مني - زين 

زين- ماما لو سمحتي اطلعي اوضتك انا و الباشا سعد الدين بنا حسابات كتيره اوي من زمان 

سعيد - زين احترم نفسك 

زين- انت بالذات تخرص 

سعد - سعيد متتكلمش زين أعصابه تعبانه علشان أبوه 

زين- ومحتاج مستشفى المجانين مش كدا 

سعد بتوتر - قصدك اي 

زين- قصدي أن جه وقت الحساب يا سعد باشا 

عادل- زين علشان خاطري 

زين- عادل انت اخويا قبل اي حاجه وهتفضل كدا علي طول مهم حصل 

سميره - زين حبيبي الا حصل حصل خلاص بق 

زين بعصبيه - لا ليس كل حاجه هتبدا من النهارده من عشرين سنه جوزك المحترم اتجوز بنت الخدامه في السر وجاب منها بنت وسكت وبص علي عادل الا واقف ساكت وعينه مليانه دموع

جوزك  في نفس اليوم إلا كنتي مخلفه فيه سعيد قالك أنك جبتي توام 

سميره بدموع - رؤيا بنتي الله يرحمها 

زين - رؤيا عايشه 

مني بصدمه - زين انت بتقول اي 

سميره مسكت ايد عادل وسعيد بص بصدمه وسعد بص بصدمه علي كلام زين واتوتر اوي منه 

سميره - عادل هو هو زين بيقول الحقيقه 

عادل- أمي لازم تسمعي كلام زين للآخر 

زين قرب منها والدموع في عنيه وقال - رؤيا عايشه بس للاسف هي مش بنتك 

سميره  وقعت من طولها 

عادل- ماما 

زين قرب منها وقال - انا اسف بس لازم تسمعي الباقي لما رؤيا كبرت وبق عندها عشر سنين مامتها قرارت تاخدها وتمشي 

مني - مين مامتها 

زين- دادا ام احمد 

مني بصدمه - اي انت بتقول اي يا زين 

زين- دي الحقيقه يا ماما عمي المحترم لما دادا قالت ليه إنها عايزه بنتها لأن طنط سميره كانت قرارت أن رؤيا تعيش برا مصر داد مستحملتش كدا وطلبت من الباشا وشاور بايده علي سعد وقال إنها تاخد بنتها وتسيب الفيلا والبلد وتمشي لكن الباشا قرار يخطف رؤيا علشان دادا متحاولش تستفزه بالفلوس زي ما كان فاكر وباع رؤيا لناس في مصر علشان يموتوه لكن الناس كان ربنا تاب عليهم من القتل وربوها وسابه اسمها زي ما هو في شهادة الميلاد وقال ليها أن ابوها وامها ماتوا و عاشت رؤيا مع ناس متعرفش عنهم حاجه و مش بس كدا لا يجي بعدها ويحاول يقتل دادا علشان متجيش الفيلا تاني لجدو و كمل بعصبيه لا ومش بس كدا دا قتل أبوه علشان كان غضبان عليه 

سميره كانت قاعده دموعها بتنزل ومصدومه ومني واقفه مش قادره من الا سمعته وسعيد كان واقف كأنه في دنيا تانيه وعادل كان قاعد جانب سميره بيحاول يشيل عنها 

وسعد واقف متعصب من زين بس ساكت 

وزين بيكمل كلامه 

ويتااااا بع