ـــــــــــــــــــــــــــــــــــــــــــــــــــــــــــــــــــــــــــ

حين تفلت من يديك الفرصة الصحيحه، سيغمر قلبك ندمٌ صامت، وستدرك مُتأخرًا أن العودة إليها لم تعد سوى حلمٍ يسكن الذاكرة ولا يمكن تحقيقهُ.

_بعد ما خلصت رضوي كلامها مع يوسف دخلت المستشفي وهي متلخبطه ومتوتره، مشااعرها واحساسها اصبحو مشتتين ما بين انها لسه بتحبه وانها مش قاااااادره ترجعله، واول ما وصلت قدااام اوضة العمليااات عند عيلة يونس الصاوي وريناد اتفاجئت بوجود حسن هناااك قااعد جنب ريناد وبيبصلها بنظره غاضبه، قربت منهم وقالت بقلق.. 

رضوي

معلش يا ريناد اتأخرت عليكي 

مسحت ريناد دموعها وقالت

ولا يهمك عادي يا رضوي.. 

_قاام حسن ومسك رضوي من ايدها جامد وراحو وقفو علي جنب بعيد عن يوونس وشهد وريناد، وقال لرضوي بنبره غاضبه.. 

حسن 

انتي كنتي فين يا رضوي، طالعه قبل مني من البيت ووصلتي بعدي؟ 

رضوي بتوتر

هو بس الطريق كان زحمه وو.. 

حسن بحده 

انتي كداااابه انا شووفتك وانتي قااعده مع يووسف تحت، وكان هاين عليا اجي اجيبك من شعرك بس احتراماً للوضع اللي فيه اختك ما حبتش اعمل مشكله بس حسابنا في البيت، بدل ما تكبري وتعقلي بقيتي بتكدبي عليا ودايسه علي كرامتك وكرامتنا باوسخ جزمه.. 

رضوي بدموع

انا اسفه يا بابا.. 

حسن 

اخرسي خالص نطمن علي جوز اختك وحسابنا في البيت، وخليكي جنب اختك دلوقتي هي محتاجه حد جنبيها يلا.. 

_سمعت كلامه وراااحت قعدت جنب ريناد، وهو قعد جنب يوونس وطبطب علي كتفه بهدوء وقاله.. 

حسن 

ربنا يطمنا عليه ان شاء الله.. 

يونس بجمود 

ان شاء الله يا استاذ حسن، ان شاء الله.. 

_وفضلو كلهم قاااعدين متوترين لحد ما خرج الدكتور من اوضة العملياات وقااامو كلهم يسألوه بقلق عن حالة يزن، واتنهد الدكتور بضيق وقال.. 

الدكتور

اطمنو يا جماعه اطمن يا يونس بيه العمليه كانت صعبه بس هو كويس وعدي مرحلة الخطر كمان احنا فضلنا جنبه لحد ما كل حاجه عدت.. 

شهد بدموع

طيب هو فايق عايزين نشووفه ونطمن عليه انا مامته ارجوك يا دكتور؟ 

الدكتور

للاسف ما ينفعش هو هيفضل في العينااايه لحد الصبح، وبعد ما يفوق هيتنقل لاوضه عاديه وتقدرو تطمنو عليه، ووجودكم هنا دلوقتي مالوش اي لازمه.. 

ريناد 

انا مش همشي غير لما اشووفه واطمن عليه 

شهد 

وانا كمان مش هسيب ابني غير لما اطمن عليه 

الدكتور 

زي ما تحبو بس ما حدش هيقدر يشوووفه غير الصبح.. 

_قال الدكتور كلامه ومشي وحسن قال ليونس بجديه.. 

حسن 

مش المفروض يبقي في تحقيق في الموضوع ده؟ 

يونس

لا لا انا ظبطت الموضوع مع مدير المستشفي

بصوله كلهم بعدم فهم وشهد قالتله بحده 

يعني ايييه ابني كان هيموت وانت مش عايز تبلغ ولا تاخد حقه؟ 

يونس 

مين قالك اني سكت بس انا هعرف اخد حق ابني واللي حصله كويس، هو فتحي الجرجيري هتنفع معاه الشرطه ولا القانون 

شهد بعصبيه

تاني انت ما بتتعلمش لو كنت سمعت كلامي وكلمت الشرطه ما كانش ابنك بقي في خطر دلوقتي 

حسن 

استهدو بالله يا جماعه مش وقته الكلام ده يا مدام شهد، المهم اننا اطمنا علي يزن.. 

يونس

قولها والنبي يا استاذ حسن، وروحو يلا انا هقعد معاه هنا لحد ما يفوق

ريناد

يا عمي انا قولت مش همشي غير لما اطمن علي جوزي 

شهد 

وانا برضو مش همشي غير لما طمن علي ابني 

يونس بغيظ 

جرا ايه انتي وهي انا مش ناقص، هتقعدو تعملو ايه ما تقدرو اننا في وضع زي الزفت ومشكله كبيره 

حسن 

ريناد اسمعي كلام عمك وارجعي البيت عشان بنتك ومن النجمه هاجي اخدك واجيبك هنا 

ولسه هيتكلم مع شهد بس هي قالتله بدموع

لو سمحت يا استاذ حسن انا مش هقدر امشي قبب ما اطمن عليه، معلش يا ريناد امشي انتي وخلي بالك برضو من يارا زمانها قاعده خايفه في البيت.. 

ريناد بحزن

حاضر يا طنط بس واغلي حاجه عندك اول ما يفوق تكلميني.. 

شهد 

حاااضر يا حبيبتي..  

حسن

لو احتاجت حاجه يا استاذ يونس كلمني.. 

يونس

متشكر كلك ذووق يا استاذ حسن ما نجيلكش في حاجه وحشه.. 

_واخد حسن بناته ومشي، وقعدت شهد في غرفة الانتظاار ومسكت راسها بألم وبعد شويه دخل عندها يوونس وحط برشااامه قدااامها علي الترتبيزه وقزازة مايه وقال.. 

يونس

ما قولتليش يعني ان جالك الضغط؟ 

شهد

السن بقي ما فيش حاجه بتفضل علي حالها 

يونس 

ما لو علي انا اكبر منك كان جالي الاول قبلك؟.. 

شهد

انت راجل بارد انا بقي مش بارده وعمايلك انت وعيالك تشل مش تجيب الضغط وبس

واخدت العلاج بتاعها وهو ابتسم بهدوء وقال

برضو ما قولتليش ليه وجالك من امتي؟ 

شهد 

انت عرفت منين؟ 

يونس

من الدكتوره بتاعتك اللي بتروحيلها، من فتره لقيتك بتروحي عندها كتير فعرفت بطريقتي ان جالك الضغط

شهد

وما جيتش ليه وقتها وسألتني بدل ما تروح تسأل من ورايا

يونس 

لانك لو كنتي عايزه تقولي كنتي هتقولي، المهم تخلي بالك من نفسك ومن صحتك يا شهد.. 

شهد 

ان شاء الله اطمن علي ولادي وقتها هبقي كويسه، هو يوسف فين؟ 

يونس بسخريه

والله ولا عمره هيتغير هو اللي كلم رضوي وجابها وكان قاعد يحب فيها تحت واخووه في العملياات 

شهد بصدمه 

عمل كده بجد ده انا كنت شايله همه انك وجعته بكلامك 

يونس 

ده لو كان بيحس الواد ده لازم يتظبط ويبقي رااجل غصب عنه، والا هيوكس نفسه واخواته وكلنا معاه 

شهد 

اهو عندك اعمل فيه اللي انت عايزه، مش هتدخل في اي حاجه بينك وبينه تاني بعد اللي عمله في مراته وابنه واخوه ده.. 

قبل ما يرد عليها موبيله رن فقالتله بحده 

ومين اللي بيكلمك دلوقتي ان شاء الله؟ 

يونس حط الفون قدامها وقال

زكريا المنشاااوي اهوو.. 

شهد 

زكريا المنشاوي... مالك وماله ده انت بقالك سنين كتير مش بتكلمه 

يونس

المصلحه اسمعي بس هو عمل ايه

وفتخ الفون وقال

ايوه يا زكريا معاك 

زكريا

المصنع بتاع الجرجيري الجديد بقي كوم ترااب 

برقت شهد بصدمه ويونس ابتسم بهدوء وقال

حلو.. بس مش كفايه 

زكريا

لا بقولك ايه انت عارف انا ماليش في الجو ده، انت خليت عمار يتوسطلك عندي عشان اعمل كده 

يونس

وانا بقولك مش كفايه 

زكريا

اسمع مني بس كفايه عليه كده وانت ابنك عرفت انه بقي كويس وبنته هو كانت في خطر فواحده بواحده وخلاص بقي عشان خاطري يا سيدي

يونس

طيب يا زكريا تتردلك ان شاء الله 

زكريا

جرا ايه يا عمم انت بتفول عليا، اقفل يا يونس والف سلامه علي ابنك الواد ده من يوومه مصااب فاكر لما خطفتهولك وهو صغير؟ 

قفل يونس في وشه وشهد ضحكت بسخريه وقالت 

هو زكريا المنشاوي هو اللي خطف يزن وهو صغير؟ 

يونس

تتخيلي انه هو اللي عملها فعلا 

شهد 

سبحااانه.. 

يونس

عمار المنشاوي ومراته جايين بكره هنا 

شهد 

جميله جايه لما عرفت اللي حصل قالتلي انها جايه 

ما ردش عليها يونس وشهد ابتسمت بخبث وقالت

وهما دول اللي هيظبطو يووسف 

يونس

مش فاهم ازاي يعني؟ 

_ابتسمت شهد بخبث وما ردتش هي عليه المره دي وهي بتخطط بينها وبين نفسها هتتعامل ازاي مع يوسف الفتره الجايه.. 

