بعد ان طرد احمد علاء وقف احمد وقال

اعذرنى يا مصطفى من اللحظه دى انسه تقى وانسه سارة مسئولين منى ونظر إلى تقى ليفاجئها

احمد : تقبلى تتجوزينى ...

نظر الجميع إليه باستغراب ..

تقى : هو للدرجة دى صعبنا عليك لا يا باشمهندس ...احنا نقدر نحمى نفسنا كويس

وبالنسبه ل علاء انا اعرف اتعامل معاه ازاى

احمد بغيظ من تلك الفتاة : الحقيقه يا انسه تقى انتى بتقيسي الكلام فى حدود ضيقه..

الموضوع مش زى ما جه فى بالك دا هيبقي جواز على الورق علشان اقدر اخدكم عندى

اظن انسه سارة من خلال ما فهمت أنها فى ثانويه عامه وحرام كل شويه يحصل قلق وتتشتت كدا ....نظرت تقى إلى اختها وجدتها تشير لها بالموافقه ...

اعتقد انتى كل اللى يهمك هو مستقبل اختك

مصطفى : انا شايف كلام احمد معقول

علاء احنا نعرفه كويس ..وبينا شغل ونعرف الاعيبه كويس ..ومش هيسيبكم فى حالكم

سارة : وافقى يا تقى أبيه احمد شكله طيب

تقى بحيرة : بس انا احب استقل بحياتى انا واختى هنا ...بقلم منال عباس

احمد وهو يحاول بكل طاقته أن ينال منها الموافقه بأى طريقه ..

احمد : اظن انتى عارفه ان مفيش فى الفيلا غير ماما ...واكيد حسيتى اد ايه بتحبك ...

تقى : بس .....

سارة : ما بسش ولا حاجه اعتبري الفترة دى فترة تعارف ...

تقى : طب سيبونى افكر

احمد : طبعا دا حقك ...احنا هنمشي دلوقتي

والصبح هكلمك اشوف وصلتى لايه

وأخذ مصطفى إلى الباب ثم نظر ل تقى ..اقفلى كويس عليكم ...

أغلقت تقى الباب خلفهم وهى شبه مغيبه لما حدث ...

سارة وهى تحتضنها : مالك يا تقى

هو انتى زعلانه من آبيه احمد فى حاجه

تقى : ازاى يا سارة اتجوز بالطريقه دى

ثم انا معرفش حاجه عنه ..

تقى : ما هو قالك جواز على الورق...يعنى اكيد علشان تعرفوا بعض الاول

تنهدت تقى ثم نظرت إلى اختها وتذكرت ما تعرضت له سارة اليوم لتقول فى نفسها

ياريتنى كنت راجل علشان اقدر احميكى

انا فعلا ضعيفه على حمايتك ...

تقى : انا شايفه أن النهارده كان يوم صعب

تعالى ننام وربنا يدبرها من عنده ..

سارة : طب ممكن تصلى صلاة استخارة وشوفى ربنا هيختارلك ايه ...

تقى : عندك حق...

وقامت وتوضأت وصلت صلاة الاستخارة ودعت الدعاء بقلم روايات منال عباس

اللهم إنا نستخيرك بعلمك ونستقدرك بقدرتك ونسألك من فضلك العظيم إنك تقدر ولا نقدر ، وتعلم و لا نعلم وأنت علام الغيوب. اللهم إن كنت تعلم أن هذا الأمر خير لي في ديني ومعاشي وعاقبة أمري ، وعاجله وآجله ، فيسره لي ثم بارك لي فيه وإن كنت تعلم أن هذا الأمر شر لي في ديني ومعاشي وعاقبة أمر وعاجله وآجله فاصرفه عني ، واصرفني عنه ، وقدر لي الخير حيث كان ، ثم رضني به. ....