-خلي بالك عليها يا اكرم متنساش ان هي حامل وانا هحاول اجي في اقرب وقت 

كنت واقفة مصدومة وانا بسمع الكلام دة من يزن

-يعني يزن متجوز 

اتجوز امتى؟ 

وازاي؟ 

بس قبل ما احاول افهم اسألتي دي محستش بنفسي غير وانا فاتحة باب الاوضة ودخلت، 

اتصدم هو ووقف 

-مريم! 

طيب يا اكرم هكلمك بعدين 

-ولي تكلمو بعدين كمل كلامك

-اي

-اوا 

مين دي اللى حامل وحامل من مين 

-انتي بتقولي اي، وبعدين اي اللى جابك؟ 

، انتي كنتي بتصنطي عليا 

-مكنتش بتصنط انت اللى صوتك عالي 

-مقولتليش بردو مين دي اللي حامل 

-طيب روحي دلوقتي وانا هبقى اجي افهمك

-لا افهم هنا 

ولا اقولك مش عايزة افهم انا مالي اصلا 

قولت كدة بعصبية وطلعت وسبتو 

رجعت البيت وانو بفكر في الكلام اللي سمعتو 

"خلي بالك عليها يا اكرم متنساش ان هي حامل وانا هحاول اجي في اقرب وقت" 

بس وسط تفكير قاطعني صوت دق الباب 

-مين 

-انا 

قمت وفتحت وانا ممش طايقاه

-نعم

-اى المقابلة الوحشة دي 

قالي كدة بس انا مدلتهوش فرصة يكمل كلامو وقفلت الباب في وشو 

-على فكرة اللى كنت بكلم عنها دي مرام مرات صاحبي

الله يرحمه 

كمل كلامو من ورا الباب وصوتو مهزوز 

-هو اتوفى في مهمة من مهمات في المانيا 

من ساعتها انا وصاحبي اكرم مهتمين بيها علشان هي حامل ودي كانت وصية جوزها 

قالي كدة وانا ابتسمت بسبب حنيته وقبل ما يمشي من قدام الباب طلعت بسرعة 

-مكنتش مهتمة اني اعرف على فكرة 

-واضح على وشك مش لازم تقولي 

-ماشي يا عم تصبح على خير 

-وانتي من اهله 

-يزن 

رد عليا وهو بيلف 

-نعم

-هو انت كنت بتعمل اي في الشركة 

-روحت اشوف بابا وغير كدة كنت عايز اشوف الشركة من بدري مشفتهاش

-تمام

قولتها بأبتسامة وقفلت الباب

________________________________________

عدت ايام كتيرة كان يزن بيحاول يقرب اكتر من مريم

عند يزن... 

-كنت عايزني يا بابا 

-امتى هتجوزها يا يزن 

-لسا يا بابا 

-لسا لحد امتى البنت دي بقت رجليها على الشركة كتير وعاملة نفسها فاهمة في كل حاجه 

اتصرف يايزن 

-اتصرف اعمل اى 

اروح اقولها عايزة اتجوزها دلوقتي 

لسا ملحقتش حتى تتعلق بيا واحتمال بالنسبة كبيرة ترفض غير ان لسا عمي متوفي من شهر ونص 

وممكن تشك اصلا 

بس لقيت بابا اتنهض بعصبية 

-متقلقش قولتلك هسلمك ورق التنازل وانت هترجعلي الباسبور اللى اخدتو 

قولتلو كدة وسبتو 

نزلت الجيم وانا بطلع عصبيتي في الملاكمة بسبب بابا عمرة ما اعتبرني ابنة دايما بيعتبرني اداة لأي حاجة فيها مصلحتو ويوم ما سبتلو كل دة وروحت المانيا رجعني بالقوة بحجة عمك اتوفى ولازم تنزل مصر 

وأخد الباسبور 

-براحة على نفسك يامعلم 

رديت وانا وبلف بعصبية 

-وانت بتد..... 

امجد

-كدة يا برو تيجي مصر ومتقوليش

محستش بنفسي غير وانا باخدو بالحضن 

كمل كلامو ب عفوية 

-ابعد عني انا سحلانة 

ضحكت علية وعلى هبلة 

-انت عبيط يلا روحت المانيا ورجعت وانت لسا زي ما انت

طلعنا على  جنينة الجيم. 

