايه لما يلاقي حد لمس شعره من عياله ما بالك بقى انت كنت عايز تمد ايدك على اختك.. تخيل هيعمل ايه فيك.

حازم شعر بالخوف من كلام مراد وصعد على غرفته في سرعه. 

ــــــــــــــــــــــــــــــــــــــــــــ✦

في غرفه لينا.. 

دخلت والقت نفسها على الفراش وظلت تبكي بشده وكانت تشعر بالاختناق.. حتى جاء مراد ولحقها. 

مراد دخل بعد ان طرق الباب وانصدم عندما رأي وجهها شاحب وكانت في اختناق شديد.

مراد بخضه/ لينا حبيبتي.. اهدي يا لينا.. ارجوكي اهدي وبطلي عياط. 

لينا حاولت ان تهدي ولكنها فشلت. 

مراد وهو يذكرها بالتمارين الذي يجب ان تفعلها عندما تشعر بالاختناق. 

/ بصي يا لينا حاولي تخدي نفس.

لينا بدأت ان تأخذ نفسها ولكن بصعوبه. 

مراد وهو يحاول معها/ واحده واحده.. يلا شهيق زفير. 

لينا كانت تفعل ما يقوله لها مراد حتى هدأت تماماً ونظرت له وعانقته بشده بدون ان تتفوه بكلمه واحده وعادت للبكاء. 

مراد عانقها بحنيه وظل يطبطب عليها ويهدأها. 

ــــــــــــــــــــــــــــــــــــــــــــ✦

مساااءااا.. 

على طاوله العشاء.. 

كان يجلس كلا من طارق ومراد وسوزان. 

طارق بتساؤل/ اومال فين حازم ولينا. 

سوزان نظرت الي مراد بتوتر لانها علمت كل شئ منه ولا تعرف ماذا تفعل. 

مراد بهدوء/ لينا اتعشت من بدري ونامت عشان مدرستها.. وحازم قال انه مش جعان و عايز ينام عشان يقوم بدري للجامعه. 

طارق بإبتسامة/ والله كويس انهم بدأ يشوفوا مصالحهم.. ثم اكمل بسخريه.. عقبالك. 

مراد ببرود/ متخفش يا بابا.. انا بشوف مصلحتي كويس اوي. 

طارق بحده/ لأ يا مراد انت مبتشوفش مصلحتك.. انت عايز تسميلي حتة اللعبه اللي بتضيع وقتك دي مصلحه.. ثم اكمل بحزن.. يابني انا بكبر في السن ومحتجاك تقف جمبي وتسندني.. انا مش هعيشلكوا العمر كله. 

مراد ببرود/ ربنا يديك الصحه يا بابا ويطول في عمرك.. قام مراد من على المائدة واكمل ببرود.. الحمدلله انا شبعت.. تصبحوا على خير. 

صعد الي غرفته وطارق نظر الي سوزان وقال بغيظ/ والله العظيم انا حاسس انه أجَلي هيبقى على ايد ابنك. 

سوزان نظرت له بحزن وبقله حيله. 

ــــــــــــــــــــــــــــــــــــــــــــ✦

في اليوم التالي.. 

في المشفي.. 

دخل طارق بعد ان اخذ اذن من السكرتيره. 

نور بترحيب/ طارق بيه.. اتفضل. 

جلس طارق ونور نظرت له بإبتسامة قائله/ تحب تشرب ايه. 

طارق بهدوء/ ولا اي حاجه شكراً.. انا هدخل في الموضوع على طول عشان مطولش عليكي.. انا لغايه دلوقتي مش ملاحظ اي تغير في مراد.

نور بسخريه/ طارق بيه انا مش مصباح علاء الدين اول ما تقولي حاجه انفذها على طول.. ثم اكملت بجديه.. الموضوع محتاج وقت شويه.. وبعدين انا ملاحظه انه بيتعامل مع اخواته كويس جدا.. هو مشكلته الوحيده تعامله مع حضرتك ومع والدته.. صح ولا انا متهيألي. 

طارق هز رأسه وتحدث بحزن/ لا يا دكتور انتِ مش متهيألك.. انتِ فعلا عندك حق. 

نور بثقه/ متخفش يا طارق بيه قريبا جدا هيوصلك خبر هيسعدك جدا من مراد بنفسه. 

