: بليل هجيب الماذون.. هكتب علي سهي 

قالها زين لينصدم الجميع، مرام بصتله بصدمة وتلقائي دموعها اتجمعت في عنيها، اما سهي اللي كانت بتشرب اول ما سمعت الجملة شرقت 

وبصتله بفرحة وقالت... قول والنبي 

كانو كلهم مصدومين من قراره المفاجئ

مرام بقت نظرتها كلها ليه قهر وعتاب وهي عيونها مليانة دموع،، لكن هو قابلها ببرود وقسوة

بصله ابوه وقال بعدم تصديق..... انت واعي للي هتقوله ده ياولدي

شارو علي مرام وقال...ومرتك دي..كيف تتجوز عليها

انت لساك مكملتش شهر 

رد زين وقال ببساطة... ايه المشكلة ما دام الشرع محللي اربعة يابوي 

قالت سميحة بفرحة.. صوح ياولدي. لهو عيب ولا حرام

وبصت لـ سها اللي كانت هتموت من الفرحة وقالت... وزين ما اختارت المرادي

كملت وهي بتلقح علي مرام... اهي دي اللي تصونك.. متربية زين وعلي ايدينا 

 وهي بتبص لمرام بسخرية وشماته 

اما هو اتجاهل كل ده وقام وقال فقط وهو بياخد مفاتيحه.. حضرو نفسكم علي بليل 

واخد تليفونه ومفاتيحه وخرج سابهم في صدمتهم 

قامت مرام طلعت علي اوضتها وهي حابسة دموعها 

تحت نظرات الشماته من سميحة وسهي 

اما حلا كانت اكتر حد حاسس بمرام فقامت علطول طلعت وراها 

خبطت وفتحت الباب علطول، دخلت قربت علي مرام اللي كانت بمجرد دخولها الاوضة سمحت لدموعها.. كانت بتبكي بوجع شديد وكسـ، رة 

قعدت حلا قدامها، مسكت اديها وقالت..انتي اكيد عارفة هو ليه عمل كده. هو مش بيحب سهي دي اساسا.. هو بس عشان القضية اللي رفعتيها هو عمل كده بس عشان 

وسكتت 

فقالت مرام... بيكسرني. مش ده قصدك..

قالت حلا... انا مش عارفة ايه وصلكم لكده.. بس 

وقالت بتردد... متزعليش مني هو راجل وموضوع القضية ده صعب.. ليه عملتي كده 

لتقول مرام بغل... عشان انا متعودتش اسيب حقي. وهو عمل فيا كتير 

ولكن كملت وقالت بنبرة تانية كلها ضعف... بس انا بحبه 

هزت راسها اكتر من مرة وبصتلها وقالت بدموع... عملت كده  بس بحبه.

ابتسمت حلا بحزن عليها وقالت.... فهماكي

كملت وقالت... انتي متخيلة انه كمان برغم اللي بيعمله ده بيحبك.. وجوازه ده قاصد يرد كرامته 

واهو اللي يثبتلك كده انه شاور علي اول واحدة قدامه. سهي اللي متلقحة قدامه بقالها سنين اللي لو كان عايزها كان اتجوزها قبلك. 

...

بعد ساعات 

في اوضة سميحة 

: مالك ياسهي مش شايفاكي فرحانة يعني 

قالتها سميحة لسهي اللي كانت شاردة، بصتلها وقالت

ابنك عايزني يكس, ر مراته بيا ياخالتي. هو قالي كده. مقالش السبب بالظبط. بس فهمني انه هيتجوزني جواز صوري قدامكم.

قالت سميحة باستفسار..... امتي الكلام ده 

ردت سهي وقالت... من شوية كلمني

اتنهدت سميحة ... ماهو اكيد محبكيش في يوم وليلة يعني.. اسمعي انا عارفة انه قرر يتجوزك عشان كده.. بس احنا بقا نعمل ايه 

بصتلها سهي باهتمام وسميحة قالت... تحاولي تغريه. ابقي البسي واتدعلي كده قدامه وهو راجل واكيد هيضعف. خصوصا انه مش طايق يبص في وش اللي ما تتسمي

قالت سهي بأمل.... تفتكري يا خالتي 

قالت سميحة... اعملي بس زي ما بقولك 

..... 