انا وامجد  كنا اكتر من اخوات لحد ما دخلت الجامعة فى المانيا وسبتو ومكنتش اعرف عنو حاجه هو صاحب مفيش اطيب منو اي نعم دماغو لاسعة. 

حكيت لأمجد عن كل حاجه من ساعة ما روحت المانيا 

ولما رجعت وبابا عمل معايا الصفقة

-انت واطي يا مان

-ما تحترم نفسك يا زفت 

-عايزني اقولك اى يعني تستغل البنت وتمضيها على ورق تنازل علشان ابوك 

-مش علشان ابويا علشان ارجع المانيا 

-ولو يا يزن

كان هيكمل كلامو بس تلفوني رن برقم غريب 

-الو 

-انا مريم يا يزن 

قالتها وهي بتشهق وتعيط 

-لي بتبكي يا بنتي 

ورقم مين دة فين موبايلك

قالت بعياط اكتر وهي بتجمع كلامها 

-عربيتي اتسرقت وكان فيها موبايلي

-انتي في الكلية 

-اة 

-طيب انا هاجي 

، انت معاك عربية يا امجد 

-اة لى؟ 

قالي كدة وشديتو من لياقة تشيرتة

دخلني العربية 

-اطلع على كلية الاعلام 

-سواق ابوك انا انت مش معاك عربية 

-مجتش بيها، خلص اطلع

طلع امجد ونزل عند كلية الاعلام شوفت مريم  وهي عمالة بتعيط وصحبتها بتهديها

-اوقف قدام البنت اللى هناك 

قولت كدة وانا بشاورلو عليها

-اي القمر دة 

قال كدة وانا ضربتو في كتفو وقولت 

-انت عبيط يلا بقولك بنت عمي 

-مش بنت عمك يا عم انا على اللي جمبها 

هي مرتبطة؟ 

قالي كدة وانا ضربتو على وشو بخفة 

-طب اقف يا امجد الله يخليك 

نزلت لمريم وهي موقفتش بكي

-اى كل دة اهدي 

-اهدى اى قولتلك عربيتي اتسرقت 

-طيب اهدي هرجعهالك 

قالت وهي بتمسح دموعها زي الاطفال 

-ماشي 

-خليكي هنا هروح اشوف الكميرات وجاي

هزت راسها بالموافقة

عند امجد ومنى صاحبة مريم

-بسبسبسبس 

-انت بتنادي على قطة؟ 

-لا بنادي عليكي

-نعم 

-على فكره انا مش مرتبط 

-مالك؟ 

كنت هكمل كلامي بس لقيت يزن شدني تاني من لياقة التيشرت 

-يلا يا امجد 

-ما كنت تسيبني ياعم كنت هاخد رقمها

-هو انا جايب ابن اختي يتعرف على الناس 

دخلت جوة لعميد الكلية وانا بطلعلهم الكارني بتاعي  

-نقيب يزن السيوفي

-خير يا فندم 

-عربية بنت عمي اتسرقت فى الكلية ف كنت عايز ابص باصة على الكاميرة 

-للأسف كاميرات اللى برة الكلية بايظة ليها يومين

وكمان احنا مبلغين شركة الصيانة بس محدش جه 

لو عايز تبص فى الكاميرات اللى جوة الكلية اتفضل 

هزيت راسي وانا وببص للكاميرات بس مكنش فيها حاجه 

-طيب تمام 

-باين عليها عصابة محترفة وكانو عارفين ان الكاميرات بايظة

-يلا يا مريم 

-عرفت مين اللى سرقها 

-لسا بس لازم تيجي معايا القسم تعملي محضر 

يلا يا امجد 

-يلا اى؟  ، هو انا السواق بتاع ابوكم

-انجز يا امجد 

ركبنا العربية بس منى مركبتش 

-تعالي يا انسة 

-لا شكرا هروح لوحدي

-مفيش كلام دة تعالى

-يا بنتي الدنيا ضلمت 

-ضلمت اى الساعة اتنين الظهر

-براحتك 

-ايوة براحتي

-قولي حاجة لصاحبتك يا مريم 

-تعالي يا منى لسا هدوري على مواصلات 

فعلا ركبت طلعت بالعربية ووصلتها الاول

وصلتهم لقسم الشرطة 

-خليك هنا توصلنا البيت 

-يا عم ارحمني بقى 

دخلت مع مريم وعلنا محضر ومشينا 

وصلنا للبيت 

-تعالى يا امجد 

