-ربنا يشفيها

ساره بابتسامه

-امين شكرا يمصطفى

مصطفى وهو بروح شقتهم

-مش قولتي اننا عيله..دخل ومستناش ردها وهي دخلت ورا غصون و تالين ولقتهم قعدو على الكنبه تالين بصت على ساره

-ساره روحي اشتريلي ملابس

ساره باستغراب

-الشنطه بتاعتك كلها مش عجباك يمليارديره؟

تالين وهي مغمضه عيونها باستمتاع

-مش هينفع اللبس الملابس دي تاني

ساره بحاجب مرفوع

-كان تجيبي معاك غرفه ملابسك كلها طيب

تالين بصت عليها بغيظ

-ياااا بنتي اناااا هتحجب

ساره بصدمه

-ايـــــــه!!

غصون ضحكت

-قالت انها هتحجب بس كانت عايزه تجيب الملابس دليفري معرفش الغير رايها ايـــــــه شكلها شاكه في ذوقها

تالين بضيق

-انا غلطانه اني بكلمكم هنزل لوحدي

ساره فاقت من صدمتها ونطقت بفرحه ولمعه في عينها

-انتِ بتكلمي جد؟؟

تالين هزت راسها ساره إبتسمت

-طب هروح غصون معليش تبقي هنا

غصون بدراما

-انا مش رايحه من هنا الا لما اشوف الملابس الملكيه الهتلبسها جلاله الملكه..ساره انفجرت من الضحك و تالين ضربت غصون بالمخده ساره نزلت و غصون وتالين صلو العشا وبعدها قعدو تالين بصت على غصون

-بجد شكرا يغصون

-هو انتِ كل دقيقتين هتشكريني بس المره دي ليـهه يتولي

تالين بابتسامه جذابه

-علشان انتِ في حياتي

غصون حطت ايدها على عيونها وقالت بدراما

-هو انا اطول علشان جلالتك تقوليلي الكلام ده بالابتسامة البتجنن دي

تالين بصت عليها بغيظ وغصون بعدت ايدها وضحكت وحضنتها

-هترديهالي انا عارفه

-قصدك ايـــــــه؟

جرس الباب رن

-هروح افتح..قامت وراحت فتحت لقت مؤيد..حبيبي

مؤيد بابتسامه

-قلبه..عمي موجود؟

-لا انا مع تالين لوحدنا

هز راسه قال بصوت عالي شويه علشان تالين تسمعه

-السلام عليكم

تالين بتوتر

-و..وعليكم السلام ورحمة الله وبركاته

ابتسم وسالها

-عامله ايـــــــه؟

-ك..كويسه الحمد لله

-الحمد لله على السلامه

-الله يسلمك يبشمهندس

-اه صح حليت الموضوع مع دكتور محمد فمتقلقيش

-شكرا اوي تعبت حضرتك معايا

-الشكر لله اهتمي بصحتك..باس غصون على راسها..هقول لماما وبيسو علشان يجبولكم عشا وتتعشو هنا وانا هتصل على عمي حسن علشان يتعشا معانا خدي بالك منها ماشي يعيوني

رديت بغرور

-انت سايبها معايا هي بامان

ضحك وراح وغصون دخلت وشافت تالين متوتره

-والله راح هو مكنش هيدخل لانو مفيش راجل في البيت

تالين بضيق

-انا عارفه اخوك كويس علشان كده ما تتبريش حاجه..انا كنت خايفه عليه من الدكتور محمد ده لانه واحد عصبي اكيد واجهه مشاكل بسببي بس اكيد مش هيقول حاجه..اتنهدت بضيق..انا من يوم جيت وحاسه اني بعمله مشاكل وهو مش بطيقني اصلا

غصون سابت كل الكلام وركزت على اخر كلمتين

-مين ده المش بطيقك؟؟

رفعت عيونها الخضره

-مؤيد اومال مين يغصوني؟

ضحكت وقولت بسخريه

-والله محدش بعرفه اكثر مني..بصت عليها برفعه حاجب..غصوني؟

إبتسمت

-محبتش ادلعك بحاجه ممكن تكرهيها فعملت ليك ياء

-هي دي ياء الملكيه ولا ايـــــــه موقعها من الإعراب يعني؟

تالين باستغراب

-وانا اعملك ياء ملكيه ليـه..كملت بسخريه..هو انتِ تطولي جلالتها تعملك ياء ملكيه

غصون ضحكت ودخلت في حضن تالين

-اه طبعا لانها بتحبني اوي

-مش اوي يعني

-لا واضح انه اوي اعترفي كده يعسل

ضحكت والباب فتح ودخلت ساره و وراها بيسان و بسمله سلمو على تالين وكان واضح عليهم انهم خايفين عليها اوي تالين حست بحب اكبر تجاه العيله دي وحست بدفئ العيله السابها من سنين بسبب موت اهلها في حادثه اتعشو وكانو بهزرو و يضحكو وكانو مبسوطين برجعه تالين غصون و ساره غسلو المواعين و بيسان كانت بتحكي لتالين عن حياتها المدرسيه وتالين كانت بتضحك وهي بتسمعها وهي بتحكي مقالبها مع صحابها و عرفت انو مؤيد مظلوم كلهم كانو بحاولو يخرجوها وينسوها ألمها وهي فاهمهم ومبسوطه بده ودعوها وبسمله باستها على راسها وقالتلها انها زي غصون عندها كانت مبسوطه اوي فحضنتها بعدها راحو وهي دخلت غرفتها تستريح راحت لبكلونه والبلكونه من شقه اهل غصون مفتوحه كان عندها فضول تعرف مين فيهم صاحب الغرفه دي بعدها سمعت صوت مؤيد وهو بتلي القران غمضت عيونها واستمعت لصوته البرفرف قلبها فضلت تسمعله لحد ما وقف سمعت خطواته وهو بجي على البلكونه فستخبت ورا الستاره بص حولينه وقال باستغراب

-هو ايـــــــه شعور اني مراقب ده باسم الله الرحمن الرحيم مكنش جنيت بسبب البت بيسو دي..البرد محدش هيطلع حتى لو العفاريت يمؤيد فدخل نام ربنا يهديك