: موافقه اتجوزك 

قالتها مرام لطارق وهي واقفه معاه في الجنينه لوحدهم 

لكن كملت وقالت... بس زي ما انت عارف انا لسه في شهور العدة

قال بسرعه... 3 شهور استناهم على نار لحد ما يخلصوا 

بس هي قالت بتصحيح.... لا هم مش 3 شهور.. هم تسعه 

قال .. ليه هي العده دلوقتي خلوها بقت تسعة.. طب والله لسه عارف 

ضحكت غصب عنها وقالت لا هي لسه زي ما هيا 3 شهور لكن تسعه لاني.. 

اتنهدت وقالت... لاني حامل. وعدة الحامل بتختلف 

اتصدم وقال ... انتي.. 

هزت راسها وقالت... حامل من زين 

بعدين قالت... زي ما قولتلك.. مش هينفع غير لما اولد..

بصتله بترقب وقالت... لو موضوع حملي ده ممكن يخليك تتراجع.. 

قاطعها وقال... هستني

بصلها بحب وقال... اكيد هستناكي يامرام..اني اتجوزك ده بالنسبالي حلم.. متعرفيش ازاي بعشقك 

ابتسمت ابتسامه بسيطة وهو قال باستغراب ... بس ازاي ابوكي وامك جوا محدش منهم جاب سيرة انك حامل

ردت مرام وقالت... هما ميعرفوش 

بعدين بصتله وقالت... طارق انا محدش يعرف اني حامل ومفيش حد هيعرف.. انا قولتلك عشان انا نويت اكتب البيبي ده علي اسمك. يعني لما نتجوز هيكون ابنك. زين مش هيعرف بيه..لو موافق يتكتب علي اسمك تمام. فكر وابقي رد عليا 

قررت تتجاهله لما عملت نفسها مشغولة مع الكلب بتاعها اللي قعدت علي ركبتها وهي بتحرك ايدها عليه وبتاكله

في الاول طارق اتصدم ومكانش عارف يرد 

لكن بعد صمت منه دام لدقايق... رد وقال... موافق 

مكانش عند طارق ادني استعداد ان يسمح لحاجة تأثر علي جوازه من مرام. فهو خاف لو رفض ترجع هي ترفض جوازه منها.. دا غير انه لما فكر في شرطها لقي نفسه موافق ومبسوط كمان.. نعم ف اذا كانت مرام هتعمل كده انتقـام من زين فهو مكانش يفرق عنها لانه كمان بيكره زين 

ف إنه ياخد ابنه ويكتبه علي اسمه ده في حد ذاته انتصار منه علي زين 

ابتسمت في داخلها ووقفت وقالت.. تمام يبقي احنا متفقين

... 

تاني يوم صباحا 

في جنينة السرايا عاصي واقف بيعلم ابنه سواقة العربية 

: متلفش الدركسيون ياحمار 

قالها عاصي لسيف ليقول سيف بضيق... تؤ..يابابا انت اللي بتوترني 

في اللحظة دي حلا كانت نزلت بعد ماجهزت للجامعة، خرجت الجنينه. بس وقفت بدهشه لما لاقته واقف بيعلم السواقة لـ ابنه اللي عمره لا يتخطي الخمس سنوات

قربت عليه وهي بتقول بدهشة وزهول.... انت بتعمل ايييه

مردش وهو مشغول مع ابنه، قال... يلا دوس فرامل عشان تقف

فـ رد سيف ب لماضة وقال.... اكيد يابابا هدوس فرامل لما احب اوقف مش محتاجة ذكاء بعني 

قال عاصي بغيظ... يابن الكلب 

وسيف بص ل حلا من شباك العربية وقال... صباحو يامزة 

حلا بصت لعاصي بدهشة وقالت... انت بتعلم الواد ده ف انهي مدرسة 

ضحك عاصي وقال... لا هو بس بيقدر الجمال 

وبعدين قال.... يلا اركبي

بس هي قالت... علي فكرة خطر اللي انت بتعلمهوله ده.. يعني ايه يعني بتعلمو السواقة في سنو ده.

