-تتجوزيني يامريم 

فضلت ساكتة وانا مش مستوعبة هو قال اي

-بصي بابا فعلا فاتحني في موضوع ان احنا نمشي وهو مش مطمن ان احنا نسيبك لوحدك هنتجوز على ورق بس 

قولت وانا برسم ابتسامة مزيفة 

-وعلشان عمو فؤاد خايف عليا يبقى انت تتجوزني، 

اي ذنبك

-يا ستي عادي فداكي،  وبعدين انتي هتبقي مرتاحة وانتي لوحدك في البيت دة كلة 

-تمام بس مش لدرجة الجواز، انا ممكن اخد سكن مع بنات صحابي 

-سكن!، طيب لي كل دة؟ 

-مش عايزة ادبسك

-يا ستي دبسيني وزي ما قولتلك جواز ورق بس والوقت اللى عايزة تطلقي في هطلقك علشان ممكن تتجوزي

سكت شوية لحد ما قولت 

-سبني افكر 

-خدي وقتك 

طلعت وانا بحاول اكتم دموعي، وقفت قدام المراية وانا بكلم نفسي 

-كنتي فاكرة انو هيتجوزك حبو فيكي زي ما انتي بتحبي، هيتجوزك شفقة بس علشان يتيمة 

وقعت على الارض وقدرتش امسك دموعي

__________________________________________

عدة يومين وانا مديتش يزن رد

صحيت من النوم اخدت شاور وطلعت جيبة سودة وسويت شيرت ابيض وطرحة سودة ونزلت

لقيت يزن  كان لابس هودي ابيض وبنطلون بيج، كا لعادة مستنيني في العربية، ركبت العربية وهو سألني

-فكرتي يا مريم؟ 

بلعت ريقي وانا بحاول اغير الموضوع

-هو انت امتى هترجعلي العربية ليها اسبوعين مسروقة 

-متغيريش الموضوع يا مريم 

فكرتي؟ 

-اة 

-وأي قرارك

-هقولك بكرة 

-اشمعنا

-هو كدة مزاجي

ابتسم وقالي

-ماشي 

سبتو ونزلت للكليه

__________________________________________

عند امجد ومنى 

نزلت ولقيت امجد في عربيتو وبيمشي ورايا

-يا عم بقى ارحمني، ليك اسبوعين بتراقبني

-ارحميني انتي واديني رقم الحاج

-لو ممشيتش من هنا هنزلك الحاج بنفسو وهقولو انك بتضايقني

قالي وهو بينزل من العربية

-يا انسة منى انتي قولتيلي اول مرة شوفتك اني مش معجب بيكي وهنساكي بس الحقيقة انك دايما بتيجي في بالي 

-مش هينفع تتجوزني

-لي؟ 

علشان.... 

كنت هكمل كلامي بس شافتني ام ابراهيم من البلكونة 

-مين الواد دة يا بت يا منى

قولت وانا بجمع كلامي بأرتباك

-دة دة معرفهوش انا لسا مقبلاه

قالت وهي بتمصمص في شفايفها

-امممم مش عارفاه

بس صلى على النبي، طول وهيبة

كملت وهي بدقق النظر اكتر

-وعربية فخمة 

قولتلها وانا بخمس في وشها

-قولتلك معرفهوش، مش انا معرفكش 

بصلي بعدم فهم، وانا شورتلو انو يروّح

بس كوتش العربية فرقع وهو بيدور 

-طبعا مش ام ابراهيم ادخلت

-دة وقتك

-في ورشة على اول الشارع 

-طيب ممكن توصليني

هزيت راسي وانا بزق معاه العربية

دخلت الورشة

-صباح الخير يا انسة منى

-صباح النور يا محمود 

-خير يا انسة ومين الاخ دة 

-دة امجد كوتش عربيتو فرقع ممكن تظبطها

-من عنيا يا انسة 

رجعت لأمجد 

-انا اسفة

-انتي اى ذنبك

-هو مش ذنبي بس عين ام ابراهيم جابت اجل الكوتش

قال وهو بيضحك 

-لو كل حاجة هتحصل معايا وحشة هقول عليها حسد مش هنخلص

-بس الحسد مذكور قي القرأن

-اة فعلا بس مش عايز اكون موسوس لأي حاجه اعلقها بالحسد

ضحكت وانا بقولة 

-لا بس اسكيوزمي عين ام ابراهيم غير اي عين، تلمح الحاجه من هنا وتبوظ في نفس الدقيقة 

