رواية اسيرة الوحش سجدة وفهد الفصل الخامس عشر 15 بقلم سجدة محمد
رواية اسيرة الوحش سجدة وفهد الفصل الخامس عشر 15 هى رواية من كتابة سجدة محمد رواية اسيرة الوحش سجدة وفهد الفصل الخامس عشر 15 صدر لاول مرة على موقع التواصل الاجتماعى فيسبوك رواية اسيرة الوحش سجدة وفهد الفصل الخامس عشر 15 حقق تفاعل كبير على الفيسبوك لذلك سنعرض لكم رواية اسيرة الوحش سجدة وفهد الفصل الخامس عشر 15
رواية اسيرة الوحش سجدة وفهد الفصل الخامس عشر 15
سراب: ايوه بحبه وبموت فيه..... ونفسي اكون معاه دايما واتجوزه واعيش معاه.....انتي متعرفيش انا بحبه قد ايه...انا مهوسه بفهد
بتمشي سجده وهيا مصدومه.... وبتقول لنفسها يعني طلعت بتحب جوزي ونفسها تتجوزه وتكون معاه دايما.... طب ازاي... خليها تحبه انا هعملها ايه يعني وبتحس انها متضايقه اوي... وبعدين بتطلع علي الاوضه
فهد: اتاخرتي ليه
سجده بتوهان: ها.... مفيش حاجه
فهد: مالك ياسجده في حاجه زعلتك
سجده: لا ما فيش حاجه
فهد: طب تعالي نامي
سجده: بتروح تنام جنبه..... وهو بيضمها ليه جامد ويينام
&&&&&&&&&&&&&&&&&&&&&
بتنزل سجده علي الفطار وهيا مصدومه من امبارح... وبتشوف الحقد في عيون سراب.... وبعدين بيخلصوا فطار وفهد بيكون.... مقرر ميروحش الشركه
سجده: انا هروح الاسطبل يافهد
فهد: هاجي معاكي
سجده: تمام
سراب: وانا هاجي معاكم
فهد: اوك يلا سراب بتطلع وبتلبس شورت قصير وبلوزه قصيرة.... وبتنزل
سراب: انا جاهزه
فهد: يلا
سجده في نفسها: هيا كده بتغريه يعني.. ولا ايه
فهد: سرحانه في ايه يا سجده
سجده: مفيش حاجه
فهد: طب يلا بينا
سجده بتمسك في ايده متعرفش هيا ليه عملت كدن وبنبصله : يلا بينا
بيوصلوا الاسطبل وسجده بتطلع الحصان بتعها الي بتركبه دايما.... وبتجري بيه وهيا متعصبه
فهد بضحك وبيقول في سره: لسه ياسجده عايز اشوف غيرتك الي...... بتجنني دي
وبيروح علي سراب..... وبيركبها الحصان.... وبيبدا يعلمها سجده...... بترجع لهم تاني وبتتمشي جنبهم.... بالحصان.... سراب بتركب الحصان.... وبتبدا تمشي بيه... وكانت بتعمل نفسها بتقع علشان فهد يجري عليها..... سجده لحظتها راحت عامله نفسها بتقع..... وزي متكون كانت واثقه انها قبل متنزل فهد هيلحقها.... وبالفعل جري عليها فهد واحتضنها بايديه الاتنين....وهو خايف عليها من تصرفاتها المجنونه وهيا حضنته جامد وغمضت عيونها...... مع العلم.... انو عارف انها قصده تعمل كده بس خاف عليها ازي ... وشالها وسراب كانت قاعده علي الارض راحت سجده غمزلها
سراب بغل ووجع: اااااااااااه
فهد بيحط سجده علي كرسي.... وبيروح يشوف سراب
فهد: سراب انتي كويسه
سراب بحرقه: لا مش كويسه رجلي وجعاني
فهد: معلش ياسراب وبيسندها.... وبتقعد هيا كمان علي الكرسي
سجدة: فهد انا عايزه ارجع القصر علشان تعبت
فهد: ماشي... وبيرجعوا سجده بتطلع اوضتها تغير
فهد بتلاعب : انا... عارف.. علفمرا