عند مرام 

كانت بتلم هدومها فهي خلاص قررت ترجع ل اهلها 

قاطعها رنة تليفونها وكانت مامتها اللي اول ماردت عليها قالت بصوت مخنوق بالدموع.. ماما

بس مامتها مركزتش قالت... ينفع اللي عملتيه ده.. مرتين تصغري فيهم ابوكي وترفضي ترجعي معاه.. يعني برغم كل اللي عملتيه ومع ذالك متخلاش عنك وكمان بتصغريه

ردت مرام وقالت بندم... انا اسفة يامامي.. عارفة ان بابي زعلان مني بس

قاطعتها مامتها وقالت... ابوكي خلاص من ساعت ما مشينا من عندك قال انك لا بنته ولا يعرفك 

غمضت مرام عيونها وكانت خلاص اتقفلت في وشها. هتقابل باباها ازاي وهتقوله ايه بعد ما صغرته 

فاقت علي صوت مامتها اللي بتقول... المهم قوليلي.. انتو بجد اتصالحتو.. يعني بقي كويس معاكي

صمتت مرام للحظات وقالت ... ايوا يا ماما. متقلقيش 

وبعد ما قفلت معاها 

رجعت وبقت تفضي في الشنطة تاني بيأس وقت علي السرير بوهن وهي مش عرفة تتصرف ازاي

.... 

مساء

عند ليالي اللي كانت قاعدة شاردة، دخلت عليها مامتها وقالت باستغراب ممزوج بسخرية.... انتي قاعدة معايا الليلادي ولا ايه.

بصتلها ليالي وقالت....عايزاني امشي ولا ايه ياماما

قالت مامتها ...اصل غريبة .الوقت اتأخر ومقومتيش تجري علي الشقة قبل ما الزفت اللي اتجوزتيه يكلمك ويأمرك ترجعي زي كل مرة

اتنهدت ليالي وقالت... لا ما انا خلاص مش هرجع تاني 

بصتلها مامتها باستفهام فقالت ليالي.... انا هتطلق ياماما 

لتنصدم ماماتها وتخبط علي صدرها وتقول.... يامصيبتي.. هتطلقي يعني ايه.

لتقول ليالي... يعني هتطلق ياماما.. هو انتي زعلانه اني هتطلق!! مش انتي مش راضية عن الجوازة اصلا. 

لتقول مامتها.. طبعا مش راضية عنها ومازلت 

لتقول ليالي بتعجب...طيب ليه معترضة علي الطلاق

لتقول مامتها... عشان دي فضيحة.. تقدري تقوليلي هتقولي ايه بعد كده للناس 

لتقول ليالي ببساطة... هقول اني كنت متجوزة 

لتبتسم والدتها بسخرية وتقول... بالبساطة دي 

اتنهدت وقال... اسمعي يا قلب امك 

لتقاطعها ليالي وتقول... اسمعي انتي ياماما.. انا كلام الناس ميهمنيش.. ومش هوافق بحاجة غصب عني تاني عشان بس خايفة من كلام الناس 

لتقول مامتها... وهو بسلامته وافق يطلقك 

لتتنهد ليالي وتقول بثقة .... مش بمزاجه 

لتقول مامتها.. يعني ايه 

فقالت ليالي بتردد... هو. هو عرفني علي عيلته 

لتقول مامتها باهتمام... وبعدين 

قالت ليالي... انا حكيت ل عمه كل حاجة وطلبت منه يطلقني منه.. بس هو عرض عليا ييجو يطلبوني من جديد.. بصراحة الراجل طلع ذوق جدا وقالي انه هيعملي اللي عايزاه.. اداني يومين افكر واقرر انا عايزة ايه. 

لتقول والدتها... طيب مادام كده.. عايزة تطلقي ليه.. عايزة توسخي سمعتك وخلاص 

لتقول ليالي.. ياماما افهميني.. بعد اللي عملو فيا مش لازم  ارجعله بسهوله كده 

بقلم فريدة احمد 

...... 

في السرايا وبعد ما تم كتب الكتاب وغادر المأذون 

قام الحاج همام اللي مكانش راضي ابدا باللي بيحصل 

وقبل ما يتحرك قال لمراد... انت كمان حضر نفسك علي بكرة 

عشان تطلق البنت اللي روحت اتجوزتها بالغصب دي

ليقول مراد باعتراض... نعمم. يعني ايه الكلام ده 

ليقول الحاج همام بحدة وأمر.... زي ما سمعت. هتطلقها بنات الناس مش لعبة.. 

واتحرك طلع علي اوضته وهو مش طايق نفسه 

...... 

