مراد نظر اليها بإبتسامة استفزاز وقال/ مفاجأة مش كده؟!.

نور وهي تحاول التحكم في أعصابها/ انت كنت عارف اني هسافر عشان كده انت هنا.. هو انت بتلاحقني ليه؟؟. 

مراد بإستغراب وبرود/ وانا هلاحقك ليه انا مش فاهم.. وبعدين حتى لو عارف انك هتسافري ايه اللي هخليني اجي وراكي يعني هو انا اعرفك!! 

انصدمت نور من حديث مراد ونظرت له بغيظ ثم ندهت على المضيفه وجاءت على الفور. 

المُضيفه بإحترام واستفسار/ في اي مشكله يا فندم؟؟ 

نور بإنفعال/ لوسمحتِ انا عايزه اغير المكان ده بأي طريقه. 

المضيفه/ مينفعش حضرتك.. ده بقى مكان حضرتك ازاي عايزه تغيريه يا فندم. 

نور بنظره مخيفه وتهديد/ شوفي اما اقولك انا لو مكاني متغيرش دلوقتي حالاً.. انا هيكون ليا تصرف تاني واعتقد انه مش هيعجبك. 

المضيفه نظرت لها بخوف وقالت بتوتر/ تمام حضرتك تقدري ترتاحي دلوقتي لحد ما ادور ل حضرتك على مكان تاني. 

مراد كان متابع الحديث بصمت وابتسامة مخفيه. 

جلست نور بنفاذ صبر وظلت تنتظر المضيفه ومراد نظر اليها وقال بتعجب/ هو انتِ بتعملي ليه كل ده.. هو فيها ايه لما تقعدي جمبي هو حد قالك عني اني جربان مثلا ولا ايه انا مش فاهم. 

نور ببرود/ والله بقى دي حاجه متخصكش انا اقعد في المكان اللي يعجبني.. واكيد مش بعمل كل ده عشان مقعدش جمبك.. انت أصلاً مش فارقلي فمتعيش الدور أوي. 

مراد بغيظ/ تصدقي انا غلطان اني بتكلم معاكي.. ما يكش تقعدي في الشارع انا مالي. 

بعد مرور 20 دقيقه. 

جاءت المضيفه وقالت بجديه/ انا اسفه يا فندم ملقتش لحضرتك مكان. 

نور بحده/ ازاي يعني الكلام ده.

المضيفه بهدوء/ والله يا فندم انا عملت اللي اقدر اعمله عشان اساعد حضرتك. 

نور بزفر/ خلاص تقدري تتفضلي. 

مراد نظر اليها بضحكه مكتومه وهي نظرت له بغضب وهو نظر امامه في سرعه. 

بعد مرور عدة دقائق.. تحدثت مضيفة الطيران في المايكروفون/ "Ladies and gentlemen, we are now ready for take-off. Please ensure your seatbelt is fastened, your seatback is in the upright position, and your carry-on items are properly stowed. Thank you for your cooperation." 

"سيداتي سادتي، سنبدأ الآن بعملية الإقلاع، يُرجى التأكد من ربط حزام الأمان، إبقاء المقاعد في وضعها العمودي، وتخزين الأمتعة اليدوية جيدًا. شكرًا لتعاونكم."

جميع من في الطائرة ربطوا الحزام وبعد مرور دقائق معدودة الطائرة بدأت في القلوع. 

نور شعرت بالخوف في داخلها واغمضت عينيها وكورت يديها الاتنين بشده. 

مراد لاحظ انها خائفه وامسك بيدها حتى تطمئن قليلاً.. وبالفعل بعد مرور بعض الوقت هدأت نور ونظرت له وابتسمت ابتسامه هادئه. 

ــــــــــــــــــــــــــــــــــــــــــــ✦

في شركة الانصاري.. 

في مكتب طارق.. 

ابتسم عندما رأى انه خطته نجحت وقام بالاتصال على دكتور صبري. 

طارق بإبتسامة/ انا بجد بشكرك على مساعدتك يا صبري. 

دكتور صبري بإبتسامة/ لا شكر على واجب وبعدين انت جمايلك مغرقاني يا طارق بيه اللي انا عملته ده حاجه بسيطه. 

