ريم تابعتها حتى انتهت من الكأس وقالت بإبتسامة خبيثه/ بالهنا والشفاء يا قمر. 

لينا نظرت لها بإبتسامة ومن ثم ادم جاء في سرعه و ريم نظرت الى ادم وقالت بإبتسامة/ كويس انك جيت يا دومي.. تعالى بقى اقعد مع لينا عقبال ما اسلم على صحابي اللي لسه جايين. 

جلس ادم مع لينا وريم ذهبت للبحث عن يوسف الذي كان جالس في مكان خاص لا أحد يعرفه ما عدا ريم ويوسف. 

وجدته أخيراً وهو نظر لها بإبتسامة انتصار وقال/ مش قولتلك انها هتيجي وخطتنا هتنجح.

ريم بإبتسامة/ فعلاً طلع عندك حق وخلاص فاضل اخر خطوة وخطتنا تنجح بحق وحقيقي. 

𝐟𝐥𝐚𝐬𝐡 𝐛𝐚𝐜𝐤.. 

في المدرسه الثانويه.. 

عندما تركت لينا ذهبت وهى مبتسمه وتقول بسخريه/ مغفله فكراني بعتذرلها بجد متعرفش ايه اللي مستنيها لما تيجي الحفله. 

ذهبت للبحث عن يوسف حتى وجدته وتحدثت بجديه/ عملت اللي انت قولتلي عليه ممكن تقولي بقى ايه اللي هيحصل بعد كده وإفرض مرضتش تيجي الحفله هنعمل ايه؟؟ 

يوسف بثقه/ لينا هتيجي الحفله وانا واثق.. ثم اكمل بإبتسامة خبيثه.. اما بقى بالنسبه للي بعد كده ف استني وهتتفرجي على اللي هيحصل. 

ريم بإبتسامة/ مستنيه يا چو. 

𝐛𝐚𝐜𝐤.. 

ــــــــــــــــــــــــــــــــــــــــــــ✦

في لندن.. 

في غرفة نور.. 

كانت تفكر في حديث ساره وهشام ومن ثم دخلت شُرفة غرفتها حتى تستنشق بعض من الهواء النقى. 

وقفت بعض الدقائق ومن ثم شعرت بالبرد وهي ترتدي منامه نوم خفيفه.. ومن ثم انصدمت عندما سمعت صوته يقول. 

/ ادخلى البسي حاجه تقيله عشان متاخديش برد . 

نظرت اليه وجدته يقف في شُرفة غرفتهُ والتى تلتصق ب شُرفة غرفتها. 

نور اخدت نفس عميق وحاولت التحكم في اعصبها وقالت ببرود/ انا كده احسن.. انت مش هتخاف عليا اكتر مني. 

مراد قال وهو متأمل السماء/ تعرفي يا نور.. اول مرة قابلتك فيها حسيت بشعور غريب شعور أول مرة احسه.. الشعور ده اختفى في الفتره اللي كنا بنشوف فيها بعض في النادي..و بعد ما انتهينا من المسابقه.. ومبقتش اشوفك تاني نفس الشعور الغريب رجعلي تاني.. بقيت طول الوقت بفكر فيكي وعايز اسمع صوتك وعايز اشوفك.. مش هنكر اني اتطورت اوي في الشغل وبقيت حاسس اني بقيت شخص مهم وكل ده بفضلك بعد ربنا بس انا دايما كنت حاسس انه فيه حاجه ناقصاني ولما رجعت شوفتك عرفت ايه هي الحاجه اللي كانت نقصاني. 

نور كانت تستمع لحديثه بإبتسامة خفيفه وكأن حديثه دخل قلبها دون ان يمر بعقلها. 

نور نظرت له وقالت بهدوء وتساؤل/ قولي يا مراد بصراحه هو انت كنت عارف انه انا هسافر وانت قررت تيجي ورايا؟؟ 

مراد بتنهيدة/ ايوه يا نور كنت عارف بس انا مجتش معاكي ب مزاجي انا جاي هنا عشان شُغل. 

نور بإبتسامة ساخرة/ وبالنسبه انك جيت تقعد في نفس الاوتيل اللي انا قاعده فيه و اوضتك اللي لازقه في اوضتي ده بردوا شُغل!! 

مراد عاد ليتأمل السماء وقال بهدوء غريب/ كل حاجه هتعرفيها في وقتها يا نور.

كانت ستتحدث ولكن غلبها السُعال الذي جاءها من شدة البرد. 