ــــــــــ #بقلم_الكاتبه_رحاب_القاضي ــــــــ

_وبعد شويه في بيت الاستاااذ حسن كانت قااعده يارا مع هنا في اوضتها ودخلت عندهم ريناد وقالت ليارا بهدووء.. 

ريناد

انا كلمت طنط شهد يا يارا وقولتلها انك هتبااتي معايا هنا وقالت ما فيش مشكله.. 

يارا

ما قالتش حاجه عن يزن ما فاقش لسه؟ 

ريناد بحزن

لسه بس قالت انه كويس، نامي بس وما تخاافيش والصبح بدري هنروحلهم المستشفي، تصبحو علي خير يا بنات.. 

هنا 

وانتي من اهل الخير.. 

خرجت ريناد وهنا قالت ليارا بحمااس

احلي حاجه انك هتبااتي معايا النهارده هنا 

يارا

بس لو ما كانتش في مشكله كان هيبقي الجو احلي

هنا

ومالو نكررها تاني وتبقي الظرووف احسن وقتها ونجيب ياسمين واسرار ونقعد سوا 

يارا

هي اسرار هترجع البلد بجد وهتعيش هناك قالتلي كده وانا مش مصدقاها

هنا

لا هو فعلا شكلها هتروح فعلا، جوزها ناوي تقريبا يقعد في البلد ده غير المشكله اللي عندهم في البلد لسه ما اتحلتش برضو.. 

يارا 

ربنا يستر ان شاء الله ما تساافرش وتفضل قااعده معانا هنا في القاهره.. 

_وفي الوقت ده رن موبيل يارا برقم زين، فضحكت هنا بهدووء وقالت.. 

هنا 

طبعا ما هو لازم يستغل انك ضيفه عندنا وقاعده جنبه، انا هرووح اجيبلك حاجه تاكليها وانتي كلميه وغيري هدومك لحد ما اجي.. 

_ابتسمت يارا بخجل واول ما خرجت هنا ردت يارا علي زين وقالت... 

يارا 

الو.. 

زين 

عامله ايه؟ 

يارا 

كويسه 

زين 

هو انتي بايته عندنا بجد؟ 

يارا

لا انا بايته عند اونكل حسن عشان خايفه اقعد لوحدي في البيت.. 

زين 

ما هو احنا وبيت عمي بيت واحد، بس عيب يعني تبقي عندنا وما نشوفش بعض 

يارا 

زين مش وقته بجد انا مدايقه علي اخويا وخايفه عليه 

زين بخبث

طيب ما انا عايز اشووفك عشان اواسيكي.. 

ابتسمت يارا بهدوء وزين 

بهزر معاكي والله، بس حبيت اكلمك واطمن عليكي واخدت الاذن من طنط شهد.. 

زين 

انت كلمت ماما؟ 

زين 

لا انا لسه جاي من عندهم كنت بطمن علي يزن، هو لسه ما فاقش بس الدكتور بيقول ان حالته مستقره، ان شاء الله يقوم بالف سلامه...

 يارا 

الله يسلمك وشكرا انك اهتميت وروحت 

زين 

شكرا؟! احنا عيله واحده وانا فعلا قلقان علي يزن عشان كده روحت 

يارا 

زين دقيقه واحده بس يووسف بيكلمني هرد عليه.. 

زين 

اوكي تمام وانا صاحي لو حبيتي تتكلمي معايا عادي هستناكي

يارا بتوتر

ما هو ما ينفعش احنا بينا اتفااق وانا قاعده مع هنا خلاص 

زين بغيظ

ماااااشي يا يارا براحتك بس انا برضو صااحي عشان لو حبيتي تتكلمي. 

ضحكت بهدوء وقالت 

ان شاء الله يا زين، مع السلامه.. 

وقفلت معاه وردت علي يووسف اللي قالها بحده

انتي بتكلمي مين يا بت انتي؟ 

يارا 

انت عايز ايه وبتكلمني ليه؟ 

يوسف 

انا في البيت انتي فين؟ 

يارا

مع ريناد في بيت اونكل حسن، وما تكلمنيش تاني يا يوسف لحد ما يزن يبقي كويس ابقي كلمني 

يوسف 

ما تهزريش يا يارا انا بجد تعبان وفيا اللي مكفيني 

يارا

خلاص ما تتكلمش معايا، انت ليه بقيت اناني كده ليه خسرت محبتنا كلنا ليك يا يوسف، من زمان علي فكره واحنا كل المشااكل اللي في حياتنا بسببك.. 

يوسف بحزن 

حتي انتي كمان يا يارا، تمام انا غلطان اني كلمتك وماااشي اهو من البيت ومش عايزكم في حياتي اصلا انا هعرف اعيش لوحدي من غيركم.. 

_قال كلامه وقفل معاها وهي دموعها نزلت بحزن كبير علي الوضع اللي وصلت ليه عيلتها بسبب تصرفات يووسف الطايشه... 

ــــــــــ #بقلم_الكاتبه_رحاب_القاضي ــــــــ

_وفي الشركه بتاعت حااامد، كان قااعد علي مكتبه وهو مااسك موبيله ومستني رد رضوي عليه بكل لهفه وانتظاار، ولما يأس انها ترد عليه او تكلمه قفل موبيله وقاام عشان يمشي لكن فجأه دخل عنده يوسف الصاوي وقال بهدووء... 

يوسف

مسااء الخير يا حامد 

حامد

انت بتعمل ايه هنا دلوقتي؟ 

يوسف قعد قدامه وقال

كلمت مازن اخوك وقالي انك هنا، اقعد بس خلينا نتكلم 

حامد بضيق

انا مش فاضيلك يا يوووسف وعايز امشي، وبعدين انت المفروض تبقي جنب اخوك دلوقتي هو مش اخوك مصاب برضو.. 

يوسف

لا ما انا جيتلك بعد ما اطمنت عليه وبقي كويس، مش هتعملني اهتم باخويا يعني، اقعد يا حامد احنا مهما كان برضو ولاد عم وكنا ولا الاخوات 

قعد حامد وقال بجمود

انت واخوك عمركم ما كنتو اخواتي، احنا ولاد عم وبس تمام، وولاد عم  كل اللي يربطهم ببعض اسم العيله والرسميات مش اكتر.. 

يوسف

ليه بس الكلام ده ما احنا كنا حبايب وانا كنت هتجوز اختك وانت هتتجوز اختي لولا النصيب 

حامد 

ما الاياام بقي بينت كل واحد علي حقيقته لا انت كنت تنفع اختي، ولا اختك تلزمني.. 

اتنهد يوسف بنفااذ صبر وقال

علي العموم انا جاي اتكلم معاك لمصلحتك عشان شكل غيرتك مني ومن ولاد عمك خلتك تخرف 

ابتسم حامد بسخريه وقال 

انا اغير منك انت يا يوسف علي ايه بالظبط؟.. 

يوسف بخبث

لا علي كتير اوعي تكون فااكر اني مش فاهم حتت النقص اللي جواك، لا انا فااهم من زمان انك بتغير مني انا ويزن عشان احنا اهلنا كملو مع بعض عشانا وبيحبونا وعيله سعيده مع بعض وانت يا حرام اهلك كل واحد شااف نفسك وبيرموك لبعض من وانت عيل صغير، ده ياخدك شويه يزهق يرميك للتاني.. 

_اتحولت ملامح حامد للغضب وقبل ما يرد عليه، يوسف قال بكل حقد.. 

يوسف

بس تعرف انت لو كنت تستاهل كانو ضحو عشاانك بس انت ما تستاهلش

حامد بحده 

يووووسف اخرس خالص وامشي من قدامي دلوقتي عشان ما نخسرش بعض للابد 

يوسف 

شكلي كلامي جه علي الوجع، علي العموم انا جاي اقولك ابعد عن رضوي وما تكلمهااش تاني 

حامد 

وانت مالك ومال رضوي؟ 

يوسف

لا لا ما تقولش كده انا عمري ما هسيبها لا ليك ولا لغيرك.. 

حامد 

مش بمزاجك المهم هي عايزه مين.. 

يوسف

لو كانت عايزااك كانت ردت عليك من شويه، بس انا وهي اتصالحنا خلاص، من غباءك وطيبتك يا ابن عمي رضوي حبيبتي عرفت تاخدك كوبري عشان ترجعني ليها، وانا عرفت قيمتها وخلاص هنفصل انا ومراتي وهرجع لرضوي

_كلام يوسف نزل على قلب حامد زي السكاكين وعينيه اتسعت بصدمه وهو بيقول بصوت مبحوح.. 

حامد

انت بتقول إيه؟

يوسف

اللي سمعته فابعد عنها احسنلك بدل ما الموضوع يكبر ويباان حقدك وغيرتك من ولاد يونس الصاوي للكل وقتها هيبقي شكلك وحش اووي، سلام يا ابن عمي.. 

جه يوسف يمشي بس حامد قال بجمود

يوووسف انا امي وابويا انفصلو عن بعض مش عشان انا ما استاهلش يضحو عشاني، لا لا انا بس امي كان عندها كرامه وما قبلتش ترجع لواحد اهانها وغلط في حقها، وعلمتني يبقي عندي كرامه برضو وما اجريش ورا حاجه مش عايزااني وانت فااهم كلامي كويس. 

_بصله يووسف بغيظ وقاام حامد مسك موبيله وحط رقم رضوي في قائمة الحظر وقال.. 

حامد 

رضوي من النهارده ما تلزمنيش هي لايقه عليك عشان شبهك ما عتدهاش كرامه، اتفضل بقي من غير مطرود وما تشرفنيش تاني هنا ولا تتعامل معايا اصلا.. 

يوسف 

ده اللي كان هيحصل اصلا.. 