طارق بإبتسامة/ متقولش كده احنا مفيش بينا الكلام ده وبشكرك مرة تانيه.. يلا اسيبك عشان معطلكش. 

دكتور صبري ودعهُ وانتهت المكالمة وطارق كان يتذكر كيف اقنع دكتور صبري انه يجعل نور تسافر. 

𝐟𝐥𝐚𝐬𝐡 𝐛𝐚𝐜𝐤.. 

في فيلا الانصاري.. 

كان يجلس ويفكر ماذا يفعل حتى يجمعهم سويا حتى جاءته فكرة ممتازة. 

امسك هاتفهُ وظل يبحث على رقم رئيس الاطباء في المشفى التي نور تعمل فيها حتى وجد الرقم. 

دكتور صبري اجاب بعدم تصديق ودهشه/ طارق بيه عاش من سمع صوتك. 

طارق بأسف/ حقك عليا مقصر معاك بس انت عارف مشاغل الدنيا. 

صبري بإبتسامة/ ولا يهمك خالص انا كنت بهزر معاك.. ثم اكمل بهدوء.. قولي بقى متصل عايز ايه. 

طارق بجديه/ كنت طالب منك خدمه.. فيه دكتورة بتشتغل في المستشفى عندك اسمها نور عبدالله. 

صبري بهدوء/ ايوه فعلا دي دكتورة ممتازة في شغلها. 

طارق بإبتسامة خبيثه/ طيب انا عرفت انك هتبني مستشفى في لندن وتقريباً انت كنت طالب مهندس عشان يشرف على المشروع.. وانا عندي المهندس ده. 

صبري بإبتسامة/ حلو اوي جزاك الله كل خير يا طارق بيه. 

طارق بإبتسامة/ بس بشرط انا طالب منك انه الدكتورة نور تسافر مع المهندس ده.

صبري بصدمه وتساؤل/ الدكتورة نور..اشمعنى يعني؟؟وبعدين نور دكتورة نفسيه ملهاش حاجه في بناء المستشفى.

طارق وهو يحاول يقنعهُ/ انت معاك حق بس انا عايزها تسافر مع المهندس ده لسبب معين ف هتحاول تقنعها ولا مش هتقدر؟؟. 

صبري بتنهيدة/ حاضر يا طارق بيه هحاول أقنعها وأمري لله. 

طارق بإبتسامة/ شكراً يا دكتور وابقى طمني لما توافق. 

انتهت المكالمة وطارق ابتسم ابتسامه خبيثه وقال ل نفسه/ خطتي دي لو نجحت هرتاح اوي. 

𝐛𝐚𝐜𝐤.. 

ــــــــــــــــــــــــــــــــــــــــــــ✦

في فيلا الانصاري.. 

كانت تجلس في غرفتها وتبكي حتى دخل عليها شقيقها بعد ان طرق الباب.. 

حازم بخضه/ ايه يا لينا بتعيطي ليه يا حبيبتي. 

لينا اطلقت شاهقات متتاليه وتحدثت ببكاء/ انا عايزه مراد يرجع حالاً يا حازم. 

حازم بصدمه/ يعني انتِ هتموتي نفسك من العياط كل ده عشان مراد. 

لينا هزت رأسها واكملت بكاء. 

حازم اخذها في حضنه وابتسم ابتسامه خفيفه وقال/ اهدي يا لي لي هو هيرجع قريب.. وبعدين ما انا جمبك اهو وهكون معاكي خطوة بخطوة.

لينا هدأت بعض الشيء وكانت ستتحدث ولكن وجدت من يرن على هاتفها بإسم شوشتي. 

حازم زادت ضحكاته عندما رأى الاسم ولينا نظرت له بإستغراب وهو تحدث بعد ان استعاد ثباته النفسي. 

/المفروض افهم انه شوشتك ده يبقى هشام صح؟؟. 

لينا مسحت دموعها وقالت بإستغراب/ ايوه هو هشام وبعدين انت بتضحك على ايه!!. 

حازم بضحك وإستغراب/ انتِ بجد مش شايفه انه الاسم فيه حاجه تضحك. 

لينا فكرت قليلاً ومن ثم نظرت الى حازم وقالت بخجل/ هو يضحك للدرجه دي. 

