تقف متصنمه بعد أن صرخت حينما رأت أحد رجال أبيها ينظر لها بضحكه خبيثه من خارج البوابه الحديديه الكبيره 

إلتف حولها الجميع بعد ان هرولو تجاهها 

يسألون بقلق بالغ ما الأمر وماسبب ذلك الرعب البادي عليها 

نظرت الى اختها بعيون مغشيه بالدموع نحو الباب وهي تقول 

حمدي ..... حمدي كان بره دلوقتي

شهقت ضي بفزع ثم قالت بعدم تصديق

حمدي مين ....اوعي يكون 

هزت رأسها بهستيريه علامه علي موافقتها فقال تميم بجنون 

في ايه ....و حمدي مين الي بتتكلمو عليه فهمونا 

ردت عليه ضي بصوت مهزوز 

واحد من اللي كان شغال مع راشد 

هو اللي كان ماسكلو الفيلا زمان بعد كده لما رجعت كان شغال معاه في المولد 

لم ينتظر الأخوان لحظه واحده ....هرولو نحو الخارج و عدي يصيح في الرجال 

ورايا بسرعه ....اكيد مبعدش عن هنا 

انطلقوا سريعا بينما احتضنت سمر ضي بخوف ....

أما سالم فاحتوي تلك الصغيره اسفل زراعه و هو يقول بحنان رغم غضبه الشديد 

متخافيش يا حبيبتي مفيش حد هيقدر يقرب منكم 

كل هذا يحدث أثناء جلوس راشد داخل محبسه و علي وجهه ابتسامه شامته ...فقد أتاه اتصال بإتمام تلك المهمه الصغيره بنجاح 

اغلق الهاتف و قام بتخبأته في مكانه السري حتي لا يكتشفه احد

وجد حسين يقترب منه و يقول 

خير يا باشا شكلك فرحان .....في اخبار حلوه و لا ايه 

تطلع له ببرود ثم قال 

متسألش فاللي ملكش فيه يا حسين ....انا مبقتش مديك الامان بعد ماطلعت سري و ياريت فالاخر استفدت حاجه 

اديك متلقح جنبي عالبورش

رد عليه بغل شديد 

و غلاوتك عندي مابعتك يا كبير ...انا رمتله كلمتين عشان وعدني هبقي شاهد ملك

بس انا كان في نيتي اول ما اطلع من القسم اجيلك جري و احذرك ....بس ابن الكلب ضحك عليا 

طلقت البت و خد مني الكلمتين بس مطلعنيش زي ما قال 

ابتسم راشد باستهزاء ثم قال 

عشان حمار ...عيال سالم الشريف خوبثا زي اللي خلفهم ....عرف يجيبك سكه يا دغوف

دانا كنت مخلي ابوهم يلف حوالين نفسه و مقدرش يمسك عليا حاجه 

سأله حسين بحيره 

طب الدبابه كده باعنا و لا ايه يا ريس

لازم توصله ...هو الأمل الوحيد لينا عشان نطلع من هنا 

رد عليه بثقه ليست في محلها 

مش محتاج أوصله ...اكيد عرف الي حصل و بيرتب دلوقت عشان يهربنا او يطلعنا منها خالص 

لم يجدوا له أثر في الارجاء .....لذا عادو الي الفيلا و بداو في مراجعه كاميرات المراقبه التي رأو فيها ذلك الرجل لكن في لحظه كان يختفي داخل سياره سوداء 

جز تميم علي اسنانه بغل ثم قال 

العربيه من غير نمر و الي جواها مش باين 

رد عليه عدي بجنون 

انا هروح لابن الكلب ده و هقتله بأيدي لو مقالش مكان باقي رجالته 

ابتسم تميم بجانب فمه ثم قال 

لو قطعته حتت مش هينطق 

بالعكس هيعرف اننا اتهزينا من الحركه دي و هيضغط علينا برجالته اللي لسه بره اكتر 

بالداخل ....ترك سالم الفتيات مع زوجته ثم اتجه نحو غرفه مكتبه ...اغلق الباب خلفه ثم قام بالاتصال علي الدبابه و حينما رد عليه قال بغضب 

انت بتلعب بيا ...انا اعتبرتك راجل و اخدت كلمتك وعد 

استغرب الاخر من تلك الكلمات فسأله بغيظ مكبوت 

كلمتي سيف علي رقبتي ....و اللي وعدتك بيه نفذته 

ايه الي حصل عشان تقولي الكلام ده 

قص له ماحدث بالتفصيل فوجده يقول بسخريه 

متحاسبنيش علي تقصير رجاله الداخليه يا باشا 

واحد زي راشد ميتحطش في سجن عادي لأ و معاه حسين كمان 

اكيد معاه فون جوه السجن و دي مش مسؤليتي ....انا سلمتهولك علي طبق من فضه إللي بعد كده مش بتاعي 

و فالعموم انا هكمل جميلي معاك 

سأله سالم بعدم فهم 

يعني ايه ...مش فاهم 

إوعي تعمل حاجه من ورايا 

ابتسم و قال 

اكيد كنت هقولك يا باشا متقلقش 

فاروق اخويا غالي عندي اوي مقدرش ازعل حد تبعه ....اتطمن ...هتعيش مرتاح مع ولادك