بعد مرور______اسبوع كامل... بدون احداث غير ان دهب وجهها بقا شاحب ومبقتش تاكل وابوها وامها بيحاولو يخرجوها من الي هيا فييه ومش عارفين وخلف ومني بيخططو لحاجه وجليله مش فارقلها.. وادهم كما هو... 

في قصر العميري...... وتحديدا علي الغداء.... كان متجمع الجميع حتي دهب الي في اول مره تنزل من زمن وكانت بتلعب في طبقها ومش بتاكل... 

عمران بهدوء:كلي ياحبيبتي.. 

دهب كانت سرحانه ومأخدتش بالها.. 

عمران:دهب يادهب 

اتخضت دهب وبصتله وبتوتر:نعم

عمران بحزن:كلي ياعمري.. 

دهب بحزن:ما انا باكل اهوو يا ابوي.. 

وبتبص لطبقها وهو بيتنهد عليها بحزن 

جليله بشماته وجبروت:ما هو انتي لو مكنتيش غيرتي السم بملين كان زمانك مرتاحه ومش زعلانه 

اتصدمت دهب وبصلها الجميع ورانيا اتصدمت

رانيا بذهول:سمم!!!

دهب بتوتر:انا كنت

جليله بحده وغضب:كنتي فكراني برياله ولا عبيطه عشان اصدق كلام عيله زيكي يابت عمران 

دهب دموعها بتتجمع لما بتفتكر كلماته لما عرف.. 

اكملت جليله بشماته وجبرووت:احسن شوفتي سابك زي الكلبه صحيح هيحب فيكي اييه وانتي عيله عبيطه وكمان لو كنتي حطيتي السمم كنتي ارتاحتي لييه محطيهوش لييه خايفه من السجن ولا.... 

كان عمران هيرد بس اتصدم لما وقفت دهب ودبت علي التربيزه بغضب لاول مره:انتي اييه شيطانه متعرفيش الرحمه انتي اييه قلبك حجر اتقي الله بقا ايووا انا محطتش السم وبدلته عشان حبيته ايووا انا بقولك انا حبيته وعاوزاكي تعرفي اني عمري ماهسيبك تأذيه والا انا بقا ساعتها هخش فيكي السجن انتي واحده عديمه الرحمه والمشاعر انتي متعرفيش يعني اييه حب بكرهك وبكرهكم كلكم..... 

ولفت وطلعت وجليله كان جواهاا نار بتغلي من كلامها

جليله بحده:انتي سمعت بتك ياعمران

بصلها عمران بغموض وسخريه ولف وواتجه للسلم ونواره كانت طالعه 

عمران بحده:خليكي مش عاوز حد يطلع..... وبيكمل طريقه

في غرفه______ دهب

دخلت الغرفه وقلعت طرحتها وكانت ترتدي عبايه بيتي من اللون الازرق السماوي.... اترمت علي السرير ودفنت وشها في المخده وانهارت في البكاء..... 

دخل عمران بهدوء وشافها واتنهد بحزن وحط عصايته علي الكنبه وقرب منها 

عمران بحزن:دهب

مردتش دهب بس قامت ومسحت دموعها وبصتله بهدوء

قرب عمران وقعد جمبها وشدها في حضنه:عيطي يادهب

فجأه انهارت دهب بصوت عالي وبكل طاقتها وهيا ماسكه في طرف جلبيته بشده وهو كل الي بيعمله بيمسح علي شعرها بكل هدوء وحزن 

عمران بحزن:انا مش عاوزك تزعلي يانور عيني انتي جميله وتستاهلي الاحسن منه صدقيني

دهب بدموع وشهقات انثويه عاليه:بس انا عاوزه هواا يابا مش عاوزه غيره

عمران بهدوء:ياحبيبتي انتي مقضتيش معاه غير اسبوعين بس لحقتي تحبيه امتا صدقيني هتتخطي... 

بيمسك راسها بين كفيه وبيمسح دموعها بإبهامه وبثقه:قومي يادهب وفوقي انا عاوز اشوف دهب الي كانت ضحتكها ماليه القصر ده ومخليه لييه طعم انتي ست البنات والي تطلبيه هتلاقيه تحت رجلك والدنيا لو بتقف علي شخص كان زمان الكل مات مادايم الي وجه اللّه تعالي. وانتي مؤمنه... فوقي بكرا اول يوم جامعه ومتقلقيش انا الي ودافع والمصاريف.وفلوسه رجعتله وبزياده انتي بت عمران ومش محتاجه حاجه من حد

