رواية سباق بلا نهاية مريم وجون الفصل الثالث 3 بقلم فونا
رواية سباق بلا نهاية مريم وجون الفصل الثالث 3 هى رواية من كتابة فونا رواية سباق بلا نهاية مريم وجون الفصل الثالث 3 صدر لاول مرة على موقع التواصل الاجتماعى فيسبوك رواية سباق بلا نهاية مريم وجون الفصل الثالث 3 حقق تفاعل كبير على الفيسبوك لذلك سنعرض لكم رواية سباق بلا نهاية مريم وجون الفصل الثالث 3
رواية سباق بلا نهاية مريم وجون الفصل الثالث 3
_عملت حادثة قدام عيني!
بعد الخناقة خدت بعضها ومشيت...ركبت الريس بتاعتها بسرعة ومشيت.
البنات حاولو يوقفها بس معرفوش...لقيتها مشيت بسرعة جنونيه..اتخضيت وركبت عربيتي بسرعة وطلعت وراها ومن جوايا بدعي ربنا يحفظها من جنونها!
كنت ماشي وراها بحاول أوقفها لأنها كانت ماشية بسرعة جدا....خوفت؟!
أنا اترعبت..لأول مرة في حياتي أخاف علي حد بالشكل ده!
وفي ثواني ظهرت قدامها عربية وفي ثانية خبطتها..
وقفت العربية بصدمة وأنا مش مصدق اللي حصل قدامي!!!
نزلت من العربية بسرعة!
الناس ملمومه حواليا..اللي بيزعق،واللي بيطلب إسعاف...
بس أنا مكنتش سامع أي حاجة...كأن وداني عملت ميوت لكل اللي حواليا...
قربت منها وأنا مش مصدق اللي حصل!
كانت مرمية قدامي...دماغها بتنز.ف...حواليها د.م من كل ناحيه.
قربت منها بسرعة ومسكت ايديها وهنا دموعي نزلت:
_متخافيش يا مريم..مش هسمح للمو.ت ياخدك مني.
الاسعاف دقايق وكانت هنا...شالوها بحذر وحطوها في العربية وأنا دخلت معاها...معرفتش اسيبها لوحدها!
كانو بيحاولو يوقفو نز.يف دماغها ومن ناحية تاني بيدوها نفس... وأنا قاعد ماسك ايدها وخايف اسيبها!
وصلنا المستشفى ودخلت عمليات علي طول...
مرت ساعات وأنا بدعي ربنا أنهي تبقي بخير.
لقيت الدكتور طلع فجريت عليه بلهفة:
_هي كويسه صح
اتنهد_ ال ٢٤ ساعة اللي جايين ادعي أنهم يعدو علي خير
_ ليه هو في ايه
ـ للأسف الخبطة كانت شديدة جدا وفي مكان حساس،وفي احتمال أنها متعرفش تتحرك تاني.
اتخضيت والدكتور سابني ومشي وأنا رجلي مكانتش شايلاني فوقعت علي ركبتي...يعني ايه احتمال متمشيش تاني!
هنا وصل يوسف اخوها وكان معاه ست كبيرة شوية وتقريبا كدا مامتها.
قرب يوسف مني بخضه_ ايه اللي حصل لمريم إحنا لسه عارفين دلوقتي.
مسحت وشي بسرعة وبصيتله شوفت قلقه عليها.
_متبصليش بقولك ايه اللي حصل لأختي!
ـ عملت حادثة واحتمال متقدرش تتحرك تاني.
الخبر نزل عليهم زي الصاعقة!
بصلي يوسف بصدمة وبعدين مامته قربت منه بسرعة:
_الشخص ده كداب أكيد مريم بنتي مش هيحصلها كدا صح يا يوسف قول أن أختك هتبقي كويسه!!!
يوسف بصلها وبكل كره قالها:
_لو مريم حصلها حاجة هتبقي أنتِ السبب.
ـ أنا السبب!
_ايوة أنتِ السبب في كل حاجة اصلا..هي سابت البيت بسببك..بعد ما كنتي هتجبريها تتجوز غصب عشان مصلحتك أنتِ... أنتِ السبب أنها جوا دلوقتي بتصارع المو.ت!
كمل بقهرة_عملتلك ايه الفلوس لما خسرتي بنتك!!!
كانت لسه هتكلم فقاطعها _لأ ومش كفاية جيتي عليا أنا بس واجبرتيني لأ قولتي تجبربها هي كمان!!
_انا عمري ما هسامحك يا أمي علي اللي عملتيه فيا أو في مريم...
خد نفس عميق وكمل_أنا أهلي ما.تو ومليش أهل.
دخل اوضه مريم اللي اتنقلت فيها وأنا كل ده كنت واقف بعيد بس سامعهم!
مش قادر اتخيل أن الست دي ضرت عيالها بسبب طمعها في الفلوس!
عند مريم"
بدأت أفتح عيوني بتعب...معرفش أنا فين...وايه اللي جابني هنا وجيت ازاي...اخر حاجة شوفتها كان چون ودموعه في عينه!!
يوسف أول ما شافني قرب مني بسرعة وقال بلهفة:
_أنتِ كويسة يا حبيبتي
بصيتله بتعب:
_هو ايه اللي حصل
كنت ملاحظه أنه بيحاول يكتم دموعه:
_ولا أي حاجة شوية تعب بسيط مش أكتر
مكنتش حاسه برجلي خالص فقولت بتعب:
_يوسف رجلي مش حاسه بيها
بصلي وهنا مقدرش يمسك دموعه...
وفجأة كل أحداث الحاد.ثة جت قدامي!
اتكلمت بتوتر_هو أنا رجلي حصلها حاجة!!!
في اللحظة دي دخل الدكتور عشان يطمن بعد ما عرف اني فوقت_حمدلله علي السلامة يا آنسه مريم
قولت بتعب_انا مش عارفه احرك رجلي
اتنهد_انسه مريم أكيد أنتِ مؤمنه بربنا وعارفه أن كله للخير ومفيش حاجه بتضرنا
سكت وأنا كل ده رافضه اصدق اللي جيه في بالي!
_ للأسف حضرتك جالك شلــل نصفي!
يتبع
للانضمام لقناة الواتساب اضغط هنا