قاسم 

كنت برا القاعة قولت اشم هوا شوية حسيتنى مخنوق  حسيت ب حاجة بتشدنى من رجلى ببص لتحت لقيت طفلة بتبكي  وبتستنجد بيا

فريدة :عمو عمو 😭

نزل لمستواها قاسم واردف: نعم يقمر انتي بتعيطي ليه يحبيبتي

فريدة:عايزة ماما

قاسم بحيرة: اهدي طيب هي مامتك فين

فريدة: مش عارفة انا لقيت بالونات برا القاعة وروحت اجيب واحدة بس توهت ومش عارفة ارجع لماما انا عايزة ماما 😭😭

قاسم: طيب اهدى وهنلاقي ماما متخفيش انتي اسمك اي

فريدة:اسمي فريدة🥺

قاسم: الله اسمك جميل ماتخفيش ي فريدة هنلاقي مامتك وهترجعيلها بطلى عياط بقي وتعالى ندور على ماما

ف مكان تانى

حور

كنت بسلم عالبنات وابارك والكلام اخدنى ومنتبهتش لفريدة وهي بتمشي بعيد عني حسيت إن الدنيا اسودت ف وشي مابقتش عارفة اعمل اي توهت فضلت انادى وادور عليها زي المجنونة المعازيم ف الفرح كانو كتير والجو زحمة وصوت الاغانى كان عالى دورت كتير عليها ملقتهاش خرجت برا وفضلت ادور واسال اي حد اقابله 

حور بدموع:لو سمحتي ماشوفتيش بنت صغيرة لابسة فستان زهري عدت من هنا

الست:لا والله ماشوفتهاش

حور بدموع وحيرة: اااه ياربي اعمل اي دلوقتي بنتي راحت مني ساعدنى يارب عشان خاطري إلا بنتي يارب اموت من غيرها

فضلت تلف عالناس وتسال لقت واحد واقف بعيد عن الناس راحت تساله

حور بتسأول ودموع:لو سمحت ياستاذ مشوفتش بنت صغير لابسة فستان زهري عدت من هنا.     ي استاذ حضرتك سامعني بقولك ماشوفتش بنت صغيرة لابسة فستان زهري عدت من هنا حور وهي بتلوح بإيديها قدام وشه ي استاذ سامعني انت بتبصلى كده ليه بكلمك رد انت بارد كده ليه ماترد عليااااا

قاسم

كنت واقف جمب فريدة مستنى حد يجي يسال عليها سيبتها تلعب حواليا وانا براقب الناس عشان اشوف اي حد بيسال على حاجة راحت منه فجاة لقيتها ظهرتلى من العدم واقفة قدامي وعيونها بتدمع حسيت الزمن وقف مكانه هي معقول هي بعد كل السنين دي اشوفها نفس شكلها وطريقة كلامها بس دي احلوت اكتر عن زمان وشكلها اتغير للاجمل وحشتنى تفاصيل وشها دي فاق من سرحانه وهي بتلوح بايديها قدام وشه

قاسم بتوهان:هاااا

حور : هااا اي بقالى ساعة بسالك عن بنت صغيرة لابسة فستان زهري عدت من هنا

قاسم بتوهان وهو بيبص ف عنيها اللى افتقدهم من سنين:اسمها اي 

حور بسرعة: فريدة اسمها فريدة

قاسم بصوت عالى نسبيا: فريدة ي فريدة

فريدة من بعيد شوية لما بصت ناحية قاسم لقت مامتها جريت عليها

فريدة بفرحة:هييييي