-مأذون؟!

قالتها بصدمة وبعدين كملت :

-مأذون ايه يا مجنو...ن ...آسر انت اتجننت صح ...ده مش كلام ناس عاقلين  ..

-صحيح مش كلام ناس عاقلين عشان أنا بقيت مجنون بيكي ...مش هتقبل انك تروحي لغيري...أنا غلطت يا مُهرا وعارف كده ...بس حرام ...ده عقاب أنا متحملهوش ...

بصت من الناحية التانية وقالت:

-حط نفسك مكاني يا آسر ...أنا عمري ما فكرت أذيك ...أنا اديتلك قلبي وروحي  ..حبيتك اكتر من اي حاجة تاني ...بس خلاص يا آسر ...أنا مبقتش اثق فيك ..أنا بحاول افتكر أنا اذ...يتك في ايه مش بلاقي اي إجابة ...انت شكـ..كتني اني غلطت لما حبيتك ووافقت اني اتجوزك وانا متأكدة أن فيه مشاعر في قلب مراتك من ناحيتك بس قولت اكيد هينسى ..اكيد مع الوقت جر..حه هيهدى...كنت بعمل المستحيل عشان اداوي جر..وحك وانت  بإيديك مسكت السكينة وقتـ....لتني .  أنا مش هسامح ...مش هقدر ...كل اما بشوفك بفتكر كل حاجة ...اطلع من حياتي يا آسر لاني مش هتجوزك ولو جيبت المأذون مش همضي وهقوله اني مش عايزاك ...لو كتبت الكتاب غصب عني هيبقى حرا..م ..أنا مش عايزاك ولو أجبرتني أنا ممكن امو..ت نفسي ....

بصت لها وانا حزين مش مصدق أن كل ده هي حسته بسببي....

-مفيش أمل انك تسامحيني ؟!

سألتها وانا ببصلها وكلي امل فقالت :

-مستحيل كل لما أبص لوشك هفتكر انك استغـ..لتني !!!

حسيت بألم وانا ببصلها ...عرفت أن اللي عملته كان تا..فه اووي ....عرفت انها مش هتسامحني ...وزي ما كـ..سرت قلبها هي كمان هتكسر قلبي ....

-أنا هرجعك بيتك يا مُهرا أنا آسف على كل اللي عملته ...أنا مش هنكر اني اذ..يتك ...مش هنكر حقا..رتي معاكي ابدا ...بس كمان مش هنكر اني ندمان واني بحبك بطريقة محبتش بيها حد قبل كده ...أنا برضه هخلي عندي أمل انك هتسامحيني في يوم من الايام ...وهفضل مستني ولو لقيتك نسيتني وروحتي لغيري هعتبر ده عقا.بي وهتقبله ...

.........

رجعتها ورجعت بيتي وكأني جندي خسر معركته ...كنت حاسس بخنقة وانا نايم على سريري والدموع في عينيا بفتكر كل اللي حصل معايا ...دايما كنت الطرف اللي بيدي حب اكتر سواء لأصحابي أو طليقتي...الوحيدة اللي كـ..سرت معاها القاعدة وندمت هي مُهرا ...غمضت عينيا وانا بفتكر وقت ما عملت حاد..ثة العربية ...

.....

كنت راجع من عيادتي مبسوط عشان مراتي اتصلت بيا وبلغتني أنها حامل ....كنت حاسس اني طاير من السعادة ...حاسس ان الحياة بتضحكلي ...بس فجأة شوفت تريلا بتقرب مني ووقتها كل حاجة بقت باللون الاسود ...واللي بعد كده كان كابوس ....فضلت اتعالج شهور من أثر الحادث والحر..وق اللي طالت وشي لحسن الحظ مموتش وجسمي متحر..قش زي وشي ....

...كنت وقتها لوحدي ...اهلي بس اللي معايا ومُهرا كمان كانت بتطمن من بعيد ...مراتي اختفت من الوسط ...قالوا إنها تعبت خالص واجهـ..ضت من الزعل عليا ....

..لحد ما في يوم ...

جات تزورني بعد اربع شهور من الحادث وانا كنت في مرحلة التعافي ....

-رشا ...وحشتيني ...

قولتها بلهفة وانا بمد ايدي عشان تقرب مني بس هي وقفت مكانها وقالت ببرود :

-آسر أنا عايزة اتطلق !! 

يتبع