مـريم انقذتي حياتي وحياه ولادي.. بتمني تكملي جميلك.. وتقبلي تكوني مربيه ليهم عندي في بيتي... 

= هو انت منهم؟

مريم ما كانتش تقصد تقلل منه، ولا تهاجمه، السؤال خرج منها بعفوية بنت فقيرة فجأة لقت نفسها واقفة قدام عالم مش شبهها. مخيف بالنسبه ليها..كله توتر…ياسين بصّ لها ثواني طويلة…

الثواني دي كانت كفاية إنها تحس إن الإجابة مش سهلة.

قرب من الشباك، بصّ على ساحة المستشفى، الحرس واقفين زي التماثيل.

= كنت…. انا دلوقتي انسان محطم..انا كنت واحد من الناس اللي فاكرة إن القوة فلوس وسلطة.

لفّ وبصلها بعين مختلفة= بس اللي حصل غيّر كل حاجة ..بعد موت  تميمه زوجتي واللي حصل ليا والتوام كل حاجه اتغيرت .كل همي أن متوهش ولا عيالي تضيع مني… انا خايف يا مريم 

اعترافه كان صدمه على رجل اعتاد إعطاء الاوامر…

مريم شبكت إيديها في بعض، حاولت تثبّت نفسها…هي مش غبيه.. احساس الخوف لما يصدر من شخص بهيبته ومكانته اكيد مش هين..

= خايف… من ايه؟ من مين..؟

= يعني أقرب الناس ليا استنوا لحظة ضعفي. موت مراتي… دخولي المستشفى… اختفائي بالساعات… وقرروا يخلصوا عليا وعلي ولادي…شهقت بخضة حقيقية.

= كله ده عشان الفلوس؟ شوف حد قريب يقعد بيهم

= قريب…قرب من حضّانة الأطفال، لمس الزجاج بحنية.

القريبين  أكبر خطر عليهم… وأكبر خطر عليهم إني أكون أبوهم.

الكلام دخل قلبها نار.افتكرت أبوها، افتكرت إحساس اليُتم، افتكرت أمها وهي بتشيل الليلة لوحدها..سهرها الليالي عشان تطلع انسانه سويه. ..قالت فجأة:

= طب ليه ما تسيبهمش بعيد؟

ابتسم ابتسامة حزينة:

= تفتكري  الهروب حل….انا ومراتي شوفنا الويل سنين يا مريم علي ما جبناهم..واخيرا ربنا اكرمنا بيهم..تفتكري افرط فيهم لا دي روحي تروح قبليهم..الكلام خدهم .شالت التوام بحب…سكتوا معاها كانت بتلف بيهم الغرفه..احساس جديد عليها وهو بس بيبصلها ودماغه شغاله لحد ما ناموا قربت باستهم وخلاص ناويه تمشي..

= انا لازم امشي ..بجد فرصه سعيده..

كانت حاسّة إن المكان واللي بيحصل  أكبر منها، أغنى من روحها، أخطر من طاقتها…المستشفي الحكومي اللي جابتهم ليها بقت فجاه خاصه..هي خايفه..حاسه انها ورطت نفسها بس بردو احساسها بالاطفال ساكن روحها..لسه هتخطي اول خطوه.. صوته وقفها.

= مريم.

لفّت.

= مريم…متمشيش ..أنا محتاجك.