_ بتطر.ديني من بيتي يا مريم! اتجـ.ننتي ولا أي! 

_ آه بطردك أطلع برا بقولك، طلاما أنت مش عارف تجيب ليا حقي أنا هجيبه لنفسي 

_ مريم أهدي كدا و خلينا نتكلم

_ لا الضيف إللي ميحترمش صاحبة البيت يبقى ملوش مكان، و أنت ماجبتش حقي يبقى ملكش مكان كمان

أخته زعقت وهي على السلم 

_ مش قعدالك فيها أنتِ مفكرة نفسك في الجنة، دا البيت يقر.ف 

_ شايف قلة الأدب، يلا أطلع برا أنت كمان، بقولك أطلع برا

_ أهدوا بقا أهدوا، هو مفيش أي إحترام لوجودي؟! 

_ ما أنت لو كنت رديت ماكنتش هحتاج أتكلم، لكن أنت قاعد تسمع شتيـ.مة مراتك و ساكت و أنا قولتلك مش هسكت عن حقي

 _ عيب إللي حصل دا يا مريم أهدي بقا 

_ أقسم بالله يا نوح لو ما طلعت لحد هنا و اعتذرت لهتنزل أنت كمان تقعد عندها، و خليها تنفعك 

_ مريم ..

_ يلا بقولك سامع ولا لا؟! 

_ أنتِ بتعلي صوتك عليا؟! 

_ لالا متدخلش في حوارات و تقلب الترابيزة عليا، ما أنا لو شيفاك خايف على كرامتي و زعلي ماكنتش اتكلمت، لكن أنت جاي عليا، و بتطبل لأختك، لكن أنا مش هتقبل أي إهانة من أي حد مهما كان، و حقي هجيبه و أنت مش قاعد في الشقة دي غير لما حقي يجيلي، أنت مفكرني لقمة سهلة المضغ؟! 

ماكنتش هسكت على المشاكل أكتر من كدا، أنا كنت بعدي و بستنى هو يجبلي حقي، لكن سكوتي أتفهم غلط و ساقوا فيها، ولما اتكلمت جاب الغلط عليا، لكن لحد هنا وخلاص اتقي شر الحليم إذا غضب

و صمتت فعلًا إنه يبات تحت، و مش هيدخل البيت غير لما يجيب ليا حقي 

_ لا لا ميصحش إللي حصل دا يا جماعة دا شيطان و دخل بينكوا 

_ والله يا عمو خايفة أستعيذ بالله من الشيطان الرجيم بنتك تتحر..ق 

_يا مريم أنا جاي اصلح بينكوا و أنتِ بتطـ.ينيها !؟ 

_يعني يرضيك يا عمو الكلام إللي بنتك قالته ليا دا، بتقول عليا طبخي معـ.فن و بيتي معـ.فن وهي في بيتي!؟ و عماله تهين فيا وابنك ساكت 

_ لا يا نوح مينفعش إللي حصل دا

_ يا بابا ماكنتش عايز أكبر المشكلة 

_ يا عمو المشكلة كبيرة، مش محترم كرامتي! و هي عماله تغلط فيا يعني بتغلط فيه برضو و بتهين كرامته! و دي مش أول مرة، و بنتي كل ما تنزل تقعد تقولها كلام مش كويس عليا 

_ تعالي يا بنتي اتأسفي لمريم و بوسي دماغها، عيب إللي بتعمليه دا، دي مش تربيتنا 

_ يا بابا هي إللي استقبالها مش كويس؟!

_ مهما كان حصل أي متغلطيش فيها، مش عجبك بيتها و أكلها متطلعيش بيتها 

_ دا بيت أخويا، هتمنعني أطلع بيت اخويا ؟! 

_ دا بيت مرات اخوكي برضو زي ما بيت اخوكي، وهي صاحبته، ولازم تحترميها، و تحترمي وجود اخوكي، إللي حصل غير مقبول أبدًا اعتذري حالًا 

_ أنا آسفة، تمام كدا! 

_ بوسي راسها يلا 

جت باست راسي و كنت عارفة إنها مش طايقاني و مع ذلك مهتمتش لأن أخدت حقي و دا إللي يهمني، لأنها طلعت لحد عندي كمان، و اول٦ما باست راسي نزلت على طول 

بابا نوح قاله بهدوء 

_ عيب يا نوح لما متحتر.مش مراتك ووجودها، أختك غلطت فيها تز.عق لأختك و توقفها عند حدها، لأن وقتها مراتك مش هتضطر ترد و المشكلة مش هتكبر 

_ يا بابا أنا ماكنتش عايز أرد عشان المشكلة ما تكبرش 

_ يعني أختك و مراتك بيتخانقوا و أنت ساكت عشان المشكلة متكبرش! دا كلام عاقل دا! أحترم مراتك وخلي الكل يحترمها 

_ حقك عليا يا مريم 

_ قوم بوس رأس مراتك وراضيها 

قام باس راسي وقعد يتأسف، و حسيت بالانتصار، لما قلبت عليهم كلهم عرفوا قيمتي و اجوا لحد عندي يعتذروا 

بعد ما باباه نزل بص ليا وقال بعتاب 

_ يعني ينفع إللي حصل دا يا مريم! على فكرة كنت هاخد حقك! 

_ آه ينفع عادي، ولو اتكررت هتلاقي رد فعل أكبر بكتير، الغلط ماكنش على أختك قد ما هو عليك أنك أصلًا متكلمتش، أنا استنيت رد فعلك أنت 

_مريم أنا بحترمك صدقيني و مش بسمح لحد يقول كلمة عليكي 

_ كل حاجة ظهرت في الحقيقة يا نوح، لو كنت زي ما بتقول ماكنتش قبلت كلمة عليا، كنت قولتلها تسكت، و تحترمني و تحترم وجودك، لكن كل اللي حصل دا مش بس بسبب اختك دا بسببك أنت، لأنك أصلًا مغلطتهاش

_حقك عليا متزعليش، أنا بس ماكنتش عايز مشاكل متزعليش أنا ميهونش عليا زعلك زي ما أنا هونت عليكي 

_طب عرفت إللي فيها يا نوح، و سكوتك دا مش بيمنع المشاكل دا بيكبرها، وحقي لو مجاش قدامي في وقتها منك، هجيبه أنا بمعرفتي، خليك بس عارف دا 

_يعني أي! قولتلك آسف وحقك عليا و مش هتتكرر، هتعملي أي تاني غير إللي عملتيه دا أنتِ رميتي ليا هدومي على السلم!!

_ لا يا روحي أنا مش هشرح أنا هبهرك بالفعل على طول، لأن سكوتي الكتير اتاخد بأنه ضعف و سوقتوا فيها، بس أنت شوفت إللي فيها، آه صحيح أبقى طلع هدومك إللي رمتهالك على السلم و عينها،بس اغسلها الأول، تصبح على خير يا بيبي 

_مريم... مريم....يا الله من الستات و كيد الستات، يارب ارحمني!! 

أي رأيكوا في إللي عملته مريم؟! شايفين إنها صح ولا كبرت الموضوع و كان لازم تتصرف بهدوء، وهل الغلط من الأول فعلًا على نوح؟!