- براحة لحسن تقعي

= ششش وطي صوتك! 

- مانا خايف عليكي ، امسكي ايدي كويس 

= يوسف اوعي تقول لحد اننا بنطلع على سطح البيت لحسن ماما تعرف وتبقي مشكلة! 

- مش هقول طبعا تؤ 

ضحكت: عارف لما نكبر؟ هشتري بيت كبير اوي اكبر من ده!! عشان اطلع على السطح بتاعه و اشوف الدنيا صغيره كده قد النونو

= انتي خياليه اوي يا نور 

- يعني اي

= يعني... اممم حلوة

- وانت جميل ، بص هناك بقي في السما

= فين

- عند النجوم اختار نجمة كده

شاورت بأيدها و اتكلمت بسرعه: هختار انا دي 

ابتسم: وانا كمان هختارها هتبقي نجمتنا انا وانتي

بحماس:  ونعمل زي الكرتون !  لو ضعنا من بعض نبص على النجمه و نكلمها و هي هتوصل الرساله! وساعتها.. هنقدر نشوف بعض تاني! 

نهت كلامها و ابتسمت له بطفوليه وهي بصاله

- مش بقولك دماغك خياليه بس اوكيه انا مع كلامك ياستي هعمل كده لو ضعنا من بعض! 

ابتسمت: بس انت مش هتمشي اصلا احنا هنفضل سوا يا يوسف صح ؟ هتفضل معايا لحد ما اشتري البيت؟ 

- هفضل معاكي دايما يا نولا 

- ممممم طيب توعدني؟ تشاور على قلبك!

= اشاور.

************************************

|| بعد 12 سنة | على سطح البيت ||

-  اها يابنت الجز.مة هو انتي هنا 

= هقولك والله بس يا ماما اصبري

حدفتها بالشبشب "و رشق"

- كام مره قولتلك تبطلي تقعدي هنا لوحدك بالساعات هتجنني يابنت الهبـ  ـ.ـله 

= خلاص آخر مره 

- انزلي ، انزلي ابوكي عاوزك واياكي يا نور فاهمه اياكي؟ تطلعي هنا تاني ! 

"نزلت بتأفأف وماما بتبصلي و عيونها بطق شرار"

- بابا حبيبي حوش مراتك عني ابوس ايدك

= مش هتبطلي و نكبر بقي ؟ قالتلك كتير السطح ده من غير سور و مش آمان و القعده لوحدك فوق غلط

- ليه! 

= هو كده اسمعي الكلام انتي كبيرة و عاقلة يابت انضجي بقا كفاية طفولية

اتكلمت بدراما:  انا مجرد سلحفاة صغيرة بتحب تستخبي من العالم القاسي و تدخل الصدفه بتاعتها

بصلها بدهشه: انتي محتاجه دكتور نفسي يانور

= صدقني يا عادوله! البشر أشرار فا لو تشتريلي قطة او اي كائن اربيه ياه.

ظهر صوت فاطمه: وحيات امك لو دخلت البيت لاطردك انتي وهي دي بتسبب أمراصْ

- شوفت يا بابا؟ 

= لو افهم حبك للحيوانات! 

- اصلي ملقتش نفسي مع البشر.

= المهم ، فاكره كريم ؟ 

- كيمو الرزل ابو شعر مقشه ولا مين ؟

= يابت احترمي نفسك ده متقدملك! 

- ارفضه زي غيره و لا اقولك ده بالذات ارفضه بأهانه ده بتاع بنات و كل يوم بلاقيه بيرازي ف بت شكل في الحتة يا بابا

اتنهد بزعل: مش كريم ده الى ساكن معانا اكيد مقصدش البلطجي ده ، بتكلم عن كريم ابن صاحبي هو انا برضو هجبلك عريس من الحتة المـ ـعفنة دي! 

= آسفه يا بابا انا مش قصدي حاجه لكن الموضوع مش في دماغي دلوقتي وحضرتك عارف

" المكان الى قاعدين فيه بيئة جدا و بقي مليان ناس غريبة اتغير.. و مبقاش زي زمان ، كنا هنمشي ف اقرب فرصه و لكن حصل لبابا مشكلة في الشغل فا فضلنا ومن بدري و هو حَسَاس ناحيه الموضوع و حاسس انوه مقعدنا فى حتة مش مستوانا و لكن دلوقتي بندفع قسط شقة عشان ننقل و فاضل اقل من شهر ونعزل.. بقلمي سلسبيل احمد " 

************************************

صلِ على محمد

|| على سطح البيت | الساعه 10 ||

- وبعدين بقي يا نجمة ؟ انا صبرت كتير اوي معقول كل ده بتوصلي الرسالة له ؟ وحشني اوي! قوليله اني بقوله .. وحشتني جدا يا يوسف يابختك عشان مشيت من المكان المـ ـعفن ده

ضحكت وكملت كلام وهي باصه للنجمة

- بس اتمني لو ترجع او توصلك رسالتي فا تيجي تشوفني قبل ما نعزل ده لو لسه فاكرني.. 

