عبدالرحيم: شمش فين؟

جميله: (لا ترد)

عبدالرحيم: شمش فين؟ انطقي!

ليخرج عليهم شمس

شمس: ايه يا ابوي؟ دخلت أريح شويه، تعبت من كتر مضربتها

عبدالرحيم: هملني أكمل أنا عليها

ملك: لاء، مينفعش

عبدالرحيم: ليه؟

ملك: عشان لما شمس يتصل بأبوها، لازم أبوها يسمع صوتها عشان يتأكد إنها معانا

عبدالرحيم: برافو عليكي يا ملك

شمس: وانته بتكلم أبو الزفته ديه، قوله إنكم مجموعة الجزارين اللي بنته عملت عنهم تحقيق وخربت بيوتهم وشمعوا محلاتهم وحبسوهم وطلعوا بكفاله ولسه القضيه شغاله

عبدالرحيم: شفت عروسة أبوك بتفكر زين كيف

شمس: له ناصحه، أنا هكلمه دلوك

ملك: اطلب منه خمسين مليون

شمس: وهو هيرضى يدفع

ملك: ما انته هتخليها تكلمه وتقوله يدفع عشان احنا بنعذبها

شمس: شاطره انتي

عبدالرحيم: أمال ايه بس، وانته بتكلمه أنا هموتها من الضرب

ملك: لاء، انته لازم تكون قاعد معاهم ف البيت عشان محدش يشك فيك، وأول ما توصل البيت، ادي شمس رنه وهو يتصل بعدها بشويه، وبكده عمرهم مهيشكو فيك

عبدالرحيم: ايه الدماغ ديه؟ ده انتي تستاهلي بوسه

ملك: البوسه أنا اللي هبوسهالك، بس بعد كتب الكتاب يا قلبي

عبدالرحيم: طيب يا جلبي، أنا مروح دلوك، وأول ما أوصل هرن عليك يا شمش

شمس: كده تمام جوي

ملك: وأنا بقى يا ست جميله، هقصلك شعرك اللي فرحانه بيه ده، وأحسرك عليه عشان أشفي غل حبيبي

بودي عبدالرحيم: آه، أبجي أنوصي بيها

ملك: ده أنا هبهدلها

عبدالرحيم: طاب أنا همشي بجا، أوعى تكلمهم جبل ما أرن عليك

شمس: من عيني يا ابوي

وهنا يتصل عياش بملك

عياش: أمك عيانه جوي، تعالي شوفيها، شكلها بتودع

ملك (بخضه على والدتها): حاضر حاضر

عبدالرحيم: فيه ايه؟

ملك: لاء، مافيش، عياش بيقول إن أمي تعبانه أوي

عبدالرحيم: تعالي أوصلك وبعدين أروح

وهنا ينظر عبدالرحيم إلى شمس ويغمز له

عبدالرحيم: الليله ليلتك يا شمش

ليضحك شمس

شمس: فهمتك أنا، وهسمعك كل خير

عبدالرحيم: تعالي يا عروستي

ليخرج عبدالرحيم ومعه ملك

شمس: ايه رأيك فيا يا جميله؟ أنفع مجرم؟

جميله: بزعل، كتر خيرك

شمس: بهزر معاك، تعالي بقى فكني

جميله: له أدبا ليكي، خليكي مربوطه

جميله: عشان خاطري

شمس: حاضر

جميله: قوللي بقى

شمس: أجولك ايه؟

جميله: انته اتعلمت البرمجه فين؟

شمس: يا بنتي أنا معايا دكتوراه ف الهندسه، والبرمجه ديه هوايه عندي

جميله: مع إنه ميبانش عليك

شمس: كان لازم اتخلى عن أحلامي وأباشر حالنا ومالنا عشان جدك كبر، وأديكي شايفه أبوي