حازم عاد للضحك مره اخري وقال وسط ضحكاته العاليه/ جداً يا قلب شوشتك. 

لينا امكست بالوساده وضربتهُ بالوساده بغيظ. 

حازم ركض من امامها وهو لا يستطيع التوقف عن الضحك.. ومن ثم خرج من الغرفه واغلق الباب وهي نظرت الي الهاتف وتنهدت. 

ــــــــــــــــــــــــــــــــــــــــــــ✦

في اليوم التالي.. 

في لندن.. 

وصلت نور الـ hotel اللي الدكتور صبري حجزلها فيه واخذت مفتاح غرفتها و وصلت الي غرفتها وانصدمت عندما رأته يقف امام باب الغرفه خاصتهُ وغرفتهُ بجانب غرفتها. 

نور بنفاذ صبر/ هو انت طالعلي في البخت منين ما أروح الاقيك قدامي!!

مراد ببرود/ اعتبري اللي بيحصل ده صدفه تمام!!

نور بحده/ لأ مش تمام يا مراد وانت دلوقتي هتروح تغير الاوضه بتاعتك وتاخد أوضه بعيد عني.. فاااهم!! 

مراد ظل يقترب منها مما جعلها ترجع للوراء بخوف وتوتر حتى التصقت بالحائط وهو اقترب منها و وضع يديه الاتنين على الحائط وكأنه يمنعها من الهروب واقترب منها اكثر مما جعل ضربات قلبها تتسارع وظل يقترب حتى اقترب من اذنيها وقال بهمس وتحذير . 

/ انا مش هسيب الاوضه بتاعتي وانتِ لو فكرتي تسيبي اوضتك أو فكرتي تسيبي الاوتيل هتشوفي مني تصرف مش هيعجبك وده مش تهديد.. انا بقولك على اللي هيحصل. 

عاد النظر اليها وهي كانت غير مهتمه لحديثه هي كل ما يشغلها انها تريد إبعادهُ عنها في اسرع وقت. 

نزل مراد يديه و وضعها في جيبه وتحدث بإبتسامة استفزاز/ انا هدخل اوضتي عشان ارتاح.. اشوفك بعدين يا جميلتي. 

ذهب مراد من امامها وهو يسير بغرور وابتسامة انتصار. 

نور ظلت تتعاقبهُ حتى دخل غرفتهُ وهي نظرت اليه بغيظ ومن ثم دخلت غرفتها واغلقت الباب بشده. 

ــــــــــــــــــــــــــــــــــــــــــــ✦

في الجامعه.. 

كانت جالسه وترتشف قهوتها بسرحان وتفكير. 

جاء وجلس امامها وتحدث بمرح/ سارسورتي القمر حزينه ليه؟؟. 

ساره بتنهيدة/ نور سافرت امبارح و من ساعتها انا وهشام وماما مضايقين وعايزينها ترجع في اسرع وقت. 

حازم امسك يديها وقال بإبتسامة إطمئنان/ متقلقيش يا حبيبتي هي هتكون بخير وان شاءلله ترجع بألف سلامه. 

ساره نظرت له بحب وقالت بإبتسامة/ يارب يا حازم. 

حازم استوعب حديثها وفكر قليلاً وقال بتساؤل/ هي نور سافرت فين؟؟ 

ساره بهدوء/ لندن بتسأل ليه؟؟ 

حازم بصدمه/ مراد بردوا سافر لندن امبارح. 

ساره بصدمه/ نعععم!! 

ــــــــــــــــــــــــــــــــــــــــــــ✦

في المدرسه الثانويه.. 

انتهى الدرس وكانوا الطلاب في طريقهم للخروج من الفصل ولكن اوقفتهم ريم وقالت بصوت عالي نسبيا. 

/ بقولكم يا شباب انا عزماكم على بارتي بليل عملاها في البار بتاعي بمناسبة عيد ميلادي. 

جميع من في الفصل هتفوا بصوت عالي ومن ثم قدموا لها التهنئه واتفقوا على حضور الحفلة وخرجوا من الفصل ولينا كانت في طريقها للخروج وهي غير مهتمه لحديث ريم ولكنها اوقفتها قائله بندم. 