" بعدت عيني عن النجمة بضيق و انا بستعد انزل قبل ما ماما تصحي وتكتشف اني عالسطح من تاني فا نزلت للشقة بسرعه "

- اية ده سارة؟ بتعملى اي يابت قدام الباب بتاعتا هتخشي تسرقينا ولا اي

= اتلهي على عينك امي بعتاني استلف من عندكم بصلة 

- طب ماتيجي نشرب شاي الأول ونترزع فى البلاكونه شوية 

= يلا بينا يا نونو

..

= يا بت الشاي بتاعي ؟ 

- جميل ،  ها اديني فى الصياح هسمعك لبكره بقا

= يوسف 

قاطعتها: اسكتي مش هسمع حاجه

= يا سارة بقا ! عايزة اشوفة بس مره! نفسي اشوفه بقي عامل ازاي وكده! 

- انتي بتحبيه؟ 

= ءءء لاء.. طبعا انا يادوبك اعرفه وانا طفلة! 

- بس انا حاسه انك بتحبيه اوي بجد

= معرفش صدقيني

- لو هترتاحي لما تشوفيه اتمني تشوفيه ف اقرب وقت.

" قاطع كلامنا صوت خبطة هادية فا توقعت انوه أدهم اخوه سارة " 

- الخبطة الهاديه دي اكيد ادهم جاي يشوفك اتأخرتي ليه

ضحكت: تعالي نفتح طيب هنسيبه 

" فتحت الباب "

- انتي حيوا.نه يابت ؟ واي الشاي الى ف ايدك ده ؟ انتي جايه تسهري هنا ولا تجيبي بصله وترجعي البيت

= جرا اي يا أدهم متسيب البت تشرب الشاي وبعدين ده بيتها ملكش صالح

- مش وقت هزار اسكتي انتي يا نور 

= اسكتي انتي؟ يعني اي اسكتي انتي

سارة قاطعتني: لاء مش وقت دراما هاتي البصلة لما امشي واجيلك الصبح

- بصلة واحده؟ 

أدهم: لو عندك كميه و مضايقكي هاتيها

= معندناش بصل اصلا انت عارف الكيلوا بكام؟ 

ساره بصتلها بستغراب: امال مقعداني ليه 

- كنت هجبلك توم مش هتفرق كتير عن البصل

ادهم بصلها بنفاذ صبر: طب يلا يا سارة متشكرين

= خد ياعم اصبر بهزر ايه مبتهزرش

بصلها برفعه حاجب: لاء مبهزرش

" مهتمتش لتناحته و دخلت تجيب البصلة "

- خدي يا سارة و ابقي تعالي اشربي شاي معايا براحتك

"كانت قاصده تغيظ أدهم فا سارة ضحكت ومشيوا"

"بصيت عليهم وهما بينقاروا سوا اتمنيت لو كان عندي اخ يخاف عليا زيها و يجيلي لما اتأخر ويقلق عليا لكن انا وحيده.. مكنش عندي صحاب الا يوسف! "

" قبل ما ادخل انام بصيت على نجمتنا من شباك اوضتي ولكني لقتها اختفت استغربت جدا مفيش سحاب مغطي عليها ياتري نجمتي اختفت زيه! بيدج الفيس بوك سلسبيل احمد"

*************************************

" سبحان الله وبحمده سبحان الله العظيم "

|| في واشنطن عاصمه أمريكا | الساعة 2 ||

- ها يا جو جاهز  ؟ 

اتكلم وهو بيظبط البدله: احم جاهز جدا.. 

- مع اني حاسس انك اتسرعت فالخطوة دي يا يوسف.

= ليه؟ 

- مش عارف المهم انت هتنزل مصر بعد الفرح صح

= أكيد و الحمد لله صوفيا موافقة و مرحبه بالموضوع جدا بتحب مصر هي وانت عارف من زمان اني بفكر ارجع مصر تاني و استقر هناك بعد ما اتجوز. 

- طيب هحجزلك تذاكر الطيران نركز دلوقتي عالفرح

= اوكيه يلا بينا زمان صوفيا جهزت

******************************************************

- انت بتعمل اي هنا يا يوسف؟ احنا متخاصمين.

= انا عارف.. بس انا جي عشان اقولك سلام

- مش فاهمه يعني اي

= بابا بيقول هنمشي من هنا حتي ماما موافقه معرفش هنروح فين لكن قالوا مش هنرجع تاني

بصدمه: ايه! ازاي! قصدهم علطول علطول خالص ! 

- ايوه 

= ازاي انت وعدتني لما نكبر هنبقي

قاطعها: انا اسف اوي بس هعمل زي ما اتفقنا يا نور و هكلم النجمة عشان توصلك رسايلي

بدموع: بس انا مش بحب اللعب مع حد غيرك وانت عارف طب هلعب مع مين؟ و هاروح المدرسة لوحدي خلاص كده

- متعيطيش ابدا يا نور انتي جميلة وهتبقي كويسة

 "  فوقت من ذكرياتي "

"لقيت الشبشب بيلبس فوشي"

غمضت عيوني بعصبيه: شكرا يا ماما شكرا يا ست الكل 

= عشان تبطلي تسرحي زي الهبل كده وانا بكلمك

- بتقولي اي طيب حقك عليا 

= بقولك اقعد مع عمتك شوية عشان تعبانه وهقعد لحد بليل تيجي تخديني و تسلمي عليها وتخلي عندك دم 

- انتي عارفه اني مش بحب اخرج! 

