حور : انا مرتاحه يا ماما في الاوضه بابا ممكن بعد ما نفطر نخرج انا و سهيله نتفرج على المكان و مش هنبعد عن هنا خالص 

حياة قاطعتها بحده : مفيش خروج من القصر 

حياة بتذمر طفولي و ضيق 

: ليه يا ماما عشان خاطري وافقي مش هنبعد عن البيت 

حياة بحده : انا قولت لا مفيش خروج يبقي مفيش خروج و انتي يا سهيله كنتي فين على الصبح 

سهيله بهدوء و هي بتاكل 

: كنت بجري شويه انتي عارفه انا متعوده اجري كل يوم الصبح و متخافيش محصليش اي حاجه لاني مكملتش ربع ساعه 

حامد بحنيه : اخرجوا يا حبايبي و اعمله اللي انتوا عايزينه بس منتاخرش برا البيت في هنا بحيره قريبه من القصر هتعجبكوا اوي 

قاطع كلامهم رنيت هاتفه ، بص على التلفون و كان مدير اعماله قام من على السفره خرج من القصر و رد على التلفون 

دخل البيت و اتكلم بحنيه

: انا لازم اسافر دلوقتي حصلت مشكله في القريه و محدش عارف يحلها 

سهيله بحزن : بس احنا يا بابا ملحقناش نقعد 

حامد : خلاص اقعدوا هنا براحتكوا و انا مسافر يومين بالكتير و هكون هنا و هكلم حد من الحراسه يجي عشان ابقي مطمن عليكوا 

خلص كلامه و طلع الاوضه يلبس بصتلهم حياة و اتكلمت بهدوء 

: نخلص الاول تنظيف البيت و بعد كده ابقوا اخرجه براحتكوا 

نزل حامد و ودعهم و اخد عربيته و مشي ، و حياة بدأت تقسم الشغل بنهم و هي كمان بتساعدهم و محسوش بالوقت اللي بيعدي و بقيت الساعه واحده بعد نص الليل طلعت كل واحده فيهم اوضتها و هما هلكنين من العمايل 

حور كانت قاعده قدام المريه بتنشف شعرها بالاستشوار ، دخلت عليها سهيله من غير ما تخبط و قفلت الباب وراها و قعدت على السرير و ههي باين عليها التوتر

لفت وشها بصتلها و هي مركزه مع ملامحها باستغراب 

: مالك 

سهيله بضياع : حصل معايا موقف انهارده و انا بجري غريب اوي 

رفعت عينيها بصتلها و بدأت تحكيلها الموقف و هي خايفه و حاسه انه لسه قدامها و المشهد بيتعاد من تاني 

ضحكت حور بكل صوتها و قعدت جنبها على السرير و قالت بمرح 

: عفريت حاطط برفيوم دا ايه النظافه دي 

سهيله بعصبيه : انا غلطانه اني جيت كلمتك اصلا انا ماشيه 

جت تقوم من جنبها مسكتها حور بسرعه و شدتها قعدت حنبها

: اقعد متبقيش قموصه كده اولا هو الشاب اللي قبلتيه كان حقيقي مش عفريت زي ما بتقولي و ثانين هو مشي من قدامك بس انتي من كتر ما كنتي مصدومه من كلامه مركزتيش معاه هو رجع القصر و لا لا لانه مش مركب اجنحه و هيطير زي ما بتقولي هو دخل و مشي وسط الشجر بس انتي اللي مخدتيش بالك لانك كنتي لسه بتستوعبي اللي قاله ثالثًا بقى هو انه شخص متعجرف و قليل الذوق كمان لاني حسيت من كلامه انه عايز يخوفك عشان نمشي من البيت 

سهيله فكره و لاقيت معاها حق 

: طيب و هيخلينه نمشي ليه من البيت 

حور رفعت كتفها بهدوء 

: معرفش بس اكيد في سبب