_قال يوسف كلامه بغيظ وخرج من المكتب بخطوات بطيئه ومستفزه لحامد اللي فضل قااعد لوحده وبرغم هدووء المكان الا ان  جوّه  كان في حرب، كلام يوسف كان بيتردد في دماغه زي الخناجر الحاده اللي بتتحرك ببطء، وبص للفستان اللي كانت رضوى لابساه آخر مرة شافها فيها قام ومسكه بإيده المرتعشة،و عينه دمعت وبعدين مسك المقص اللي كان علي مكتبه وبدأ يقطّعه ولما خلص، رمى الفستان على الأرض  وقعد على الكرسي، دفن وشه بين إيديه،وساب نفسه للحظة وجع حقيقيه "كان نفسه يبدأ من جديد معاها… بس البداية ماتت قبل ما تولد" بسبب انانية يووسف كالعاده 

ــــــــــ #بقلم_الكاتبه_رحاب_القاضي ــــــــ

_وتاني يوم الصبح في بيت الاستاذ حسن  كانت أشعة الشمس الهادية بتتسلل من شبااك اوضة ريناد اللي صحيت على صوت أنفاس مضطربة جنبها، فتحت عينيها بسرعة ولقت رضوى قاعدة على السرير، وماسكة موبايلها بإيد بتترعش، ووشها متغير كأنها شافت مصيبة.، فقعدت وقالت بخووف

ريناد 

في إيه يا رضوى.، يزن كويس؟

رضوى بعصبية مكتومة

ما اعرفش كلميه ولا كلمي حماكي ولا حماتك شوفي فيه إيه.. 

_قامت ريناد بسرعة وشعرها لسه مبعثر من النوم، وقالت وهي بتحاول تهدي نفسها.. 

ريناد

لا لا، أنا رايحة المستشفى بنفسي. ماما قالت إن سيف هييجي ياخد تيا النهارده، رضوي عشان خاطري ابقي روحي معاه.

رضوى بغيظ

اروح مع مين، واحد جاي ياخد بنته أروح أنيل معاه إيه؟

ريناد بتوتر

ما أنا خايفة ياخدها وما يرجعهاش، والله ما عارفة الاقيها منين ولا منين

رضوى بتنهيدة

اطمني هو اتغير ومش هيعمل حاجه وحشه يمكن رجع لسيف بتاع زمان كمان

ريناد بحدة

أنا ماليش دعوة، أهم حاجة عندي بنتي تفضل في حضني.

رضوى

هو قال هيوديها عند عمتو لمياء ما تقلقيش.

ريناد 

ربنا يستر طيب انتي مالك، وشك مقلوب كده ليه؟

رضوى بضيق

كنت المفروض أرد على حامد امبارح وأقوله إني موافقة عليه ويكلم بابا وكده بس يوسف كلمني وحصل اللي حصل، فنسيت ارد عليه والنهارده جيت أكلمه، لقيته عامللي بلوك، إيه بقي شغل العيال ده؟ 

ريناد 

استني انتي هتوافقي على حامد ولا راجعة ليوسف اللي روحتي قابلتيه امبارح؟

_وفجأة دخلت ليلى، وملامحها ملها غضب، وقالت بصوت عالي... 

ليلى

روحتي قابلتي مين يا بت؟

رضوى بتوتر

استني يا ماما، أنا هفهمك كل حاجة…

_ليلى قلعت الشبشب وهي في قمة غضبها، وقالت وهي بتقرب منها... 

ليلى

انتي ما عندكيش دم، تروحي تقابليه بعد اللي عمله فينا وفيكي الناس كلها اتكلمت علينا بسببه، ووشنا اتمسح في الأرض بسببه، وفي الآخر تروحيله؟!

_جريت رضوى واتخبت ورا الكنبة، وريناد بسرعة وقفت بينهم وقالت.. 

ريناد

يا ماما اهدي، ما حصلش حاجة استني، هي هتقولك اللي حصل

رضوى بخوف

والله يا ماما ما كان قصدي، أنا بس اتعاطفت معاه، كنت رايحة أواسيه مش أكتر.

ريناد 

اهو يا ماما كانت نيتها خير، نزّلي الشبشب بقى احنا كبرنا على الحكاية دي.

ليلى بغضب

كبرتوا على الشبشب طالما أنا عايشة، هضربكم بيه وأضرب اللي خلفكم كمان

رضوى 

براحتك يا ليلى يا قمر، انتي تعملي اللي عايزااه ومين يقدر يعارضك اصلا؟

ليلى رمت الشبشب على الأرض وقالت 

ادعي عليكم بإيه بس يا ولادي الاقيها منين ولا منين ، من أختك اللي في البلد وجوزها ومصايبه ولا من أخوكم ولا من القردتين الصغيرين اللي مطلعين عيني

ريناد 

ماحصلش حاجه لكل ده المهم خير يا ماما، جايه متوترة كده ليه؟

ليلى بصت لرضوي وقالت

أبوكي عايزك، روحيله يا ام قلب حنَبن.

رضوى بقلق

يا نهار مش فايت هو شافني امبارح وأنا قاعدة مع يوسف.

ليلى بحده

تستاهلي، روحي شوفيه عايز إيه.

_رضوى خدت نفس عميق وراحت ، خطواتها كانت تقيلة وهي رايحة لأوضة أبوها وخبطت على الباب، وقاب هو بصوت هادي بس حاد

حسن

ادخلي يا رضوى.

‌_دخلت وهي واقفة زي الطفلة  قدامه وهو كان بيظبط في هدومه قدام المرايا عشان يروح شغله وقبل ما يتكلم حسن وقالت هي بصوت مكسور

رضوى

أنا آسفة يا بابا…

حسن بصرامة

هو أنا قلتلك اعتذري وأسفك مش مقبول، دي مش غلطة صغيرة، دي سُمعتك يا رضوى وانتي لو بنت محترمة ما تخرجش مع واحد بعد اللي عمله فيكي ده ولا تضحكي عليا وتقابلي حامد وتقوليلي شغل وهو مش شغل اصلا وطلع عايز يتجوزك 

رضوى بدموع

مش هتتكرر والله يا بابا، وبعدين أنا ما كنتش عارفة إن حامد عايز يتقدملي، كنت رايحة أغير جو واجرب حاجه جديده هو فجأني لما قالي انه عايز يتجوزني وانا جيت وقولتلكم علي طول

حسن بحدة

لا في حامد ولا في يوسف ومن النهارده مفيش خروج ولا مكالمات اللي عايزك ييجي لحد باب البيت، وأنا اللي أقرر في الموضوع ده

رضوى

حاضر…

حسن

وما تتكلميش معايا خالص.

رضوى ببكاء

لأ يا بابا، عاقبني بأي حاجة إلا خصامك… ما اقدرش ما اتكلمش معاك

حسن بحده

اخرجي بره يا رضوى وما تتكلميش معايا عشان ما اتعصبش عليكي اكتر من كده

_خرجت وهي بتبكي بحرقة، وفضل هو واقف مكانه، وراسم ملامح الجديه والحده علي وشه، بس عينيه كانت بتلمع بحزن انه زعلها برغم غلطها الا ان حزن ولاده ديما بيوجعه حتي لو غلطانين، ودخلت ليلى عنده وقالت.. 

ليلى 

ما تزودهاش عليها يا حسن…

حسن بحدة

ليلى؟!

ليلى

دي طيبة يا حسن وعلى نياتها لو كانت حويطة زي بنات اليومين دول، ما كانتش زمانها قاعده معانا لحد دلوقتي

حسن بغضب

بقولك ايه يا ليلي ما تدخليش في الموضوع ده ومدام مش عارفة تربي بناتك، سيبيني أنا أربيهم.

ليلى بحزن 

أنا مش عارفة أربي بناتي يا حسن؟!

حسن

أيوه يا ليلى.

ليلى بدموع 

أخص عليك ده أنا كل الناس بتحلف بأدبهم وأخلاقهم.

حسن

اسكتي يا ليلى وخليني سااكت عشان لو اتكلمت هتزعلي من اللي هقوله 

ليلى نزلت دموعها وقالت

لا اتكلم يا حسن، قول اللي نفسك فيه ما أنا الحيطة المايلة في البيت ده.

حسن بعصبية

اسكتي بقى يا شيخه انتي لا عارفة تربي ولد ولا بنت ولا عارفه اي حاجه اصلا 

بصتله بصدمه من كلامه اللي اول مره يقوله ليها وقالت

كتر الف خيرك يا حسن في حاجه تانيه هتقولها

_ما ردش عليها وسابها وخرج وهو متعصب جدا، وهي قعدت على طرف السرير ودموعها نازلة بصمت... 

_دخلو  عندها في الوقت ده رضوي وهنا وريناد اللي قربت منها وقالت  بهدوء... 

ريناد

ماما في إيه بابا كان متعصب ليه؟

ليلى بصوت مبحوح

ما فيش حاجة امشوا من عندي وروحي انتي شوفي جوزك، قاعدة عندي ليه؟

ريناد

ماشي يا ماما، بس ما تزعليش.

ليلى

مين قال إني زعلانة؟ اطلعي برا يلا منك ليها مش عايزه حد يجي عندي دلوقتي

_خرجو هما التلاته بره وكانت روز هي وروفان واقفين زعلانين، وروفان قالت.. 

روفان 

هي ماما مزعله ليه بابا مش كفايه اللي عملاه فينا.. 

ريناد 

وانتي مالك يا بنت انتي بالكلام ده، ادخلي اوضتك يلا انتي واختك.. 

دخلت روفان هي وروز اوضتهم وهنا قالت 

بابا حسن كان نازل وشكله متعصب جدا 

رضوي بضيق

انا السبب في كل ده؟ 

ريناد 

انا مش فضيالكم بابا هيجي يصالحها، انا رايحه لجوزي يلا يا يارا

رضوي 

نهار اسووود هو بابا كان بيزعق كده ويارا هنا احيي.. 

ريناد 

لا لا يارا ما بتركزش المهم لو حصلت حاجه كلميني.. 

وخرجت يارا من اوضة هنا وقالت 

انا جهزت اهو يا ريناد يلا بينا.

