و مرت ثلاته اشهر مليئه بالاحداث، تغير فيها الكثير.. تم القبض علي ادهم و رجالته و لاكن البوص هرب و محدش عارف هو مين.

و اتطورت علاقه ريم و علي.. و اتحدد موعد حفله زواج ريان و سجده و مهاب و دنيا..

-----

في قصر البحيري

بتصحي سجده علي رنه تلفونها..

سجده بابتسامه: صباح الخير يا سرسوره

ساره: صباح الخير يا هانم انتي لسه ناايمه قومي يبت اتاخرنا

سجده: في ثواني هكون عندك

باجهز سجده و بتاخد شاور علي سريع، و بتلبس فستان موڤ و طرحه بيضه و كوتش ابيض و شنطه بيض، و بتحط ميكب خفيف جدا. رسمت عينها بكحل ابيض و بلاشر خفيفه جدا و ملمع شفايف شفاف فكانت مثل الملاك..

في صالون

بتكون قاعده دنيا مع مهاب

دنيا بفرحه: مش مصدقه ان موضوع عمي خلص يا مهاب كله بفضلك

مهاب بابتسامه: وانا اعمل اي حاجه عشانك عشان اشوف الفرحه اللي في عينك دي

دنيا بخجل: مهاب انا عايزه اقولك علي حاجه

مهاب: قولي يا حبيبتي

دنيا بابتسامه و خجل: انا بحبك

مهاب بصدمه: قولتي ايه

دنيا بخجل: خلاص بقا انت سمعت

مهاب بلهفه: يلا يا دنيا لوسمحتي قوليها تاني دنيا بابتسامه: بحبك

مهاب: وانا بموت فيكي وو...

بيقطعهم صوت صفاره سجده

سجده بضحك: يا سيدي يا سيدي علي رومانسيه

دنيا بخجل: اتلمي يبت

مهاب بغيظ: ايه اللي جابك دلوقتي يبنتي الله

سجده برفعه حاجب: والله! و بعدين انت مالك يا هوبا

مهاب بغيظ: صدقي ريان هيتجوز بلوه

سجده بغضب طفولي: بقا كده يا هوبا طب متتكلمش معايا تاني

مهاب بضحك علي طفولتها: بهزر يا حبيبتي بهزر

سجده بضحك و طفوله: ايوا ما انا عارفه انك بتهزر لان لو ممنتش بتهزر كنت عملت معاك صح

مهاب بصدمه: يبت انتي ايه لسانك دا دبش كده.. يشيخه دا انا اوقات بحس انك انتي الكبيره

سجده بضحك: طب اسيبك في صدمتك بقا و اروح الجامعه البت سرسوره مستنيه زمانها ماتت من شمس.. يلا سلاموز يا حلوين

بتضحك دنيا علي سجده و مهاب

مهاب بتنهيده: بجد مش عارف البيت من غيرها هيبقا ازاي

دنيا: متقلقش يا مهاب هي مش هتبعد عنك لدرجه

اوما لها مهاب.. مهاب بغمزه كملي بقا كنتي بتقولي ايه قبل ما سجده تيجي

دنيا بضحك: انت لسه فاكر

مهاب بضحك هو الاخر: طبعا وانا انسي.. و بعدين انا ماصدقت

دنيا: انسي بقا بعد الفرح

مهاب بغمزه وقحه: لا بعد الفرح هاخد حاجه تانيه

دنيا بشهقه و خجل: يا قليل الادب

مهاب بضحك: انتي فهمتي ايه و بيكمل بخوف مصتنع لا انا خوفت علي نفسي منك

دنيا: طب صدق بقا انك... و بيقطعهم دخول مراد و هنا

هنا: ايه يا ولاد مالكو

دنيا: مفيش يا هنوون يا قمر انتي

مراد: انت يا زفت مروحتش شغلك ليه

مهاب ببرائه مزيفه: هو انت متعرفش

مراد باستغراب: معرفش ايه

مهاب بابتسامه مستفزه: مش انا خدت اجازه عشان تحضيرات الفرح و شهر العسل

مراد بصدمه: خدت اجازه ايه يحيوان لسه فاضل علي الفرح اسبوع و نص يعني انت اخدت اجازه شهر