/ لينا انا بجد بعتذر منك وبتمنى تسامحيني على اللي حصل وانا حابه نبدأ صفحه جديدة وهبقى مبسوطه أوي لو جيتي حفلة عيد ميلادي ودي الدعوه ولو جيتي هعرف انك سامحتيني. 

وضعت الدعوه في يديها وتركتها وذهبت ولينا كانت غير مستوعبه الذي حدث ومن ثم ذهبت وهي تفكر في الأمر.

ــــــــــــــــــــــــــــــــــــــــــــ✦

في الجامعه.. 

حازم قص لها كل شئ وهي غير مستوعبه حديثهُ وقالت/ يعني احتمال كبير يكونوا شافوا بعض صح؟؟ 

حازم بجديه/ ده اكيد و بعدين زمانهم وصلوا لندن و لو ماشفوش بعض ف هما مسيرهم هيتقابلوا. 

ساره كانت لا تعرف ماذا تفعل تفرح ولا تقلق لانها تعرف انه نور لا تطيق روئية مراد وانها تعتبرهُ مريض لديها وهي كانت تعالجهُ وانتهت من علاجهُ. 

ــــــــــــــــــــــــــــــــــــــــــــ✦

مساااءااااا.. 

في لندن.. 

كانت جالسه طوال اليوم في غرفتها وهي تفكر ماذا تفعل حتى جاءها اتصال من شقيقها «فيديو كول». 

اجابت نور وهي تبتسم حتى لا تقلقهم عليها. 

هشام وساره بفرح/ نور أخيراً رديتي. 

نور بندم/ اسفه والله بس اول ما وصلت كنت تعبانه اوي وعايزه انام. 

هشام بإبتسامة/ ولا يهمك يا قلبي المهم انك وصلتي بالسلامه. 

ساره بتساؤل/ انتِ اخبارك ايه يا نور.. طمنينا عليكي. 

نور بإبتسامة/ انا بخير يا حبيبتي.. ثم اكملت بتساؤل.. هي فين ماما صحيح. 

هشام بتعجب/ راحت تجيب طلبات للبيت مش عارف طلبات ايه دي. 

نور بقلق/ طيب سيبتوها لوحدها ليه يا هشام. 

ساره بتنهيدة/ قعدنا نتحايل عليها نروح نجبلها اللي هي عايزاه بس صَممت انه هي اللي هتنزل ولوحدها. 

نور بقلق/ طيب طمنوني لما توصل. 

هشام بإبتسامة/ تمام يا قلبي اطمني انتِ بس ومتقلقيش. 

ساره بتساؤل/ صحيح يا نور شوفتي مراد. 

هشام نظر الي ساره بإستغراب ونور توترت وقالت/ احم قصدك ايه يا ساره. 

ساره بهدوء/ قصدي انه مراد سافر لندن زايك وقولت اكيد انتِ شوفتيه بما انكم في نفس البلد. 

هشام بصدمه وهو ينظر لي ساره/ انتِ عرفتي الكلام ده منين؟؟ وازاي يعني مراد في لندن!! 

ساره بهدوء/ عرفت من حازم هو اللي قالي انه مراد كمان سافر لندن. 

نور بإستسلام/ اهدوا يا جماعه وانا هحكيلكم كل حاجه. 

ــــــــــــــــــــــــــــــــــــــــــــ✦

في غرفه مراد.. 

كان يتذكر كيف وافق على السفر وهو مبتسم. 

𝐟𝐥𝐚𝐬𝐡 𝐛𝐚𝐜𝐤.. 

مراد بحده/ وانا قولت مش هسافر. 

طارق نهض ونظر له بإبتسامة خبيثه/ حيث كده بقى اكلم مهندس غيرك ويسافر مع الدكتوره نور. 

مراد كان ينظر في اللاب توب وقال بلا مبلاه/ احسن بردوا... 

صمت مراد واستوعب حديث والدهُ ومن ثم نهض من مكانه في سرعه و وقف امام والدهُ وقال/ انت قولت نور.. هي نور هتسافر لندن؟؟ 

طارق بتنهيدة وتصنع اليأس/ ايوه نور هتسافر لندن.. بس للاسف هتسافر لوحدها. 

مراد بنفي/ لا طبعا تسافر لوحدها ده ايه اومال انا لازمتي إيه.. ثم اكمل بتساؤل.. حجزت التذكره ولا أحجزها انا؟؟ 

طارق بمكر/ مش كنت رافض من شويه ايه اللي رجعك في كلامك. 