_واخدتها ريناد وخرجو وكان زين واقف مستنيهم وقال.. 

زين 

كل ده تأخير

ريناد

انت جاي معانا ولا ايه؟ 

زين 

انا وماما عشان نطمن علي يزن، يلا يا ماما، بقولك ايه يا ريناد خدي عربية رضوي وهاتي ماما وتعالي وانا هسبقكم انا ويارا.. 

يارا بتوتر

لا لا انا هاجي مع ريناد .. 

زين 

ما تبقيش رخمه يلا بينا انا ما صدقت.. 

ريناد 

اخلصي يا يارا مش هيسيبك وبعدين مش وقته انا عايزه اروح اطمن علي جوزي بقي.. 

زين

انتي بتزعقيلي كده ليه، عاجبك كده يا يارا اتفضلي قداامي.. 

ــــــــــ #بقلم_الكاتبه_رحاب_القاضي ــــــــ

_ وبعد شويه في المستشفي كانت قاااعده يارا جنب يزن اللي نايم علي السرير وباين عليه التعب والارهاااق وقالتله

يارا

انت تعبان يا يزن؟ 

يزن 

لا يا يارا

يارا

انت كدااب علي فكره شكلك تعبان

يزن بضيق

يارا مش ناقص هبل.. هي ريناد جات معاكم؟ 

يارا

ايوه وجات اطمنت عليك وانت نايم وعيطت يا قلبي وباست علي ايدك كمان وخرجت 

ابتسم يزن وقال بحماس

وعملت ايه تاني قولي قولي.. 

يارا

وقالتلي لما تقوم ما اقولكش انها جات اطمنت عليك، هو انت كنت مزعلها قبل ما يضربوك 

اتنهد يزن بهدوء وقال

لا بس ما كانتش عايزاني اروح اصلا

يارا

معاها حق انت ما كنتش روحت اصلا

يزن

واخوكي كنت اسيبهم يمسحو بكرامته الارض هناك

يارا

لا ازاي فتروح انت كمان ويتمسح بكرامتكم انتو الاتنين الارض.. 

يزن 

طيب قومي من جنبي وبعدين ماما وريناد فين سايبينك معايا ليه؟ 

يارا

ما هو اونكل عمار المنشاوي وطنط جميله وطنط فيروز وزين قاعدين معاهم عشان ما ينفعش يدخلو كلهم هنا وانت لسه تعبان 

يزن 

عمار المنشاوي بنفسه جه يطمن عليا؟ 

يارا

ايوه وكمان اخوه تقريبا وابنه اللي اسمه مروان ده كانو هنا عند بابا.. 

يزن 

ده انا طلعت حد مهم بقي

يارا

جايين عشان بابا مش عشااانك علي فكره.. 

يزن 

طيب امشي وابعتيلي ريناد 

يارا 

هتصالحها؟ 

يزن 

انتي مالك يا رخمه، رووحي يلا اندهيلها لوحدها.. 

يارا

طيب لو ما رضيتش تيجي؟ 

يزن بخبث

قوليلها يزن تعبان ومش قااادر يتحرك.. 

يارا

بعد الشر عليك يا يويو.. 

يزن مسك دراعه بألم وقال

كده وكده يا يارا ما تتعبنيش معاكي يلا اعملي زي ما قولتلك.. 

_وخرجت يارا من عنده ورااحت لاوضة الانتظار اللي كان قاعد فيها يونس وشهد ومعاهم فيروز وزين وريناد وعمار المنشاوي وجميله اللي اول ما شافت يارا قالتلها.. 

جميله 

تعالي يا حبيبتي سيباانا وقاعده فين لوحدك 

يارا 

كنت قاعده مع يزن يا طنط 

جميله 

طنط في عينك يا حبيبتي اسمي جميله 

ضحكو كلهم ويونس قال 

مالك بالبت هي متربيه وما بتقولش لواحده في سن امها بأسمها.. 

جميله بغبظ 

مين دي اللي في سن امها يا جليااط انت 

ضحكت شهد هي وفيروز وعمار قال بهدوء

جميله خلاص ما ينفعش كده احنا جاين نطمن علي ابن الرااجل ما يصحش تقولي كده... 

جميله

والله انا مش جايه اطمن علي ابنه هو انا جايه اطمن علي ابن شهد صحبتي وحبيبتي، سبحان الله يا يونس بيه من لما شوفتك للنهارده وانتي مش نازلي من زور.. 

يونس بابتسامه صفراااء

القلوب عند بعضها والله.. 

شهد 

يونس خلاص بقي، ايه يا يارا سيبتي اخوكي لوحده ليه؟ 

يارا

ما هو قالي روحي ابعتيلي ريناد 

بص يونس لريناد اللي قاعده جنب زين وقالها

هي الهانم سايبه جوزها وقااعده هنا ليه؟ 

جميله 

ما تكلم البت كويس 

بونس بغيظ 

مرات ابني وانا حر اكلمها زي ما انا عايز 

جات جميله ترد بس عمار قالها بجديه 

جميله خلاص.. 

زين 

علي فكره الدكتور قال حد واحد بس اللي يقعد مع يزن ويارا صممت تقعد معاه لحد ما يفوق.. 

يونس 

بنت عمك بقي وهتدافع عنها 

زين 

انا مش بدافع انا بقول لحضرتك اللي حصل 

قامت ريناد وقالت 

خلاص انا هروح اقعد مع يزن، بعد اذنكم.. 

شهد 

اتفضلي يا حبيبتي تعالي يا يارا اقعدي 

يونس

تقعد فين.. 

وبص ليارا وقال

اقعدي جنب امك انا هقعد جنب الدكتور زين.. 

قامت فيروز وقالت 

لا وليه تتعب نفسك انا هقعد جنب ابني مش قدك ده.. 

عمار 

المهم يا يونس اخر الاسبوع انا وجميله مسافرين ويوسف هيجي معانا 

بص يونس لشهد بضيق وقال

انا هقوله ولو وافق خده معاك 

جميله

ما فيش حاجه اسمها لو وافق غصب عنه يجي معانا يكمل دراااسته عندنا ويقعد معانا في البيت هيبقي زيه زي ولادي

عمار

في مكان في بيتي منعزل شويه عننا زي نظام شقه كده هروقها ليه علي الاخر ويقعد فيها وهو تحت عيني وصدقني هيتغير غصب عنه وهو معايا من ناحية الدراسه والشغل وشخصيته كلها 

شهد 

احنا موافقين هتواصل مع جميله وهخليه يساافر معاكم.. 

عمار

يبقي اتفقنا هنمشي احنا بقي عشان بجد مش فاضي والف مليون سلامه علي يزن.. 

قاام يونس وقال

الله يسلمك وشكرا جدا لاهتمامك بموضوع يوسف 

جميله

مش بنعمل كده عشااانك  ، يووسف ده ابني انا كمان وهو ويزن غاليين عليا اووي ومصلحته تهمني 

عمار

الوسطه جايه من عندها علي فكره.. 

_ابتسم يونس بمجامله وخرج معاهم عشاان يوصلهم، وشهد اتنهدت بارتياااح وقالت لفيروز.. 

شهد 

علي الله بقي ابني يعقل ويرضي يساافر معاهم 

فيروز 

معلش يا شهد بلاش حنيه معاه المره دي وغصب عنه يساافر

دخل في الوقت ده يونس وقال لشهد بحده 

ايه اللي انتي عملتيه ده؟ 

شهد 

عملت ايه يا يونس؟ 

يونس

رايحه تقوليلهم تعالو خدو ابننا ربووه اصل احنا مش عارفين نربيه 

فيروز

يا يونس جميله اللي اقترحت الموضوع ده وما تخااادش الموضوع بحساسيه كده 

شهد 

اهي قالتلك وبصراحه ايوه انا وانت ما عرفناااش نربي يا يونس، يمكن لما يساافر وحد يعرف يااخد باله منه ويخليه يمشي مظبوووط.. 

يونس 

هو مش هيوافق انه يسااافر وانا مش هغصب عليه 

شهد 

يعني انت عاجبك حاله وهو كده 

يونس بحده 

بس ما ابينش فشلي قداام حد يا شهد، اقفلي الموضوع ده دلوقتي انا هروح البيت عشان لازم اروح اشووف شغلي ولو احتاجتو حاجه كلموني.. 

وبص لزين وقال

انت عندك حاجه مهمه النهارده؟ 

زين 

لا مش اووي يعني

يونس

طيب خليك معاهم لحد ما ارجع.. 

زين 

حاضر.. 

مشي يونس وشهد قالت لفيروز وزين باحراج

معلش يونس اخد عليكم فاتخانق معايا قدامكم.. 

زين ابتسم وقال

لا ولا يهمك يا طنط احنا بقينا اهل خلاص.. 

فيروز

اهو ابني حبيبي رد عليكي، خديني بقي اسلم علي يزن وامشي عشان انا كمان عندي شغل.. 

شهد 

تمام يلا بينا يلا يا يارا.. 

زين 

ما احنا هنستناكم هنا.. 

شهد 

اتلمم يا ولد مش وقته يلا يا يارا.. 

زين بغيظ 

اسمعي كلام طنط يا يارا.. 

_ابتسمت يارا بخجل وخرجت معاهم، وقبل شويه اول ما دخلت ريناد عند يزن علي الكنبه جنبيه وهي ساكته من غير ما تقوله حاجه، وهو بصلها بقلق وقال.. 

يزن 

طيب قولي الف سلامه طيب اطمني عليا 

ريناد 

سلامتك 

يزن 

الله يسلمك ااه.. 

بصتله بخوف وقالت 

في ايه؟ 

حط ايده علي قلبه وقال

قلبي بيقولي انك زعلانه فوجعني بقي.. 

ابتسمت غصب عنها وهو قال بهدوء

انا اسف ما تزعليش.. 

قامت وقعدت علي الكرسي جنبيه وقالت 

انا مش زعلانه انا خايفه عليك وكنت هموت من الخوف كمان لما عرفت انك في المستشفي ومتصااب.. 