سجده باستغراب: عارف ايه
فهد بغمزه: عارف انو انتي كنتي..... قاصده تقعي
سجده بعصبيه: مهيا كانت قاصده بردو
فهد: عارف
سجده: ومانقذتهاش هيت ليه
فهد بحنيه: مهونتيش عليا... دماغك وعنادك دول هيودوكي في داهيه... افرضي مكنتش قريب منك كنتي هتعملي ايه
سجده: خلاص بقي.... عدت.. وبعدين كنت عارفه ان انت هتلحقني
فهد بابتسامه: اشمعنا بقي
سجده: علشان انت علطول بتنقذني في اصعب اوقاتي... وانا كنت متاكده.. طول ما انت موحود مش هيحصلي حاجه
&&&&&&&&&&&&&&&&&&&&&
في اليوم التالي.... سجده بتشوف فهد وسراب نازلين بتقرر تروح وراهم.... فهد بيخرج يركب في العربيه وسراب معاه..... وسجده بتاخد السواق بالعربيه وبتروح وراهم.... بينزلوا عند كافيه وسجده بتنزل وراهم، وبيدخلو يقعدوا علي تربيزه وسجده تقعد في التربيزه الي في وشهم وبتخبي وشها بالجرنان......وهيا مرقباهم وفهد بيكون مستغرب مين البنت الي كل شويه تبص عليهم دي...ومركزه وبيضحك فجاة لما بيفتكر حركات سجده وجنونها...والبنت دي فكرته بيها..... وسجده بتكون فاكره انو بيضحك لسراب...... وبتاخد بعضها.... وبتمشي وهيا مضايقه.... وبترجع القصر وهيا زعلانه جدا وبتقول لنفسها: هو انا زعلانه ليه.... ليه كل الي انا فيه دا.. ومضايقه ليه اصلا....... بس بس دماغي هتنفجر
&&&&&&&&&&&&&&&&&&&&&
الساعه 12 مساء سجده...... بتنزل وبتلاقي سراب وفهد قاعدين في الصالون وفهد بيقولها: كل سنه وانتي طيبه ياسراب
سراب: وانت طيب يافهد
فهد: عيد ميلاد سعيد عليكي وبيفضلوا...... يتكلموا مع بعض سجده....... حاسة انها زعلانه ودمعه نزلت من عيونها وبتطلع علي الاوضه.... وبتنام علي السرير فهد بيدخل وهو عارف انها شافتهم.... ومل ده بيعملوا علشان يخليها تغير وبس..... بس مخدش باله انها عيطت....... لانو مكانش هيستمر في الي بيعملوا...... لو شاف دموعها
بينام جنبها وهيا بتلف وشها وبتديله ضهرها
فهد: فيه ايه لفه وشك النحيه التانيه ليه
سجده: مفيش
فهد بيعرف انها غارت عليه...وزعلانه وبيسبها علشان متضايقش اكتر من كده وبليل فهد بيرجع يحضن سجده وبينام
&&&&&&&&&&&&&&&&&&&&&
بتعدي ايام... وفهد كل يوم بيروح الشركه هو وسراب..... وفهد كان بيعمل انو متجاهل سجده الا انو مفيش لحظه بيكون مقضيها مع سراب الا وسجده كانت في دماغه.... بس بيحب يشاكس سجده ويشوف غيرتها المحببه.... الي قلبه وغير كده الشغل كان واخد وقته... وهو استغل ده علشان يشاكس في سجده وفي يوم فهد كان طالع الاوضه سجده راحت له وقالتله: فهد
فهد: نعم
سجده بنفاذ صبر: مش كفايه كده بقي
فهد: كفايه ايه
سجده: كفايه انا تعبت انت اتجوزتني.... ليه علشان الانتقام انت اتجوزتني غصب وخلصنا وخدت حقك سبني بقي في حالي
فهد بصدمه: يعني ايه
سجده بوهن : يعني طلقني.... يافهد
فهد: ايه
سجده بدموع: ايه الي ايه كلامي.... مفهوم
فهد: بطلي الكلام الاهبل الي انتي بتقوليه ده
