نور :

أكيد مش أصعب من اللى انا شفته يا ماما بعد الحادثه إللى حصلت معاكى

ماما :

حصل معاكى ايه يا نور احكيلى يا قلبى

نور :

معاكى حق يا ماما انا عندي كلام كتير قوى عايزه أقوله انت مش عرفة انا ايه إللى حصل معايا انا بعد ما شفتك وانت بتموتى قدامى جالى صدمة و زياد دخلنى مصحة نفسيه ودخلك انت المستشفى وفى المصحة انا كانت حالتى صعبه قوى يا ماما كنت رافضة أتكلم مع أى حد و رافضة أكل او أشرب أى حاجه والدكتور اللى كان بيعالجنى حسام كان بيحاول معايا بكل الطرق بس انا خلاص كنت عايزة أموت بكل الطرق وفى مرة دخل أوضتى لقانى وقفة على الشباك وخلاص هأنط منه بس هو انقذنى وبعدها بأسبوع تقريبا الممرضة لحقتنى بعد ما أخدت علبه الأدوية بتاعتى كلها مرة واحده و وقتها لحقونى من الموت بمعجزة ولما فقت بعدها جه حسام وخدنى ودانى مستشفى لعلاج أورام الاطفال وهناك عرفنى أهم درس عرفتوا فى حياتى هناك شفت أطفال بيشوفوا الموت كل يوم بس كل يوم بيكون عندهم أمل شفت عندهم إصرار كبير قوى على أنهم يكملوا الحياة وقتها قالى حسام جملة عمرى ما هنساها

قالى //

{إللى قدامك دول يا نور مجرد اطفال مش أكتر بس عندهم إصرار وأمل أكتر منك بكتير انت لو تعرفى الوجع إللى هما بيحسوا بيه كنتى عرفتى أنك أضعف من الأطفال دول يا نور كنتى عرفتى قيمة حياتك اللى انت عايزه تنهيها بكل بساطة لازم تعرفى يا نور أن مهما كان اللى حصل معاكى انت لازم تتعلمى منه حتى لو اللي حصل معاكى كسرك مية حته لازم تتعلمى تبنى نفسك من تانى لان ديما المستقبل يستاهل فرصه }

ومن وقتها و انا بدأت استجيب للعلاج وفعلا خلصت العلاج و خرجت من المصحة بعدها بسنه و بعد سنين رجعت المصحة تانى بس وقتها رجعت الدكتورة نور عبد الحق إللى بقت بسرعة أشطر دكتورة نفسيه فى المصحة إللى كانت بتتعالج فيها ووقتها فعلا عرفت أن حسام كان معاه حق لما قال إن المستقبل يستاهل فرصه.

حنان :

كل ده حصل معاكى يا نور انا أسفة علشان ماكنتش معاكى يا روحى أسفة .

نور :

مافيش داعى للأسف يا ماما بس شوفى انا قعدت أتكلم وبرده يا ماما لسه معرفتش ايه إللى حصل معاكى يومها قولى يا ماما !

حنان :

حاضر يا نور ال……………………………

نور :

لا كده كتير كده كتير

و بعدها أغم على نور بسبب صدمة شديدة

يا ترا ايه الى قالته والدة نور ؟! و مين إللى مروان قال عليه ؟!