يزن 

بعد الشر عليكي وبعدين جات بسيطه اهو، قوليلي بقي تيا فين؟ 

ريناد 

مع سيف 

يزن بقلق

مع سيف ازاي ومين ادهاله وازاي ياخدها؟ 

ريناد

ما تخافش هو باين عليه اتغير طلب يااخدها تقضي اليوم معاه هو وعمتو.. 

يزن 

والله... ومين قالك بقي انه اتغير؟! 

ريناد

ماما ورضوي هو رااح واعتذرلهم وشكله كده هيرجع زي الاول 

يزن بحده 

هو ايه اللي رجع زي الاول 

ريناد 

اهدي يا يزن هو رجع زي الاول شخصيته يعني بقي هادي ومتفاهم وكده يعني

يزن بحده وهو ماسك كتفه بألم 

علي نفسه.. 

ريناد 

يا حبيبي ما هو علي نفسه ممكن بس تهدي عشان تعبان.. 

يزن 

انا عادي اهو شيفاني بشد في شعري.. 

_دخلت عندهم في الوقت ده شهد هي وفيروز، وقاامت ريناد قعدت علي الكنبه وابتسمت بهدوووء وسعااده من غيرته عليها حتي وهو تعباان بيهتم بيها وببنتها.. 

ـــــــــــــــــ#بقلم_الكاتبه_رحاب_القاضي ــــــــــــــــــ

_وفي بيت الاستاذ حسن كانت هنا قااعده بتفطر وخرج طارق من اوضته وقعد معاها وقال.. 

طارق

اومال ماما فين؟ 

هنا 

انت مش عايش معانا، ماما ليلي اتخانقت هي وبابا حسن وقااعده زعلانه جوه 

طارق

امم طيب قومي اعمليلي بيض وهاتي عيش

هنا 

اعمل لنفسك انا متأخره علي الجامعه 

طارق

ما تستظرفيش يا هنا اعمليلي قبل ما تنزلي 

هنا 

بقولك متأخره 

طارق 

انا ولا الجامعه 

هنا ابتسمت بهدوء وقالت

طارق ازاي تحط نفسك في مقارنه مع اي حاجه 

طارق 

قلبي والله يلا اعمليلي البيض اومليت..

هنا 

انا كنت هقول الجامعه علي فكره 

طارق بغيظ 

طيب يلا يا جزمه من هنا 

هنا ضحكت وقالت 

هههههه معلش والله متأخره رضوي جوه خليها هي تعملك 

طارق

طيب خلي بالك من نفسك ولولا انك متأخره كنت هلبس واجي اوصلك 

هنا 

لا ما انا طلبت اوبر مع السلامه.. 

مشيت هنا وطارق قال بصوت عالي

يا رضووووووي يا مامااااااا.. 

ـخرجت ليلي من اوضتها وهي ماسكه شنطة هدومها وقالت بضيق.. 

ليلي

بتصرخ علي ايه انت كمان؟ 

طارق

انتي رايحه فين يا ماما؟ 

ليلي

رايحه لخالتك اقعد عندها شويه 

طارق

ومن امتي يا ماما وانتي بتبااتي بره البيت؟ 

ليلي بحده 

جرا ايه يالا انت هتحاسبني ولا ايه؟ 

خرجت رضوي من اوضتها وقالت 

في ايه يا ماما، ورايحه فين كده؟ 

ليلي

طفشاانه سيبالكم البيت وماشيه.. 

طارق

يا ماما اعقلي ايه اللي بتقوليه 

ليلي بحده 

شايفني مجنونه يا زفت انت، وهمشي يعني همشي.. 

رضوي بدموع

يا ماما ما حصلش حاجه والله بابا بس كان متعصب بسببي وما كانش قصده يزعلك

ليلي بحزن 

لا وحياتك انا مااشيه عشان ما بقتش لاقيه تقدير لا من كبير ولا من صغير، واوعو حد فيكم يوقفني انتو فاهمين.. 

_قالت كلامها وسااابتهم ومشيت، ورضوي وطارق فضلو واقفين مدايقين، ورضوي قالتله بغيظ.. 

رضوي

انت واقف ما ترووح تخليها ما تمشيش

طارق

امك وهي متعصبه بتبقي ايدها طويله، وكلمي ابوووكي قوليلو ماما سابتلك البيت ومشيت، خليه يشووف نتيجة افعاله بقي 

رضوي 

كلمه قوله انت هو مخاصمني

طارق

ليه؟ 

رضوي بتوتر

ها اا عشان بس الموضوع بتاع اني خرجت بالليل روحت لريناد امبارح ده ، كلمه قوله انت بقي وانا هشوف روفان وروز هقولهم ماما راحت مشوار مش ناقصه يقلبوها مناحه هما الاتنين.. 

ـــــــــــــــــ#بقلم_الكاتبه_رحاب_القاضي ــــــــــــــــــ

_بعد شويه في الصعيد  نزلت روان من اوضتها وهي قلبها مقبوض من اول ما صحيت ولقيت ان عبدالله مش جنبيها، واتحول قلقها لخووف اول ما سمعت كمال بيقول لعز بحده.. 

كمال

عبدالله مش ناوي يجيبها لبر، البلد كلها متجمعه عند بيت خلف. ومش بس كده ده كمان رجالة سلطان العدوي محاوطين البلد عشان ما حدش يبلغ الحكومه 

عز 

انا بلغت اخوك هيخليها بحر دم، تعالي بس نلحقه 

روان بخوف

انا هروح معاكم 

كمال

تروحي معانا فين انتي كمان اترزعي هنا 

رولن بدموع

طيب عبدالله فين وايه اللي بيحصل، هقعد كده وانا مش عارفه حاجه 

عز بهدوء

ما تخافيش جووك ده راجل قادر ما يقدرش عليه غير ربنا، احنا هنروحله وهنوقفه عن اللي بيعمله ده، انتي بس خليكي هنا وفي حراس بره عشان ياخدو بالهم منك واول ما الدنيا تهدي هكلمك واقولك.. 

روان ببكاء

ما تنسااش طيب بالله عليك يا عمي.. 

عز 

حاضر والله بس اوعي انتي تخرجي من البيت، يلا بينا يا كمال.. 

_وهو وخارج من البيت الموبيل بتاعه رن برقم حسن، فرد عليه وقال بقلق.. 

عز

ايوه يا حسن في ايه؟ 

حسن بضيق

بقولك ايه يا عز ما تفضااش تيجي القاهره كام يوم تاني ولو عايز ترجع ارجع براحتك بعدين

عز بقلق

في ايه انت كمان حصلت حاجه عندكم؟ 

حسن بحزن 

اتخانقت انا وليلي وسابت البيت وانا عايزك تروح تكلمها وترجعها، انت غالي عليها وهتسمع كلامك 

عز بغيظ

الله يخربيتك علي بيت مراتك علي بيت عيالك وعيالك اخواتك كلهم، انا مالي بكل ده انا راجل كبير وصحتي علي قدي الاقيها منين ولا منين 

حسن 

في ايه عز وبعدين جاي عندي انا و تقول انك راجل كبير، ما انت طول عمرك بتنكر الحقيقه دي 

عز 

صدقتها خلاص انا راجل كبير وصحتي علي قدي ارحموني بقي

حسن 

خلاصة الكلام هتيجي ولا لا 

شاورله كمال بمعني ما يقولش حاجه لحسن وعز قال

مش فاضي والله يا حسن في مشكله مع ولاد اختك، المهم انا هكلمها والله واعرف منها كل حاجه وانت روحلها ما تخليهاش تبات بره بيتها وليلي مش هتسيب البيت كده وخلاص اكيد انت غلطان 

حسن

من ناحية غلطان فانا غلطان ما كانش ينفع اقولها كده

عز 

طيب ما تروح تصالحها وخلاص بقي

كمال

يا خالي يلا بينا

حسن 

انتو رايحين فين انت وكمال؟ 

عز

هنتشمس في البلد اقفل بقي ما تعطلناااش.. 

حسن 

ما اعطلكوش علي ايه الساعه 11 ونص لسه الشمس قدامها كتير.. 

عز

معايا انا بتتقمص لو اتأخرت عليها اقفل وهبقي اكلمك سلام

_وقغل معاه عز وراحو لعبدالله، وفي الوقت ده قداام بيت خلف كانت الشمس بتغرب عن البلد كأنها بتشهد على آخر فصول الحكاية، والغبار مالي الهوا، وصوت الناس بيعلو في الساحة قدام بيت خلف والرجالة اهل البلد دخلوا البيت زي الموج، وصوت التكسير مالي الدنيا، والأبواب بتتخلع وبيت خلف كله بيتدمر، وفوق كل ده، كان عبدالله واقف في نص الساحة قدام البيت  وعينيه فيها نار ودموع محبوسه... 

_وبعد كام دقيقه اترمي قدامه علي الارض خلف وابنه شعبان ومراته فتحية، والناس بتزغرت وتصرخ في نفس اللحظة،

ما بين الفرح إن العدل رجع، والوجع على السنين اللي راحت ظلم من خلف وافتري علي كل النااس الفقيره.. 

_في الوقت ده خلف كان مهدود، هدومه متقطعة، ووشه باين عليه الهزيمة من كتر الكدمات اللي فيه، وقرب من عبدالله وركع على ركبته قدامه والناس كلها ساكته، صوت أنفاسهم كان هو الوحيد اللي بيكسر الصمت وقال خلف بصوت متقطع.. 

خلف

بالله عليك يا عبدالله كفايه كده ... أنا غلطت، بس انا راجل كبير ارحمني.

عبدالله بصله نظرة غاضبه وقال

فاكر يوم فرحي يا خلف، يوم ما عمر صاحبي وأخويا وابن اختك اتقتل قدامي عشان الرصاصة اللي ابنك ضربها عليا جات فيه هو، من ساعتها وأنا ما نمتش ليلة واحدة من غير ما االلي حصل ده يتكرر قدامي ويفكرني اني في تار بيني وبينك ولازم يخلص.. 

