كنت عايشه حياه مستقره وهاديه لحد ما عرفت الخبر اللي دمرني خالص ان جوزي متجوز عليا طب امته وازي بقيت زاي المجنونه مش عارفه اتصرف خايفه اوجهو ينكر وبكده اكون خربت بيتي من غير ما كون متأكده وكمان خايفه يطلقني هروح فين انا والعيال ٣ عيال هروح بيهم فين لا انا لازم اتأكد من الرساله الأول  وبعد كده اطلب الطلاق سعتها هقدر اخد كل حاجتي واقعد في الشقه كمان 

ودي كانت بطلتنا اسراء اللي اكتشفت ان جوزها متجوز عليها بعد ٥ سنين جواز عيشاهم بحلوها ومرها ومعها كمان ٣ عيال اكبرهم مريم ١٠ سنين وبعديها ميار ٧ سنين وبعديها مسك ٥ سنين  

فاقت اسراء من التفكير علي صوت بنتها مسك 

مسك: ماما هو بابا جاي أمتي 

اسراء :زمانو جاي يا حبيبتي روحي اللعبي مع اخواتك 

وبعد فترا كان محمود جيه من الشغل واتغدا وكان في الحمام 

واسراء كانت بتحاول تفتح الفون بس معرفتش 

اول ما خرج محمود من الحمام قالت اسراء

كنت عايزه ارن علي الفون بتاعي من عندك مش لقيها 

محمود فتح الفون وادهولها رنت علي فونها بس هي كانت عملا صامت 

اسراء :هدخل اشوفو في الاوضه 

واول ما دخلت فتحت الواتس بتاعو علي الفون بتعها علطول وفجاء حاست بحد ورها بتلف اسراء بخوف لقت مريم بنتها الكبيره 

اسراء بتنهيده :اي يا مريم في حاجه يا حبيبتي 

مريم: بابا بيقولك لقيتي الفون 

اسراء: اه لقيتو وخرجت ادتت الفون لمحمود 

تاني يوم كانت اسراء مستنيه تعرف مين اللي هو اتجوزها هي تعرف انو اتجوز عليها لما جتلها رساله بتقول ان جوزها اتجوز عليها من ٣ شهور  بس العروسه مين متعرفش ومش متاكده كمان بس محمود متغير بقالو فتره وده اللي مخليها قلقانه

فضلت اليوم كلو مستنيه حاجه وملقتش 

ومشي اليوم عادي لحد ما كانو نايمين لقت في صوت رساله علي فون جوزها 

قام محمود بيتسحب وخد الفون وخرج 

قامت اسراء علطول فتحت الواتس 

لاكن اتصدمت من اللي شافتو 

في مكان آخر كانت مني قاعده مضايقه ان هو بايت في حضنها هناك ومش معبرها ولا معرف حد جوزهم غير أهلها واهلو وبتفكر هتعرف الكل ازي 

قطع تفكرها ضربه في بطنها من البيبي اللي هي حامل في من جوزها القديم اللي هو صاحب محمود 

شقه في نفس العماره اللي ساكنه فيها مني 

كانت قاعده قدريه وتحت رجليها جوزها قاعد بيغسل رجليها 

قدريه بشر: وبعدين يا صالح هنعمل اي في اسراء ابنك واتجوز مني وجبها تعيش في العماره هنا 

يعني بقه معا واحده يبقه بسلامه اسراء بقه 

صالح :بس يعني عيلها هتروح بيهم فين وهي ملهاش حد خالص 

قدريه :تغور في اي داهيه كفايه أن خلفتها بنات انا مش برتحلها من زمان خلاص لما محمود يجي هقولو 

عند اسراء كانت لسه مصدومه من اللي شافتو وعرفتو حست بي محمود داخل عملت نفسها نايمه ودمغها شغالها في اللي عرفتو