مريهان بإستفزاز:  الف مبروك يابنت عمى جوازك من جوزى انااا. 

ملك خافت من شكلها ف استخبت ورا ضهر فارس اللى استغرب رده فعلها وخوفها لمجرد كام كلمة. 

فارس بص ل مريهان:  الله يبارك فيكى يامراتى يلااا ياملك ومسك ايد ملك وطلع بيها قدام نظرات مريهان اللى كلها حقد ونظرات امه اللى كلها سعادة ل ابنها وشماته ف مريهان. 

نور بخبث:  معلش بقا يامريهان النهاردة فارس ل ملك. 

مريهان بصتلها بغيظ وطلعت فوق ونور ابتسمت بسخرية وطلعت اوضتهاا. 

ف اوضة فارس وملك

ملك بخوف:  ف.. استاذ فارس. 

فارس بصلها بتفحص من حركتها اللى كلها خوف صوتهاا المرتعش اتنهد. 

فارس بحنية مسك ايديهاا وقعدها جمبه:  ممكن افهم لى كل التوتر دا والخوف. 

ملك بدموع:  انا خايفة. 

فار بحنية وبيمسح دموعها:  ممكن افهم خايفة من اى. 

ملك بدموع:  خايفة من حاجات كتير اوى. 

فارس:  اممممم لاء دا احنا شكل كدا كلامنا كتير انا بقول نغير هدومناا ونعمل اتنين ايس كوفى انا عرفت انك بتحبيه ونقعد نرغى للصبح اى رايك. 

ملك ابتسمت:  موافقة. 

فارس:  طيب عقبال ما تخرجى ليكى هدوم اكون انا اخدت دش سريع وخرجت. 

فارس دخل الحمام وملك ابتسمت على حنيته وتفهمه. 

بعد شوية الاتنين قاعدين. 

فارس:  هاا ياستى ف اى بقا واى الحاجات الكتير اللى خايفة منها. 

ملك واتنهدت:  اول حاجة خايفة تشوفنى طماعة. 

فارس بصلها بإستغراب:  دا لى. 

ملك:  احم زى ما حضرتك شوفت حالنا على قدنا وبابا امكانياته مكنتش تسمح انه يقدملى ف الجامعة ف انا كنت رافضة فكرة الجواز منك علشان مريهان بس ماما اقنعتنى انك هتقدر تحقق حلمى وادرس. 

فارس بصلها وابتسم انها مكدبتش عليه:  بصى ياملك انا اتجوزت مريهان مش حب زى ما انتى فاكرة مريهان اشتغلت عندى ف الشركة وكانت شاطرة جدا ف شغلها ودا لفت انتباهى ولقيتهاا كويسةف ومحترمة ف اتجوزتها وبعد الجواز حسيت بحب نحيتهاا المهم حوار تعليمك دا طبعاا انا متكفل بيه ومستحيل اقول عليكى طماعة دا حقك فيا انى اشوفك محتاجة اى واعمله. 

ملك ابتسمت انه مفهمهاش غلط. 

فارس:  كلمى وخايفة من اى تانى. 

ملك بصوت مهزوز:  مريهان. 

فارس:  عارف انها هضايقك وتزعلك بس كل اللى اقدر اقولهولك انى مش هفرق بينكوا ولو هى غلطت ف حاجة معاكى انا هكون معاكى وهجبلك حقك منها ونفس النظام معاهاا لو انتى ضايقتيها هقف معاهاا انا مع الحق على طول ف حاجة تانى مخوفاكى. 

ملك هزت راسهاا بمعنى لا. 

فارس:  طب تعالى يالااا ننام.