-شكرا يا مريوم 

بس لما قولتلها كدة يزن بصلي بعصبية 

-قصدي شكرا يا انسة مريم

-لا لازم تيجي تتغدى معانا دة انا هطبخ بنفسي 

-ومن امتى بتعرفي تطبخي

قالها يزن بسخرية 

-والله ناكر الجميل مش قبل كدة عملتلك مكرونة وبانيه

-خلاص بقى هاجي انا جعان 

دخلت بس لقيت عمي جه عمل اكل 

-الحمد لله 

-تعالو يا ولاد عملتلكم الغدة 

قالها عمي وانا جريت على الاكل 

بعدين مشي امجد وانا طلعت لأوضتي وغيرت هدومي ورميت نفسي على السرير 

صحيت تاني يوم على خبط يزن 

قمت فتحت بتعب

-ايه؟ 

-اى يا بنتي النوم دة كله، الساعه تسعة 

-مش رايحة الكليه 

-ليه؟ 

-علشان عربيتي اتسرقت 

-ودة سبب يخليكي متروحيش

-اة 

-روحي البسي مستنيكي هوصلك 

-لا مش عايزة اتعبك 

-روحي البسي يا مريم 

قالها بهدوء

-حاضر

دخلت اخدت شاور وطلعت جيبة بيضاء وجاكت ازرق وطرحة بيضاء

ونزلت وهو كان بيزمر بالعربية 

-انجزي 

-حاضر حاضر 

-اى كل دة 

قولت وانا بفتح باب العربية 

-متأخرتش على فكرة 

-اي اللي حطاه في وشك دة 

-دة بلاشر خفيف بس

-اطلعي اغسلي وشك 

-دة بلاشر خفيف يا يزن، بعدين عاجبني 

-بس مش عاجبني 

-مش همسحه يا يزن 

كمل كلامو وهو بيطلع المسد*س بتاعه

-طيب هتطلعي بالزوق ولا اخلص خزنة المسد*س دة فيكي، مش هقعد فيكي ساعة سجن

بلعت ريقي بخوف وفتحت باب العربية 

-هطلع

-شطورة 

طلعت فوق غسلت وشي ونزلت ركبت العربية وانا مكشرة 

-فطرتي 

-ملكش دعوة، ومتكلمنيش تاني 

فضل ماشي بالعربية هو ساكت لغاية ما وقف ونزل قدام عربية فول وطعمية ودخل 

-خدي

-مش عايزة 

-براحتك هكلهم انا 

بزمتك مش عجباكي الطعمية وهي سخنة كدة

-لا

-على فكرة شكلك وحش وانتي مكشرة 

قولت وعيني دمعت من العصبية

-محدش اداك حق انك تقيمني اصلا

بس هو كمل كلامو وقال

-وشكلك حلو من غير ميكب

مسحت دموعي واتكسفت 

-لسا بردو مش عايزة تاكلي

شديت منو الساندوتش 

-خلاص سماح المرة دي

-هي عربيتي في احتمال انها مترجعش

-متقلقيش انشاء الله هرجعهالك

قالي كدة ووصلت الكلية 

-مريم 

-نعم

-خلي بالك على نفسك 

-حاضر

-هرجع اخدك متطلعيش لوحدك

-حاضر في حاجه تاني 

-لا

قالي كدة ومشي 

دخلت الكلية وكل طلاب كانو بيكلمو عني ومين المز اللى وصلني دة 

__________________________________________

عند امجد

-صباح الخير 

-انت تاني

-اة انا تاني

قولت كدة وانا بمشي وراها بالعربية 

-تعالي اوصلك 

-انت اتجننت يا جدع انت جاي تحت بيتي تقولي عايز توصلني، لو ممشتش هنادي رجالة القهوة اللى قاعدين على اول شارع وهيكسرو عربيتك اللى فرحان بيها دي

-اي حاجه تيجي منك حلو. فداكي العربية 

-لا إله إلا الله ما تمشي يلا وابعد عني

قالتلي كدة وكانت بتسرع في المشي اكتر بس انا نزلت من العربية بسرعة

-انسة منى انا بهزر معاكي 

-هزارك سخيف يا استاذ امجد ممكن اى حد هنا يتكلم عني بطريقة وحشة، ممكن حضرتك تمشي 

-انا اسف والله مش قصدي بس

-بس اي امشي لو حد شافني واقفة معاك هتحصل مشكلة 

-انا مش عايز اكلم معاكي اكتر من دقيقة ممكن تسمعيني

-دقيقة! 

