الست فتحية: يعنى ابقى معدية فى الشارع يقولى: يا مهلبية بالبطاطس

زين وهو يخبط يدة اليسار على اليمين: ودا ازاى يختى دى اكلة جديدة اخترعوها من ورايا

الست فتحية: لا دى كنت بعملهالة جمب البسلة

زين بهمس لزناتى: عندك حق تغلط فيا البسلة يا حاج زناتى.. صلح غلطتك بقا ورانا اشغال

زناتى وهى يقترب من فتحية: خلاص بقا يا توحة حقك عليا دا انتى مفيش في حلاوة البسلة بتاعتك طب والله ولا ليكي عليا حلفان من يوم ما طردتيني من البيت وانا مكلت بسلة ابدا كل ما الاسطا زين يقولى اجيبلك بسلة اقولة لا ما اكلهاش غير من توحة مراتى ام عيالى حبيبتى

فتحية بدلع: بجد يا سي زناتى

زناتى: انتى احلويتي كدا لى يا توحة

فتحية بدلع: بس يا سي زوزو بقا الناس واقفة

زين بضحك: خد مراتك وعيد امجادكو فى بيتكو يا حاج زناتى مش فى الشارع

بعد دقائق

زين: كلة يرجع شغلة

~~~~~~~~~~

فى الاعلى دخلت ملك الغرفة والقت حجابها وهى تضحك بعنف

ملك: هموتت بجد الاتنين دول والله مش عارفه من غيرهم كنت هضحك ازاى

ميرفت: بس يبت عيب

ملك: لا بجد هموتت اى رايك بقا يا ستى

وداد بابتسامة: شكلهم لطيف خالص وشكلهم بيحبو بعض زى ماما وبابا

ميرفت: طب هما فين يا حبيبتى

وداد بحزن: توفو من 8 ايام

ميرفت: يا حبيبتى ربنا يرحمهم يارب

وداد بدموع: حتى ملحقتش اتخطى موتهم

ميرفت روحى يا ملك نضفى المطبخ

خرجت ملك من الغرفة بينما ضمت ميرفت وداد الى احضانها قائلة: تعالى يا حبيبتى اقعدى بصى انا عايزاكى تثقى فيا وتفتحيلى قلبك علشان ترتاحى ولو فى حاجة تتحل انتى زى ملك بنتى وانا قلقانة عليكي واى موضوع الهرب دا

وداد بدموع: بصى يا طنط انا فعلا ارتحتلك جدا وحابة احكيلك

ضمتها ميرفت قائلة: احكى يا حبيبتى

وداد اعتدلت في جلستها قائلة برعشة في صوتها: انا اسمى وداد كنت عايشة مع بابا وماما في القصر بتاعنا انا وحيدة دايما مليش اخوات وكان بابا يخاف عليا اخرج لوحدى علشان عمري ما خرجت ابدا ولا اتصاحبت على حد كان السواق يوصلنى المدرسة ويستنى اخلص وياخدنى وكذلك دخلك الكلية من البيت للكلية ومن الكلية للبيت كان ممكن بابا لو فاضى شوية نخرج من بعض انا وهو وماما غير كدا فى اوضتى لوحدى كان بابا وماما كل حاجه عندى ليا عم اسمة راضى ومراتة طنط هناء ودى دايما بتكرهنى وعمى ماشى وراها وليهم ابن اسمة احمد كان دراع بابا اليمين كان يحب بابا اكتر من ابوة كمان بس عمى قالة اننا سرقنا الميراث كلة وقتها احمد عمل خطة بسببها خسر بابا 10 مليون

بس بابا مزعلش ابدا وقال ربناا يعوض علية لحد. ما عرف انة احمد هو اللي عمل كدا وقتها زعل جدا وكلنا اتاثرنا وفي يوم بالظبط يوم وفاة بابا كان خارج هو وماما راحين مشوار وقتها جالى خبر موتهم وبقيت لوحدى بجد والنهاردة اتقلبت كل حياتى لقيت عمى داخل عليا وفى ايدة راجل عجوز عايز يتجوزنى وهو وافق علشان لما شافة راجل غنى ودفع فلوس ومنة القصر يبقى ملكة بعدها عرفت انة زور امضتى وخد. املاكى كلها الراجل دا اسمة محسن دا اللي هربت منة