طارق تغير تعبير وجهه للامل والفرح وقال/ يارب يابنتي.. يارب انا بتمني اشوف اليوم اللي هيرجع فيه مراد بتاع زمان. 

نور بإبتسامة/ اطمن يا طارق بيه هيجي اليوم ده باذن الله. 

ــــــــــــــــــــــــــــــــــــــــــــ✦

في فيلا الانصاري.. 

خرجت من غرفتها وفي نفس ذات الوقت خرج حازم ونظر لها بصدمه عندما رأي وجهها الشاحب وعيونها المنتفخه من كثرة البكاء. 

كان سيذهب اليها ولكنها ذهبت وتجاهلته وهو ذهب ورأها بندم وامسك بيدها/ لينا اسمعيني. 

لينا سحبت يديها بخوف.. مما اثار من صدمة حازم.. من ثم نظر لها وتحدث بكسره. 

/ لينا متخفيش مني انا مش هأذيكي.. انا والله ندمان واسف على اللي عملته معاكي امبارح.. حقك عليا سامحيني ارجوكي.. اعملي فيا اللي انتِ عايزاه بس متخفيش مني.. ثم امسك ب وجهها بين يديه وتحدث بحنيه.. لينا انتي اختي وانا مستحيل أذيكي. 

لينا ازاحت يديه من على وجهها بشده وتحدثت بتحذير. 

/ ايااااك تفكر تتكلم معايا تاني وبعد كده مراد اللي هيوصلني المدرسه ولو هو مشغول مش هروح المدرسه.. لكن انت متحلمش انك توديني المدرسه تاني.. ثم اكملت بسخريه.. واسفك مبقاش ليه فايده بالنسبالي.. متحاولش كتير عشان انا مش هسامحك بالسهوله دي.

لينا ذهبت الي مراد الذي كان ينتظرها في سيارته. 

حازم وقف قلبه مكسور ومصدوم بعد سماعه هذا الكلام من شقيقته الذي يحبها اكثر من اي شئ في هذه الدنيا. 

ــــــــــــــــــــــــــــــــــــــــــــ✦

عند هشام وساره.. 

كانوا يذهبون سويا في طريقهم الي الجامعه ومن ثم نظر الي هاتفه ودخل على محدثتها ولكن لا فائده لم تجيب على رسائلهُ ولا حتى على اتصالاته منذ الليله الماضيه. 

ساره لاحظت كل هذا وتحدثت بمكر/ وحشِتك ولا ايه يا روميوا. 

هشام بإرتباك/ احم احم.. هي مين دي. 

ساره بجديه/ متهزرش يا هشام انت عارف كويس انا اقصد مين بالضبط. 

هشام بإستسلام/ قلقان عليها الصراحه.. برن عليها من امبارح مبتردش ودي مش عوايدها وببعتلها massage كتير بس مردتش على اي حاجه منهم. 

ساره وهي تفكر فيما حدث بالامس/ معقول يكون المتخلف ده اتكلم معها في حاجه بعد ما روحوا عن علاقتك انت وهي. 

هشام بدأ يفكر في كلام ساره وقلق اكثر عليها. 

/ انا لازم اشوفها واطمن عليها بنفسي.

ساره بسخريه/ ده انت شكلك وقعت ومحدش سمى عليك يا ايتش. 

هشام بحده/ ساره مش وقت هزارك خالص. 

ساره بهدوء/ خلاص يا هشام متبقاش قفوش كده.. اكيد هي كويسه يعني متقلقش اوي كده. 

اكملا الطريق وساره كانت تبتسم وهي بداخلها سعاده لانه واخيرا اخيها اصبح لديه حبيبه.. حتى لو كانت حبيبته هذه شقيقه الشخص الذي دوماً يزعجها بكلامه وتصرفاته.. لا يهم بالنسبه لها.. الاهم انها تري اخيها سعيد في حياته. 

ــــــــــــــــــــــــــــــــــــــــــــ✦

في المدرسه الثانويه.. 

وصلوا المدرسه ولينا كانت ستفتح الباب ولكن مراد تحدث بتساؤل/ لينا انتِ متأكده انه مفيش حاجه عايزه تحكيهالي. 

لينا بإستغراب/ حاجه زي ايه يا مراد. 

مراد متصنع عدم المعرفه/ معرفش.. اي حاجه حصلت معاكي قبل ما تطلعي من الفيلا مثلا. 