وهي مش مصدقه... ده طفل برئ معندوش خمس سنين. هو انت متعرفش حاجه عن عالم الاطفال

عاصي قال...مش ده.. دول الاطفال اللي قصدك عليهم ..ده عنده سبعين سنه..

لسه هتتكلم، قال... يلا اركبي 

بصتله بصمت للحظات واتنهدت وهي بتتعجب وركبت 

...... 

بعد وقت 

وبعد ما وصل ابنه للحضانة وقف بعربيته قدام المخزن اللي حابس فيه وائل 

بص ل حلا وقال... خليكي هنزل اخليه يوقع بالبيع علي العقود وهرجعلك 

هزت راسها بصمت وهو نزل،  دخل فتح الباب. كان وائل ماسك دماغه وحرفيا هيتجنن ف كان المخد، ر نقص من جسمه، فهو مد،من.(بيتعا، طي مخدر،ات )  كان في حالة هياج خصوصا انه كان مربوط وحركته متقيدة

عاصي ميل عليه مسكه من فكه وقال.. ايه يابطل. مالك كده. وانا اللي كنت فاكرك جامد

بصله وائل بغل وقال بتوعد برغم الالم اللي حاسس بيه في دماغه.. اللي عملته ده مش هعديه. خرررجني. وحيات امي ما هسيبك

قال عاصي باستهزاء.. تصدق خوفت

قال وائل بغل وهو بينهج... خرجني من هنا.. وهتشوف

ليقول عاصي... هخرجك وهستني اشوف.. بس قبل ما اسيبك عاوزك تمضيلي امضي صغيرة هنا 

وطلع العقود وقال... يلا 

بص وائل للعقود بصدمة وعاصي قال... لو حابب تخرج امضي. عشان لو ما مضيتش صدقني هتفضل هنا الشمس مش هتشوفها.. يلا خليك زي الشاطر عشان ابعتك ل ابوك 

وبصله وقال بشفقة مصطنعة وعشان.. الجرعة بتاعتك يا حبيبي

بس وائل قال بغل وهو بيعاند نفسه... لو فاكر اني همضي تبقي غلطان 

قام عاصي وقال...انا بردو بقول خليك هنا تمو، ت بالبطئ كمل باسف... خصوصا مفيش كوكا،، يين هنا خالص 

ولف ولسه هيخرج وائل قال وهو بينهج... انا ممكن امضي 

بس تسيب حلا.. انا كده كده مش عاوز الاملاك. بس حلا هاخدها 

ابتسم عاصي بسخرية لكن اصطنع الاسف لتاني مرة وقال... يعني هو بعيد عن انك اهبل عشان تشرط شرط زي ده لاني اكيد مش هسيبلك مراتي...هي للاسف مش عاوزاك 

ولف وهيمشي بس وائل خلاص كان سحب المخدر من جسمه كان مخليه بيخبط راسه في الحيط، قال بسرعة... همضي. همضي. بس خرجني. مش عااايز غير اخرججح

قرب عاصي عليه وقال.... شاطر 

ومسكه القلم والورق وبقي يخليه يمضي 

وبعدها خرج وقبل ما يركب العربية قال للراجل بتاعه يفكه ويسيبه 

وبمجرد ما ركب العربية حلا اللي كانت قاعدة بقلق بصتله وقالت بتساؤل... عملت ايه 

اداها الورق وقال... مش فاضل غير يتوثقو في الشهر العقاري 

اللي هاخدك ونطلع عليه دلوقتي 

قالت بعدم تصديق... هو وقع بسهولة كده 

هز راسه وقال... مكانش عنده حل تاني

..... 

: هو انتي بجد هتتجوزي 

قالتها صاحبه مرام وهي قاعده معاها في الكافيه اللي بيتقابلو فيه

لتقول مرام.... عندك مانع ولا ايه 

اتنهدت رانيا وقالت.... يا مرام انتي ما بتحبيش طارق 

قالت بسخرية وهي بتقلب النسكافيه اللي قدامها.... وانا كنت اخدت ايه من الحب غير وجع القلب. 