مراد فزع عندما وجدها تُسعل عدة مرات متتاليه. 

مراد خلع سترته واعطاها اياها وتحدث بقلق/ خدي البسي دي هتدفيكي.

نور بعناد وهي تتظاهر انها بخير. 

/ لأ شكراً انا كويسه. 

مراد بنفاذ صبر/ ما انتِ لو كُنتِ سمعتِ كلامي من الأول كنتِ هتبقي كويسه فعلاً.. اتفضلي البسيها وبطلي عناد. 

اخذتها منه واردتهُ وقالت بهدوء/ merci. 

ابتسم لها بهدوء وقال بهدوء/ على ايه انا معملتش حاجه.. يلا ادخلي ارتاحي وان شاء الله تقومي بكره كويسه. 

بالفعل سمعت كلامه ودخلت غرفتها واغلقت الشُرفه بإحكام.. وهو ظل يتعقبها حتى دخلت وهو مبتسم ومن ثم دخل غرفتهُ واسترخى على فراشهُ وظل يفكر فيها ومن ثم استسلم وغفو بعمق.. 

أما هي ف قامت بتحضير مشروب ساخن حتى تدفئ وامسكت سترتهُ وظلت تفكر في حديثهُ والابتسامة تملئ وجهها. 

ــــــــــــــــــــــــــــــــــــــــــــ✦

في الحفلة…

الأنوار كانت بتلمع، والضحك عالي، والمزيكا ترن في كل الأركان، لكن جوّا الطاولة اللي كانت لينا قاعدة عليها، كانت الحرب شغّالة… بس بشكل خفي.

عيونها فيها لمعة غريبة، مش بتاعة فرح… بتاعة تركيز.

جلست ريم على بعد خطوات تراقب، وبجوارها يوسف، اللي كل شوية يرمق لينا بنظرة انتصار.

وفجأة…

لينا وضعت يدها على رأسها وهمست/ أنا حاسة بدوخة.. مش قادرة أتنفس. 

وقبل ما حد يتصرف، كانت وقعت على الأرض.

الناس اتجمعت حواليها، وريم صرخت بشكل تمثيلي/ حد يلحقها! دي بتنهار!

يوسف تقدم بسرعة وقال/ أنا هآخدها معايا، البيت قريب من هنا وهقدر أساعدها بسرعة.

بعد دقائق…

في بيت يوسف، كان كل شيء مُعد،، 

أوضة مظلمة، فيها ضوء خفيف، وكاميرا مخبّية بتسجّل.

يوسف حط لينا على السرير، وهو بيتظاهر إنه بيهتم بيها، لكنه في الحقيقة بيحضّر الكارثة.

مدّ إيده ناحية الفستان بتاعها وهو بيهمس/ معلش يا لينا، انتي اخترتي الطريقة الغلط تتحديني بيها.

لكن فجأة…

صوت حاد قطع اللحظة/ إيدك مكانها.. قبل ما تندم ندم عمرك!

الباب اتفتح بقوة، والشرطة دخلت ومعاهم أدم، اللي كان ماسك في إيده تابلت عليه صورة البث المباشر من الكاميرا اللي يوسف خبّاها.

الضابط/ يوسف فهمي، إنت متهم بمحاولة ابتزاز وتصوير فتاة بدون علمها ومحاولة اعتداء. عندنا تسجيل كامل بالموافقة من النيابة.

يوسف وقف متجمد، عيونه اتسعت، وبص لريم اللي ظهرت من ورا الضابط، مرتبكة، مش فاهمة إزاي الخطة اتكشفت.

لينا وقفت فجأة، سابت دور “المغمى عليها” وقالت بكل ثقة وهي بتبصلهم/ فاكرينني هبلة؟ كنتوا ناويين تمثلوا وأنا اللي طلعت المخرجة.

ريم بصوت مرتعش/ إنتِ كنتِ عارفة؟ من إمتى؟

لينا بنبرة قوية/ مش مهم عرفت امتى.. المهم اني كشفتكوا. 

يوسف حاول يدافع عن نفسه، لكن الكلابشات كانت أسرع.

الضابط/ كل كلمة، كل خطوة، متسجلة… وكل الناس اللي جوه الحفلة شاهدين على نقلك ليها وانت بتتظاهر انك بتنقذها.

الشرطه مسكت ايد ريم وهي قالت بجنون/ انتو بتعملوا ايه سيبوني.. الحقني يا أدم ارجوك. 

