• ملك تانى يوم امها جت وشافتها بتمسح السلم 

• هناء : ايه اللى بتعمليه ده يا ملك 

• ملك اتخضت لما شافت امها وامها اتصدمت من شكل وشها والكدمات والزراق اللى فيه 

• هناء : ياللهوى يابت ايه ده كله مين الحيوان اللى عمل كده فيكى ده ليله امه سوده 

• جت زوجه من زوجات الراجل : مين دى اللى بتزعق في بيتنا ما تلمي نفسك يا وليه البيت ليه حرمه 

• هناء بزعيق : ده انتوا يومكم النهارده مش فايت مين اللى عمل في بنتى كده 

• ملك بخوف : مفيش يا ماما ابوس ايدك وطى صوتك ده انا وقعت من على السلم 

• هناء بسخريه : سلم سلم ايه ده ان شاء الله ليكى راجل يترد عليه انا بنتى ست الستات محدش يقدر يعمل فيها كده من غير ما اكله بسنانى 

• زوجه الراجل : ماشي يا حبيبتى ورينى هتعمليه إزاى تعالوا يا ستات شوفوا الست اللى بتشتمنا في نص بيتنا 

• وجم باقي زوجات الراجل وبناته وهناء وبنتها اخدوا علقه محترمه منهم كسرولهم أيديهم ورجليهم 

• وحاولوا يكلموا جوزها ييجى يلحقهم وجه هو وباقي اولادهم واخدوهم على المستشفي 

• هناء وبنتها قالوا انهم في ستات مش يعرفوهم هم اللى اعتدوا عليهم وضربوهم في الشارع 

• وطبعا ده كان جوز ملك مهددهم ميقولوش غير كده وبعد كده أخد معاه ملك ومشي في وسط بكاء ملك وتوسلها بأنه يسبها لبيتها ولمامتها وبدأت معاناه ملك 

• ماسه عندها كسور في كل جسمها وللاسف نزيف داخلى بسبب اللى عملوا فيها كمال ولما سألوها في المحضر اتهمت كمال وراحوا علشان ياخدوا كمال للقسم وهناك عرف أنها لسه عايشه وجنانه زاد وحاول يضرب الضباط والعساكر وهما ضربوه وهو كان بيضحك ف حسوا انه في حاجه في دماغه وانه مش مظبوط واخدوه للمستشفي يكشوا على صحته العقليه وهناك اكتشفوا انه عنده مشاكل نفسيه وفقد عقله بسبب كل ده ووالدته بتحكى اللى حصله للبوليس

• مامت كمال : كمال إبنى عنده عقده من والده من وهو صغير جدا لان والده كان بيعذبه دايما وبعدين اتطلقت وسبته بس إبنى مقدرش يتخطى اللى هو فيه وفضل اثره النفسي جواه وده سبب انه لما كبر راح لدكتوره نفسيه وكانت ندى حاولت تعالج التشوه اللى حصل لروحه وفي الطريق ده حبوا بعض جدا واتجوزوا وكانوا بيموتوا في بعض وكان نفسهم جدا في طفل لحدما اكتشفوا ان عند كمال مشاكل في الخلفه وصمم ان ندى تسيبه وتتجوز تانى علشان تخلف بس ندى كانت بتعشقه اتفقت مع هند إنها تعملها عمليه وتشيلها الرحم علشان كمال يصدق انها عايزاه هو مش الاولاد وبرضو للاسف اثناء العمليه ندى ماتت وكمال رجع لازمته النفسيه أكتر من الاول وقعد سنتين منعزل عن كل حاجه لحدما رجع تانى يدرس في الجامعه وهناك شاف ماسه وماسه كانت بتفكره دايما بندى لانها بتشبهها في كل حاجه حتى في حياتها وعيلتها اتعلق بيها مره تانيه وانا كنت معترضه وخايفه عليها من كمال لان مش ده كمال إبنى ومروحتش لا نطلبها ولا اتدخلت في حاجه وروحت الفرح بالعافيه بس لقيت إبنى شايفها ندى مش ماسه وبيحاول يعمل كل اللى كان بيعمله مع ندى لدرجه انه قالها انها مش بتخلف وكان عايز يشيلها الرحم زى ندى وللاسف برضو بنتى هند كان عندها نفس هوس اخوها وعايزه تساعده باى طريقه سواء صح ولا غلط بس اكتشفت ان ندى مماتتش بسبب العمليه كمال كان بيحطلها ادويه بتوصيه من اخته علشان يسيطروا عليها وده اللى عرفته بعدما ماتت واثر عليها جدا وعلى صحتها وكانوا عايزين يعملوا كده في ماسه وانا مش هسمح لإولادى بانهم يقتلوا حد تانى حاولت انقذ ماسه من أيديهم والحمدلله جت على قد كده 

• كمال كان كل يوم حالته بتسوء في المستشفي وكان بيشوف خيالات كتير وشايف ندى