حسنه  دفعت ايده بغيظ وقالت... انا هغير الفستان لاني ما طيقاش اقعد بيه بيفكرني اني اتجوزت  وسخ زيك

 مجاهد رفع ايده بغضب وهو بيقول.... ما تلمي لسانك يا بت الرفضي احسنلك

حسنه حمت  وشها بايدها بسرعه وخوف بس مجاهد ما قدرش يعملها ونزل ايده وبص بعيد منها بغضب وقال ....غوري من قدامي السعادي غورييييي

 حسنه خافت منه وجريت على الدولاب اخذت حاجه تلبسها وراحت على الحمام بسرعه

 تحت كان عرفان رايح جاي بغضب وقال لابوه... انا عايزه افهم كيف جالك قلب تعمل كده فيا هو انا اللي ولدك ولا هو... بتجوزوا عروستي ليه من قله الحريم... يا ابوي ده انت اللي قريت فاتحتي عليها وقلتلي انها ريداني وعلقتني بيها

ابوه اتنهد وقال....اهدى يا عرفان وانا هفهمك اللي حصل كله 

عفان قعد وقال بغضب....اديني هديت..يلا قول اتكلم انا هتشل

ابوه قال بحزن.....كل الحكايه ان مجاهد كان رايد حسنه من زمان ومن قبل حتى ما اكلمها عنك ..بس انا لما روحت عشان اقول لها عليه هي فهمتني غلط وفكرتني بتكلم عليك وقتها فرحت وقالت لي موافقه هلاقي زي عرفان فين... انا مرضيتش اكسر فرحتها واقول لها اني قاصد مجاهد مش عرفان..... وقتها قلت لمجاهد انها ما رايدهوش وان كل شيء نصيب وقريت فاتحتكم ...و كل حاجه كانت تمام لحد بعد ما انت سافرت جاتني حسنه وقالت انها غيرت رايها وعايزه تتجوز مجاهد

عرفان بصلو بزهول وقال...ايه

ابوه اتنهد وقال..ده اللي حصل  انا وقتها استغربت واتكلمت معاها كثير بس ما فيش فايده ما فهمتش بتعمل كده ليه...وانا كنت قايل لمجاهد انها لو رضيت بيه هجوزهم فقالي اهي رضيت واضطريت اوافق وهو حدد ميعاد الفرح قريب وهي ما اعترضتش ...دي كل الحكايه اعتبرها مش من نصيبك وخيرها في غيرها يا ولدي 

مجاهد ولد عمك وابوه سابو وهو صغير  ...ومدام هما رايدين بعض يبقى خلاص بقى كيف ما انت قلت مش من قله الحريم 

عرفان وقف بغضب شديد وهو مش فاهم اي حاجه وقال..... انت بتقول ايه يا ابوي...حسنه هيه اللي جات وقالت لك انها ما عايزانيش وعايزه مجاعد ليه شرابات احنا بتبدلهم على كيفها.... اكيد مهددها بحاجه

بقلم...زهرة الربيع

ابوه اتنهد  بضيق وقال... هم اتجوزوا دلوك يا ولدي خلاص ما ممنوش فايده الحديت ده

بس عرفا قال بغضب... لا منيه فايده  وكيف مااتجوزها يطلقها والا انا ما هسكتش سامع يا ابوي ما هاسكتش واصل

 قال كده ومشي بغضب وابوه اتنهد بحزن وقال ...استر يا رب 

عند مجاهد لبس تيشرت وشورت مريح ورش معطر على السرير وحط عليه ورده جميله  وواقف يبص للاوضه بحماس ومستنيها تخرج من الحمام و بيتخيل شكلها هيبقى عامل ازاي وهيه بشعرها اللي قرب ينساه ..لانها محجبه من وقت ماكانت طفله ومش بيلمح شعرها ابدا

حسنه خرجت من الحمام ومجاهد اتفاجأ بمنظرها كانت لابسه عبايه طويله باللون الاسود وطرحتها لفاها كويس كانها خارجه مشوار 

بص لها بزهول وقال..... ايه ده يا حسنه 

حسنه بصتلو بتوتر  وقالت...احم...ايه فيه حاجه 

مجاهد بص لها بزهول وقال.... فيه حاجه كيف ده في حاجات هو انتي طالعه تصلي الجمعه ...فين العريان وووو