مصطفى : اسمعى منى لو عملنا كده هنعرف عنه كل حاجه اسهل من موضوع المراقبه ده 

جميلة : تفتكر !

مصطفى : امممم اسمعى كلامى وهتشوفى

جميلة : لا يامصطفى انا مش موافقه 

مصطفى : ليه ؟!

جميلة : مش موافقه وخلاص 

                               ********

فى الشركه 

آمنه : كان عندك مشوار مهم امبارح مع جميلة .. خير ياترى 

مصطفى : خير ان شاء الله 

آمنه : بتخبى يعنى .. انا بس كنت حابه اطمن عليكو 

مصطفى : اطمنى كويسين 

اتصلت جميلة 

مصطفى : الو عامله ايه دلوقت ... انتى مش قولتى مش موافقه .. واقتنعتى يعنى .. تمام ادينى وقت بس وهظبطلك الدنيا .. سلام 

آمنه : ف ايه معاها ؟! 

مصطفى : ابداا .. كنت محتاج بنت بس فى موضوع كده

آمنه بعدم فهم : موضوع ايه ؟!

مصطفى : يعنى تبقى جاسوسه لواحد 

آمنه : جاسوسه ؟! .. لمين بقى .. قولى يمكن اقدر اساعدك 

مصطفى: لا خلاص انا هتصرف 

                                      ******

اختفى مصطفى لمده يومين لم يكلم جميلة 

جميلة : الو يامصطفى .. انت بتتهرب منى 

مصطفى : والله ابداا انا بس كنت مضغوط شغل ومش لاقى بنت تعمل كده 

جميلة : انت مش عايزنا نقفشه يعنى .. انت بقيت تبعه ؟!

وبتخبى عنى 

مصطفى : ابقى تبعه !!! .. انتى اكتر وحده عارفه ان عايز اقفشه اكتر منك 

جميلة : يبقى تتصرف وبسرعه 

مصطفى : حاضر هتصرف

بعد حوالى أسبوعين استطاع مصطفى أن يقرب بنت كان يعرفها قديمة من جلال وعرف عنه كل شئ 

مصطفى : أنا تحت البيت بالعربيه انزلي 

ركبت جميلة العربيه ووجها شاحب وشفتاها بيضاء لم تأكل ولا تنام بل تفكر فيه خلال ذلك الفتره اسأله كثيره تدور فى عقلها لم تعرف اجابتها 

مصطفى : ايه اللى عملتيه فى شعرك ده .. قصتيه لييييه 

جميلة : كنت فاكره لم اقصه هبقى احسن واقوى 

مصطفى : أنتى بقيتى مجنونه بجد ..فى حد يعمل كده ده كان شعرك جميلة اوى ليه كده ؟!

جميلة : مش وقته شعرى ... انت قولتلى عرفت حاجات عنه 

مصطفى : اممم بس شكلك كده ميشجعنيش ان اقولك 

جميلة : قول .. انا كويسه متقلقش

مصطفى : بصى من الاخر كده هو مجبش سيرتك خالص لما سالته ارتبط قبل كده ولا لا 

جميلة لم تنطق من صدمتها فيه 

اكمل مصطفى : واللى عرفته ان البنت اللى شفناها معاه دى بيحبها وهى بتحبه وعرفت انهم خارجين النهارده فى كافيه بعتتلى اللوكيشن بتاعه 

جميلة : روح بسرعه 

ظلو ينتظروه خارج الكافيه وعندما وجدته مع فتاه اخرى غيرها توقفت أنفاسها للحظه تراقبه بصمت ولكن قلبها لم يكن صامتا بل يصرخ من الوجع وهو يشبك اصابعه فى يد فتاه غيرها ويضحك معها نفس الضحكه التى تحبها والان لا تريد أن تسمعها ابدا 

جميلة : عايزه اروح 

مصطفى : انتى كويسه طيب 

جميلة : اه كويسه 

                              *********

جميلة دخلت غرفتها ظلت تبكى كثيرا حتى احمرت عيناها 

اتصلت بجلال : عايزه اقابلك 

جلال : عايزه ايه ... مش خلصنا بقى

جميلة : دى اخر مره متقلقش 

جلال : ماشى 

وبعد دقائق 

جلال : انتى فين .. انا مستنيكى تحت 

جميلة : نازله حالا

ركبت العربيه قال لها جلال : ها عايزه ايه 

جميلة: اكيد مش هنتكلم هنا 

جلال : عايزه تروحى فين !