جميله: انته رجوله يا واد عمي

شمس: بطلي تريجه، وفين مكرونتك اللي عملتيها؟

جميله: صدق نسيت، هحطها ف الفرن، وأسوي البوفتيك، وانته اعمل السلطه

شمس: مجنونه انتي؟ عاوزه شمس المحمدي يعمل السلطه؟

جميله: وايه يعني؟ شمس المحمدي؟

شمس: معاملش أنا سلطات

جميله: لاء، هتعمل

شمس: طيب يا ستي، هعملها عشان جعان بس

جميله: طاب، فك، ياله، هموت من الجوع

شمس: كل الوكل اللي بتاكليه ده ومباينش عليكي، عامله زي العصفوره

جميله: أنا عصفوره

شمس: أحلى عصفوره

جميله: ميرسي ليك

شمس: بس انته كده بتعاكسني

شمس: له والله، بس مش عارف انتي عملتي فيا ايه

جميله: عملت ايه؟

شمس: كأني أعرفك من زمن، وببجا مبسوط وانتي معايا

جميله (بكسوف): وأنا كمان ببقى فرحانه وأنا معاك

شمس: بس ديه متبجاش خيانه

جميله: خيانه ايه ولمين؟

شمس: لروضه

جميله: أولاً أكمل، وروضه الله يرحمهم، ثانياً أرواحهم بتقربنا من بعض، والحب قدر يا شمس

شمس: هتصدجي لو جولتلك وجت محضنتيني، مكنتش عاوزك تطلعي من حضني

جميله (بكسوف): وأنا كمان حسيت بالأمان ف حضنك، مش عارفه ليه

شمس: انتي بجيتي غاليه عليا جوي يا فكيهه

جميله: تاني فكيهه؟

شمس: ومالها فكيهه؟ مش بني آدَمه؟

جميله: طاب، مافيش أكل؟

شمس: واهون عليكي تهمليني؟ جعان

جميله: صراحه لاء، متهونش، تعرف إن حامد الصغير وحشني أوي

شمس: وهو كمان اتوحشك وبيبكي عشان عاوزك

جميله: ربنا يخليهولك

شمس: ويخليكي لينا يا رب

جميله: قولت حاجه؟

شمس: هاه، له مجولتش، اديني فَكيتك، اعملي الوكل بجا

جميله: طياره

جميله: هعملك احلي مكرونه

شمس: والبوفيتك

جميله: انته تؤمر

وهنا تصل ملك الي منزلهم

ملك: بلهفه ماما فين

عياش: جوه

لتترك ملك تليفونها علي الأريكه وتدخل لوالدتها

ملك: سلامتك يا امي فيكي ايه

فضيله: بتعب مش عارفه جلبي واجعني جوي

ملك: سلامتك يا امي انا هتصل اجيبلك دكتور حالا

وتخرج ملك لتتصل بالطبيب

عياش: هاتي أكلمه وانتي خشي اجعدي معاها

وبالفعل يتصل عياش بالطبيب ثم يبحث ف التليفون ليسمع حديث ملك مع عبدالرحيم

عياش: احسن حاجه ابعته لنفسي وبعدين امسح الرساله

وهنا يرسل عياش الحديث كامل الي تليفونه ويمسح الرساله

عياش: الدكتور جاي حالا اهو

ملك: تمام انا قاعدة جنب ماما

عياش: طاب انا هريح شويه ف اوضتك علي مياجي الدكتور احسن امك عيانه من عشيه ومنومتنيش

ملك: طيب

ليدخل عياش غرفه ملك ويسمع الحديث بأكمله

عياش: والله وباضتلك ف الجفص ياعياش انا اجطع التسجيل واتصل بعجور واجوله إن ملك سجلت لعبدالرحيم وعرفت أن هو اللي جتل مرته وإنها عاوزه الحلاوه

