و مرة واحدة فكرت فى فكرة و قالت،، 

يعنى لو طلبت اى طلب تنفذه.... انا عاوزة أتعشي جعانة جدا.. 

عمر،، بس كده انادى اي حد من الشغالين يعملوا لك أحلى أكل يا ملاكي

أشواق بتوتر،، لاء.. ما هو... بص انا بصراحه عاوزة أكل من ايدك انت يا حبيبى وحشنى أكلك 

عمر رد بإستغراب،، ايوة بس انا عمري ما طبخت لك ابدا ولا كنا بننزل مطبخ 

أشواق أتوترت اكتر،، اه ايوة صح... بس انا عاوزة اجرب... ايه هترفض لى الطلب ده يعنى

عمر،، لاء انا بحبك و ما أقدرش أرفض لك طلب... طب انا هنزل أوعي تتحركى من هنا فاهمة 

أشواق،، ما تقلقش مش هتحرك من هنا 

... روح بقي هموت من الجوع 

عمر نزل على تحت و أشواق ما صدقت انه نزل طلعت وراه و بصت حوالينها و الخوف كان هيموتها،، طلعت بشويش من اوضتها.. 

أشواق،، فرصتك يا أشواق القصر كبير أهربي من اى حتة... حتى لو اتحبست ده اهون لى من الناس المجانين دى

أشواق مشيت واة واحدة و خلاص وصلت لباب القصر عشان تمشي لقت اللى شدها و كتم بوقها،، بصت لقتها فوزية اللى شدتها على اوضتها.. 

دخلت و قفلت الباب،، فاكرة نفسك هتقدري تهربي... انتى عارفة لو هربتي من هنا هيجرا معاكي ايه... عارفة هنا حاميكى من ايه 

أشواق حطت ايديها على راسها،، انا مش عارفه اى حاجه ولا عارفة انا.. هنا لييه... واحد يقولى اتجوزك و انا بياعة سمك و يعيشنى في قصر و خلاص ما صدقت الدنيا فتحت لى دراعتها ألاقي كله حاجه أسودت فى وشي 

فوزية،، ما فيش حاجه أسودت فى وشك يا أشواق انتى هتفضلى هنا 

... أشواق عمر محتاج لك جدا عمر إبنى و ما ليش غيره هو بس متأثر من ساعة ما ملاك مراته أتوفت و كانت تشبهك اوى و ده الحل عشان يرجع تانى يعيش طبيعى... أشواق انا أنقذتك من السجن... ايوة يا أشواق وجودى لما جيت بالعربية ما كانش صدفة انا اللى بعت رجالتى تمثل انهم ظباط عشان ياخدوكى المكان ده.. 

و طول ما انتى هنا ما تقلقيش من البوليس ابدا

أشواق صرخت و دموعها نزلت،، انا مالى بالمشاكل دى انا يا دوب مشكلتى تتحل و... اكيد... اكيد ما فيش دليل ضدى انا لازم أعترف للبوليس... يا ريت تسيبيتى أمشي من هنا

أشواق لسة هتمشي،، فوزية قالت لها،، استنى يا أشواق.. لو مشيتى من هنا هتطلعى على حبل المشنقة على طول 

بالدليل اللى معايا ضدك 

أشواق وقفت و بصت لها،، دليل.. دليل ايه؟ 

فوزية،، انتى ما تعرفيش السـ ـكينة اللى عليها بصماتك معايا... ده غير أمضتك دى... انتى يا حلوة نسيتى اني بعت رجالتى تمثل عليكي انهم ظباط

و خدوا إمضتك... واحدة على أعتراف 

انك قات. لة جاسر الباشا و التانية شيك على بياض يعنى يا تبقي هنا يا تطلعي على السجن و ساعتها المساعدة اللى كنت هساعدها لك و اعالج ابوكى هصرف نظر عنها

أشواق كانت مصدومة من الكلام اللى اتقال لها و فجأة سمعت صوت قوى رجولى و كان صوت عمر.. 

عمر،، ملااااك.... ملاااااك

أشواق طلعت و فوزية واقفة وراها منتظرة قرارها لحد ما لقيتها وقفت فى بهو القصر و عمر راح ناحيتها بفزع.. 

عمر،، ملاك... ملاااكي... انتي

عمر شدها لحضنه و حضنها بقوة و هى مستسلمة ليه تمامًا،، بعد عنها و بقي يبعد شعرها و يبص لها فى ملامحها كويس.. 

عمر،، كنتى فين؟ خضتينى عليكى...