خشوع نزلت وكانت مشية تيها وحسه ان فيها ضيق الاوض كلوا كانت مخنوقة من نفسها انها راحت ليه وهو سبها ولا اهتم ليها هي راحت وكانت هتتعرض لابشع حاجه ممكن بنت تتعرض ليها بسبوا كان صحبوا هيعتدي عليها كانت مشيه وسرحانة وهي بتعدي الطريق في عربيه كانت بتجري وكانت جيه عليها كانت بتجري بسرعة جنونية

ضوء العربية جي عليها خلاص العربية جيه عليها غمضت عينها.....

بس هي مش حسه بوجع ولا اي حاجه هي حسه انها سليمة معقول تبقا ماتت وهي دلوقتي في كفنها قررت انها تفتح عنيها لما فتحت شافت إياد واقف جنب باب العربية اللي كانت هتخبطها وساند عليه وفلكس من الناحية التانية 

- عرفت ليه مكنوش بيخلوكي تروحي حته لوحدك العربية جيه عليكي وانتي وقفة طب أجري اعملي اي حاجه مش تقفي زي الصنم هي اتديقت من حركت اخوها وراحت زقتوا وهي بتزعق :

انت مجنون انا كنت هموت من الخوف حرام عليك 

- فداكي انا عيوني 

- انت ايه الي جابك؟ 

- قلت مينفعش اسيب اختي تروح لوحدها في وقت زي ده 

- والله 

- والله العظيم وبعدين امي وحشتني اوي قلت بدل ما تدخلي عليهم بإيدك فضيا تخشي عليهم بيا وانا مفيش احلي مني

ابتسمت بسبب برود اخوها 

 سعتها عرفت ان لسه ليها غلاوة في قلبوا 

فلكس كان واقف بيراقب الموقف وقلبوا بيدق جامد هو افتكر خشوع ....خشوع الي كانت سبب في وجعوا خشوع الي رسم وشم علي صدرة بأول حرف من اسمو واسمها خشوع اللي كان كل ما يفتكرها يمسك الموس ويعور نفسوا في اماكن متفرقة في جسموا.....هي سبب كل حاجه حصلت ليه هي سبب انو يشرب كان بيشرب علشان ينسها....معقول معقول بعد كل السنين دي معرفش ينسها ...معقول جرح قلبوا لسه مدواش ..هو ليه قلبوا لسه بينبض باسمها بعد ما جرحتوا ...هي اللي كسرت قلبوا هي سبب كل وجع عاشوا طول السنين اللي فاتت ...هو معرفش يدفن حبها ...كان خايف يروح يطلبها ترفضوا بعد الي شفتوا...كان خايف يتكسر قلبوا تاني بس هو بقا عندوا قلب اصلا علشان يتكسر!!!!

 هي اخدتوا خشوع اخدت قلبوا وسبتوا مجروح وبينزف 

كان بيحاول يبعد نظرو عنها لأنها اخت صحبوا بس معرفش كأن عيونوا بتعوض كل السنين اللي مشفتهاش فيها 

نزلت دموعوا من الوجع اللي جواه كان حاسس بالديقة 

فلكس كان في عالم موازي لما إياد نده عليه ولقاه مش بيرد راح عندوا كان ورا ظهروا راح هزوز وقال : فلكس 

- امم ...معاك

- معايا فين انت مش هنا خالص انت شربت حاجه تاني ولا ايه ؟