أدم تأثر وبداخله كان يريد انقاظها ولكنه لا يقبل الا بالحق. 

قال ببرود عكس ما بداخله/ انتِ غلطتي يا ريم واللي غلط لازم يتعاقب.

قاموا بأخذ كلا من يوسف وريم الي سياره البوكس. 

ــــــــــــــــــــــــــــــــــــــــــــ✦

في فيلا الانصاري.. 

كان ينظرها على احر من الجمر وفي قمة قلقه عليها خاصتاً بعدما ظل يرن على هاتفها ولا رد منها. 

جاء طارق وتحدث بإستغراب/ حازم انت لسه صاحي!! 

حازم اغمض عيونه وتجمد مكانه من الصدمه ومن ثم استدار ببطئ ونظر الي والدهُ وقال بإبتسامة مزيفه/ احم.. ايوه يا بابا لسه صاحي.. الحقيقه مش جايلي نوم. 

طارق بإبتسامة/ طيب يا حبيبي حاول تنام عشان تصحى بدري للجامعه بتاعتك.. انا هطلع اطمن على اختك واشوفها صاحيه ولا نايمه وبعديها هروح انام.

طارق تركه وذهب وحازم عاد حديث والدهُ في ذاكرته مره اخرى وانصدم ومن ثم ركض ورأ والدهُ و وقف امامه وتحدث بتوتر/ مينفعش يا بابا. 

طارق بتساؤل/ هو ايه اللي مينفعش؟؟ 

حاول اقناعه بأي شيء وقال/ قصدي انه انا لسه مطمن على لينا وهي نايمه وحضرتك عارف انه لينا نومها خفيف ف لو دخلت عليها هتصحى بسرعه وممكن متعرفش تنام تاني..ده اللي اقصده بس. 

طارق بتذكر/ ايوه صح عندك حق.. ثم اكمل بإبتسامة وهو يربط على كتفيه.. طيب يا حبيبي انا هطلع انام وانت متتاخرش في النوم.. يلا تصبح على خير. 

حازم بإبتسامة مزيفه/ وحضرتك من اهله يا بابا. 

صعد طارق الي غرفته وحازم تأكد انه طارق دخل غرفته ومن ثم اخذ نفس عميق وارتاح انه لم يكتشف اي شيء واخرج هاتفه حتى يتصل على لينا مره اخرى. 

ــــــــــــــــــــــــــــــــــــــــــــ✦

عند لينا.. 

الشرطه قامت بأخذ كلا من يوسف ولينا وذهبوا.. 

لينا بإبتسامة/ حقيقي انا بشكرك على مساعدتك ليا انهارده يا أدم. 

أدم بإبتسامة/ أنا معملتش حاجه انتِ زي اختِ ولو اختِ مكانك اكيد مكنتش هسمح انه حد يعمل معاها اللي كان هيتعمل فيكي انهارده.. وبجد انتِ كنتِ ممثله شاطرة. 

𝐟𝐥𝐚𝐬𝐡 𝐛𝐚𝐜𝐤.. 

ريم نظرت الى ادم وقالت بإبتسامة/ كويس انك جيت يا دومي.. تعالى بقى اقعد مع لينا عقبال ما اسلم على صحابي اللي لسه جايين. 

ذهبت ريم وجلس أدم امام لينا وتحدث بإبتسامة/ ازايك يا لينا اخبارك ايه.

لينا بإبتسامة/ الحمدلله يا أدم وانت اخبارك ايه. 

أدم بإبتسامة/ الحمدلله كله تمام.. ثم اكمل بجديه.. بصي يا لينا بعد ربع ساعه انتِ لازم تعملي نفسك هيغمى عليكي. 

لينا بتعجب/ ليه يا أدم!! انا مش حاسه بأي دوخه!

أدم بجديه/ لازم تسمعي كلامي عشان اعرف انقذك. 

لينا بإستغراب/ تنقذني من ايه انا مش فاهمه حاجه! 

أدم بتنهيدة/ بصي يا لينا ريم اختي ويوسف متفقين على خطة ينتقموا منك بيها.. وهما كانو قاصدين يجيبوكي الحفله عشان ينفذوا خطتهم و العصير اللي انتِ شربتيه كان فيه منوم بس قبل ما ريم تجيبلك العصير انا بدلته ب واحد تاني مفيهوش منوم وهي زمانها دلوقتي مع يوسف ومستنينك يغمى عليكي عشان يوسف ياخدك عندهُ في الشقه بتاعته ويصورك وانتِ نايمه ويستغلك بعد كده بالصور دي.. وعشان كده انتِ لازم تسمعي كلامي عشان خطة يوسف و ريم تفشل. 