-دقيقة 

-اتفضل

-انسة منى انا معجب بيكي وعايز اطلب ايدك

-لا انت مجنون رسمي بقى 

-لي بتقولي كدة 

-يا بني انت قبلتني مرة واحدة امتى وفين اعجبت بيا

-مسمعتيش من الحب من اول مره

اتنهضت بعصبية 

-استاذ امجد ممكن امشي، مشاعرك دي مش حقيقية يومين كدة وهتنساها

قالت كدة وسبتني ومشيت 

__________________________________________

عند مريم 

خلصت محاضراتي ووقفت استنى يزن 

-مالك يا منى

-ها 

-مالك يابنتي

-مريم هو انتي تعرفي صاحب يزن 

-قصدك امجد

-اة 

-اة اعرفو بس مش اوي كنت بشوفو زمان مع يزن وهما الاتنين كانو معايا في المدرسة كنت انا في ابتدائي وهما في اعدادي لحد ما يزن ما سافر مشفتهوش تاني

لي بتسألي صح؟ 

لقيتها ابتسمت بهدوء وقالت

-مش هتتخيلي عمل اى انهاردة

-عمل اى 

-فضل مستنيني تحت البيت، ولما نزلت وقفني في نص الشارع وفضل يقول كلام عبيط 

-كلام عبيط، ما تكملي

-انو معجب بيا وعايز يتجوزني

فتحت بوقي من الصدمة

-امجد قالك كدة 

هزت راسها 

-بصي هو امجد زمان كان بيعرف بنات كتير بس عمرة ما قال لبنت انو معجب بيها او حتى كان بيفكر في الحب وانو ممكن يتجوزها

بس انتي عملتي اى 

-قولتلو انو مجنون وسبتو ومشيت 

-ليه؟ 

-اذا كان انتي بتقولي انو كان بتاع بنات

-امجد مش وحش يا منى، بدام قالك عايز يطلب ايدك يبقى غرضو حلال 

-مش مقتنعة 

خليكي مش...... 

كنت هكمل كلامي بس قاطعني دكتور مالك 

-انسة مريم، كنت عايزك 

-طيب سلام يا مريم هروح 

-ماشي 

نعم يا دكتور 

-كنت عايز اسألك سؤال بس متفهميش غلط

-اتفضل يا دكتور 

-هو مين الشاب اللى وصلك انهاردة الكلية 

قالي كدة بس سمعت صوت يزن جاي من ورايا وهو بيقول

-اقولك انا مين الشاب اللي وصلها انهاردة 

انا الشاب دة بشحمي ولحمي، وابقى ابن عم مريم وفي نفس الوقت خطيبها وزوجها المستقبلي

قال كدة وانا بلمت 

-صح الكلام دة يا انسة مريم 

بس انا مكنتش عارفة ارد من الصدمة

بس يزن مسك ايدي وقالي 

-ردي يا مريومة بيسألك

هزيت راسي بالموافقة ويزن اخدني ومشي

-بعد اذنك يا دكتور 

كنت مصدومة من اللى قالو يزن وهو  لسا ماسك ايدي وفتحلي باب العربية ودخل  يدور العربية قالي

-هتفضلي مصدومة كتير 

-انت اى اللي قولتو للدكتور دة 

-قولت اى 

-مش عارف يعني قولت اي

-قولت اني ابن عمك، هو انتي متبرية من ولا اي؟ 

-لا يا ظريف مش دي اللي بعدها 

-اه، خطيبك

-اه، هو انت امتى خطبتني معلش؟ 

-هرد عليكي السؤال بس الاول جاوبيني على سؤالي 

اى اللي يخلي دكتور يسأل طالبة عنده مين الشاب اللى وصلك انهاردة 

-مش عارفه 

-لا عارفة، عارفة ان دكتور مالك عبد الرحيم معجب بيكي وكمان اتقدملك من باباكي قبل ما يتوفى 