لينا بتنهيدة/ بقولك ايه يا مراد انا عارفه قصدك كويس وبستأذنك متفتحش معايا الموضوع ده تاني.. حازم انا مش هتكلم معاه تاني وقوله ميخفش من انه بابا يعرف لاني اكيد مش هقوله حاجه هو مهما كان هو اخويا وانا عارفه ممكن بابا يعمل فيه ايه لو عرف انه كان عايز يمد ايده عليا.. بس انا مش هقدر اسامحه بسهوله.. اكملت بألم.. اللي عمله حازم مش شويه يا مراد.. ده شك فيا واتهمني اني بعمل حاجات غلط من وراكم وكمان كان عايز يمد ايده عليا.. كل ما بفتكر بتقهر بجد وبحس انه شخص تاني انا معرفوش. 

مراد نظر لها بحزن وهو يتألم من اجل اخته واخيه ومن ثم تحدث بهدوء/ انتِ معاكي حق وانا مش هتكلم معاكي دلوقتي عشان اسيبك تهدي.. بس اعملي حسابك انه الموضوع مش هيتقفل زي ما بتقولي.. يلا انزلي عشان متتاخريش على مدرستك. 

نزلت من السياره ومراد ودعها وذهب وكانت ستدخل المدرسه ولكن لمحها كلا من ساره وهشام وندهوا عليها. 

ساره كانت لا تريد ان يراها هشام بهذه الحاله وكانت في طريقها للدخول ولكن وجدت من يمسك يديها ويتحدث بقلق/ لينا فينك من امبارح مختفيه ليه. 

هشام تعجب من عدم ردها و انها لم تستدير اليه. 

ساره نظرت الي هشام بإستغراب ومن ثم جعلها تنظر اليه وانصدم هو وساره عندما وجدوها بهذه الحاله. 

هشام كان في صدمه وقال بإنفعال/ مين عمل فيكي كده.

لينا اتخضت وساره تحدثت بهدوء/ اهدي يا هشام.. واتكلم معها بهدوء. 

هشام لم يهتم بكلام ساره وتحدث بحده/ انطقي يا لينا.. مين عمل فيكي كده. 

لينا مثلت انها بخير وتحدثت بهدوء/ محدش عمل حاجه يا هشام انا كنت مخنوقه من حاجه امبارح وفضلت اعيط وعشان كده عيني ورمت مش اكتر.. انا دلوقتي بقيت كويسه.. متقلقش. 

هشام بتساؤل/ حازم اللي خلاكي تعيطي بالشكل ده مش كده؟؟. 

لينا صمتت ولم تجيب عليه وهو تحدث بإبتسامة سخريه/ يبقى انا كلامي صح.. هو السبب. 

لينا بخنقه/ ااه يا هشام هو السبب هتعمل ايه بقى بعد ما عرفت. 

هشام بتوعد/ انا هوريكي انا هعمل فيه ايه. 

لينا شعرت بالخوف على شقيقها وتحدثت بتحذير/ اياااك يا هشام تعمل حاجه ل حازم.. انت فاااهم.

دخلت لينا الي مدرستها دون ان تنتظر منه رد وساره ربطت على كتفيه بهدوء. 

ساره بإبتسامة حزينه/ رغم انه اخوها السبب في حالتها دي الا انها خايفه عليه ومش عايزاك تضايقه ولا تعمل فيه حاجه. 

هشام بإشمئزاز/ انا مش عارف ازاي كنت بقنعقك ترتبطي بواحد زي ده.. اما هو بيعمل مع اخته كده.. اومال هيعمل معاكي انتي ايه. 

ساره بهدوء/ ربنا يهديه ويهدينا جميعا.. يلا بقى نروح على الجامعه عشان منتأخرش اكتر من كده. 

ــــــــــــــــــــــــــــــــــــــــــــ✦

في الجامعه.. 

كانت جالسه ومتعجبه انه لم يأتي لروئيتها وانه لم يزعجها مثلما يفعل كل يوم.. ظلت تبحث عنه بعينيها حتى وجدته يجلس وحيدا ويظهر على وجهه الحزن الشديد. 

ساره في نفسها/ يا تري اروح اتكلم معاه ولا بلاش.. ثم اكملت بسخريه.. انا هبله ولا ايه.. يعني انا ما صدقت انه سابني في حالي اقوم انا اروح اكلمه. 

