بصلي بغل وقرب مني عشان يضربني بس في لحظه لقيت حد مسك ايده ببص لقيته چون!!

مسك چون ايده وبصله بغضب_أنتَ بتعمل ايه 

بصله الشاب بغضب_أوعي أنتَ مين أصلا اوعي سيبني عليها

مسكه چون من ياقة قميصة وأتكلم بصوت عميق_أهدى علي نفسك عشان متزعلش 

خلص كلامه معاه بعدين بصلي وأتكلم بحدة_ايه اللي حصل!

بصيت للشاب وأتكلمت ببرود_العسل ده كان بيتحرش بيها وكملت بسخرية وأنا ببص لـ ايده_وأنا كنت بقرصه من ودنه مش أكتر 

چون بصلي شوية وبعدين اتكلم_أنهي واحده

شاورتله علي البنت_البنوته دي

چون بصلها_الكلام ده صح

البنت أتكلمت بخوف_ايوة

چون بص للشاب ده بغضب وبعدين مسكه من هدومه_تعالى معايا 

كان الشاب لسه هيتكلم بصله چون وأتكلم بصوت هادي_مش عايز أسمع صوتك أمشي بالذوق 

وبص للبنت وأتكلم بهدوء_وأنتِ لازم تيجي معانا عشان نعمل محضر 

البنت بصتله بخوف وبعدين بصتلي قربت منها ومسكت ايدها_متخافيش چون باشا هياخد حقك 

البنت بصتلي بخوف ودموعها نزلت_بس أنا عمري ما دخلت قسم أو عملت محضر مش هعرف أروح أنا خايفه 

بصيت للبنت بحزن علي حالها وشددت علي مسكت أيدها وابتسمت_متخافيش...يلا تعالي

بلغت البنات إني همشي وطلعت معاهم چون أخد الشاب ده في عربيته وأنا أخدت البنت في عربيتي وطلعت وراه علي القسم 

وصلنا ودخلنا علي مكتبه 

دخل چون قعد علي مكتبه وقالي أنا والبنت نقعد والشاب ده كان واقف وباصصلي بغل وأنا كنت مبتسمه ببرود

چون بص للبنت وأتكلم بجدية_تقدري دلوقتي تحكيلي كل حاجه بالتفاصيل 

البنت بصتله بخوف وبعدين بصتلي فقربت ومسكت ايدها وابتسمت_يلا 

البنت بصتلي بعدين بصت لچون وخدت نفس عميق وبدأت تتكلم 

_كنت نازله اقابل صحبتي واتفاجئت أن خطيبها موجود هو والشخص ده

وشاورت علي الشاب اللي واقف وكملت_كان بيقرب مني بشكل غير مباشر وإحنا ماشيين بس كنت بقول غصب عنه لكن لما وصلنا الكافيه وبدأ يلمسني بطريقة مش لطيفه مقدرتش أتكلم ولا أعمل ايه حاجه خوفت عشان محدش كان هيصدقني بس الحمدلله ربنا بعتلي الانسه دي وهي اللي انقذتني 

كانت بتتكلم ودموعها علي خدها بصتلها بحزن وبعدين بصيت للشاب ده بشر 

أتكلم الشاب بأندفاع_دي كدابه كل ده محصلش ده هي اللي بتتلزق فيا من أول ما شافتني 

أتكلم چون بزعيق_أنتَ تخرس خالص

خاف الشاب من نبرة چون وسكت فجأة 

أخد چون نفس عميق وبعدين بص للبنت_اسمك ايه

اتكلمت البنت بتوتر_نور

_تمام يا نور كل الكلام اللي قولتيه أتكتب وهيتم المحضر وتقدري تسيبي رقم فونك عشان أقدر أتواصل معاكي

بالفعل البنت كتبت رقمها وادتهوله 

_تمام كده تقدري تتفضلي أنتِ دورك أنتهي 

قومنا والشاب فجأة قرب من البنت لدرجه أنها خافت ورجعت وقفت ورايا 

أنا بصيتله ببرود_ابعد 

بصلي بغل_ماشي أنا هوديكم في داهيه 

أتكلمت بأستفزاز_هتودينا الساعه كام 

كان لسه هيقرب مني بس چون زعق جامد لدرجه أن كل اللي موجود اتخض_أرجع مكانك أنا لغاية دلوقتى مش عايز اتغابى عليك 

الشاب رجع بخوف وبصيتله بشماته وبعدين مسكت ايد البنت وخرجنا برا القسم 

كانت البنت أيدها بتترعش ودموعها بتنزل بصمت 

حاولت اطمنها_متخافيش خلاص الموضوع خلص 

بصتلي وفجأة لقيتها بتحضني جامد وبتعيط_شكرا جدا ليكي مش عارفه من غيرك كنت هعمل ايه حقيقي شكرا 

ابتسمت وبادلتها الحضن_حبيبتي أنا معملتش حاجه أنتِ زي أختي