انتي بتعملي اي هنا يا سارة وممشتيش معا  الموظفين ليه زي ما مشيوا.؟

سارة بدلع: شايفاك زعلان ومخنوق من وقت ما جيت قولت استني لحد ما يمشو علشان اصالحك واهون عليك. 

يوسف بجمود:  اطلعي برا يا سارة عيب كدا. 

سارة بخبث ودلع:  لا مش عيب .. الصراحه يا يوسف انا بحبك .. جرب مش هتندم اسمع بس. 

يوسف وقف بغضب:  برااا ومش عاوز اشوف خلقتك هنا تاني وو... 

قطعت كلامه لما حضنته وباسته وهو اتصدم ولسه هيبعدها لاقى نفين بتفتح بابا المكتب 

نيفين بصدمه ودموع : ينهار اسود انت بتعمل اي يا يوسف 

يوسف زق سارة بغضب:  نفين اسمعي انتي فاهمه غلط والله

نفين طلعت تجري علي برا و يوسف كان هيجري وراها مسكته سارة:  خليك هنا وسبها تغور انا اللي بحبك وشارياك. 

زقها بغضب:  غوري يا رخيصه اتفووو علي اليوم اللي عينتك فيه يا حقيرة. 

نزل جري ورا نفين ملقهاش ساق بسرعه وطلع علي البيت.. 

دخل جري:  نفييين. 

دور عليها و ملقهاش... خرج وراح علي بيت ياسين ... 

 في شقة ياسين.. 

نفين بانهيار في حضن اخوها:  خلاص مبقتش عاوزاه طلقني منه يا ابيه دا خاين خاني قدام عيني مش عاوزة اشوفه ولا المحه تاني. 

ياسين بهدؤء:  اهدي يا نفين اكيد انتي فاهمه غلط. 

نفين بدموع وشهقات عالية:  كانت في حضنه وتقولي فاهمه غلط بيقعد يزعق لي عشانها وتقولي فاهمه غلط دا بقا ناقص يمد ايده عليا عشان خاطر بحذره منها و بغير عليه ويقولي دي مبقتش عيشة انا فهمت دلوقتي بيدافع عنها اوي ليه عشان بيخوني معاها ... ابيه انت لو مطلقتنيش منه انا هخلعه. 

رهف بحزن:  طب اهدي يا نفين وكل حاجه هتتصلح.. 

جاية تطبطب عليها زقتها بغضب كانت هتقع: ااه. 

ياسين جري علي رهف:  انتي كويسه فيكي حاجه. 

رهف بهدؤء:  انا تمام يا ياسين متقلقش

ياسين بغضب:  انتي مجنونة ازاي تزوقيها كدا متعرفيش انها حامل ودا غلط عليها و  بعدين هيا ذنبها ايي ها انا ربيتك علي كدا يا نفين. 

نفين بدموع وخضة: أنا اسفه والله اتضايقت لمجرد فكرة انك اخته. 

رهف بهدؤء:  عادي ولا يهمك انا هدخل اعملك ليمون يهدي اعصابك. 

دخلت و ياسين بص بجمود علي اخته.. 

نفين بكسوف:  انا اسفه عارفة ان هيا ملهاش ذنب غصب عني والله. 

ياسين بهدؤء:  تمام خدي بالك بعد كدا خشي صالحيها وانا هتصرف مع يوسف. 

نفين بكسرة:  هتخليه يطلقني صح

ياسين بابتسامة:  لما اسمعه الاول انا عارف يوسف كويس. 

نفين بحزن:  تمام. 

راحت ل رهف المطبخ و الباب خبط.. 

ياسين اول ما فتح لاقي يوسف ضربه في وشه.. 

يوسف بالم:  ااه ليه كدا. 

ياسين لكمه تاني:  عشان تحترم نفسك يا بيه. 

يوسف بحزن:  والله العظيم انتو فاهمين غلط البنت دي هيا اللي حضنتني علي سهوة و جيت اذوقها لاقيت نفين ملحقتش اعمل حاجه انا والله العظيم ما خونتها ولا ليا علاقة بالبنت دي اصلا. 

