لين بصتله بصدمة :انت بتعمل اي هنا

بلال كان بيمد ايده يساعدها 

لين بصت لايدو والدبلة الي فيها بحزن وقامت مشيت من سكات 

بلال بص لايده ورجع بص لاثرها واتنهد ومشي 

ـــــــــــ

لين دخلت مكتب خلود بدموع محبوسة وقعدت وهي سرحانة 

خلود بااستغراب:لين انتي كويسة 

لين هزت راسها بلا ودموعها نزلت :شوفتو بعد كل المدة دي ياخلود .. واكملت بضحكة سخرية :لا وخاطب ...وبصتلها بدموع :لي مقولتليش انه بيشتغل هنا 

خلود فهمت ومسكت ايديها بحزن :مكنتش عايزاكي تفتكري ولا تزعلي انا اسفة 

لين بصتلها ودموعها نزلت بوجع :قلبي اتحرق اوي لما شوفت الدبلة ...وضحكت بسخرية :هي دي الي سبني عشانها بقي 

خلود قامت حضنتها :صدقيني ربنا هيعوضك انتي قدها وهتتخطي ....وبصتلها وقالت بتردد وحزن:وبعدين عايزة اقولك علي حاجة بس بردو عايزاكي تبصي لقدام بعض لما اقولك متبصيش لورا والي عايزك هيحارب علشانك 

لين بصتلها بدموع مستنية تقول 

خلود قالت بتنهيدة:م خاطب هو فعلا كان خاطب وكان بيحبها اوي بس اتوفت من سنة ومن ساعتها وهو م بيقلع دبلتها 

لين دموعها نزلت بوجع :وانا كنت بحبه اوي بس فعلا محدش بياخد حاجة بيحبها 

خلود اتنهدت بحزن عليها ومسكت ايديها وقالت بهدوء:بلال كويس يالين بس هو غصبا عنو ومحدش بيختار الي بيحبو وانتي انسانة جميلة والف مين يتمناكي وصدقيني ربنا هيعوضك وهتبقي اسعد انسانة اه عدي اربع سنين علي موضوعكو بس ده في الاول وفي الاخر نصيب ...واتنهدت بابتسامة وجع:وانا اكبر مثال قدامك اهو 

لين حضنتها وقعدت تعيط في حضنها شوية وخلود بدلتها الحضن بحزن عليها

ـــــــــــــــــــــــــــــــــــــــــــــــــــــــــــــــــــ

بعد شهر 

لين قاعدة في مكانها الهادي كالعادة وسرحانة لقت حد قعد جمبها 

لين بصتله وهو غمز وقال بابتسامة :انا معاذ وانتي ؟

لين بهدوء ورجعت بصت للفراغ تاني  :مبتعرفش 

معاذ اضايق انها معرفتوش وقال بهدوء:انتي فعلا م فاكراني يالين ؟ 

لين بصتله بعدم فهم وقالت :اعرفك منين ..ودققت في ملامحو شوية وقالت بصدمة:معاااذ 

معاذ ابتسم بحزن وهز راسه 

لين ابتسمت بفرحة:يخربيتك رجعت امتيي 

معاذ شاف فرحتها فرح وابتسم وهو بيبصلها بحب:لسة امبارح باليل  واول حاجة عملتها جيتلك وكنت عارف انك هتبقي هنا ...وسكت شوية وقال بحب باين عليه :وحشتيني اوي 

لين اتكسفت وقالت بتوتر:قصدك وحشتوني اكيد 

معاذ ضحك علي توترها وهز راسه :فعلا انتو كلكو وحشتوني بس انتي مختلفة طبعا

لين بتوتر وهي بتغير الموضوع :قوم قوم خلينا نروح لخلود هتفرح اوي 

معاذ ابتسم وقام معاها

ــــــــــــــــــــــــــ

خلود كانت قاعدة في مكتبها بتعب هي وبلال :يووم متعببب 

بلال :اوي بصراحة ...وافتكر حاجة وقال:صح شوفتي الدكتور الجديد 

خلود بااستغراب:ده جه امتي ده 

بلال :لسة واصل امبارح بيقولو شاطر اوي من لندن

خلود كانت بتشرب وشرقت وقال بصدمة:لندن !!...وقالت بسرعة :ده اسمو اي 

بلال كان هيرد قاطعه خبط الباب وفتح ودخل 

خلود قامت بصدمة واتعملها فلاش باك وقالت بوجع:انت

.......ويتبع