-لا بقى اخاف منها 

قاطع كلامنا صوت محمود وهو بيقول

-غيرت الكوتشي يا استاذ

-تعالي اوصلك يا منى

-لا شكرا 

-يا بنتي بدل ما تخدي موصلات

-لا متعودة 

هز راسو بالموافقة،  وانا مشيت على الكلية 

__________________________________________

نزلت ولقيت منى وهي سرحانة

-الجميل سرحانة في اي؟ 

-في امجد

قولت بخبث

-امجد

-فتحني بموضوع الجواز تاني

قولت وانا بتنهض

- وانتي عملتي اي؟ 

-رفضت زي كل مرة 

-لي يا بومة

بس لاحظت ان منى زعلانة 

-مالك يا منى 

-مش عارفة 

لما قالي انهارده انو بيفكر فيا قلبي ابتدأ يدق، وانا كمان كنت بفكر في 

-يبقى بتحبي، مش محتاجة 

-لا مش لدرجة

-منى هو انتي خايفة تتجوزي امجد

قالتلتي وهي بتتنهد 

-مش امجد بس، انتي عارفة يا مريم ان بابا ملهوش غيري وهو اصلا تعبان، ولو اتجوزت وبعدت عنو مين هيهتم بي؟ 

غير اصلا ان انا وامجد مش مستوى بعض هو في حتة وانا في حتة 

-بطلي عبط لو هو فعلا بيحبك هيسيب كل المواضيع دي، وقصة باباكي هو انتي فاكرة انو لما هيشوف بنتو موقفه حياتها علشانو هيفرح 

قولتلها كدة بس هي كانت ساكتة 

-سيبك منيّ رديتي على يزن 

-لسا قولتلو هقول ردي بكرة 

-وقررتي اي

-فالحقيقة انا لسا بفكر 

__________________________________________

عدة اليوم وجه تاني يوم بسرعه 

دخلت اخدت شاور وطلعت لبست جاكت ازرق وجيبة وطرحة بيضاء 

وقفت قدام المراية وانا بعدل طرحتي وبعدين فضلت أدرب ازاى اقول ليزن بإجابتي من غير ابين اني واقعة

قولت بحماس

-انا موافقة 

لا شكلي مدلوق اوي

قولت وانا بمثل الكسوف 

-انا موافقة 

شكلي اوڤر اوي

اوووف 

قولت وانا بتنهض

-هنزل وهقول من غير تمثيل

نزلت ولقيت يزن وكان لابس قميص وبنطلون اسود قاعد بيفطر 

-صباح الخير 

-صباح النور

قعدت فطرت وهو استعجلني علشان عايزني برة 

-اكيد عايز اجابتي

طلعت برة ولقيتو واقف عند باب عربيتو وهو مستنيني وبيلعب في مفاتيح عربية

جريت بفرحة وانا بقول

-عربيتي، دة مفتاح عربيتي 

مردش عليا وهو بيراقبني وبيبتسم على فرحي

بس مديت ايدي علشان اخد المفتاح بس لقيتو رفع ايدو 

-اي الغش دة بقى، هات المفتاح

-ردي عليا الاول 

ابتسمت بسخرية وانا وبقول

-يعني لو مش موافقة مش هتديني المفتاح

بس هو فضل ساكت

قولت وانا بتنهض بهدوء

-انا موافقة 

لقيتو ابتسم وهو بيديني المفتاح

-هنتجوز لحد ما اطلب الطلاق

هز راسه بالموافقة 

-طيب بقولك اي تعالى افسحك بمناسبة رجوع العربية، وكمان نعوض الفسحة اللى روحت بيها المستشفى

-اممممم موافق

خدني وركبني في عربيتو وهو بيدور العربية 

-تحبي تروحي فين قولي اى حته بس ميكونش فيها كشري 

-امممم اي حتة فيها اكل علشان جعانة 

-ماشي

قعدنا ساكتين بس كسرت السكوت دة وانا بقول بصوت عالي

-يلا

-اي يلا دي؟ 

-هو انت مش مفروض كدة تبقى خطشيبي 

قالي وهو بيضحك 

-اة يا ستي خطيبك

-طيب انا عايزة دبلة تكون كبيرة ومكتوب عليها 

سي حضرة الظابط يزن باشا 

قالي وهو بيضحك  اكتر وبيهز راسه

-حاضر يا ستي اللى انتي عايزاه 

وفعلا وداني عند محل ذهب وقولتلهم على اللي انا عايزاه،  بس الراجل بصلي بذهول وبص ليزن، بس رد يزن وهو بيقول بأمر