سجده: انا مش هبله وواعيه لكل كلمه بقولها ارجوك يافهد بقي.... افهمني
فهد: افهم ايه مفيش... الكلام ده
سجده بانهيار: ارجوك يافهد طب.... بص مش علشان انا بنت عمتك ولا قريبتك... علشان خاطر ربنا واني بنت ضعيفه... ومليش حد... انا تعبت يفهد والله تعبت... بالله عليك..... طب لو... حور تردهالها... يعني
فهد بحزن علي.... وضعها جامد... وبيلوم نفسه الف مره.. انو وصلها للمرحله دي... وبيضمها لصدره جامد اهدي هعملك.... الي انتي عيزاه
سجده بكسره: يعني هطلقني بقي..... وتسيبني
فهد بكدب: ايوه هعملك الي انتي عيزاه.... بس اديني فتره اخلص الصفقه مع سراب علشان اجهز ورق الطلاق
سجده بتبتسم علي سذاجتها ومانت فاكره انو هيتمسك بيها : ماشي هنتظر... وبتقوم تدخل الحمام..... تغسل وشها
فهد لنفسه: انتي متخيله ياسجده..... اني عمري هطلقك مش هقدر اعملها.... بس لازم امشي علي هواكي لغاية... ما الصفقه دي تخلص ونشوف الموضوع..... قال طلاق قال
سراب بتكون معديه من قدام الاوضه وبتسمع كلام فهد وبتفرح...... وبتفتكر ان خطتها نجحت
&&&&&&&&&&&&&&&&&&&&&
سجده بتكون قاعده في الجنينه علي المرجيحه ونسمات الهوا بتطير شعرها الطويل ودمعه من عينها بتنزل حور بتروح عليها
حور: مالك ياسجده
سجده بتمسح دموعها وبتبتسم : مليش حاجه يا حوري
حور: مش عليا ياسجده قولي فيه ايه
سجدة بتعب : تعبت ياحور.... هو انا وحشه ليه كله بيكرهني واي حاجه معايا او بتاعتي كله بيحب ياخدها مني و.... لما سراب بتحب اخوكي تشبع بي... بس يسبوني في حالي عايزه ابعد... تعبت والله
حور بحزن علي حالها: اهدي بس ياسجوده.... وقوليلي عايزه ايه
سجده: عايزه اطلق.... وطلبت الطلاق من اخوكي وخليه يروح يتجوز سراب... بس يسبوني في حالي خلاص انا تعبت.... ودموعها بتنزل بوجع
حور بحزن: اهدي ياسجده.... وفهد هيعملك الي انتي عيزاه.... بس الطلاق مش حل
سجدة: لا حل وانا مش عيزاه
حور وهيا عارفه انو فهد عمره.... مهيتخلي عن سجده بس بتهديها: ماشي ياسجده.... هيعملك الي انتي عيزاه بس متبينيش ضعفك لسراب ووريها انو انتي اقوي
سجده بتمسح دموعها: مهو ده الي هيحصل
&&&&&&&&&&&&&&&&&&&&&
سراب بتكون قاعده في اوضتها وبتكمل مامتها في الموبايل
سراب: انهارده اسعد يوم ف حياتي
الام بفرحه: ايه الي مفرحك يحبيبتي
سراب: هيطلقها يمامي....... وهيكون بتاعي انا وبس
الام: مبروك ياحبيبتي قربي منو..... انتي بس الا يرجع في قراره تاني
سراب: لا متخافيش السنيوره..... مصره علي الطلاق
الام: كان عجبه فيها ايه بقي
سراب بغل وغيره: علشان صغيره لسه يعني... بس اكيد مش احلي مني يمامي
الام: طبعا يحبيبتي....هو في احلي منك يعيوني
سراب: طبها يمامي... سلام يمامي
الام: سلام يروح قلبي
________
&&&&&&&&&&&&&&&&&&&&&
عند سجده في الاوضه بتكون لبسه بيچامه حريريه بالون الازرق.... وفرده شعرها وبتاخد اللحاف وبتروح علي الكنبه
فهد بيدخل الاوضه: ايه ده