وهنا يصل الطبيب ليكشف علي فضيله

الطبيب: محتاجين نعمل رسم قلب

ملك: نعمل

الطبيب: خلاص هاتي الحاله بكره المستشفي عشان نعمل الرسم

ملك: مينفعش دلوقتي

الطبيب: ينفع خلاص نتصل بالاسعاف

ملك: حضرتك كلمهم وانا مستعده لاي مصاريف

ليتصل الطبيب بالاسعاف ليبلغهم بالعنوان

الطبيب: انا هروح المستشفي ومنتظر الحاله

ملك: اتفضل حضرتك وتحاسب

ملك

ملك: هدخل اجهز ماما

وبالفعل تدخل ملك علي والدتها لتجهزها

ملك: لازم حد يكون معايا كمان عشان المصاريف بس هشوف عياش الاول

ملك: بابا بابا

عياش: خير جال ايه الدكتور

ملك: ينفع يعني تسيبني كده مع الدكتور لوحدي

عياش: انا جلبي ميجيبنيش اني اشوف فضيله وهيا عيانه

ملك: طاب معاك فلوس عشان الإسعاف جايه تاخد ماما

عياش: من فين

ملك: خلاص انا هتصرف

عياش: وانا هخرج استلف من أي حد

ملك: انته وديت فلوس عبد الرحيم فين

عياش: صرفتهم مبجولك هروح اتصرف

ملك: خلاص خليك عشان تروح معانا المستشفي

عياش: انا مبحبش المشتشفيات انا طالع اجيب فلوس واجي

ملك: مقولتلك هتصرف انا

عياش: له انا اللي هتصرف لمرتي

ويتركها عياش

ملك

ملك: انا هكلم حامد

وبالفعل تتصل ملك بحامد

حامد: ايوه يا ملك عبدالرحيم لسه واصل البيت حالا

ملك: حامد ماما تعبانه اوي والاسعاف جايه تاخدها

حامد: خليكي مكانك انا جاي

أما عياش ها هو قد اتصل بعجور

عياش: انا عرفتلك مين اللي جتل مرتك

عجور: مرتي انتحرت

عياش: له اتجتلت وكمان عرفت اللي سرجها العجد بتاع مرت الحج حامد

عجور: مين هو

عياش: طاب اللي جاللي عاوز الحلاوه

عجور: عاوز حلاوه اشيعلك اللي هو عاوز ه

عياش: ميته

عجور: تعالي خد اللي عاوزه

عياش: انا جايلك حالا

أما في منزل الحج حامد نجد حامد ابن عز يتحدث الي والده

حامد: بابا مامت ملك ف المستشفي وانا هروحلها ممكن تكون محتاجه حاجه

عز: استني انا جاي معاك

وهنا يدخل عليهم عبدالرحيم

عبدالرحيم: ايه عاملين ايه

عز: بخير الحمدلله

عبدالرحيم: تعالي ياخيي عاوز اجعد معاك عشان تصلحني مع ابوي

عز: ياريت والله خلاص روح انته مشوارك يا حامد

عز: تعالي ندخله المكتب

عبدالرحيم: بتمثيل حاضر يا اخوي بس تفتكر ابوك يعني هيرضي عني

عز: ابوك طيب وانا معاك اهه

وبالفعل يدخل عز المكتب علي والده

عز: تعالي يا عبد الرحيم

الاب: جاي ليه وعاوز ايه

عز: مهما كان بردك هو ولدك يا ابوي

وهنا يأتي اتصال لعز

عز: رقم مين الغريب ده

عز: ايوه مين معايا

شمس: بتك عندي واعمل حسابك تبعتلي خمسين مليون أو هبعتهالك متجطه حتت

عز: لا اعمل معروف بنتي لاء هبعتلك اللي انته عاوزه بس انته مين

ليبلغه شمس باتفاقه مع ملك وجميله

عز: اه انته الجزار اللي بنتي عملت عنه تحقيق

شمس: أيوه أنا

شمس: انتظر مني مكالمه تانيه أقولك أقولك هااخد الفلوس إزاي

عز: طاب عاوز أسمع صوت بنتي

شمس: اسمع اتكلمي يابت