مهاب باستفزاز: تؤتؤ شهر ونص يا حجوج انت نسيت شهر العسل ولا ايه يباشا

مراد: نعممممم يا روحمك شهر ونص ليه ان شاءلله و مين اللي وافق علي طلب الاجازه دا و ازاي يوافقو اصلا

مهاب: اصل اصل

مراد: انجز اصل ايه

مهاب و هو بيبلع ريقه: قولتلهم ان دا بامر منك انت

مراد بصدمه: نعمممممم انت بتقول ايه، يبني انت هتجلطني يا حبيبي انت ايه اللي دخلك شرطه بس انا كان فين دماغي وانا بدخلم كليه الشرطه

مهاب باستفزاز: قول لنفسك يا حج

مراد بغيظ: اسكت اسكت، طب و ريان قدم علي طلب اجازه هو كمان

مهاب: لا ريان قال قبل الفرح بيومين.. بيموت في شغل واد ريان دا

مراد برفعه حاجب: واد! و بعدين هو زيك اتنيل اتنيل.. اصبر عليا يا مهاب الكلب ان مرمتكش في شغل مبقاش انا اللوا مراد بحيري

مهاب: هو انت متعرفش اني ابنك مثلا ولا ايه

مراد: ما المصيبه انك ابني

هنا بضحك: اهدي بس يا مراد

مراد: انتي بتضحكي اضحكي اضحكي منك لله يا مهاب رفعت ضغطي.. انا همشي

دنيا بضحك: حرام عليك يا مهاب

مهاب بضحك و غيظ: ما الواحد نفسه ياخد اجازه بقا و بيكمل بغمزه و افضلك يا جميل.. بتبتسم دنيا بخجل

هنا برفعه حاجب: و ايه كمان يعين امك

مهاب: ابتدينا بقا شغل الحموات دا

دنيا بضحك: اسكت يا مهاب دا هنون دي حتت سكره

حدفتلها هنا بوسه ع الهوا

هنا: ونبي ما في غيرك سكر

مهاب: ربنا يستر

------

في قصر الالفي

تحديدا في غرفه ريم

بتكون قاعده وشارده في اللي حصل بينها هي و علي

فلاش باك

خرجت ريم من باب كليتها بعد يوم طويل من المحاضرات في كلية الهندسة، وعيونها شارده في أوراقها. كانت مستعجله تمشي من غير ما تبص قدامها، وفجأة اصطدمت بحد. رفعت عينيها بسرعة لتلاقي قدامها علي… نفس الشخص اللي قابلته قبل كده بالصدفة في خطوبه ريان . وقفت لحظة متفاجئة، وهو كمان بصلها بابتسامة خفيفة كأنه ما كانش مصدق إنهم يتقابلوا تاني

ابتسم علي وهو بيقول:واضح إننا اتقابلنا قبل كده… صح

(علي كان عارف ان هي بنت عم ريان)

ردت بتوتر بسيط:أيوه… فعلاً. المرة دي بقى مش هاعتذر، واضح إني منحوسة بخبط فيك

ضحك علي وقال وهو بيمد إيده:طيب على الأقل نتعرف رسمي… أنا علي ظابط صديق ريان و اطن ان قولتلك قبل كده في الحفله

ترددت لحظة، وبعدها مدت إيدها وقالت:ريم.. و كملت بضحكه طب ما انت فاكر اهو ان اتقبالنا في الحفله

ابتسم علي بتوتر..

علي: انا من وقت ما شوفتك في الحفله وانتي شاغله دماغي

اتفاجئت ريم من صراحته..

ريم بخجل و توتر: احم انا لازم امشي

علي بابتسامه: طب مش هشوفك تاني

ابتسمت وقالت بنبرة هادية:مين عارف، يمكن الصدفة تجمعنا تاني

نظر لها و ابتسم..

علي: يمكن

باااك

بتبتسم ريم

ريم بتنهيده: شكلي كده وقعت.. وان ريان مكنش حب

و ركعت سرحت تاني

فلاش باك

كانت ريم بتتجول في مول مع صحابها

وفجأة حد خبط فيها . رفعت عينيها بسرعة لتتفاجأ إن اللي قدامها هو علي.