في اوضة زين 

مكانتش سهي مصدقة نفسها انه خلاص اتجوزها.. حلمها المستحيل اتحقق

بصتله بفرحة وقالت بعد ما قربت عليه جامد وبتلف ايديها حوالين رقبته... مش مصدقة نفسي. اخيرا  بقيت مراتك 

ولكن زين فرملها علطول لما نزل ايديها بهدوء وقال .. لازم تفهمي اني اتجوزتك لغرض مش حبا فيكي. واظن قبل ما الجواز يتم انا عرفتك بكل حاجة وانتي وافقتي. 

كمل بتحذير.... يعني ماتحطيش مجرد احتمال واحد ان بحركاتك دي الجواز هيقلب حقيقي..انتي عارفة اني طول عمري بعتبرك اختي وللاسف هتفضلي كده مفيش حاجه هتتغير. 

وسابها وراح علي الكنبة نام وهو متجاهلها تماما

بقت تبص عليه وهي بتقول في نفسها.. وماله.. واذا كنت انت غرضك من جوازك مني انك تكسرها. 

ملامحها اتحولت ل غل وشماته وكملت في نفسها.. ف انا كمان غرضي اتشفي فيها ليل نهار

...... 

تاني يوم 

نزل مراد قابل عمه اللي كان قاعد بيشرب قهوته بهدوء،  قرب عليه وقبل ما يتكلم بصله الحاج همام وقال...كويس انك صحيت بدري المشوار من هنا للقاهرة طويل بردو..بينا بقا نلحق قبل الليل ناخد المأذون نخلصو من موضوعك ده 

بس مراد قال ببرود....مفيش الكلام ده . مفيش طلاق ياعمي.

بصله عمه واصتنع الغضب وقال... مش بمزاجك. هطلق البت سواء برضاك او غصب عنك. سامع

هنا مراد قال بترجي.... ياعمي انا عاوز مراتي.. انا بحبها مش هقدر اسيبها

بصله عمه شويه وبعدين قال... وهو لو بتحبها صوح. تتجوزها بالطريقة دي. ترضي يتعمل كده في اختك 

كمل وقال... ولا انت اتعودت ميتقالكش لا واللي عاوزه بتطوله لو هدوس الناس بجذمتك.. بس لحد هنا ومش هسمحلك.. مش بنات الناس اللي نعمل فيها كده 

بس مراد قال بندم... انا عارف اني ظلمتها. بس انا كنت ناوي اصلح كل حاجه واعملها اللي هي عايزاه.. ياعمي انا لو ناوي اغرغر بيها مكنتش جبتها لحد هنا تتعرفو عليها وتعرفكم

سكت الحاج همام ثواني وبصله وقال وهو بياكد عليه... انت عايزها صوح. عشان لو 

بس مراد قال بسرعة... عايزها ومش عايز غيرها ياعمي 

فقال الحاج همام بقلة حيلة... خلاص اخدك ونروح نطلبوها من اهلها. وادعي ربك توافق 

ابتسم مراد بفرحة ومسك ايده باسها وقال بثقة...هتوافق. ان شاء الله هتوافق

... 

تاني يوم 

اخدو بعض كلهم وطلعو علي بيت ليالي، الحاج همام ومراد وسميحة وزين وعاصي. ف مراد كان عايز يحسسها انه شاريها بجد 

فتحت ليالي اتفاجأت بيهم كلهم 

قالت بهدوء... اتفضلو 

دخلو، ومراد همس جمب ودنها وقال... جبتلك العيلة كلها عالله الهانم ترضي علينا 

بصتله بضيق ورجعت بصتلهم وقالت...  هنادي ماما. عن اذنكم 

ودخلت تستعجل مامتها اللي كانت بتحضر ليهم مشروبات 

: يلا ياماما. مراد وعيلته كلهم وصلو بره

كانت مامتها بتصب العصير شالت الصنية اللي عليها الكاسات وقالت هاتي الصنية التانية وتعالي ورايا 

وخرجت وهنا كانت الصدمة 

بمجرد ما شافتهم الصنية وقعت من ايدها وهي بتهمس بعدم تصديق وزهول .. همام 

قام الحاج همام وهو مش مصدق عينه... ازاي. دي هي. ايوه مراته اللي بقاله سنين بيدور عليها. ياااااااااااااه. مش مصدق نفسه.. اتقدم عليها بزهول وهو بيقول.. معقول انتي. كيف انتي موجودة هنا و

اما سمييحة هي كمان كانت قامت وقفت وصدمتها ماتقلش عنهم،، ازاي بعد السنين دي كلها تظهر في حياتهم تاني. ازاي 

يتبع..........