بتقف دهب وبتمسح دموعها وبقوه:انا فعلا لازم افوق بس دهب الطيبه ماتت خلاص وهو قتلها بإيده والبادي اظلم والايام ياما هتورينا 

بيقف عمران وبيحط ايده علي كتفها وبإبتسامه ثقه:يلا يا بش مهندسه دهب عمران العميري شركه ابوكي مستنياكي

بتبتسم دهب لاول مره من زمن وبتحضن ابوهاا 

عمران بهدوء:بس انا زعلان من دهب

دهب بسرعه:لييه

عمران بهدوء وابتسامه بشوشه:عشان انتي كلمتي جدتك وحش وهيا زعلت ومكنش ينفع تكلمي حد اكبر منك اكده

بتتنهد دهب:اسفه مش هعملها تاني.. 

عمران بحب:من بكرا الصبح عاوز اشوف دهب جديده قويه وواثقه في نفسها ومتخطيه كل احزانها... واليله كل حاجه كليتك هتكون عندك 

بتتذكر الاشياء الي ادهم جابهم ليها وبتتنهد بحزن:تمام

بيخرج عمراان دهب بتطلع البلكونه وبتسرح في الا لاشيء وهيا مخططه تبدأ من جديد

@@@@@@@@@@@@@@@@@@@@@@

في لندن____وتحديدا في شركه الادهم للهندسه والمعمار. 

وكان مبني ضخم جدا وكله من الزجاج وعلي رأس الشركه اسم الادهم الجارحي بالإنجليزية واللون الذهبي والاسود وهذه الفرع الرئيسي لشركات ادهم الجارحي.... 

في مكتبه الي في الدور الاخير وهو عباره عن اللون الاسود والرمادي فقط.. 

كان يقف ادهم وهو يرتدي قميصه الاسود ومحرر اول ثلاثه ازرار من قميصه وتاني الاكمام ويضع يده في جيبه وينظر للزجاج الذي يعكس لندن بأكملها امامه ووجهه بدون مشاعر او اي تعابير غير الجمود.. 

دخل عرفه عليه بكل هدوء.... 

عرفه بهدوء:يازعيم

ادهم دون ان ينظر له:اممم

عرفه بخبث:كله تمام وكارولين حالياً مع سامر الرازي في فيلا في روما.. 

ادهم ببرود قاتم:حاتم عارف 

عرفه بجديه:لاء ميعرفش وكمان سامر كان بيلعب قمار وخسر 200الف دولار امبارح  .. 

ادهم بجمود:الشحنه وصلت المخازن

عرفه بتوتر:كله تمام يازعيم

ادهم ببرود:قد اييه

عرفه قرب ووقف جمبه  وادهم لم ينظر له وبهدوء وجديه:وصلنا 180صندوق دهب وكل صندوق في24سبيكه... ودخلو. الخزنه.. والبضاعه وصلتله

ادهم:تمام

عرفه بفضول:ممكن اسأل سؤال يازعيم 

ادهم ببرود:اممم

عرفه بستغراب:هو انت لييه من يوم ما اشتغلت معاك وانت اي شحنه بتطلع من مصنع السلاح بتاخد تمنها دهب او الماس او دولارات ودا نادراً عكس الباقي

ادهم بصله وبسخريه:لما هتكبر هتعرف.. بصله عرفه بغيظ

اكمل بجمود وهدوء قاتم:عرفه انا بخيرك للمره التانيه لو عاوز تمشي معنديش مانع انا ماشي في طريق موت

عرفه بحب:وانا قلتلك اني معاك علي خط الموت ياصاحبي

وبيقرب وبيحضنه وادهم بيرفع ايده واحده وهو بيبصله بهدوء

عرفه بيبعد وبجديه:دخل حسابك امبارح 200الف جنيه مصري من حساب عمران العميري

بيبصله بإهتمام:لييه.. 

عرفه:لما شوفت استغربت زيك بس لما سألت عرفت انه دفع مصاريف الجامعه وبعتلك فلوسك وزياده 

بيبص امامه بجمود وحده:هيا عامله اييه 

عرفه:ابوها اخدها من اسبوع وهيا مخرجتش من يومها 

ادهم اتنهد بصوت مسموع وقوه:تمام

عرفه بهدوء:بتحبها يا ادهم

ادهم ببرود:انا معرفش الحب.. هيا الي عبيطه واتعلقت ميخصنيش انا مقولتلهاش تحبني. 

عرفه بسخريه وثقه:انت كدا اكدتلي انك بتحبها بس الي محيرني انتو لييه سبتها ومشيت

ادهم بجمود :عرفه روح شوف شغلك يلاا مش عاوز لك كتيير.. 

