رواية اعلنت الحرب لأجلك الفصل الاول 1 بقلم فونا
رواية اعلنت الحرب لأجلك الفصل الاول 1 هى رواية من كتابة فونا رواية اعلنت الحرب لأجلك الفصل الاول 1 صدر لاول مرة على موقع التواصل الاجتماعى فيسبوك رواية اعلنت الحرب لأجلك الفصل الاول 1 حقق تفاعل كبير على الفيسبوك لذلك سنعرض لكم رواية اعلنت الحرب لأجلك الفصل الاول 1
رواية اعلنت الحرب لأجلك الفصل الاول 1
_إحنا بنعلن اليوم خبر خطوبة مريم ويوسف.
كنت في حفل شراكة بين شركة بابا وشركة صديق لبابا، وبابا أصر إني اروح معاه عشان ميبقاش لوحده.
علماً أني أنا وبابا علاقتنا مش أحسن حاجه من ساعة وفاة ماما ومن ساعتها وأنا عايشة عند تيتة.
وأنا قاعدة فجأة لقيت بابا شدني ووقفت جنبه وجنب صديقه وابنه يوسف اللي كان مجرد صديق ليا فقط!!
وفجأة لقيت والد يوسف بيعلن خطوبتنا للكل.
وحقيقي حاجه في قمة العبث وجو مسلسلات وروايات أوي!!!!
وجو قديم وبلدي!
أتصدمت من اللي اتقال فبصيت لبابا بسرعة لقيته مبتسم معني كده أنه مخطط لده!
وبصيت ليوسف لقيته مبتسم برضو!!
معني كده أنه عارف بالخبر مش متفاجئ!!!
حسيت بغضب فظيع وهنا مهمنيش اي حاجه وقربت من بابا وأتكلمت بنرفزة:
_ايه اللي سمعته ده.
بصلي وقرب من ودني:
_وطي صوتك إحنا قدام ناس وإعلام.
اتنرفزت أكتر:
_والله! وأنتَ هامك شكلك دلوقتي ومش هامك أنك خدت قرار زي ده من ورايا!
كان لسه هيرد فجأة لقيت يوسف جنبي:
_مريم ممكن تهدي محتاج أشر...
قاطعته_أنتَ كنت عارف.
بصلي وحاول يتكلم بس اصريت بنفس السؤال .
كل ده وتقريبا الحفلة كلها كانت بتتفرج علينا.
اتنهد_اه يا مريم
بصيتله بصدمة_اه!!!!
يعني أنا الوحيدة اللي هبلة هنا!
حاول يهديني فزقيته بعيد:
_أبعد عني أنتَ فاهم.
كملت بضيق:
_أنتَ قليت من نظري أوي يا يوسف أوي.
هنا بابا أتدخل بعصبية_كفاية فضايح بقي.
ضحكت بسخرية:
_فضايح وأنا اللي قولت جابني الحفلة عشان عايز علاقتنا مع بعض تقرب أكتر طلعت جايبني عشان تخطبني بالرغم أن حضرتك مدي كلمة لراجل تاني وأني في حكم مخطوبة أصلا.
سيبتهم ومشيت بالرغم من صوت بابا اللي عمال ينادي عليا.
طلعت برا ويوسف كان ورايا وركبت عربيتي ومشيت بسرعة قبل ما يركب معايا.
فضلت أتمشي وأنا مخنوقة أوي لغاية ما جالي كول.
ابتسمت وأنا برد:
_ألو.
ـ مال صوتك.
_مليش.
ـ مريم حصل حاجة في الحفلة صح!!
اتنهدت ومردتش أقوله عشان ميضايقش نفسه:
_محصلش حاجه يا حبيبي بس أنا تعبانة شوية فسيبت الحفلة ومشيت.
سكت ثواني وسمعت صوت نفسه العالي.
_مريم
ـ نعم
_عشان خاطري متخبيش عليا أنا عارف أن في حاجة حصلت وأنتِ مش عايزة تقولي.
حاولت أغير الموضوع:
_محصلش صدقني يا چون المهم أنتَ عامل ايه عندك لو تعبت يا چو أنزل خلاص وبلاها سفر في شغل كتير هنا.
اتنهد_بتغيري الموضوع تمام هسيبك تهدي شوية بس هعرف يعني هعرف.
أبتسمت_يا عم بقي بقولك هترجع أمتي .
ـ وارجع ليه.
_عشان عشااان يووه ما أنت عارف بقي.
ضحك_مكسوفه تقولي وحشتني يعني.
ضحكت بكسوف_چون.
اتنهد_دنية چون.
أبتسمت_هقفل دلوقتي عشان وصلت البيت هطلع أخد دُش واكلمك.
ـ ماشي يا حبيبتي.
قفلت وحقيقي أنا مفيش حاجه بتقدر تغير مودي غيره!
دخلت أخدت دُش روق عليا وبعدين طلعت حضرت عشا خفيف واتجهت لأوضتي ومسكت الفون.
لقيت ٣٠ مكالمة و٥٠ مسدچ من چون.
أتخضيت وكلمته بسرعة.
أول ما رد قال بصوت مليان غضب:
_مريم خبر خطوبتك أنتِ ويوسف مالية الميديا.
للانضمام لقناة الواتساب اضغط هنا