لينا ازادت صدمتها وقالت بصدمه/ طب وهما يعملوا فيا كده ليه انا عملتلهم ايه.. ولا اختك دي جت اعتذرتلي وانا سامحتها طلعت بتضحك عليا!! 

أدم بجديه/ مفيش وقت للكلام ده دلوقتي.. ركزي معايا واسمعى الكلام عشان اعرف انقذك. 

لينا هزت رأسها بإهتمام وأدم ظل يخبرها بالخطة. 

𝐛𝐚𝐜𝐤.. 

لينا بحزن/ انا بجد زعلانه على اختك مكنتش اتمني انه يحصل معاها كده. 

أدم بتنهيدة/ انا كمان زعلان اكتر منك والله بس ريم غلطت يا لينا ولازم تاخد عقابها.. عموما انا مش هسيبها وهفضل جمبها لحد ما تتغير وتندم على اللي عملته معاكي ومع غيرك.. وأنا متأسف بالنيابه عنها على اللي عملته فيكي هي والحيوان اللي اسمه يوسف. 

لينا بإبتسامة خفيفه/ متتاسفش على حاجه يا أدم انا مش زعلانه من حاجه انا خلاص جبت حقي بس اتمني انه ريم فعلا تعرف انها غلطت ومتكررش الغلط ده تاني.. ثم اكملت بجديه.. أما بالنسبه ل يوسف ف انا فرحانه انه حصل معاه كده عشان يبقى عبره لأي شاب يفكر انه لما يعمل كده في بنات الناس انه كده هيعرف بينتقم منهم.

أدم بهدوء/ عندك حق ربنا يهديه ويهدينا جميعا.. ثم نظر في ساعة يدهُ وقال بجديه.. الوقت أتاخر أوي تعالي اما اوصلك وبعديها هروح القسم عشان اشوف ريم. 

لينا ركبت معهُ السياره ونظرت في هاتفها وانصدمت من كم المكالمات من شقيقها. 

رنت عليه واجاب عليها في سرعه. 

حازم بحده وصوت منخفض حتى لا يسمعهُ احد. 

/ انتِ فين يا لينا وليه مجتيش لحد دلوقتي؟؟ انتِ حصل معاكي حاجه انطقي؟؟ 

لينا بخوف/ اديني فرصه اتكلم يا حازم لوسمحت. 

حازم بهدوء ما قبل العاصفه/ اديني سكت اتفضلي اتكلمي بقى. 

لينا شرحت له كل شئ وهو قال بصدمه/ ازاي يعني كل ده حصلك وانا قاعد هنا مش عارف اوصلك وهموت من القلق عليكي. 

لينا بهدوء/ بص يا حازم انا جايه في الطريق مع أدم زميلي في المدرسه واول ما أوصل هرن عليك. 

حازم بزفر/ طيب يا لينا تيجي بالسلامه متتأخريش. 

لينا بإبتسامة/ حاضر.. كلها تلت ساعه و اوصل. 

حازم بهدوء/ طيب مستنيكي.. سلام. 

انتهت المكالمة وتحدث ادم بإبتسامة. 

/ شكل اخوكي بيحبك أوي. 

لينا بسرحان وإبتسامة/ دي حقيقه.. انا عندي اتنين اخوات بيخافوا عليا اكتر من نفسهم.. بيحبوني اوي وانا بحبهم اكتر.. مبيستحملوش يشوفوني زعلانه أبداً وانا بحب وجودهم في حياتي وكل يوم بشكر ربنا انهم في حياتي ودايما واقفين جمبي وبيدعموني.. انت تعرف اخويا اللي لسه قافل معايا ده لو كان موجود وعرف باللي يوسف كان عايز يعملهُ.. مش بعيد كان ارتكب جريمه قتل يوسف. 

أدم بإبتسامة/ ربنا يخليكم لبعض حقيقي الاخوات السند لبعض نعمة ربنا ما يحرمكوش من النعمة دي أبداً. 

لينا ابتسمت له واكملوا الطريق في هدوء.

ــــــــــــــــــــــــــــــــــــــــــــ✦

بعد تلت ساعه.. 