ياسين ببرود:  طب مانا عارف كدا. 

يوسف باستغراب:  عارف وضربتني ؟ طب لي. 

ياسين ببرود:  عشان تفتكر ان اختي وراها رجالة وعلشان انت زودتها في زعيقك ليها هيا حقها تغير عليك وحقها تقولك تتعامل بحدود مع دي و دي والمفروض يا بيه انك متدافعش عن بنت تانيه بتكلمك وراميه نفسها عليك دا اكبر غلط و الغلط التاني زعيقك ليها. 

يوسف بحزن:  عندك حق انا فعلا غلطان وعاوزها تسامحني الفترة دي انا كنت مضغوط وقسيت عليها. 

ياسين ببرود:  هي للاسف طالبة الطلاق و مصممه عليه و الاكتر انها مصدقة انك خونتها. 

يوسف بصدمة وخوف:  طلاق اي انا مقدرش اعيش من غيرها يا ياسين لا والنبي اعمل اي حاجه الا دي انا عاوز اشوفها. 

نفين من وراه :  لا يا يوسف وهتطلقني غصبن عنك والا هخلعك. 

يوسف بحزن ودموع:  عشان خاطري اديني فرصه واحدة اثبت فيها براءتي انا والله ما خونتك. 

نفين بسخرية:  بامارة اي انك بتدافع عنها و لا انها كانت مرميه في حضنك. 

يوسف بحزن:  انا اسف والله يا نفين و.. 

نفين بدموع مقاطعه :  تقبل اني ادافع عن زميلي في الشغل وانت شايف بعينك انه رامي نفسه عليا و لا انك تلاقيني في حضنه.. 

يوسف بغضب من مجرد الفكرة:  بسس اخرسي اقطع خبركم انتو الاتنين انتي اتهبلتي. 

ياسين بص ل رهف اللي بتتفرج بصمت وقرر ميدخلش.. 

نفين ببرود:  مجرد الفكرة جننتك انا بقا شوفتها بعيني و حستها يا يوسف طلقني لانه مش عاوزة اكون معاك. 

دخلت الاوضه ورزعتها.. 

رهف بهدؤء:  بصراحه معاها كل الحق جايز عصبيه شويه بس هي صح انا لو مكانها مكنتش هقبل ب كدا. 

يوسف بشرود:  تمام انا هثبت ليها براءتي و هعمل المستحيل عشان تسامحني كمان. 

خرج بحزن و ياسين وراه:  هروح اكون معاه وانتي كوني جنبها. 

رهف بابتسامة:  متقلقش دي في عيني. 

راح ورا صاحبه.... 

بعد شويه... 

جمال بخبث:  كدا انا اتفقت مع الشخص اللي بياخد منها الزبالة هلبس مكانه و اول ما تتخض اختفي وهو يظهر. 

سيدة بمكر:  جدع يا عين امك عايزاها تتجنن يلا روح. 

مشي جمال راح لبيت رهف ولبس زي الزبال..   

الباب خبط.. راحت فتحت.. 

جمال وهو لابس الكاب:  الزبالة. 

نفين بهدؤء:  مفيش زبالة شكرا. 

بص ليها جمال بصدمة و هيا بصت له باستغراب ومشي بسرعه... 

نفين باستغراب:  هو ماله دا اتخض اوي كدا لي. 

رهف جت:  في حاجه يا نوفا. 

نفين باستغراب:  الزبال كان عاوز الزبالة واتصدم لما شافني هو شكلي يخض ولا اي . 

رهف بضحك:  معلش اه صح في كيس جوا نسيت يارب الحقه. 

دخلت جبته ونزلت ورا الزبال.. 

جمال طلع تليفونه بخوف:  الحقي ياما اللي فتحت الباب واحدة تانية وشافتني. 

سيدة بشهقة:  مين دي يا واد اوعا تكون عرفتك تبقا مصيبه وكل اللي خططنا له باظ. 

