أمينه بصدمه . إيه اللى بتقوليه ده ياعمه يعنى ايه هيخرجنى من المدرسة 

زينب بحزن على بنت اخوها . معرفش يابتى أنا بعد ما وصلتك المدرسة رجعت الدار على شان نسيت اخد الشنطه اللى فيها خلجاتى اللى هشتغل بيهم فى السريا ولقته داخل عليه وبيضحك وسألني عليكى وعرفته انى لسه موصلاكى للمدرسة 

لقته مره واحده قلب خلجته وقال انك كبرتى خلاص على العلام وأنه هيروح يسحب الملف بتاعك من المدرسة 

حولت جدتى تمنعه بس منه لله خالك منصور 

مرضاش وقال إنه كلمته واحده ومش هيرجع فيها واصل

وسبنا وخرج 

أمينه بغضب واستغراب . طيب هو عمل كده ليه انا مستحيل 

اسيب علامى ياعمه أنا عندى الموت احسن 

حولت زينب تهديها . بعد الشر عنيكى يابتى أهدى يابيتى أنا مش هسكت أنا معاكى خلينا الاول نشوف هو عمل كده ليه 

فضلت أمينه تبكى من ظلم خالها اللى ماشفتش منه حنيه 

من يوم ما تولدت وفضلت تسال نفسها يا ترى ايه

اللى خلاه يعمل كده ما هو مش معقول هيسيب بيته

وعياله على شان يجى يخرجنى من المدرسة 

ياترى وراك إيه ياخالى

بعد فترة رجع منصور وسمعته أمينه بيزعق مع عمتها 

زينب خرجت من اوضتها بسرعه 

زينب بغضب . انت بتقول إيه جواز إيه اللى عايز تجوزه 

للبت عندها 15 سنه البت لسه صغيره انت اتجنيت يامنصور ولا ايه

منصور . لمى لسانك ياحرمه بدل ما اقطعهولك ايه 

زعلانه انى عايز استر البت ولا ايه البناته آخرهم

الجواز وانى خلاص اديت كلمه للراجل

زينب . وانت عايز تجاوزها لمين إن شاء الله 

منصور .  المعلم جابر كلمنى عليها وانى وفقت

لطمت زينب على صدرها . يالهوى انت عايز تجوزها 

واحد متجوز وعنده أبنته اديها 

منصور . وايه يعيبه يامرى الراجل هيموت عليها وهيستيتها

وهعيشها فى دوار كبير 

كل ده تحت أنظار أمينه اللى ماقدرتش تفتح بقها من 

الصدمه

ادخلت الجده ام بشير . انت شكلك اتجنيت يامنصور

عايز تجوز البت لراجل من دور ابوها  ولا انت نسيت

عملت ايه انت وابوك فى زهره زمان بتعيده 

تانى يامنصور