في فيلا الانصاري.. 

وصلت لينا وحازم أول ما شافها خارجه من العربيه ركض نحوها وعانقها بحب ولهفه. 

لينا ابتسمت وعانقته وقالت بهدوء/ اطمن يا حبيبي انا كويسه ومحصليش حاجه. 

حازم نظر اليها وتحدث بقلق/ انتِ متاكدة انك بخير؟؟ 

لينا بإبتسامة/ ايوه والله انا كويسه الحمدلله. 

حازم نظر لها بإطمأنان وإرتياح.. ومن ثم نظر الى ادم الذي كان يقف ومتأثر بحبهم وحنيتهم على بعض. 

حازم بإمتنان/ انا بجد مش عارف اشكرك ازاي.

أدم بهدوء/ متشكرنيش انا معملتش حاجه.. والانسه لينا زي أختِ.. ثم اكمل بجديه.. انا مضطر استأذن عشان مستعجل. 

حازم ولينا ودعوهُ وذهب أدم.. وحازم ولينا دخلوا الفيلا بهدوء حتى لا يسمعهم أحد. 

ــــــــــــــــــــــــــــــــــــــــــــ✦

صباااااحاااا.. 

في لندن.. 

كانت مستيقظه بكل نشاط وحماس للاستعداد للعمل ودخلت التويلت اخدت شاور وبدلت ملابسها ل ملابس رسميه تناسب العمل ورفعت شعرها و وضعت ميكب خفيف. 

اخذت اغراضها وذهبت للعمل.. 

ــــــــــــــــــــــــــــــــــــــــــــ✦

في سيارة حازم.. 

نظر لها بجديه وقال/ لو تفتكري انا حظرتك قبل ما تروحي الحفله وقولتلك انه انا عندي احساس انه هيحصل حاجه هناك وانتِ مصدقتنيش وصممتي وقولتلك هقول ل بابا ومراد لكن انا مش هقولهم وهديكي فرصه تانيه..و اللي حصل امبارح ده انا مش هسمح انه يحصل تاني.. بعد كده اي مكان عايزة تروحيه رجلي على رجلك.. فااهمه؟؟. 

لينا بإبتسامة/ فاهمه يا حازوم ومتشلش هم انا بعد كده هخليك تروح معايا في كل حته.. ثم اكملت بتحذير.. بس لو جيت قولتلي انا مش فاضي والكلام بتاعك اللي كنت بتعمله معايا.. هروح لوحدي. 

نظر لها وضحك ضحكه خفيفه واكملوا طريقهم الى المدرسة. 

ــــــــــــــــــــــــــــــــــــــــــــ✦

في لندن.. 

وصلت الى المشفى و وجدت طاقم من العُمال يعملون بِجِد وحماس. 

بعد ثواني.. نظرت الى المهندس الذي يشرف على بناء المشفى و انصدمت عندما وجدته يقف مع العُمال ويخبرهم بما عليهم فعلوا. 

خرجت من صدمتها واخذت نفس عميق وذهبت اليه وقالت بإبتسامة هادئه/ الله ينور يا هندسه. 

مراد نظر اليها وابتسم وقال/ ايه رأيك.. عجبك شُغلي؟؟

نور بسخريه/ عجبني ايه هو انت لحقت عملت حاجه ده انت اول يوم ليك انهارده!

مراد ضحك وقال/ طب اعملي نفسك بتجامليني. 

مراد نظر الى العُمال وصاح بحماس/ يلا يا رجاله عايز همه وحماس في الشغل.. عايزين نوري الدكتوره الشغل اللي على اصولهُ. 

نور زادت ضحكاتها وغمزتها بانت ومراد سَرح في جمالها وجمال ضحكتها وغمزتها الذي جعلته يعشقها اكثر. 

ــــــــــــــــــــــــــــــــــــــــــــ✦

في المدرسه الثانويه.. 

وجدته يجلس وحدهُ ويظهر على وجههُ الحزن وذهبت للجلوس معهُ. 

لينا بتساؤل/ عملت ايه امبارح في القسم؟؟ 

أدم بهدوء/ كان فيه فرصه اني اخرجها ب كفاله بس بابا لما عرف قرر انه يسيبها قالي عشان تتعلم الأدب ومتكررش اللي عملته ده تاني.