ريم:انت! هو إنت بتظهرلي في كل مكان ولا إيه؟

ابتسم علي وقال بهدوء:ممكن تقولي كده… بس المرة دي انا اللي خبط فيكي

نظرت له ريم و قالت بمرح: يبفا اعتزر يا حضره الظابط

علي بنبره مرحه: من عيوني يستي... انا اسف

بتخجل ريم و لسه هتمشي

علي بلهفه: استني

ريم بخجل: احم ايه تاني

علي: بصراحه بقا انا معجب بيكي يا ريم

بتتصدم ريم من جراءته

ريم: نعم

علي بابتسامه: بقولك معجب لا معجب ايه دا انا وقعت

ريم و وسها محمر: احم طب طب و مبتقدرش تكمل كلمها من توتر

بيتفهم علي توترها

علي: اهدي.. انا بس عايز اتقدملك

بتنصدم ريم اكتر ولاكن بتحس بشعور غريب جواها

بيكمل علي كلامه: و عايز رقم والدك يا ريم

ريم: احم هو

بتدخل صحبت ريم بسرعه: ايوا ايوا اديلو رقم يا ريم

بتسكت ريم بخجل شديد:: و بتعطي رقم والدها ل علي

بااك

ريم بابتسامه: شكلي حبيتك يا علي

بتدخل هدي..

هدي بابتسامه: ايه الابتسامه دي سببها ايه

ريم بفرحه: ماما تعالي هحكيلك.. و بتقص عليها ريم كل حاجه حصلت من البدايه

هدي بابتسامه: ربنا يسعدك يحبيبت قلبي شوفتي بقا لما قولتلك ريان مجرد تعود

ريم بابتسامه: معاكي حق يا ماما

-------

في صالون

بيكون قاعد عمار و نور

نور: عمار انت مش زعلان مني صح

عمار بهدوء: لا خلاص مش زعلان.. بس لازم يكون عندك ثقه فيا يا نور

نور: انا اسفه بس غصب عني لما شوفتها يا عمار

و بتشرد في ذلك اليوم

فلاش بااك

بعد ما بتطلع نور و بتجري علي طريق و عمار وراها

في لحظه كانت عربيه هتنتشلها.. غمضت نور عينها في لحظه، في نفس لحظه شدها عمار وقعت عليه

عمار: نور حبيبتي انتي كويسه

نور بخضه: كنت همووت

بيحضنها عمار بعد الشر عليكي يا نوري..

بتفتكر نور كل حاجه.. و بتروح بعده عنه

نور بغضب: ابعد عني و متلمسنيش فهمت يا عمار

عمار بضيق: نور اسمعيني لوسمحتي

نور: مفيش كلام ما بنا يا عمار

و ظلو علي الحال لمده شهرين.. عمار بيحاول معاها و نور رفضه تسمعه.. و كانت العيله ملحظه اللي بيحصل بينهم ولاكن عمار مان بيقول مجرد مشكله و هتتحل و محبش يحكي حاجه

في يووم

بيخبط عمار علي غرفه نور

نور: ادخلي يماما

عمار: انا مش امك يا نور

نور بخضه: انت ايه اللي جابك هنا

عمار: هوريكي حاجه و بعدين هخرج

و بيفتح الاب توب علي كاميرات المراقبه بذلك اليوم

بتتفاجاه ريم لما لقيت ان بنت هي اللي باسته.. بتخجل جدا من نفسها

عمار بهدوء: اظن عرفتي الحقيقه و بيسبها و يمشي

نور: عمار عمار استني

بااك

نور: صدقيني يا عمار انا اسفه يس حط نفسك مكاني

عمار: انا لو مكاني شوفتك بعيني هكدب عنيا و اصدقك يا نور

غمضت نور عينها بالم..