-وبابا رفض 

-طيب باباكي رفض لي عينو عليكي بقى 

-قولتلك مش عارفة 

-علشان لسا معجب بيكي 

-يعني انت عملت كدة علشان تبعدو عني 

قولتلو كدة بس هو مردش عليا 

روحت البيت 

ودخلت اوضتي وفضلت افكر في كلامي مع يزن 

وفعلا قال الكلام دة علشان يبعد عني دكتور مالك ولا؟ 

ومن كتر تفكير نمت 

صحيت تاني يوم على اذان الفجر اتوضيت وصليت ولبست نزلت تحت استنى يزن في الجنينة 

-اي اللي مصحيكي بدري كدة 

-اصحي متأخّر مش عاجب بدري كمان مش عاجب اصحى امتى علشان يعجب

-اي يابت اللَّماضة دي تعالي نفطر

-عمو لسا مصحاش

-تعالي انا هعملك فطار

-بلاش يا يزن، فاكر زمان لما دخلت المطبخ حصل اي كان بيتكو هيولع وطلبنا المطافي

-دة زمان، دلوقتي بقيت اعمل احلى كوباية نسكافية

-اذا كان كدة ماشي

قولت كدة وروحنا المطبخ

بس يزن كان حاطت قماشة جمب البوتجاز وولعت 

-يا نهار اسود 

حاولت اني اهدي النار بس اتلسعت فيها ويزن جاب ماية وكبها وهو بيكبها في منها جه عليا

-مش تحاسب يلا

قال وهو بيضحك

-معلش مخدتش بالي

-ايه اللي بيضحك؟  

-بصراحة افتكرت اول مرة شوفتيني استقبلتيني ازاى 

-بقى كدة بتردهالي 

-لا مكنتش واخد بالي والله 

-لسا هطلع اغير تاني

طلعت غيرت بس مكان اللاسعه اللى اتلسعتها كانت وجعاني ونزلت ويزن لاحظ دة 

-هو انتي ايدك اتحرقت 

-لا اتلسعت بس مش حرق

-طب استني 

قالي كدة وطلع جاب كريم 

-هاتي ايديك

هيلسعك شوية بس هتبقي تمام 

قالي كدة وانا هزيت راسي 

-روح البس يلا ورايا كلية 

-حاضر 

طلع يزن ونزل وهو لابس جاكت اسود بنطلون اسود 

وصلني الكلية 

-سلام 

-سلام ومتكلميش حد في الكلية 

وخلي بالك على نفسك 

-حاضر يا فندم

قولت كدة وانا بقلد حركة الجيش

ابتسم هو بهدوء وطلعت

دخلت المحاضرة وقعدت جمب منى وعده اليوم على خير 

فضلت مستنية يزن برة وهو زي كل مرة اتأخر، لحد ما لمحتة ركبت العربية وانا متعصبة 

-هو انت كل شوية هتفضل تتأخر عليا 

قولتلو كدة بس لقيتو لف للكرسي اللي ورا وجاب منه علبة 

-اى دي؟ 

-افتحي وانتي هتعرفي 

فتحت العلبة ولقيت فيها موبايل 

-خلي الموبايل دة معاكي مؤقتا لحد ما ارجع عربيتك وموبايلك

قولتلو بفرح

-دة احدث من تلفوني القديم

-علشان تعرفي مش بجبلك اى حاجة

__________________________________________

عدة ايام كتير كان يزن اتقرب من مريم وامجد بيحاول يقرب من منى

كنت قاعدة بعمل بحث مهم في الجنينة لحد ما جه يزن وقفل اللاب 

- اى البرود دة، مش شايفني مشغولة 

-انا جعان

-عايز اى يعني؟ 

-قومي اعمليلي اكل 

-حد قالك ان الخدامة بتاعة معاليك قوم اعمل لنفسك 

او استنى عمو فؤاد لحد مايجي يعمل

-مش قادر استنى لحد ما بابا يجي،  قومي

قولت وانا بتنهض وبمثل العصبية

-هو انت لى لحد دلوقتي مرجعتش بيتكم يا يزن يا بابا وترحمني شوية 

قولتلو كدة بس هو ابتسم وقال

-هرجع البيت بيكي 

بس ابتسمت بعدم فهم وقولت

-بيا ازاى؟ 

-تتجوزيني يامريم؟ 

تفتكرو امجد هيعرف يكسب قلب منى ولا؟ 

وتفتكرو يزن هيسمع كلام ابو لحد الاخر ولا؟ 

وتفتكرو مريم هتوافق ولا؟