بصله خلف بخوف ورعب وعبدالله انحني لمستواه وقال

أنت قتلت ابن عمي اللي هو زي اخويا واكتر واذيت اخويا واعتديت علي اهل بيتي في غيابي ومش بس كده كمان اخدت من البلد أمانها، خليت الستات تخاف تمشي في الشوارع لوحدها من رجالتك اللي طالقهم في البلد زي الكلاب ما بيرحموش لا ست ولا راجل ولا كبير ولا صغير ، وسرقت أرض الغلابة وشقاهم وتعبهم النهارده مش يوم انتقام، ده يوم حسابك في الدنيا قبل ما تروح لربنا بقي وتاخد الحساب الاعظم، انت وابنك هتدفعو التمن دلوقتي

خلف بدأ يعيط بهستيريا وقال وصوته بيتهز من خوفه

لا... لا بلاش ولدي، خد تارك مني أنا وسيبه هو ده مالوش ذنب انا اللي كنت بقوله يعمل ايه وما يعملش ايه

_عبدالله بصّ لشعبان اللي كان واقف ووشه شاحب من الخوف،

وقال له بصوت هادي لكن كله تحدي وغضب.. 

عبدالله

الذنب مش دايمًا بيبقى في اللي خطط وبس ، لا يا خلف بيبقى في اللي سكت ونفذ كمان، واللي شاف الظلم وساكت عليه وساعد فيه

وقرب من شعبان ووقف قدامه وقال

انت ابن اللي بدأ الخراب، ولازم ابوك ده يشوف نهايتك بعينه ويدوق من الوجع اللي دوق النااس منه.. 

_قال كلامه وبكل قووته لكم شعباان في وشه خلاه وقع علي الارض وفتحيه فضلت تصوت وخلف رجالة عبدالله مسكينه ومانعينه يتحرك، حاول شعبان يقوم ويجري بس عبدالله مسكه وفضل يضرب فيه في وشه وفي كل جسكه، والناس كلها كانت واقفه بتتابع اللي بيحصل بعيون كلها سعاده وانتصار ان الشر والظلم بينتهي من بلدهم  ، ورمي عبدالله شعباان علي الارض ومسك سلاحه وصوبه ناحية شعبان اللي كان شبه فاقد للوعي من شدة ضرب عبدالله ليه، وخلف قال بانهيااار وخووف فااق الحدود. 

خلف

لا يا عبدالله خد تارك مني انا، اعمل فيا اللي انت عايزه بس همل ولدي احب علي ايدك ورجلك.. 

عبدالله بصوت عالي

ده مش تاري انا وبس ده تار البلد كلها،لو واحد بس قال اسيب ولدك هسيبه ومش هقتله،هاا يا اهل البلد حد.فيكم هيساامح في اللي حصل وفي الظلم اللي شافه؟

الكل سكت وما حدش رد الا واحد بس اللي قال

لو مش عايز توسخ ايدك بدمه يا كبرينا همله لينا واحنا نقطعوه هو وابوه حتت.. 

عبدالله

سمعت يا خلف شوفت اخرة الظلم، وانا بصرااحه اكتر واحد هبقي مرتاح في موت ولدك وحرق قلبك عليه.. 

_وبكل غضب وقسوه ضرب شعبان بالنار اكتر من مره في صدره لحد ما مات فعلا، وصخ خلف بكل قوته وقال.. 

خلف

لاااااااااااااااااااااااااا ولداااااااي.. 

_شاور عبدالله لرجالته يسيبو خلف وسابوووه فعلا، وجري هو ومراته علي ابنهم وصوت صريخهم وبكائهم ما كانش مسموع من صوت النااس اللي هاصت بفرحه كبيره والكل شمتان في خلف وابنه، اما عبدالله وقف وعيونه كلها دموع وهو بيبص للسلاح اللي في ايده، غضبه اتحكم فيه خلاااه يقتل لاول مره في حيااته، وفي الوقت ده وصل عز وكمال اللي جريو علي عبدالله واول ما شافو اللي حصل، مسك كمال السلاح من ايد عبدالله وقاله.. 

كمال

كفاية يا عبدالله يلا نمشي خالك بلغ الشرطه و خلاص الحق رجع.

عبدالله بصله بدموع وعز قال بحده

هو الحق كده رجع يا عبدالله، عمر صحي وطلع من قبره ليه تقتل، ليه تاخد الذنب ده، علي فكره بقي الحق عمره ما بيرجع بالطريقه دي، التار اللي انتو فاكرينه حق عمره ما كان حق، الحق بيتدفن مع اللي راحوا، وإحنا بس بنحاول نحس إننا انتصرنا بالجهل وبغضب ربنا لما نقتل نفس هو حرم بقتلها

عبدالله بجمود 

لا خالي ده حق انا مش ندمان، ما كنتش هرتاح غير لما اشوف خلف بالمنظر اللي انت شايفه فيه ده، واللي عملته مش حرااام ربنا قال "وكتبنا عليهم فيها أن النفس بالنفس والعين بالعين والانف بالانف والاذن بالاذن والسن بالسن والجروح قصاص" مش ده كلام ربنا برضو 

وقبل ما يرد عليه عز وفي اللحظة دي، وصلت عربيات الشرطه، والنااس كلها سكتت وبقيت تتابع اللي بيحصل بخوف علي عبدالله ليتقبض عليه، والضابط علاء نزل من عربيته واول ما شاف منظر شعبان وهو مقتول وخلف ومراته منهارين، بص لعبدالله بنظرة حزينة وقال.. 

علاء

 كنت دايمًا راجل يا عبدالله وكبير بلدك وانا بساعدك وجنبك بس انت النهارده، اتخطّيت حدودك بزياده

ـ عبدالله سلّم نفسه بهدوء، رفع إيديه، والناس كلها بصاله بصمت وحزن وهو ما اتكلمش، بس الدموع اللي ماليه عينيه كانت قايله كل الكلام واحساسه بالانصار رغم هزيمته والقبض عليه كان واضح لكل النااس، وبص عبدالله لخلف بابتساامه كلها انتصار وقال بصوت عالي.. 

عبدالله 

البقاء لله يا خلف ابقي وانت بتدفن ابنك اقري الفاتحه لابن اختك واختك اوعي تنسي 

_بصله خلف بحقد وحضن ابنه وفضل يبكي بكل حرقه وقهر، ومراته نفس الحكايه ، واتقبض علي عبدالله بتهمة قتل شعبان 

ــــــــــ #بقلم_الكاتبه_رحاب_القاضي ــــــــ

_كان قااعد حسن مع نااهد اخت ليلي في شقتها  وقالها بحده ونبره غاضبه.... 

حسن 

لو سمحتي يا ناهد ادخلي عقلي اختك بكلمتين خليها ترجع لبيتها ولعيالها.. 

ناهد 

ادخل اطردها يا حسن اقولها امشي من بيتي، وبعدين مش انت بتزعقلها ومش مقدرها يبقي كل واحد فيكم يرووح لحاله 

حسن بحده

انتي بتخرفي تقولي ايه يا ناهد هو انتي بتكلمي عيال لسه متجوزين دي ست كبيره وانا كمان ده احنا جدود

ناهد 

والله ده اللي لسه كنت بقولو، ما عملتهاش معاها وهي صغيره هتعملها وهي كبيره.. 

حسن 

قومي يا ناهد اندهي اختك وطلعي نفسك من الموضوع ده.. 

قامت ناهد وقالت 

هروووح اقولها انك عايزها بس لو رفضت تشووفك انا مش هقدر اعملك حاجه.. 

_اتنهد حسن بضيق وفضل قااعد مستني لحد ما ليلي جات وكان شكلها مدايق جدا وقعدت قدامه مكان ناهد وقالت.. 

ليلي

نعم عايز ايه؟ 

ابتسم حسن وقال 

قمر والله وانتي مقموصه كده يا ام العيال.. 

كتمت ابتسامتها بصعوبه وقالتله

اهو ده اللي انت فالح، ما كنتش قمر وانت بتهزأني الصبح قدام عيالك 

قام وقعد جنبيها وقال

يتقطع لسااني قبل ما اغلط فيكي، بس والله انا كنت مضغوط ومدايق من اللي بيحصل في حياة البنات وطلعت عصبيتي عليكي مين يعني هيتحمل حسن غير ليلي.. 

ليلي بدموع 

بس مش تقولي اني مش نافعه في حاجه، بعد السنين دي كلها يا حسن تحسسني ان وجودي مالوش لازمه معاك

مسك ايدها وباسها بكل حنان وقال 

انا اسف انا غلطان بس ما تبعديش عني يا ليلي ووالله ما هتتكرر تاني يا روووح قلب وحياة حسن.. 

ابتسمت ليلي بهدوء وهي بتميح دموعها وحسن قال

بس كده مادام ضحكتي يلا بينا علي بيتنا وسيبك من اختك اللي ما بتصدق تلاقي جنازه وتبع فيها لطم دي.. 

ليلي

مالكش دعوه بأختي، وبعدين هو انا يعني ليا غيرها 

حسن 

انتي مالكيش غير بيتك وعيالك وجوزك حبيبك وبس، ويلا بقي قوومي هاتي حاجتك ولا اقولك تعالي نمشي وابعت طارق يجيبهم 

ليلي 

يا حسن سيبني يومين كده حتي عشان شكلي قدام العيال يبقي عندي مبدأ وكرامه 

حسن 

مش وقته يا ليلي عايزين نشووف هنعمل ايه هنروح لروان ولا هي اللي هتيجي مع عز 

ليلي بقلق

مالها روان في ايه؟ 

حسن بضيق

عبدالله افندي قتل شعبان ابن خلف؟ 

ليلي 

يا نهار مش فايت ازاي يعنل كده مش انت واخوك اتفقتو معاه ياخد حقه بالقانون 

حسن

دماغ امه متخلفه اعمله ايه، واهو اتقبض عليه ولو التهمه اتثبتت عليه يا هياخد مؤبد يا اعداام 

ليلي بخوف 

بعد الشر ان شاء الله يطلع منها، عز اخوك ليه معارف كتير وبعدين هو يعني خلف وابنه كانو اتحاسبو علي اللي عملوه في البلد ولا في عمر الله يرحمه والبت اسرار اللي بهدلوها ولعبو بيها بعد اخوها.. 