لينا بحيرة/ رغم اني متضايقه منها بس صعبت عليا وبجد بتمنى اني اعرف اساعدها.. ثم اكلمت بتساؤل.. طب انت ناوي تعمل ايه؟؟ 

أدم بتنهيدة/ مش عارف والله بس انا لازم الاقي حل.. انا مقدرش اشوف اختِ في الحبس وافضل قاعد ساكت كده.. انا ااه عايزها تندم على اللي عملته بس مش عايزها تفضل في الحبس دي ممكن يجرلها حاجه. 

لينا بإبتسامة/ بص انا هساعدك في انك تعرف تخرج ريم. 

أدم بسعاده/ بجد!! ازاي؟؟ 

لينا بإبتسامة/ جهز عربيتك عشان هنروح القسم وانا هقولك هنخرجها ازاي. 

اخذوا إذن بالخروج من المدرسه وركبوا السياره وأدم قاد السياره بحماس. 

ــــــــــــــــــــــــــــــــــــــــــــ✦

في الجامعه.. 

حازم بحب/ وحشتيني أوي. 

ساره بسخريه/ ده على الاساس انك مش بتشوفني كل يوم. 

حازم بإبتسامة ساحره/ انتِ بتوحشيني كل ثانيه. 

ساره بخجل وابتسامة/ احم.. وانت كمان على فكره. 

حازم بخبث/ وانا كمان ايه؟؟ 

وجهها احمر وهو قال بضحك/ ينهااار كل ده عشان قولتلك وحشتيني اومال لو قولتلك بحبك هتعملي ايه!! 

ساره بخجل/ يا حازم بطل بقى. 

حازم بإبتسامة/ عيون وقلب حازم من جوه. 

جاء هشام وقال بسخريه/ ما تخف شويه يا روميوا. 

حازم بتوتر/ احم.. اده هشام انت هنا من امتى؟؟ 

هشام بسخريه/ من ساعة ما خليت وشها يحمر من الكسوف. 

حازم بإبتسامة توتر/ حيث كده بقى انا مضطر استأذن عشان مستعجل استعجال محصلش. 

ذهب حازم وهشام قال بضحكه ساخره/ كداب ده عيل صايع. 

ساره ضحكت وقالت/ خف شويه معاه عشان كله سلف ودين.. ثم اكملت بغمزه.. وانت فاهمني يا ايتش. 

هشام بإستيعاب وفهم/ ف دي عندك حق. 

نظرت له وهي تضحك وذهبوا هما الاثنين الى محاضراتهم. 

ــــــــــــــــــــــــــــــــــــــــــــ✦

في لندن.. 

ذهب اليها بعدما انتهى من عملهُ وقال بإبتسامة/ تسمحيلي اعزمك على فنجان قهوه. 

اجاب عليه بعد تفكير وقالت/ no problem.. يلا بينا. 

مراد ابتسم بسعادة وذهبوا الى الكافيه. 

بعد مرور بعض من الوقت.. وصلوا هما الاثنين وجلسوا وكل واحد منهم طلب الذي يريدهُ.. 

مراد بجديه/ بصي يا نور الصراحه انا جايبك هنا عشان اكلمك في موضوع مهم. 

نور بإهتمام/ اتفضل انا سمعاك. 

مراد بمشاعر صادقه/ فاكره لما قولتلك عن الشعور الغريب اللي بيفضل ملازمني طول ما انتِ بتغيبي عني او حتى لما بشوفك. 

نور بعدم فهم/ ايوه فاكره.. بس ده ايه داخلهُ بالموضوع المهم اللي انت عايز تقولهُ؟؟ 

مراد بحماس وحب/ ما هو ده الموضوع المهم.. انا عرفت ايه معنى الشعور ده وهو اني طلعت بـحـبـك يا نور. 

نظرت له بصدمه وعدم استيعاب ومن ثم نظرت لهُ وقالت بسخريه/ قول كده بقى انه انت جيت ورايا لندن.. وحجزت في نفس الاوتيل اللي انا قاعده فيه.. وبتشتغل معايا كل ده عشان تمثل عليا وتفهمني انك بتحبني.. ثم اكملت بحده وصرامه.. شوف يا مراد انا دكتورة نفسيه وباباك جه واتفق معايا اني اخليك تتغير للاحسن وانا وافقت.. من الاخر انت كُنت بالنسبالي حاله انا كُنت بعالجها وانتهيت من علاجها.. و من النهارده الكلام بينا هيكون في إطار العمل لحد ما نرجع مصر.. انت فاااهم يا بشمهندس!! 

يـتــبـع🦋..