يعني ايه مستعد لأي تعويض ، هو انت حقيقي شايفني كده ؟!

انفلت زمام سيطرته علي غضبه حتى ارتعدت بخوف وهي ترى بروز عروق رقبته واحمرار عينيه من شدت الغضب ثم جذبها من ذراعيها يتحدث اليها بعنف: اومال عايزاني اقولك ايه لما تكوني مراتي على سنة الله ورسوله وتقوليلي الا حصل بينا ده مكنش وقته ، اومال امتى هيبقى وقته ؟!

نظرت اليه بهلع من شكله وقبضته القويه علي ذراعها بخوف شديد منه 

تركها وهب واقفاً بغضب من فوق الفراش وتحدث اليها بصوت مرتفع غاضب: ارجعي اوضتك وانسي اي حاجة حصلت بينا 

نظرت اليه بصدمة وحاولت ان تتحدث لكنه لم يعطيها اي فرصة وتركها واتجه الى الحمام المرفق بغرفته.

ضمت وجهها بيدها وهي تبكي ثم همست وسط بكائها: انا اسفه 

وقف بداخل الحمام يستند على الباب وهو يشعر بتمزق قلبه من الحزن بعد ان كسرة قلبه واضاعت فرحته الكبيرة بعد ان امتلكها واصبحت زوجته رسمياً ، وها هي الان تتمرد عليه بعد ان امتلكت قلبه و اذابت جليده وجعلته اسيراً لها وعاشق لا يستطيع العيش بدون حبيبته 

.............

صفيه بسخريه: حصل ازاي وهوا نازل دلوقتي من اوضة بنته ولسه لابس بدلة الفرح 

ابتسم صلاح بمكر بعد ان تأكد انه لم يحصل شئ بينهم... بصلها اشرف بضيق وحاول يسيطر علي نفسه عشان سلمي وقال بهدوء: مفيش صباح الخير الاول 

صفيه بسخريه: خير وهيجي منين الخير..... 

قاطعها عصام بحده: خلاص اخرسي مش عايز اسمع صوتك لحد ما نمشي من هنا 

بص اشرف علي سلمي وهوا شايف ملامح الحزن والاحراج علي وجهها ضم قبضته وبص علي صفيه وقال: انتي مش من حقك تدخلي في حياتنا وفي خصوصيتنا 

عصام وهوا بيحاول يهدي الامور: هيا اكيد متقصدش.... احنا كنا جايين نطمن علي سلمي واطمنا عليها خلاص 

بص علي صفيه وقال بضيق: يلا امشو قدامي 

سلمي: خليك يبابا شويه 

قرب منها وباس راسها بحنان وقال: مش عايزين ندايقكم اكتر من كده... خلي بالك من نفسك 

هزت راسها بابتسامة... خد عصام صفيه وصلاح وطلعو من الفيلا.. 

قرب اشرف منها وقال بحزن وندم: انا اسف..... 

قاطعته وهيا بتحط اصبعها السبابه علي شفتيه وقالت: متقولش اي حاجه انا فهماك وانا مش زعلانه كفايه انك جنبي 

بصلها بحب وابتسامه قرب منها وكان هيبوسها حطت اديها علي صدره بعدته وقالت بخجل: اسماء واقفه 

بص علي تلك الصغيره التي تنظر لهم ببرائه نزل علي ركبته عشان يبقا بمستواها وقال بحنان: بقيتي احسن دلوقتي 

هزت راسها بابتسامة طفوليه وقالت: انا جعانه 

نزلت سلمي علي ركبتها جنب اشرف وقالت: نفسك تاكلي ايه 

اسماء بتفكير: اممممم مربي 

ضحكت سلمي وشالتها وقامت وقالت: هنعمل دلوقتي احلي سندوتش مربي لاحلي اسماء في الدنيا 

بصلها اشرف بابتسامة وهوا شايفهم مبسوطين وفاهمين بعض... كان قلقان ان اسماء متتقبلش وجودها 

بصتله سلمي وقالت بابتسامة: تعالي وريني المطبخ فين 

هز راسه وقرب وحاوط خصرها بايديه وخدهم المطبخ.... 

.........

نامت شربات فوق فراشها وهي تضع وجهها بالوسادة وتبكي بحزن على ما حدث بينها وبين جاسر ، تلوم نفسها على ما فعلته وعلى ما قالته له ، ثم جلست على الفراش تجفف دموعها وتهمس الى نفسها ببكاء: انا اللي غبيه كان المفروض اشرح له السبب... اكيد هوا دلوقتي مش هيكلمني وهرجع لنقطة الصفر من تاني 

ثم انهارت في البكاء مرة اخرى وهي تهمس بحزن: بس انا مكنتش عارفه اعمل ايه ، انا مكنتش عايزة ابدأ حياتي معاه قبل ما اتأكد انه بيحبني  وعايزني بجد ومفيش في حياته واحده غيري 

ثم اخفت وجهها بيدها وهي تلوم نفسها مرة اخرى قائلة: بس هو ملوش ذنب وانا الا ضعفت وسلمت ليه

ثم اضافة بحزن: بس انا كنت هعمل ايه ، انا كمان بحبه اوي وبحبه من زمان وكنت بتمنى اكون ليه ومقدرتش امنعه ولا امنع نفسي

رفعت وجهها ونظرت الي صورة خالتها التي بجانبها علي الفراش وقالت وسط بكائها: مش عارفه اعمل ايه انتي اللي كنتي بتقوليلي اتصرف ازاي... دلوقتي اعمل ايه انا من غيرك 

في اوضة جاسر 

جلس وهو يستند على حافة الفراش ويشعل سجارته ويتنفس منها بغضب وهو ينظر امامه بشرود.

يتذكر بكائها وحديثها الذي مزق قلبه واضاع فرحته ثم تذكرها عندما كانت معه وكيف كانت سعيدة بلمساته وبتقربه منها ، لا يصدق انها نادمة على ما حدث بينهم ، فهو لم يقترب منها ويكمل زواجه منها قبل ان تأكد من حبها له وتأكد انها تريده مثلما يريدها ، فهو متأكد الان انها تعشقه ، فلماذا فعلت ما فعلته ، لماذا اضاعت فرحتهم هكذا، يعلم جيداً انها فتاة متمردة لكنه لم يتوقع تمردها عليه بعد ان اقتحمت قلبه و وتسلب منه روحه وتصبح هي وحدها المتحكمة به بالكامل.

عند هذه النقطة هب واقفاً من فوق الفراش ثم القى سجارته ارضاً ودهسها بقدمه ليشعر بنارها وهي تحرق قدمه كما احترق قلبه وتفيقه من عشقه الوهمي، فهو لن يسمح لأحد ان يتحكم به حتى لو كانت الفتاة الوحيدة الذي احبها بجنون ، فسوف يغلق قلبه مرة اخرى ويقوي حصونه ولن يسمح لها باقتحام قلبه مرة اخرى.

............

نظر لها وهيا بين زراعيه بعد ان اتم زواجهم ازاح خصلات شعرها للخلف وقال: انتي بتحبيه 

نظرت له بوسي وقالت: هيفرق معاك 

عاصي وهوا يمرر يده على شعرها: اكيد مش انتي دلوقتي مراتي يبقا من حقي اعرف ومن حقي ميكنش حد في قلبك غيري 

بوسي: إعجاب مش اكتر 

عاصي: واي اللي عاجبك فيه 

بوسي: شخصيته قويه ذكي شيك مشهور حلو