حسن 

ربنا يسترها يلا بينا بقي وما تقوليش حاجه لاختك.. 

ليلي

ايه اللي هقوله يا حسن، استني هحيب حاتي من جوه وجايه معاك 

وقامت دخلت اوضتها بس رجعتله بسرعه وقالت

بالله عليك قدام العيال اوعي تقولهم امي اتصالحت بسرعه وكمان هغمل اني لسه مقموصه منك كده وكده يعني.. 

ضحك حسن بهدوء وقال

هههههههه ماشي يا ليلي زي ما انتي عايزه اخلصي بقي.. 

ـــــــــــــــــ#بقلم_الكاتبه_رحاب_القاضي ــــــــــــــــــ

_وعدي يووم في التاني وما فيش اي جديد غير في بيت القاضي كان قااعد عز هو وعليااء مع كمال اللي قال بقلق.. 

كمال

انت متأكد يا خالي ان المحامي ده هيطلعه منها 

عز 

ما انا اهو يا ابني لسه قافل معاه بيقولي ان اهل البلد كلهم بيقولو ان خلف هو اللي كان بيتخاانق مع الرجاله بتاعته وطلعت منه طلقه طايشه جات في ابنه ومات فيها، ايه بقي التهمه اللي علي اخوك وما فيش واحد حتي شهد ضده

علياء بحزن 

اهل البلد كلهم كارهين خلف بعد الظلم اللي شافوه منه 

كمال

خلف اتجنن خالص بيقولو ما حدش عارف ياخد منه كلمه واحده في التحقيقات، عمال يكلم نفسه وبيخرف بحاجات مش مفهومه

عز 

وده هيثبت التهمه عليه اكتر، بعد ما الراجل قتل ابنه من غير ما يقصد اتجنن دماغه اتلحست 

كمال

بس ده ظلم يعني عبدالله قتل وده المفرو يتعاقب عليه

علياء بحده 

قصدك ايه اخوك بتحبس، ةبعدين لما هما ضربوك بالنااار وكنت هتروح مني كان حد فيهم اتحاسب، هما اللي بدأو بالظلم وعبدالله ابني راجل خد حقه وحاافظ علي هيبته قدام النااس.. 

عز بصلها بغيظ وقال

مش هستغرب تاني تفكير البهايم اللي مخلفاهم دول، اذا كانت امهم جموسه هيبقو ايه غير بهايم ومتخلفين 

كمال

عاجبك كده يا ماما اهو جبتيلنا الكلام من اخوكي

عز 

دلوقتي بقيت اخوها ومش خالك الله يرحم، بس انا مش هتكلم يا عيله واطيه انا اهو سيبهالكم ومااشي.. 

نزلت روان في الوقت ده وقالت 

يلا يا زيزو الشغاليين حطو الشنط في العربيه بره 

عز

وانتي جايه معايا ولا ايه؟ 

روان 

ايوه هي خلصت كده 

علياء

ايه بس اللي خلص، استهدي بالله يا بنتي حوزك محتاجلك وهيزعل لو خرج ولقاااكي مشيتي 

روان بغيظ

يتفلق يا عمتو هو يعني كان عمل حسااب لحد فينا، نفترض كانت التهمه لبسته كان هيحصل ايه، هو ما فكرش فيا وانا مش هفكر فيه بني ادم همجي ومتخلف 

كمال

عبدالله انت جيت.. 

_اتنفضت روان وهي بتبص وراها وما لقيتش حاجه وهما كلهم ضحكو، فمسكت المخده اللي علي الكنبه وحدفتها عليه وقالت.. 

روان

والله ما شوفت في بروودك، وانا ماشيه يا زيزو هتاخدني معاك ولا لا؟ 

عز 

يلا يا اختي ابقي تفي في وشي يا علياء لو جيت البلد دي تاني ده انتو عيله فقر.. 

_مي عز هو وروان وعليااء اتنهدت بضيق وقالت بقلق لكمال.. 

علياء

الصدااع هيفرتك دماغي مش عارفه بقي امتي هنرتاح من الهم ده 

كمال

يطلع عبدالله بس وكل حاجه هترجع زي الاول واحسن، هي أسرار فين هي ورضوي مش سامعلهم حس.. 

علياء

رضوي واخده دور برد واسرار الله يباركلها قااعده جنبيها ومش سيباها خالص، ربنا يباركلك فيها والله يا كمال احسن حاجه عملتها في حياتك انك اتجوزت بنت عمك ما حد كان هيبقي حنين عليك قدها هي.. 

كمال ابتسم وقال

اسرار دي حتت سكره، هطلع اطمن علي رضوي وانام شويه 

علياء

هتنام من غير ما تروح تطمن علي اخوك 

كمال 

يا ماما ما انا كنت عنده الصبح ايه اللي هيوديني تاني بالليل كده 

علياء

مش هتنام غير لما تروحله وخدله اكل معاك كتير ليه وللنااس اللي معاه في الحجز

اتنهد كمال بضيق وقال 

حاضر يا امي رايح اهو.. 

ـــــــــــــــــ#بقلم_الكاتبه_رحاب_القاضي ــــــــــــــــــ

_وفي الوقت ده في بيت الاستاااذ حسن كانت قااعده رضوي مع منه وكريم اللي راحولها البيت.. 

كريم 

باباكي عسل اووي يا رضوي 

رصوي

انت ايه اللي جابك منه قالت جايه اللي جابك انت معاها

كريم 

شايفه يا منه قولتلك ما اجيش دي وليه ما حدش يقدر عليها 

منه 

حقك عليا انا في ايه يا رضوي ده الشله كانت جيالك تطمن عليكي، مختفيه انتي وحامد كده.. 

رضوي 

يا حبيبتي احنا مش زيكم ما ينفعش البيه يجيلي البيت انا هسمع كلمتين زي الفل من بابا اول ما تمشو. 

كريم 

ايوه عشاان انتو اصلكم صعايده ومعقدين 

رضوي

هما مين دول اللي معقدين يا ابن المعقده.. 

كريم

شايفه يا منه 

منه 

خلاص ما تتكلمش معاها، وبعدين ما كناااش نقصد يا رضوي 

رضوي 

ولا يهمكم وبعدين نرتوني 

كريم 

بعد ايه ده انتي ندمتي الواحد انه عرفك يا بومه 

رضوي 

هقوملك مش هقول في بيتنا وكده لا انا اقوم اطحنك عادي وما تقوليش بومه دي.. 

منه 

انا اللي بومه اسكتو بقي، المهم انتي مالك ومال حامد يا ست رضوي

رضوي بعدم فهم 

مالي انا بحامد ده عملي بلوك بعد ما عرض عليا اا طلب مني طلب يعني وانا قبل ما ترد عليه عملي بلوك زي العيال الصغيره. 

كريم

ما احنا عارفين انه قالك عايز يتجوزك بتلفي وتدوري علي ايه هتعملي فيها حويطه 

رضوي بغيظ

قوووم يالا اطلع بره 

كريم 

خلاص والله حوشيها يا منه 

_جات ليلي في الوقت ده من المطبخ وهي ماسكه صنيه عليها اكل وقالت.. 

ليلي

في ايه بتطردي الراجل ليه يا زفته انتي

كريم

ايوه يا حجه اديها 

رضوي 

بنهزر يا ماما.. بس خير ايه ده؟ 

ليلي

كنت عامله ام علي قولت ادوق صحابك منها، منورين والله يا حبابي.. 

اخد منها كريم الصنيه وقال 

تسلم ايدك يا طنط ريحتها تجنن 

ليلي

بالهنا والشفا يا ابني والبيت بيتكم طبعا اللي تعزوه قولو عليه، لولا بس انكم ما رضيتوش تتعشو معانا ده انا كنت عامله بط ومحشي انما ايه رضوي تقولكم علي اكلي.. 

كريم 

انا عايز حبه صغيره بس ادوق اكلك يا طنط 

ليلي

بس كده من عينيا ثانيه واحده.. 

ودخلت ليلي المطبخ تاني ومنه بصتله بغيظ وقالت

ما تلم نفسك بقي يا كريم.. 

كريم

هي اللي عزمت وما حبتش اكسفها، ري هي طنط مرتبطه؟ 

رضوي 

انت عبيط يا ابني ما بابا لسه مسلم عليك

ضحكت منه وكريم قال

ااه يا خساره طيب ما عندكيش اخت بس ما تبقااش زيك تبقي زي طنط كده 

رضوي

ما عنديش ولم نفسك بقي، المهم يا منه ماله سي حامد انا اصلا محرووق دمي منه لوحدي

منه 

يا حبيبتي ابن عمه اللي كان خطيبك القديم ده راحله وقالو انك كنتي واخده حامد كوبري عشان تخليه يغير عليكي ويرجعلك وقاله كلام تاني صعب حامد اصلا هيساافر عند مامته ومش ناوي يرجع تاني. 

_اتصدمت رضوي من اللي سمعته وقبل ما ترد عليها خرجت ليلي من المطبخ وحطت صنيه ملياانه اكل قداام منه وكريم وقالت.. 

منه 

يلا بالهنا والشفا يا حبابي انا هدخل اغسل الموواعين اجي الاقيكم خلصتو الاكل ده كله 

كريم بحمااس

اكيد وتسلم ايدك مقدما يا طنط 

ليلي

الله يسلمك يا ابني بعد اذنكم.. 