جمال بتوتر:  معرفش بس الظاهر انها مش عارفاني اعمل اي كدا خطتنا مش هتنجح. 

سيدة بتفكير:  بص طالما هي معرفتكش يبقا ولا كانه في حاجه حصلت ونكمل الخطة بتاعتنا زي ما هي. 

جمال بشر:  ولو فشلت انا مش هسيب رهف هاخدها و نسافر غصب عن عين اي حد. 

رهف كانت وراه و كاتمة شهقاتها و طلعت فوق تاني جري جمال حس بيها اتخض جري وراها:  استنيي يا رهففف. 

رهف طالعه السلم جري وجمال وراها ماخدتش بالها من سلمة وقعت علي الارض. 

جمال مسكها بغضب:  بم انه كل حاجه باظت تعالي انا مش هسيبك. 

رهف بالم ومسكت بطنها:  اوعا سيبنيييي نفيييين الحقوونيييي يا.. 

كتم صراخها و شالها وهيا بتقومه وماخدش باله من نزيفها.. 

نفين سمعت صوت الصريخ خرجت جري لاقت واحد واخد رهف علي كتفه وكاتم بوقها ونازل جري:  رهفففففف. 

نزلت وراه وهو كان اسرع منها حط رهف في العربية و طلع ورهف حست بتعب و فقدت واعيها.. 

نفين بصريخ:  رهففف الحقوناااا خطفهاااا يااا رهففف. 

طلعت تليفونها واتصلت علي ياسين.. 

ياسين بهدؤء:  الو يا نفين. 

نفين بانهيار ودموع:  الحقنا يا ياسين رهف اتخطفت. 

ياسين بصدمة وخضة:  انتي بتقولي اي وأزاي حصل الكلام ده انا جاي حالا. 

يوسف بخوف:  في اي يا ياسين. 

ياسين لف بعربيته و هو قلقان وفي لحظات وصل لاقي زحمة و نفين منهارة.. 

ياسين بخوف:  رهف فين انطقي حصل ايه. 

نفين بدموع:  معرفش نزلت تنزل الزبالة و الزبال خطفها و مشي. 

ياسين بفضب:  شوفتي وشه تعرفي توصفيه. 

نفين وهي مخضوضه:  مش فاكره شكله الحقها يا ياسين. 

يوسف بخوف:  في كاميرات هنا صح. 

ياسين دخل بسرعه وطلع فوق وهو طالع شاف اثر دم قلبه اتخلع و يوسف وقف بيبص للدم بصدمة.. 

نفين بدموع ل يوسف:  هتلحقها صح يا يوسف رهف مش هتتاذي مش كدا. 

يوسف خدها في حضنه:  متخفيش هنلحقها.. 

بعد شويه.. في مكان ما... 

جمال بجمود:  انا خطفتها ياما و هاخدها ونسافر. 

سيدة بخوف:  يخربيتك جوزها زمانه قالب عليك الدنيا هتتمسك يا علي سيبها واهرب بسرعه. 

جمال بغضب:  ههرب بيها. 

رهف بتعب ودموع:  سيبني يا جمال انا ما اذيتكش في حاجه اتقي الله وديني المستشفى ابني بيروح مني. 

جمال بعصبية:  لا مش هوديكي ودا احسن بردو عارفة انا اللي مكنتش بخلف وزورت كل التحاليل رهف انا عملت كل ده علشان بحبك ومش هسيبك ابدا وهروبي منك وتزوير اني اتوفيت ده بسبب اني عملت مصايب هنا ومحكوم عليا بالاعدام علشان كده اضطربت انتحل شخصية تانيه واسافر واختفي فتره ودلوقتي رجعتلك تاني اهو

رهف بتعب: رجعت بعد اي .. بعد ما اتجوزت راجل تاني وبقيت حامل في ابنه يا جمال ...

جمال بدء يتاثر:  طب وانا يا رهف مبقتيش تحبيني خلاص. 