مراد بإبتسامة مزيفه/ ده انا كنت بهزر معاك هو انا اقدر ارفضلك طلب يا بابا ده انت تُأمر وانا انفذ على طول . 

طارق بضحكه خفيفه/ يا سلااام على الكلام.. ثم أكمل بجديه.. عموما انا حجزتلك تذكرة عشان كنت متأكد انك هتوافق وفي نفس الميعاد اللي نور هتسافر فيه. 

مراد قبل يد والدهُ وقال/ ربنا ما يحرمني منك يا بابا. 

طارق ربط على كتفيه وقال بإبتسامة/ ولا يحرمني منك يا قلب ابوك. 

𝐛𝐚𝐜𝐤.. 

ابتسم مراد ومن ثم وجد اتصال من شقيقه «فيديو كول». 

اجاب وقال بإبتسامة/ ازايك يا حازم. 

حازم بإبتسامة خفيفه/ الحمدلله وانت اخبارك ايه.. فينك كل ده. 

كان سيتحدث ولكن وجد شقيقته تتحدث بحده. 

/ هات بقى يا حازم ده انت رخم اوي يا اخي. 

اخذت منه الهاتف وحازم نظر لها بغيظ وهي نظرت الي اخيها والدموع بدأت تجتمع في عيونها وقالت/ انت هترجع امتى يا مراد انت وحشتني أوووي. 

مراد تأثر عندما رأى عيونها مليئه بالدموع وحاول تهدئتها. 

/ انا راجع قريب يا حبيبتي بس انا عايزك تكوني اقوى من كده مش كل ما ابعد عنك تفضلي زعلانه وتقعدي تعيطي وبعدين ما انتِ معاكِ حازم وماما وبابا. 

حازم بسخريه/ قولها ونبي عشان هي من امبارح هرياني زن وعياط وكل شويه تقول عايزه مراد. 

لينا نظرت لحازم بغيظ وعادت النظر الي مراد وقالت/ مراد انا بجد مفتقداك اوي وفيه حاجات كتير اوي عايزه احكيهالك. 

مراد بإبتسامة ساخره/ لحقتي في اليومين اللي غبت فيهم يبقى فيه حاجات كتير عايزه تقولهالي.. ثم اكمل بهدوء.. عموما حاضر يا قلبي هحاول ارجع في اسرع وقت عشان خاطرك.. بس اوعديني انك متفضليش زعلانه ولو اي حاجه حصلت معاكي قولي لحازم وهو هيتصرف. 

لينا ابتسمت له بإبتسامة مزيفه وقالت/ اوعدك يا مراد. 

ودعتهُ هي وحازم وانتهت المكالمه. 

ــــــــــــــــــــــــــــــــــــــــــــ✦

عند نور.. 

نور قصت لإخواتها كل ما حدث وهما كانوا في صدمه. 

هشام بتساؤل/ طب وانتِ بتفكري في ايه دلوقتي. 

نور بحيره/ مش عارفه بس انا بجد مش طايقه اقعد في المكان ده ثانيه واحده بعد ما عرفت انه هيقعد في الاوضه اللي جمبي. 

ساره بجديه/ انا عارفه انكم هتستغربوا اللي بقولوا بس انا من رأى يا نور انك تحاولي تديله فرصه.. اصل بالعقل كده مش معقول اللي حصل معاكم ده كله صدفه اكيد فيه سبب أو القدر بيحاول يجمعكم مع بعض.

نور برفض تام/ بقولك ايه يا ساره بطلي التخاريف دي انا لا هحاول ولا هديله فرصه.. انتِ عارفه انتِ بتقولي ايه؟؟.. انتِ عايزاني احب مريض كان بيتعالج عندي. 

ساره بإستغراب وابتسامة ساخرة/ وهو المريض ده مش بنأدم زيه زينا ولا هو عشان كان فيه مشكله وانتِ حلتيها ف خلاص كده بقى لا يصلح انه يحبك وتحبيه. 