ساره نظرت اليه مره اخري وشعرت بالحزن ومن ثم قررت ان تذهب اليه وتتحدث معه. 

جلست ساره وحازم كان شارد في الفراغ ويفكر في شقيقته وفي حديثها معه. 

ساره بإبتسامة/ لقيتك مجتش تزعجني زي كل يوم.. قولت اجي ازعجك انا. 

حازم كان يسمع حديثها بصمت. 

ساره امسكت يديه وتحدثت بقلق/ حازم انت كويس. 

حازم بألم شديد/ لا يا ساره انا مش كويس.. انا لأول مره في حياتي احس بالندم بجد على حاجه عملتها. 

ساره بتساؤل/ وايه هي الحاجه دي. 

حازم قص لها كل ما حدث بالامس. 

ساره بغيظ/ انا لولا اني شايفاك ندمان بجد كنت زماني فلقت دماغك نصين على اللي عملته مع اختك ده.. ولا هشام ده كان مستحلفلك اصلا.. لولا انه لينا حذرته انه ميقربش منك.. ثم اكملت بجديه.. بص لو انت ندمان بجد انا ممكن اساعدك انكم تتصالحوا.. بس بشرط. 

حازم بتساؤل/ ايه هو الشرط. 

ساره بهدوء/ توعدني انك متشكش في اختك تاني وخليها تثق فيك ولما تحكيلك حاجه هي خايفه تحكيها لحد انت المفروض تفهمها وتهديها وتحسسها انك جنبها وتساعدها حتى لو الحاجه دي غلط.. عشان لو فضلت تخليها تخاف منك عمرها ما هتثق فيك ولا هتحكيلك اي حاجه لانها هتبقى عارفه انك هتزعقلها وهتعاقبها. 

حازم بإبتسامة/ أوعِدك المهم انها ترجع تتكلم معايا.

ــــــــــــــــــــــــــــــــــــــــــــ✦

مساااءااا.. 

في غرفه لينا.. 

كانت تتذكر حديث ساره لها عندما قابلتها بعد المدرسه. 

𝐟𝐥𝐚𝐬𝐡 𝐛𝐚𝐜𝐤.. 

ساره بهدوء/ بصي يا لينا انا عرفت كل اللي حصل من حازم ومش جايه اقولك سامحيه لانه انتِ عندك حق بس عايزه اعرفك حاجه.. حازم بيخاف عليكي وبيحبك بجد وندمان جدا على اللي عمله معاكي.. وكل اخ ليه طريقته في الخوف على اخته وحازم طريقته شديده شويه بس في الاول وفي الاخر خايف عليكي هو مصلحته ايه لما يزعقلك او يمنعك من حاجه هو شايفها غلط وانتِ شايفاها حاجه عاديه ومتستحقش كل اللي عمله ده.. انا عارفه انك مستغربه انه انا اللي بقول الكلام ده بعد ما شوفتيني امبارح بتخانق معاه في النادي.. بس انا شوفته ندمان فعلا.. ومش هقولك انه مش غلطان.. لا هو غلطان وغلطان جدا بس احنا بشر وطبيعي نغلط وهو وقتها كان الغضب مالي عينيه ومالي قلبه ومش مستوعب ازاي ممكن تعملي حاجه من وراه عشان كده عمل اللي عمله.. انا طالبه منك تهدي و تفكري في كلامي. 

ساره تركتها وذهبت الي شقيقها الذي كان في انتظارها ولينا ظلت تفكر في حديثها. 

𝐛𝐚𝐜𝐤.. 

ــــــــــــــــــــــــــــــــــــــــــــ✦

في الحديقه.. 

كان يجلس هو و اخيه وفي انتظارها ان تأتي. 

جاءت لينا وعندما رأت شقيقها كانت ستذهب ولكن اوقفها مراد. 

مراد بهدوء/ اقعدي يا لينا بعد اذنك.. محتاجين نتكلم. 

لينا جلست بضيق ومراد تحدث بجديه/ بصي انا مش هبررله ولا هقول انه مغلطش.. بس هو كان خايف عليكي بجد عشان اخوكي كان الاول مع البنات طول الوقت وكل شويه مع بنت شكل ف لما لاقكي بتتكلمي مع هشام افتكر نفسه لما كان بيلعب بمشاعر البنات وخاف عليكي ل يحصل فيكي كده وعشان كده عمل اللي عمله وهو دلوقتي عارف غلطته ومش هيكررها تاني. 