جميله: الحقني يا بابا بيضربوني

عز: متخافيش يا جميله هدفعلهم الفلوس وأخلصك من إيديهم

جميله: أرجوك يا بابا بسرعه

وهنا يغلق شمس الهاتف مع عز

عز: الوه الوه

عبدالرحيم: فيه إيه

عز: بنتي اتخطفت وطالبين عليها فديه

الأب: مين اللي يتجرء وعمل كده

عز: أصل جميله كانت عامله تحقيق صحفي عن جزارين معندهمش ذمه

الأب: مش وقته دلوك يا ابوي

عز: أنا لازم أكلم المحاسب عشان يجهزلي مبلغ خمسين مليون عشان أقدر أنقذ بنتي

عبدالرحيم: تدفع خمسين مليون عشان بتك

عز: وادفع عمري كله

الأب: أبيعلك أرض أحسن

عز: هو أنا لسه هستني أنا الحمدلله أقدر أدفعهم ولو طلبوا أكتر كنت هدفع

عبدالرحيم (في نفسه): عافيه عليكي يا ملك أفكارك متخرش المايه

أما شمس وجميله

شمس: أنت كمان ممثل هايل

شمس: اتعلمت المكر منك

جميله: أنا مكاره والله انته ظالمني

شمس: أنا ظالمك طاب خلصي بجا هناكلو وله أروح أشوفلي مطعم آكل فيه

جميله: هغرف حالا اهو

أما عياش فكان قد وصل إلي عجور

عجور: خد ميت ألف أهم

عياش: تشكر يا ريس

عياش: اللي كتل مرتك يبجا عبدالرحيم المحمدي

عجور: بتجول إيه انته

عياش: اسمع كده

عياش يسمع حديث عبدالرحيم عن التهمه التي لفقها لساره وعن قتله لها داخل المستشفي بدون أن يشعر أحد

ليصرخ

عجور: اه يا كلب يا واد الحرام انته اللي عملت كل ديتي

عجور: انته سبب كل النصايب اللي جرتلي

عياش: صدجت ياريس

عجور: مش عارف جنس مخلوج يعرف بالموضوع ديتي

عياش: أوامر

عجور: ياله اندله بس امسح التسجيل ديتي

عياش: حاضر

وبالفعل ينزل عياش من الجبل ويترك عجور في حاله يرثي لها

عجور (في نفسه): حاضر يا عبدالرحيم والله لا خليك تتمني الموت ومتلجاهوش

ليتصل عياش بعبدالرحيم

عياش: تعالي عاوزك ضروري

عبدالرحيم: خير

عياش: عجور خير جوي بس انته تعالي

أما عياش فيذهب إلي عبدالكريم

عياش: عاوزك يا شيخ

عبدالكريم: خير

عياش: خمسين ألف جنيه وأجولك

عبدالكريم: بتوع إيه

عياش: هعرفك الحجيجه

عبدالكريم: حجيجه إيه جول

عياش: الفلوس

عبدالكريم: جول وأديك

عياش: اسمع كده

ليسـمع عبدالكريم حديث عبدالرحيم مع ملك وهو يتحدث معها في أمر حمل عواطف وأن الطفل ابنه هو عشان عبد الكريم عقيم

ليجن جنون عبدالكريم

عبدالكريم: والله لاموتهم شرفي شرفي

عياش: جبضني بجا

عبدالكريم: امشي غور من هنا دلوك أحسنلك

عياش: يعني مش هتديني فلوس

عبدالكريم: بجولك غور

ليتركه عياش ويذهب

عياش (في نفسه): ياريتني كت خدت الفلوس الأول

أما عبدالكريم يدخل إلي منزله

عواطف: جوزي حبيبي ولدك بيساءل عليك

عبدالكريم: ولدي طيب داخل الحمام وجايلك

ويدخل عبدالكريم المطبخ ليأخذ سكين ويخرج علي عواطف ليطعنها طعنات كثيره متتاليه

عبدالكريم: موتي يا خاطيه يا بايعه شرفك

عبدالكريم: إكرام عاجر وانته سليم وأنا أتاريني طلعت مغفل كبير

وهنا تلفظ عواطف أنفاسها الأخيرة