_مشيت ليلي ومنه بصت للاكل ولكريم وهو بياكل وقالت بشهيه مفتوحه.. 

منه 

انا ما كنتش جعاانه بس هاكل منظر الاكل وريحته يجننو. 

رضوي 

منه هاتي موبيلك هكلم حامد 

كريم 

عارف يا رضوي لو حامد ساافر بجد هدعي عليكي ليل نهااار انتي فاهمه 

رضوي

بس يالا وانتي هاتي موبيلك لحد ما تخلصو اكل هكون كلمت حاامد جوه.. 

ـ اديتها منه الفون بتاعها ودخلت رضوي اوضتها، وكريم بص لمنه اللي بتاكل بشهيه مفتوحه وقال.. 

كريم

انتي مش كنتي عامله دايت 

منه 

ابو الدايت وسنينه الاكل جااامد بصرااحه.. 

_وفي اوضة رضوي كانت واقفه وهي مستنيه حامد يرد عليها، وبالفعل رد وقالها.. 

حامد 

ايوه يا منه 

رضوي

انا رضوي يا حامد 

حامد

ايوه يا رضوي ازيك عامله ايه؟ 

رضوي 

لا والله بلاش البرود ده، وبعدين ازاي تصدق عليا الكلام اللي قاله يووسف.. 

حامد 

انا مش فاهم انتي بتتكلمي علي ايه؟ 

رضوي

لا انت فاهم منه قالتلي كل حاجه.. 

حامد 

انتي عايزه ايه دلوقتي يا رضوي؟ 

رضوي 

عايزه اقولك ان اللي قاله ليك يوسف ده مش صح، وم صح برضو انك تحكم عليا من كلام حد. تاني من غير نا تسمع مني... 

حامد 

اسمع ايه ده واحد جاي يتكلم بكل ثقه قدامي انك رجعتيله، وكمان عارف اني كلبت منك الجواز واني كنت برن عليكي عشان اعرف ردك وانتي مكنشااني 

رضوي اتنهدت بضيق وقالت 

انت اكيد عارف اللي حصل ليزن اخوه وجوز اختي انا كنت معاهم في المستشفي هو كانت حالته صعبه وبمنتهي الشفقه مني وقفت جنبه وحاولت اهون عليه مش اكتر من كده، وكمان ندمت اني عملت كده واديته مسااحه يعرف حاجه عني تاني، ولما رجعت البيت كنت هكلمك عشان اقولك ردي علي طلبك لقيتك عاملي بلوك يا استاذ.. 

حامد

طيب وايه ردك بقي؟ 

رضوي بتوتر

مهتم يعني تعرف ردي 

حامد

بصي من غير لف ودوران موافقه يبقي تقفلي معايا وتبعتيلي رقم باباكي علي الواتس وانا حالا هكلمه واخد منه معاد اني اقابله واتقدملك رسمي، لا مش موافقه يبقي اقفلي ومش عايز اشووفك تاني ومش كرهاً فيكي لا ده عشان بحبك ولو شوفتك في مكان وانتي مش ليا ولا تخصيني هزعل.. 

ابتسمت بخجل وقالت 

طيب شيل البلوك عشان ابعتلك رقم بابا.. 

ابتسم حلمد بأتسااع وقال

بس كده من عيتيا اعتبريه اتشال.. 

رضوي 

تمام هقفل عشان منه وكريم بره مع السلامه.. 

_قالت كلامها وقفلت معاه وحست فعلا المره دي انها مبسووطه، وبطريقه مختلفه مش حاسه بأي قلق ولا شك في كلامه علي عكس كل مره كانت بترتبط فيها بحد سواء كمال او يوسف. 

ـــــــــــــــــ#بقلم_الكاتبه_رحاب_القاضي ــــــــــــــــــ

_وتاني يوم الصبح كانت نيللي قااعده في شقتها الخاصه اول ما الباب خبط، فمسحت دموعها وراحت فتحت الباب وكان يووسف وكانت دي اول مواجهه بينهم بعد اللي عملو فيها.. 

بصلها بهدوء وقال 

اديني جيت زي ما طلبتي عايزه ايه؟.. 

نيللي

ادخل عشان نتكلم 

_دخل يوووسف وجه يقفل الباب فمسكت هي الباب ورفضت تقفله، وبرغم ثباتها اللي بتحاول تظهره قدامه، الا ان عيونها ملياانه خووف وقلة ثقه واضحه من ناحيته، فاتنهد بضيق وراااح قعد في الصاله علي الكنبه وهي قعدت قدامه وقالت بجمود.. 

نيللي

هتطلقني امتي؟ 

ابتسم بسخريه وقال

قولتلك مش هطلقك غير لما اخلص من وصولات الامانه اللي عند ابوكي واللي عملو فيا وفي اخويا الحمد لله وابويا عرف يااخد حقه منكم.. 

بصتله بدموع وقالت

واللي انت عملته فيا فين حقه يا يووسف؟ 

يوسف 

انتي السبب.. 

نيللي 

انا السبب في ايه انا اللي قولتلك تيجي وتقرب مني، انا اللي قولتلك تسيبني وانا حامل وتتخلي عني وتخليني اشيل المسؤليه لوحدي، انا اللي قولتلك اضربني وموت ابننا، انا اللي قولتلك تعالي دمرلي حياتي واكسرني.. 

يوسف 

انتي جيباني تصحي ضميري وتصعبي عليا يعني ولا حكايتك ايه؟ 

نيللي بسخريه

لا لا سمح الله اللي زيك ما عندوش ضمير عشان يصحي اصلا، انت صغير اووي يا يوسف صغير علي سنك ده وعلي حياتك دي، انت ما ينفعش حد يعتمد عليك ولا يثق فيك 

يوسف 

طيب كويس انك شيفااني كده، اصل سعات كنت بحس انك بتحبيني فكنت بعاملك بقسوة عشان تكرهيني وما تتعلقيش بية لاني عمري ما هحبك 

نيللي بدموع

يمكن دي احسن حاحه عملتها انك ما حبتنيش، المهم طلقني ووصولات الامانه اللي خايف منها هجيبهالك بس تطلقني وتبعد عني خالص مش عايزه اشووفك تاني ابدا 

تجاهل نبرتها الحزينه ودموعها وقال

وانا ايه اللي يضمني ان بعد ما اطلقك هاخد الوصولات اللي معاكي؟! 

نيلي

ما فيش ضمان بس في كلامي ليك واحساسي من ناحيتك، انا بقيت كرهااااك اوووي مش عايزااك انت كمان لو عايز فلوس عشان تطلقني هديك كل اللي معايا بس ما تبقاش في حاجه تربطني بيك تاني بعد كده حتي لو كان مجرد كلام علي ورق 

_قالت كلامها بحزن ودموعها نزلت وهو للحظه حس بالذنب ناحيتها وقال بتوتر.. 

يوسف

انا اسف ما كنتش اقصد اخليكي توصلي للحاله دي 

نيللي

هقبل اسفك لما تطلقني، وهسامحك والله عشان انساك وما يبقاش في حاجه جوايا افتكرك بيها حتي لو كره.. 

يوسف

لو جاهزه نروح للمأذون دلوقتي وهطلقك 

نيلي مسحت دموعها وقالت

اوكي هجيب حاجتي من جوه واجي عشان نخلص كل حاجه 

_وفعلا اخدها وراحو عند المأذون وطلقها زي ما طلبت منه،. واول ما خرجو من مكتب المأذون بصلها بضيق وقال.. 

يوسف 

لو كنا اتقابلنا في ظرووف تانيه غير اللي احنا فيها دي، كنا هنبقي صحاب كويسين اووي

نيللي 

ما اظنش انت ما بتحبش تخلي حد في حياتك غير لما توجعه، ممكن تبقي صدفه بس اللي يعرفك علي حقيقتك زيي ما اظنش انه هيقبل بيك تبقي في حياته حتي لو صديق 

_وطلعت من شنطتها وصولات الامانه اللي كانو مع باباها وقالت.. 

نيلي

انا سرقتهم من بابا قطعهم بقي ولا اعمل فيهم اللي انت عايزه 

يوسف اخدهم منها وقال

انا اسف بجد يا نيللي علي كل حاجه.. 

_ما ردتش عليه وجات تمشي بس هو وقف قدامها بسرعه وقال... 

يوسف

طيب عايز اعرف بس انتي هتعملي ايه دلوقتي، ولو ينفع اقابلك تاني ولا لا؟ 

نيللي ضحكت وقالت

هههههه تقابلني تاني ارحمني بقي يا سي يوسف، واطمن انا مش قعدالك في مصر خالص، همشي وهعيش بره مش مهم تعرف فين ومش مهم خالص اي حد يعرف انا رايحه فين، بس انا ناويه ابدأ من جديد واعيش براحتي بعيد عنكم كلكم.. 

يوسف 

ربنا يوفقك ولو احتاجتي حاجه كلميني. 

نيللي 

انت اخر واحد انا ممكن افكر اكلمه تاني، وسع بقي كده عشان مش فضيالك كانت صدفه منيله بستبن نيله يوووم ما شووفتك 

_قالت كلامها بنبره ساخره ومشيت وهو بصلها بابتساامه بسيطه وندم علي اللي عملو فيها، وبعدين رااح وركب عربيته... 

"انسحبتُ من حياته لا هربًا منه، بل إنقاذًا لما تبقّى من نفسها،تركته كما يترك الضوءُ ظلّه… دون صراخ، دون انتقام… فمن أحبَّ بصدق لا ينتقم، بل يرحل بكرامة فما أفسدته قسوتُه، أصلحته هي بخطوة الرحيل 🖤"

تفتكرو بقي يوسف هيعمل ايه اول ما يعرف ان رضوي هتتخطب لحامد  ، وهل هيقبل يسافر مع عمار المنشاوي وجميله ولا لا؟