لينا بصوت منخفض/ وانا ايه يضمنلي انه ميكررهاش ولا ميعملش موقف اسوء من ده فيما بعد. 

مراد رمق حازم بنظره كأنها اتفاق صامت .. ومن ثم مراد نظر الي لينا وتحدث بثقه/ لأنك بتثقِ فيا.. وانا بقولك انه مش هيكررها تاني. 

لينا بتنهيدة/ ماشي يا مراد هثق فيك.. وهسامحه عشان خاطرك. 

حازم قرب منها وجلس بجوارها وعيونه مليئه بالندم والحب وقال/ انا اسف يا لي لي بتمني تكوني سامحتيني من قلبك وحقيقي انا معرفش عملت كده ازاي ولا عارف انا ازاي كنت همد ايدي عليكي بس كل اللي اعرفه اني غلطان وندمان اوي واستاهل اي عقاب منك. 

لينا نظرت له بخبث وقالت/ اي عقاب اي عقاب. 

حازم بإبتسامة/ اي عقاب. 

لينا بحماس مفاجئ/ توديني الملاهي.. ومراد كمان هيروح معانا. 

مراد بضحك/ الله وانا مالي يا لمبي. 

حازم بتمثيل/ رغم انه عقاب صعب اوي بس هضطر أنفذهُ وأمري لله. 

لينا ومراد ضحكوا عليه.. ودخلوا ثلاثتهم الفيلا حتى يستعدوا للخروج. 

ــــــــــــــــــــــــــــــــــــــــــــ✦

مرت الايام والمسابقه في طريقها للنهائيات. 

شريف خرج من المسابقه رسميا بعد ان اخذ فرصته الثانيه وكثير من اللاعبون خرجوا وتبقي لاعبين في المسابقه وكانوا نور ومراد.. وكانوا يفعلون اقصى ما بوسعهم حتى يفوزا بالمسابقه. 

ــــــــــــــــــــــــــــــــــــــــــــ✦

في اخر يوم في المسابقه.. 

المدرب نظر الي مراد وكان سيتحدث ولكن مراد قاطعه وتحدث بملل/ عارف والله.. لو انا خسرت مزعلش ولازم يكون عندي روح رياضيه ومنساش اللي اتدربنا عليه عشان اكسب. 

المدرب ضحك وقال/ مكنتش هقولك كده.. ثم اكمل بهدوء.. بص يا مراد اللي بتعلب قدامها انهارده نور وانت عارف هي شاطره ازاي وقدرت تكسب الجمهور ليها ب شطارتها وجدارتها في اللعب.. ف عايزك تركز جدا لانها مش صعب انها تكسبك.. ف خد بالك و اوعي تستسلم. 

مراد بغرور/ مراد الانصاري متخلقش عشان يستسلم ابدا يا كوتش.

المدرب بغيظ/ والله غرورك ده اللي هيوديك في داهيه. 

مراد ضحك ومن ثم نظر الي نور الذي كانت تقف بعيدا وتتحدث مع الصحفيون. 

ترك مراد المدرب وذهب الي نور. 

نور انتهت وعندما وجدته ابتسمت بهدوء. 

مراد بإبتسامة/ حاسس انك هتكسبي انهارده. 

نور بإستغراب/ ايه اللي غير كلامك يعني. 

مراد بغموض/ هقولك بعد ما الماتش.. اكمل بإبتسامة.. يلا عشان هنبدأ. 

ذهبوا هما الاثنان للاستعداد و نور كانت في تعجب شديد من حديث مراد لها. 

ــــــــــــــــــــــــــــــــــــــــــــ✦

هشام ولينا جلسوا بجانب بعض. 

وساره كانت تجلس بجانب هشام و وجدت من يجلس بجانبها ويعطيها كوب من العصير. 

ساره اخذته منه ونظرت في العصير وجدته العصير المفضل لها وقالت بسخريه/ ده انت حافظ بقى. 

حازم بإبتسامة جذابه/ اومال عشان تعرفي غلاوتك عندي.. واني بحبك بجد. 

ساره بسخريه/ طب يا روميوا.. احترم نفسك شويه عشان متلقيش إيد هشام بتصقف على وشك القمر ده. 