نور: عشان خاطري يا عمار انا اسفه

عمار بابتسامه: تمام

نور بابتسامه: طب بحبك.. و بموت فيك

عمار بضحك: وانا بمووت فيكي يا بنت سليم

في نفس اللحظه بيدخل سليم و فؤاد

سليم: انت بتقول لي بنتي بموت فيكي

عمار: ما خطبتي يا خالو الله

فؤاد: وجهه نظر بردو

بتنزل ليلي و هدي و ريم

هدي: رجعتو امتي

فؤاد: لسه جاايين.. اومال بابا فين

ليلي: فوق في اوضته بيرتاح شويه

عمار بهدوء: و ماما فين

ليلي: في اوضتها بردو

سليم: طب انا واقع جوع

ليلي: بس كده عيوني ثواني الغدا يبقي جاهز

---------

في غرفه شهيره

بتكون قاعده و باين علي وشها الغضب..

شهيره: الحمدلله ان قدرت اهرب في اليوم دا و الا كان ريان هيمسكني.. و بتبص علي جرح اللي في رجلها و اللي كان بسببه ريان لما حاول يمسكها

شهيره: هوريك يا بن سليم و هدفعك تمن الجرح دا غالي اووي

و بتعمل مكالمه

شهيره: عينك علي سليم و مهاب طول الوقت فهمت يا مصطفي

مصطفى: تمام يا بوص.. بس ادهم ممكن يعترف

شهيره بضحك: ادهم مستحيل يعترف لو ايه حصل يا مصطفي

و بتقفل... و بيمون علي ملامحها الشر

( كده وضحت ان شهيره هي البوص)

-------

في القسم عند ريان

بيكون شارد في تفاصيل المهمه و بيفكر مين هيكون البوص

ريان بتنهيده: اففف انا تعبت.. و بيجي علي بالو سجده وان فرحهم بعد اسبوع ونص

ريان بابتسامه: لما اتصل علي سجودتي كده

بيتصل ريان بسجده

ريان بابتسامه: اهلا اهلا يا زوجتي المستقبليه

سجده بابتسامه: اهلا يا ريان عامل ايه

ريان: اممم تعبان من ضغط الشغل

سجده بدون وعي: يا حبيبي ما انت لازم ترتاح

ريان بصدمه: ايه قولتي ايه انتي قولتي حبيبي

سجده بصدمه: ها لا لا انت متهيالك بس

ريان بخبث: والله يعني هسمع غلط يعني

سجده بتوتر: ايوا و يلا بقا سلام و بتقفل الخط في وشه

ريان بصدمه: بقا بتقفلي في وشي يا ست سجده ماشي والله لهوريكي بس اصبري عليا

------

عند سجده بتكون ماشيه مه ساره و وشها محمر

ساره بغمزه: هو ريان قالك ايه لدرجه بقيتي شبه طماطم

سجده: اسكتي انا اللي قولت

ساره بصدمه و ضحك: ايه قولتي ايه يوليه

سجده: قولتله يا حبيبي

ساره بضحك: طب اتنيلي دا كلمه عاديه

سجده: اسكتي يا ساره مش عارفه هقبله بعد كده ازاي

ساره: يبت دا كها اسبوع و يبقي جوزك

سجده: بس بردو خلاص خلاص

ساره: هنروح المول بكره صح

اومات لها سجده: ايوا هنروح انا وانتي و دنيا و نور اخت ريان

ساره: اشطاا.. بس شوفتي دكتور الجديد ايه اللي جه الجامعه يالهوووي علي حلاوه امه

سجده بضحك: اسكتي يخربيتك حد يسمعك

ساره: اتنيلي مين هيسمع

سجده: طب يلا يختي اتاخرت كده

ساره: يلا

-------

في قصر الالفي

بيكون الكل متجمع في صالون

ليلي : بكره هتروحي يا نور مع سجده و دنيا مول صح

نور: صح و هاخد ريم معايا

ريم: لا لا

نور: لا ايه يحبيبتي هتيجي معانا و نشوف الفساتين

هدي: ايوا روحي يا ريم و اهو تغيري جو

ليلي: وانا بقول كده بردو

ريم: خلاص اشطا

سليمان بفرحه: مش مصدق ان ريان خلاص هيتجوز

ليلي: ولا انا بصراحه

عمار بضحك: محدش مصدق لحد دلوقتي.. و بيضحكوا الكل بفرحه و من قلبهم ماعدا شهيره... استوووووووووووب

-----