جميلة : اى مكان بس ميبقاش فى ناس

تحرك بسيارته 

جلال : اهو بقينا لوحدنا خالص عايزه ايه 

نزلت جميلة من العربيه نزل خلفها 

واقفين أمام السياره 

جميلة : ليه ؟!

جلال : ليه ايه !

أخرجت السكي.نه من ملابسها طعنته سقط على الارض 

اقتربت منه بصوت مكسور : ليه تعمل فيا كده ليييييييه....انا حبيتك حب محبتوش لحد قبل كده .. أنا فضلتك على الكل لييييييه !! ... ليه تشمتهم فيااا ... انا قصرت معاك فى ايه .. انت وعدتنى هتفضل جمبى .. كنت مطمنه ليك .. مكنتش عامله حسابى أن الغدر هيجى منك انت ... انا بكرهك .. بجد بكرهك من كل قلبى 

                         ************

اتصل بها مصطفى : صباح الخير 

جميلة : صباح النور 

مصطفى : حبيت اطمن عليكى قبل ماروح الشغل .. انتى كويسه؟!

جميلة : انا قتلت جلال 

مصطفى : ايه ؟!... بتقولى ايه ؟! .. قتلتيه !!!.. امتى وازاى

جميلة : اهدى ... للاسف مجرد حلم مش حقيقه ... بس انا مش هرتاح غير لما اخد حقى واقتله 

مصطفى : انتى كده اتجننتى خالص .. 

جميلة : متخافش مش هقولك تساعدنى 

مصطفى : حد قالك ان خايف على نفسى ... انا خايف عليكى انتى 

جميلة : متخافش عليا ده قرارى ... ومش هرجع فيه 

مصطفى : وانا هساعدك تاخدى حقك بس مش قتل .. احنا نقدر ننتقم منه بطريقه اقوى من القتل 

جميلة : ازاى ؟!

مصطفى : ازاى دى بقى هقولهالك النهارده بليل لما اعزمك فى المكان اللى تختاريه 

جميلة : قول دلوقت مش هستنى لبليل 

مصطفى : لا سبينى افكر واتكتك براحتى وهحقك هيرجع 

جميلة : حقى هيرجع بموته ... نفسى اشوفه مكسور وموجوع زى موجعنى 

مصطفى : هتشوفي كده قريب اوى 

                           *********

فى الكافيه 

جميلة : ها قولى هنعمل ايه 

مصطفى : استنى طيب ناكل الاول .. تحبى تاكلى ايه ؟!

جميلة بانفعال : انا مش جايه اكل ... انت قولت هتجبلى حقى صح ولا كنت بتهدينى بكلمتين وخلاص

مصطفى : اهدى طيب ... الناس بتبص علينا هفهمك .. انا بفكر ننتقم منه من غير مننتقم منه

جميلة بعدم فهم : ازاى !!

مصطفى : هنلعب عليه العاب نفسيه .. بس تنفذى كل اللى هقولك عليه بالظبط 

جميلة بحماس : تمام موافقه

مصطفى : دلوقت اتفقت مع البت تقابله .. هتروحى انتى فى نفس الوقت .. تقفشيه.. هو هيتلغبط وهيبقى عايز يبرر موقفه .. وده هيساعدنا اوى اننا ننفذ اللى عايزينو .. بس ده لو طبعا نفذتى اللى هقولك عليه بالحرف

                                   يتبع