حازم وضع يديه على خَدَّهُ ومن ثم تحدث بغيظ/ ميقدرش.. مش كفايه اني سايبهُ يقعد جنب اختي. 

ساره بإستغراب/ طب ما هو سايبك تقعد جنبي.. ثم اكملت بمكر.. لو متضايق قوم اقعد جنب اختك. 

حازم بحب/ يرضيكي يبقى قدامي القمر ده كله وابعد عنه. 

ساره بضحك/ لا ميرضنيش طبعا.. ثم اكملت بحزم.. اشرب يا حازم وانت ساكت عشان مزعلكش من القمر. 

حازم شرب العصير وهو ينظر لها بغيظ. 

ــــــــــــــــــــــــــــــــــــــــــــ✦

عند هشام ولينا.. 

لينا بحماس/ انا متحمسه اوي انهارده ومتشوقه اعرف مين االي هيكسب. 

هشام بغرور/ اكيد نور. 

لينا قلبت وجهها وقالت بغيظ/ وليه مش مراد يعني. 

هشام بإستفزاز/ عشان اخوكي مش بيعرف يلعب. 

لينا بسخريه/ واختك هي اللي بتعرف تلعب يعني.. على الاقل مراد كسب مسابقات كتير والمسابقه دي كسبها اربع مرات ورا بعض.

هشام ببرود/ ميفرقش معايا كسب قد ايه.. اللي فارق معايا انه نور هي اللي هتكسب انهارده.. وهتشوفي. 

لينا بتحدي/ لأ مراد اللي هيكسب وانت اللي هتشوف. 

هشام نظر لها بإبتسامة سخريه و من ثم ركز في المباراة وهي نظرت له بغيظ ومن ثم نظرت الي المباراة. 

ــــــــــــــــــــــــــــــــــــــــــــ✦

🏆 نهاية المباراة 🏆

الجمهور كله واقف على أعصابه، المدرجات بتهتف، والعيون مش شايفة غير مراد ونور، اللي بيتنافسوا على اللقب الأخير.

كل كورة بتتك في الأرض كانت بتقرب حد منهم من الفوز، ونور كانت مركزة جدًا... ومراد كان مصمم ما يستسلمش.

لكن فجأة، نور ضربت ضربة غير متوقعة، زاوية صعبة جدًا على أي حد يتوقعها، والكرة عدّت مراد ووقعت جوه الخط بصعوبة... والملعب كله سكت لحظة.

الحَكَم بصوت عالي/ الفائزة في المباراة النهائية… نور عبد الله!

الملعب انفجر تصفيق!

ساره صرخت بفرحة وهي بتقفز مكانها/ برافو عليكي يا نوررررر!

هشام كان بيصفق بحماس وبيضحك وهو يقول/ شايفه يا لينا؟ أهو نور هي اللي كسبت. 

لينا بدهشه/ انا مش مصدقه ازاي مراد يخسر. 

مراد وقف مكانه، اتنفس بعمق، وابتسم وهو بيقرب من نور اللي كانت بتتنفس بسرعة وفرحة في عنيها.

مراد بإبتسامة صادقة وهو بيقرب منها/ ألف مبروك يا بطلة… تستاهليها عن جدارة.

نور وهي بتضحك/ كنت ناوية أخليك تفرح، بس قلبي اختار الفوز . 

مراد ضحك وقال/ قلبي أنا كمان فرحان، ومبسوط إنك كنتي خصمي النهاردة.

حنان كانت بتبكي من الفرح، وساره حاضنة نور، و هشام بيصفق بحرارة وهو بيقول/ هي دي اختي البطله.. بجد انا فخور بيكي أوي. 

الكاميرات بتصور لحظة رفع الكأس... نور كانت واقفة على المنصة، ومراد بجانبها رافع إيدها وهي شايلة الكأس

الجمهور كله بيهتف/ نور... نور... نور. 

نور انتهت من التصوير و طارق دخل أرض الملعب،

وبارك ل نور على فوزها في المباراة ونظر الى مراد

 وكان باين عليه الفخر وقال له. 

/ انا مبسوط انك متضايقتش لما خسرت.. حقيقي فخور بيك. 

مراد نظر الى نور وعاد النظر الى والدهُ وقال بهدوء/ بابا انا قررت اجي اشتغل معاك في الشركه.

يـتــبـع🦋..