سجده: في ايه
فهد: انتي هتنامي فين
سجده: علي الكنبه
فهد:اعقلي يسجده وروحي نامي علي السرير
سجده بعند: لا هنام علي الكنبه.... خلاص احنا هنتطلق
فهد بيحاول يتمالك اعصابه: يبنت الناس م.... تجننيش بعنادك ده
سجدهبعند اكتر: لا ومش هنام غير هنا
فهد: ماشي ياسجده نامي تصبي علي خير
سجده بانتصار: وانت من اهل الجنه
فهد بيقعد علي السرير و... بيهمس لنفسه: عنيده وعصبيه ومجنونه بس...... انا قد اي حد انا فهد الراوي ومش هتخلي عنك لو اخر يوم في عمري
في الليل فهد بيخلص شغل.... وبيشيل سجده براحه وينيمها في حضنه علي السرير.... وبيبوس جبينها
&&&&&&&&&&&&&&&&&&&&&
فهد بيصحي من النوم بيلاقي شعرها مفرود علي وشه بيبعد عن وشه براحه..... وبيبوس دماغها وبيقول: مجنناني بيحس بحركتها فبيعمل نفسه نايم
سجده بتقوم من النوم.... وبتقول باستغراب: ايه الي جابني هنا وبتصحي فهد
سجده بزعيق: انتي ايه الي خلاك تجبني علي السرير
فهد: انا
سجده: اومال انا
فهد بمكر: شكلك كنتي سخنه امبارح.... انتي صحيتي من النوم وقومتي من علي الكنبه وجيتي جيتي جنبي علي السرير... وروحتي حضناني وكمان.... بوستيني
سجده بصدمه: انا عملت..... كده عمري ما اعمل كده
فهد: لا عملتي
سجده بتوتر وصدقت الي فهد قاله: م.... معلش اكيد مكنتش.... اقصد
فهد بابتسامه.... وهو شايفه توترها: مفيش حاجه عادي... انا جوزك
سجده بتقوم تجري علي الحمام وبتقعد تتذكر هيا ازاي عملت كده...... ومش بتكون فاكره حاجه خالص بتلبس هدومها وبتطلع وهيا في ايدها الفوطه وبتنشف شعرها فهد بيشوفها وبيتجنن من جمالها وبيخاف يتهور فبيدخل الحمام بسرعه،
سجدة بترتب الاوضه فهد، بيطلع من الحمام وهو لابس شورت فقط سجده بتشوفه بتلف وشها... وبتحاول متبصش عليه لغاية.... ميلبس
فهد بيقف عند الدولاب وبيقولها بخبث: التيشيرت الرمادي مش لقيه
سجده: انا شيفاه امبارح في الدولاب
فهد: انا مش لقيه
سجده: البس غيره
فهد: لا انا عايزه هو
سجده بتتجه للدولاب.... وبتكون مكسوفه لانو مش لابس غير شورت
سجده بتدور عليه.... وفهد بيكون فرحان بقربه منها
سجده بفرحه: لقيته البس بقي... وراعي انومعاك بنت
فهد: البنت دي مراتي
سجدة:...........
وبتروح تفتح الباب وبتسمع الي بيقول اااااااه
سجده بتجري علي فهد بخوف وبتقوله: مالك يافهد
فهد بتمثيل: شد عضل.....ااه مش قادر
سجده بهلع: طب..طب اهدي....انا هساعدك.وبتقرب منه اوي...وضربات قلبه بتدق جامد...وهيا بتكون متوتره..... وبتلبسه التشيرت وهوا مركز في ملامحها.... وبيشوف قد ايه هيا بريئة وملامحها هادية وبيفوق علي صوته: خلصت خلاص
ومره واحده.... بيشدها عليه
سجده بتوتر: علي فكره انت مخادع د.... ي شدة دراع واحد عنده شد عضل انت كداب ان.... بيقطع كلمها في قبلة عميقة وحنونه
سجده بتقوم بعصبيه وبتقول: انت ازاي تعمل كده ومين ادالك الحق
فهد: انتي مراتي
سجده: احنا.. هنتطلق متنساش...