= بقولك تعبانه

- خلاص يا ماما حاضر.

" مشيت و سابتني و انا فضلت افكر هي النجمة راحت فين.. و ليه في حاجه غريبة حاسه بيها! " 

***********************************

" لا إله إلا انت سبحانك اني كنت من الظالمين "

|| في مطار القاهرة الساعه 2 الضهر ||

" بيوصل يوسف و صوفيا و بيكونوا جاين من الفرح علطول و لسه هو بالبدلة و هي بالفستان.. و بيستقبلهم ناس كتير تبع الشغل بيرحبوا بيهم و يباركوا لهم على الجواز "

- صوفيا what did you think ? 

( صوفيا اية رأيك في مصر)

= are you kidding, that's awesome 

you Know i was really want come to 

here. 

(انت بتهزر حلوة اوي انت عارف اني كنت عاوزة اجي هنا جدا. )

- Good, we I'll move now and go to the villa ( كويس هنتحرك دلوقتي و نروح على الفيلا ) 

" ركبوا عربية عشان توصلهم للفيلا و فى الطريق موبايل يوسف مبطلش رن "

صوفيا سألت بفضول:

- What is happening  ( في ايه؟؟ ) 

بصلها يوسف و ابتسم:  Nothing, just spreading the news of my arrival and talking about the project

( مفيش ،  مجرد خبر انتشار وصولي  هنا و الكلام عن 

المشروع )

" و وصلوا فيلا كبيره و قرر يوسف انهم يرتاحوا شوية من السفر.. وينزل تاني يوم. "

************************************

|| في بيت نور ||

- وبعدين  يا سارة ؟ انا هفضل كده! 

= انتي الى ممرمطه نفسك يا نور! انسيه! 

- مش قادره و حاسة ان في حاجه غلط من ساعه ما النجمة اختفت 

= ربنا يشفيكي انتي مخك سايح ! نجمه ايه

- أها يا عديمه المشاعر بقولك أ

" قاطعنا خبط الباب بصوت عالي "

- اوووف اصبري افتح

" روحت افتح بسرعه لاقيته أدهم "

- ادهم ! من امتي خبطتك بقت عاليه كده يسطا؟ 

بنرفزه: هي فين الزفتة ! 

جت ساره من ورايا: احم خير يا اخويا يا حبيبي ؟

مسكها من الزعبوط: ده جاكيت مين ده يا سارة ها بتخدي حاجه مش بتاعتك ليه يا ساااااره !!! 

- ءءءءءء ده انا افتكرتك مش عايزه

= مش عايزه ايه !!!! ده انا لبسته مره واحده و حطيته يتغسل

- طيب انت مره و انا مره ! 

= هي لعبه انتي مره وانا مره اقعلي يابت 

" فضلت ميتة من الضحك عليهم و كان طالع على السلم باباهم فا سارة جريت تستخبي فيه كالعادة لما تعمل لادهم مصيبه "

عمو بصلي: ازيك يا نور ، في اي يا سارة ! 

سارة شدته و دخلت بخوف: نتكلم جوه بقا قبل ما ابنك ياكلني

ضحكت و أدهم بصلي قبل ما يتحرك وراهم: اسف عشان خبطت بصوت عالي 

مشي وراها و دخلوا البيت وانا قولت ف سري وانا بضحك: متربي عشرين مره.. ده انا كل يوم ارزع على بابهم ومحدش كلمني ، تسلم ايدها طنط هدهد والله

" فضلت اروق الشقه لماما يمكن ترضي عني لحد ما الدنيا بقت ليل فا بدأت اجهز عشان أروحلها عند عمتو " 

" قفلت باب الشقه بعد ما لبست و قبل ما اروح للسلم وانزل فكرت اطلع اشوف النجمة اكيد بقت موجوده دلوقتي؟ طلعت براحة جدا بصيت كويس في مكانها ملقتهاش و وقتها حسيت بشعور وحش 

و مش لطيف ابداً! " 

"عيوني بدأت تدمع و بقيت بعيط وانا مش فاهمه ليه و مش قادره اسكت حتي "

- انتي روحتي فين بس و ليه انا حسيت اني دلوقتي اني مش هشوفه تاني! يارب ده كان صاحبي الوحيد زمان مكنش في حد بيكلمني غيره و بيفهمني ويحب يلعب معايا انا بس عايزة اشوفه انا بتمني اشوفه مره واحده بس! 

حطيت وشي بين ايديا وكنت بحاول اهدا لحد ما سمعت صوت حد"

- أدهم؟؟؟

بدهشه: نور ! انتي بتعملي اي هنا دلوقتي

يتبع..