رهف بدموع: يا جمال انا كنت بحبك وكنت مخلصه ليك طول العمر لكن دلوقتي حبي كله لياسين .. مينفعش تيجي تلومني وانت اللي سايبني و مثلت موتك. .. انت اللي دمرت كل حياتك و راجع تاخد حاجه مش ليك عشان خاطر ربنا خليني امشي وانا مش هبلغ عنك بس سيبني. 

جمال بدموع:  انا غلطت كتير عارف بس انا عاوز ارجع لك انا ندمان يا رهف سامحيني و تعالي نعيش بسلام 

رهف بسخرية وسط دموعها:  السلام دا انت اللي دمرته. 

جمال بغضب: انتي ملكي وليا انا و بس فاهمه ولا لا. 

رهف بتعب: يا جمال ارحمني. 

جمال بتفكير:  هرحمك وارحم نفسي معاكي. 

رهف باستغراب:  هتعمل ايه يا جمال. 

جمال طلع مطوة من جيبه: طالما كده ومش عايزه ترجعي يبقي هنرتاح كلنا  . 

قرب عليها وهي صوتت و غمضت عنيها وطخخخخخ... 

كان واقع جمال متصاب ب رصاصة في وسط راسه.. 

رهف فتحت عنيها بضعف لاقت ياسين مصوب مسدسه وجمال وقع جثه علي الارض.. 

غمضت عنيها وهي مش سامعه غير اخر صوت بيناديها بخوف:  رهفففففففففف. 

يوسف جري شالها بخضة:  لازم نروح المستشفى بسرعه. 

ياسين بدموع:  يلا و العساكر هيتصرفوا بسرعه يا يوسف. 

يوسف جري علي العربية هو وياسين و نفين كانت برا في العربية حطوا رهف علي رجل نفين يلي منهارة:  حصلها اي. 

ياسين ساق بسرعه و كان هيعمل حادثة بس اتفادها وكل دقيقه يبص علي رهف يلي وشها بقا اصفر خالص.. 

نفين بخوف:  بسرعه يا ياسين. 

بعد شويه في المستشفى.. 

كانو واقفين برا.. 

الدكتوره خرجت:  الحمدلله عدت مرحلة الخطر البيبي متمسك بالدنيا ولسه له عمر. 

ياسين بارتياح:  الحمدلله نقدر ندخل ليها دلوقتي. 

الدكتورة:  ايوا بس ممنوع الكلام الكتير خلوها ترتاح. 

ياسين دخل و مسك ايديها بحب وقلق:  افتحي عينك يا نور عيني انتي في امان.. 

عند يوسف برا هو و نفين.. 

يوسف طلع تسجيل مكتبه و قرب علي نفين ووره ليها:  اتفضلي دليل براءتي. 

نفين شافته واتاكدت انه برئ.. 

يوسف بحزن:  عندك حق متثقيش فيا بس والله العظيم مستحيل اخونك انا اسف وكل اللي طالبة منك فرصه تانيه. 

نفين بكسرة:  هتزعلني كدا تاني. 

يوسف برفض:  مقدرش اتعلمت الدرس خلاص. 

نفين حضنته:  وانا سامحتك يا يوسف وكمان اسفه علي طريقتي معاك رغم ان انا بحبك وليا حق اغير عليك

عند رهف.. 

فتحت عنيها لاقت ياسين:  ياسين انا فين. 

ياسين بحب:  متخفيش انا جنبك يا حبيبتي خلاص جمال راح. 

رهف بدوخه:  هو أنت عرفت مكاني ازاي. 

ياسين بابتسامة:  من السلسلة دي فاكرة لما لبستهالك .. السلسلة دي فيها جهاز تتبع عشان اكون مطمن عليكي و اسف اني مصدقتكيش وقت ما قولتي ان جمال عايش. 

رهف بحزن:  حصل خير طب مسكتوا سيدة ام جمال ؟. 

ياسين بهدؤء:  هربت بس متقلقيش اكيد هنلاقيها المهم شدي حيلك يام عدي كدا. 

رهف بحب:  حاضر ربنا يخليك ليا وميحرمنيش منك. 

ياسين باس راسها:  ويخليكي ليا يارب..