رفعت وشها وقالت بشرود.... وبعدين طارق بيحبني 

بس قالت رانيا.... وكمان عاوزك انتقا، م في زين

قالت مرام ببساطة...  طب وايه المشكله ما هو انا كمان هتجوزه انتقام ف زين 

قالت رنيا بانفعال... تاني يامرام

ثم حاولت تهدي نبرتها شوية وقالت بغضب مكبوت... هو انتي مش بتحرمي.. لسه عاوزة تنتقمي منه تاني 

مش هنخلص من دايرة الانتقا، م دي. انتي ازاي مش.. 

قاطعتها مرام وقالت...بس بس. هو انتي بتمنعيني علي اساس المفروض اخاف منه ولا ايه.

بعدين قالت... اولا اني اتجوز او لا هو ملوش عندي حاجة. وكون اني بتجوز طارق بنتـ قم منه برضو ملوش عندي حاجة ولا يقدر يعملي حاجة  

قالت رانيا بسخرية... بس انتي كده بتنتقمي من نفسك 

لتقول مرام... علي اساس ايه برضو.. لسه بحبه 

قالت رانيا بثقة.... متضحكيش علي نفسك 

قالت مرام... وانا قولتلك قبل كده ان لو حبه هيضعفني هطلع قلبي وادوس عليه برجلي 

لتقول رانيا... تمام عرفنا انك قوية.. ملوش لزوم بقا تروحي ترمي نفسك في حضن طارق 

قالت مرام بغل .. كان لازم اعمل كده واحرق دمه زي ما عمل وراح اتجوز عليا وقهرني.. لازم يعرف انه مش فارقلي واني مش قاعدة اعيط عليه و اني هتجوز و بعد عدتي بيوم 

بصتلها رانيا بيأس من عنادها وسكتت 

اما مرام مسكت مج النسكافيه وبقت تشرب بشرود

..... 

عند عاصي وحلا

بصت لعاصي وهم خارجين من الشهر العقاري 

وقالت بامتنان.... متشكره قوي على فكره 

قال وهو بيفتح باب العربية... على ايه.. انتي يا حلا بعتبرك زي بنتي 

رفعت حاجبها وقالت.... بنتك!!! ده اللي هو ازاي يعني.. انت عندك كم سنه 

قال..... 28 

قالت..... وانا عندي 21 يبقى بنتك ازاي معلش. خلفتني وانت في كي جي 2

ضحك وقال... خلاص ولا تزعلي ينفع زي اختي

بقت في شده غيظها لكن قالت وهي بتداريه و بتحاول تكون طبيعية.... اه اذا كان كده ماشي.. يلا عشان اتاخرت علي الجامعة

............ 

سهى بتكلم سميحة في التليفون وتقول بترجي... يا خالتي انا مش هقدر اعمل كده 

ولكن سميحه تقول بتجبر... انتي تعملي اللي بقول لك عليه فاهمه من غير اي اعتراض 

سهى تقول... يا خالتي 

ولكن سميحه تقاطعها بتهديد.... ما اسمعي ما هو انتي لو ما نفذتيش اللي بأمرك بيه هخلي ابني يطلقك فاهمه هو اساسا كده كده عاوز يطلقك وانا اللي منعاه.. انا بقى هخليه يطلقك فتخاف سهى وتقول..... لا لا خلاص انا هعمل اللي تؤمري بيه

لتقول سميحة بامر... يلا اخصلي اقفلي وقومي نفذي دلوقتي

فتقول سهي بخوف... حاضر. حاضر 

لتقول سميحة... يلا وخلي بالك اوعي حد يحس بيكي ويكشفك.. هتدخلي حمامها وتقطعي اسلكة السخان تخليهم يلمسو بعض

وبغل... خليني اخلص منها. 

وبعدين تقول ل سهي... يلا زي ما قولتلك

لتقول سهي وهي بتترعش... حاضر