هشام اقتنع بحديث ساره وقال/ صراحه يا نور انا شايف انه ساره معاها حق يعني انا مش شايف فيها مُشكله إنك تديله فرصه وطبعا كل حاجه هتبقى بحدود ولو معرفتيش تتقبليه خلاص قوليلوا الحقيقه وهو اكيد هيفهمك وهيقبل بفكرة انك حاولتي تديلهُ فرصه ومعرفتيش. 

نور بتنهيدة/ تمام هحاول زي ما بتقولوا.. واما نشوف اخرتها. 

هشام بإبتسامة/ تمام نسيبك ترتاحي ونبقى نطمن عليكي وقت تاني. 

نور بإبتسامة/ تمام ابقوا سلمولي على ماما لما ترجع. 

ساره وهشام ابتسموا لها و ودعوها وهي ودعتهم وانتهت المكالمه.

نور أخذت نفس عميق وظلت تفكر في حديث هشام وساره. 

ــــــــــــــــــــــــــــــــــــــــــــ✦

في فيلا الانصاري.. 

في غرفه حازم.. 

لينا برجاء/ يلا بقى يا حازم ارجوك تعالى وصلني الحفله هي ساعه بالكتير وهبقى هنا. 

حازم برفض/ لأ يا لينا يعني لأ.. انا مش مطمن للحفله دي. 

لينا بدموع/ انت على فكره رخم.. لو مراد كان هنا كان وصلني ومعملش زايك كده. 

حازم بغيظ/ هي بقت كده!! ماشي يا لينا هوصلك بس لو احساسي طلع صح وحصلك حاجه في الحفله دي ساعتها انا هعرف بابا ومراد اللي انتِ مفضلاه عليا واتفرجي بقى على اللي هيعملوا معاكي هما الاتنين. 

ذهب حازم ل يبدل ملابسهُ وهي مسحت دموعها وابتسمت بسعاده. 

ــــــــــــــــــــــــــــــــــــــــــــ✦

عند البار.. 

وصلو كلا من حازم ولينا وهو نظر لها وقال بتحذير وصرامه/ ساعه بالكتير والايقكي في البيت يا لينا فاااهمه. 

لينا بخوف من نظراته الحاده/ فاهمه فاهمه. 

خرجت من السياره واخذت نفس عميق ودخلت الحفله وحازم شغل السياره وذهب. 

ــــــــــــــــــــــــــــــــــــــــــــ✦

داخل الحفله.. 

ظلت لينا تبحث عن ريم حتى وجدتها وريم قالت بإبتسامة/ كنت متاكدة انك هتيجي عشان انتِ قلبك ابيض وبتسامحي بسرعه. 

لينا ابتسمت وقالت وهي تعطيها هديتها/ اتفضلي دي حاجه بسيطه.. كل سنه وانتِ طيبه. 

ريم اخذتها وفتحتها و وجدتها ساعه يد جميله. 

ريم بإبتسامة/ وانتِ طيبه يا قلبي.. طول عمرك ذوقك قمر.. ميرسي يا لي لي. 

لينا ابتسمت ابتسامه خفيفه وريم قالت/ دقيقه ورجعالك. 

لينا نظرت لها بإبتسامة خفيفه وريم ذهبت وعادت مره اخري وهي في يدها كأس من العصير ونظرت الى لينا وقالت بإبتسامة/ ده هدية مني ليكي انا عارفه انك بتحبي العصير ده وعشان كده جبتهولك. 

لينا شعرت بشيء غريب يمنعها من اخذ الكأس من ريم. 

ريم بزعل/ انتِ مش عايزه تخديه ليه.. انتِ لسه زعلانه مني؟؟ 

لينا هزت رأسها بنفي وقالت/ لأ خالص والله بس.. 

ريم بمقاطعه/ مفيش بس يلا بقى خدي اشربيه عشان اتأكد إنك مش زعلانه مني. 

لينا اخذت الكأس بتردد وارتشفت بعض منه وريم قالت برجاء/ اشربيه كله يا لي لي ارجوكي. 

لينا نظرت لها بتردد ولكن اخذت نفس عميق وشربت العصير حتى انتهت منه وتركت الكأس على الطربيزه ونظرت لها بإبتسامة. 

ريم تابعتها حتى انتهت من الكأس وقالت بإبتسامة خبيثه/ بالهنا والشفا يا قمر. 

يـتــبـع🦋..