بيبتسم عرفه وبيلف ويخرج من المكتب ..... وادهم اتنهد ولف وقعد علي كرسي مكتبه وهو بيفكر ويدور في عقله الكثير.... 

@@@@@@@@@@@@@@@@@@@@@@

في قصر الجارحي_______وتحديدا في الصالون

كانت تجلس عايده وجواهر وصفيه وتماره.... 

عايده بحزن:جواهر

جواهر:نعم

عايده بهدوء:دهب عامله اييه

جواهر بهدوء:كويسه بخير.. 

تماره بشماته:مكنش ليه لزوم جو التمثيل وانها زعلانه ييعني عشان تمشي.. 

جواهر بحده:اتحشمي يابت انتي اني بت اخوي مش بتعرف تتصنع زيك اكده يا حقوده... 

تماره بغل:تصدقي انك مش محترمه 

صفيه بغضب:تماره اتحشمي اييه

جواهر بصتلها بقرف والتانيه بصتلها بغل وتوعد 

عايده ببسخريه:الا صحيح ياتماره انتي لسا قاعده لييه معانا يعني

تماره ببرود:يعني اييه 

عايده بقرف:اقصد ان عندكم دار وام واب واخوات مش عارفه ازاي ابوكي يسمح انك تباتي في دار برا دارك

بتوتر تماره وبتبص لصفيه الي كانت سرحانه اصلا ومش مهتمه اصلاً... 

جواهر بقرف وبتقف:بعيد عنك يا ام غالب داا حزن مغلي وابتلاء ااه والله... 

وبتتطلع لفوق وتماره بتبصلها بكره..... 

@@@@@@@@@@@@@@@@@@@@@@

في الصباح في ايطاليا___روما___وتحديدا في فيلا حاتم الرازي

كان يجلس في الجنينه ويمسك ب الجريده وبيقرأ فيها بهدوء.... 

حاتم بضيق:دي حاجه تقرف قتل وقرف وممنوعات 

(علي اساس انك شيخ جامع 🙂) 

بيدخل عليه سامر وهو بيصفر بببهدوء:Ciao papà....اهلاً ابي. 

حاتم:Ciao, mio caro figlio.. اهلاً بني. 

قعد سامر قصاده وبضيق:Hai saputo cosa ha fatto Adham El-Garhy nel grande porto d’Italia؟ 

.هل عرفت مافعله ادهم الجارحي في مينا ايطاليا الكبري؟

حاتم بحده: Una parola in arabo, per favore

بالعربيه من فضلك.. 

سامر بضيق:ابي انت عارف اني مش كويس في العربي ومش بحبه

حاتم بحده:وحيات امك اتنيل ابوك مصري ومش عشان امك ايطاليه هتعوجلي لسانك ها عمل اييه

نفخ بضيق:تمام المهم ان هو اخذ شحنتنا الرابعه في الشهر ده ومعدتش من المينا بردو حتي بعد كميه الرشوه الي اخدها نص الي في المينا.. 

حاتم بهدوء مخيف:وانت فاكر انك ياحتة عيل هتقدر علي ادهم الجارحي بجبروته كنت عارف اني لازم اتدخل 

سامر بضيق:انا كل الي عاوزه منك تصبر عليا وانا هخلص عليه خالص

حاتم بسخريه:اتنيل ادهم لو نفخ في وشك يطيرك انت ماشفتوش لما بيتحول بيكون وحش محدش بيقدر يسيطر عليه بطوله قادر علي جيش كامل وبدراعه ولو معرفش يكسب بدراعه هيكسب بذكائه... 

سامر بغل :تب انا لازم اقتله واجبلك راسه

ضحك حاتم بسخريه:قوم ياسامر وامشي جمب الحيط.. 

بيضايق سامر وبيقوم وحاتم بيخطط في راسه لحاجه... 

@@@@@@@@@@@@@@@@@@@@@@

امام جامعه دهب... كانت واقفه وجمبها اميره صحبتها ودهب بتحكيلها كل حاجه

اميره بحزن:الواطي الخسيس

دهب بحده:متقوليش عليه كدا تاني فاهمه

اميره بحزن:انا مقدره حزنك متزعليش ياحبيبتي خير ان شاءالله ربنا هيعوضك 

دهب :ان شاءالله يلا ندخل اول محاضره لينا في حياتنا

اميره:يلا... وبتتجه اميره لجوا ودهب بتبص علي البوابه وحواليه وبتتذكر يوم ماكان معاها هنا ودموعها بتتجمع في عيونها بس مسكت نفسها ودخلت. ومأخدتش بالها من الي كان بيصورها من بعيد...