وسط ضربات الطبله وصوت الموسيقى والاغاني الشعبيه إلى بترقص عليها البنات والشباب وصلت دكتورة راما، تبارك للعروسه صديقتها من ايام الدراسه

 مكنتش لابسه ملابس ملفته رغم جمالها وجسدها المغرى وكانت بتتعمد تلبس ملابس واسعه علشان تهرب من عيون الرجال، راما بعمر ٢٤ أصغر دكتوره فى جامعتها

مشيت راما بثبات وسط الزحمه ناحيت العروسه ومن اول

ثانيه لاحظت العين الى بتبص عليهآ والى من اول خطوه ليها فى الفرح  بتراقبها

سلمت راما على  منى واخدتها بالحضن وسلمت على جوزها وهى مقرره تمشى، لكن والدة منى إلى كانت تعرفها وياما زارت بيتها حلفت انها لازم تشرب حاجه وتنور الفرح شويه وهمست فى ودن راما يمكن نلاقيلك عريس هنا؟

ضحكت راما والدة منى مش بتبطل تلمح لها عن الجواز وان عمرها بقى ٢٤ والزمن بيهرب منها.

قعدت راما وسط الحريم، متجنبه انها تبص ناحيت الرجاله او عينها تلتقى بنظرة راجل متطفل

لكن عقلها الفضولى خلاها تبص على الراجل إلى كان بيبص عليها اول ما دخلت

كان شاب تلاتينى بلحيه وشعر مشذب ولبسه أنيق واقف مع شابه رقيقه وجميله جدا كل حته فيها بتهمس بالجمال وكانو بيتكلمو مع بعض فى انسجام واضح

وسألت راما نفسها واحد زى ده معاه بنت موزه ليه يبص ناحيتها او ناحيت غيرها غير لو كان انسان قذر؟

ولما لاحظ الشاب ان راما  بصت عليه بطرف عينها، ساب كل حاجه فى ايده وقعد يبص عليها، حتى انه ساب ايد البنت إلى كان ماسكها

اوف، تنهدت راما بغضب، ايه القرف ده معقول يكون خاطب وسايب خطيبته وبييص على بنات الناس وازاى مش خايف من زعل خطيبته؟

الشاب مرفعش عينه من على دكتوره راما لحد ما حست جسمها متلبش، ولما وقفت بسرعه تودع العروسه وتهرب من نظراته لقيته بيمشى ناحيتها، راما عملت نفسها مش شايفه حاجه، ودعت العروسه واخدت طريقها ناحيت باب القاعه وفجأه لقيت الشاب دا قدامها كان بيتحجج انه ماسك حاجه فى ايده ومش عارف يتحرك وبص فى عنيها بتركيز وهمس ممكن نتعرف؟

كتمت راما صرخه علشان الناس والفضيحه وهمست انت انسان قذر، يا اخى احترم خطيبتك او اختك إلى معاك وبطل تبص على بنات الناس

همس الشاب، لكن دى من مش اختى ولا خطيبتى على فكره !!

همست راما من غير ما حد ياخد باله، وانا مالى؟ من فضلك ابعد عن طريقى خلينى امشى

طيب مش تعرفى مين الموزه إلى معايا دى فى الأول؟

همست راما مش عايزه اعرف حاجه ومن فضلك وسع كفايه فضايح !!

همس الشاب وهو بيعمل نفسه مش واخد باله انه واقف فى طريق راما

دى مش خطيبتى!!

وانا ايه دخلى همست راما بصوت أكثر ارتفاع وهى على وشك الانفجار

قال الشاب وعلى وشه ابتسامه ساخره دى مراتى

نهار اسود !! غمغمت راما فى سرها، مراتك وبتبص على بنات الناس؟ انت ايه يا اخى حيوان؟، ابعد من طريقى شخصيات مقرفه  !

مش هبعد همس الشاب بتصميم وهو يتأمل ملامح راما

__فكرت راما ان تصرخ.... ، لكنه فرح، والكلام هيوسع والشوشره وسمعتها

همست راما اقسم بالله لو مبعدتش خلال لحظه لروح لمراتك واقلها عن عمايلك القذره

وعلى وجهه ابتسامه ساخره بثبات الشاب متحركش من مكانه وهمس بجد رهيبه 

____راما لفت نفسها ودون تردد مشيت ناحيت مراته