فهد بعد مبتنزل: دا الطلاق دا في الاحلام يست سجده
&&&&&&&&&&&&&&&&&&&&&
فهد بينزل وبيقول: صباح الخير
الجميع: صباح النور...... وبيروح يقعد علي السفره جنب سجده
سجدة بهمس: متلزقش... كده وسع شويه
فهد بنفس الهمس: اسكتي بدل مقعدك علي رجلي وشوفي موقفك ايه
سجده: رخم
فهد: عيله وغلطت هسمحك المره دي بيخلصوا فطار...... وبيتجه فهد وسراب علي الشركه وطول الوقت بتحاول تقرب منه.... بس هو كل تفكيره في سجده وبس
&&&&&&&&&&&&&&&&&&&&&
بيمر اسبوع.... وطبعا مبيخلاش من عناد سجده في فهد ومشاكسته فيها وسراب بتحاول تقرب من فهد..بس هو مش بيديها فرصه اطلاقا....دماغه مش مع حد غير الي جننته... وفي يوم بيكون واقف فهد وسراب..... بيتكلموا...ان خلاص الصفقه انتهت
سجده بتنزل وبتقول: فهد
فهد: نعم
سجده : الصفقه خلصت.... انهارده اهو
بترد سراب بخبث وفرحه: ليه في ايه
سجده بعصببه: انتي مالك
سراب بطيبه مزيفه: عادي بسال ياسجده.. انا قولت حاجه
سجده بعصبيه: يا بجحتك ياشيخه.... هو انتي يبت مبترحميش... الخبث والمكر ماليكي كده ليه
فهد بهدوء: اهدي يسجده
سجده : هو ايه الي اهدي....وبعدين مش احنا اتفقنا هنطلق اول ما الصفقه تخلص... طبعا هيا مفكره انو اختار لمايخلص الصفقه علشان يتجوز سراب بس.... هو اختار اليوم ده علشان يعرف يتفاهم معاها.. ويكون فتضي.. لانها كانت صفقه كبيره
فهد : مفيش طلاق..... ياسجده واطلعي علي فوق دلوقت.. وانت هاجي وراكي
سجده بعصبيه: يعني ايه مفيش طلاق... وبعدين انت هتعملي سي السيد... واطلعي وانا هاجي وراكي انا مش طالعه غير لما تطلقني
فهد: يعني مفيش طلاق..... ومش هتطلقك.. وخلصنا...... واطلعي بقي
سجده : مش طالعه غير لما تطلقني بردو
فهد بيتعصب..... وبيروح عليها وبيشيلها وبيطلع بيها علي فوق
فهد بيدخل بيها الاوضه..... وبينزلها علي الارض وبيقفل الباب.... بالمفتاح
سجده بتزقه في كتفه وبتقوله: طلقني يافهد
فهد بيمسك دراعها بعصبيه: طلاق... طلاق.. طلاق اي طلاق ده
سجده بدموع: حرام بقي..يفهد هيا بتحبك وانت بتحبها.... طلقني واتجوزها
فهد: اسمعيني انتي فاهمه غلط انا... مبحبهاش ولو هيا بتحبني علشان احنا اصدقاء من الطفوله
سجده: تحبها تحبك.... ميهمنيش طلقني وبس
فهد بنفاذ صبر: مبتسمعنيش كعادتك..... دايما مش عايزه تسمعي
سجدهبوهن: اسمع ايه ها... قولي اسمع ايه
فهد:********
ياتري فهد هيقول لسجده ايه؟
للانضمام لقناة الواتساب اضغط هنا