-اعملها اللي هي عايزاه

بصتله وانا مبتسمه وبشده بعفوية زي الاطفال من خده

-يختي اصمله اشطر كتكوت

الناس فضلت تضحك وهو أُحرج ساعتها بس ضحك، 

فضل ساكت لحد ما الراجل عمل الدبلة

قولتلو وانا مكشرة 

-هو انت مش هتحط اسمي على دبلة بتاعتك

بلع ريقو وهو بيمثل الخوف مني 

-لا ازاى 

كمل كلامو وهو بيكلم الراجل 

-عايز دبلة يكون مكتوب فيها صحفيه مريم 

خدني وطلع وداني لمطعم

-تاخدي اي؟ 

-ممكن شورما 

قولتها للراجل 

-وانا شاورما 

ويزن استأذن انو هيعمل مكالمة ويرجع بس لاحظت ان في بنت بتبصله من ساعة ما دخلنا 

رجع يزن والبنت لسا بتبص عليه، وانا كنت مكشرة 

-هو انتي بتكشري لي مرة واحدة 

رديت عليه وانا لسا مكشرة 

-ممكن تجيب الدبلة من العلبة اللي معاك

-طب ما كانت معاكي

-معلش 

قالي وهو بيدهالي 

-خليكي لبساها

-لا مينفعش علشان في الفرح تلبسهالي

قولت كدة وانا بلبسها وهو مش فاهم انا بلبسها ليه

قولت بصوت عالي للبنت اللي باصة ليزن 

-ممكن لو سمحتي تنزلي عينك من عليه علشان خطشيبي بيتكسف يقول للبنات تنزل عيونهم 

قولت كدة وانا برفع ايدي، اتكسفت البنت وقتها وطلعت مشيت

-حرام عليكي كسفتي البنت

-وانت مالك بيها تتكسف ولا تولع، بعدين هي اللي بنت رزلة منزلتش عينها من عليك، وبعدين لو انت زعلان عليها اوي كدة روح اعتذرلها قولت كدة وانا متعصبة وشلت الدبلة حطتها في العلبة 

-لا يا ستي الطيب احسن 

قال كدة ومدلي الاكل بعد ما اتحط قدامي

-عايزة تروحي فين تاني

-عايزة اروح دلوقتي ونطلع بليل نتمشى على البحر وناكل حلبسه من بدري مجربتش الشعور دة

-حاضر يا ستي

قالي كدة وروحني البيت وفعلا بليل طلعني نتمشى على البحر 

-انتي مبسوطه 

هزيت راسي بالموافقه

-اه 

مقولتليش بقى هتطلب ايدي امتى

-انتي عايزة امتى

-مش عارفة 

-طيب ممكن الاسبوع الجاي كتب الكتاب ، اي رأيك

-تمام 

قولت كدة وابتسمنا وكملنا مشي

_________________________________________

عند امجد ومنى

كنت بليل وعاملة اندومي ومندمجة مع المسلسل بس فصلني صوت رن جرس الباب

-اوف اى الفصلان دة 

قومت لبست الاسدال وطلعت وانا بفتح الباب 

-امجد

-مساء الخير 

-انت اى اللي جابك هنا

-هو انتي كل ما تشوفيني لازم تسألي السؤال دة 

-متغيرش الموضوع 

-بم انك مش راضيه تديني رقم الوالد قولت اجي، وخير البر عاجلو 

قولت بعصبية

-نعممم

هو انا وافقت عليك امتى

-جاي هنا علشان اعرف السبب دة، انتي لي مش موافقة

اتنهدت وقولت

-مش هقدر اسيب بابا يا امجد

-مين قالك انك هتسيبي ممكن تجيلو كل يوم، ولو تحبي ممكن نجيبة يعيش معانا معنديش مشكله 

قولت بأبتسامه علشان فهم موقفي

-سيبني افكر 

ويلا علشان هنرش مايه

قولتلو كدة وهو ضحك ومشي

دخلت البيت انا ومبسوطة من اللي حصل وسط ما انا مبسوطه قطعني صوت رنة تلفون

-الو 

-فكرتي 

-انت جبتي رقم من فين 

-طريقتي 

مجوبتنيش 

-فكرتي

-يا بني انت لسا سايبني هو انا لحقت

-عدى سبع دقايق واربعين ثانية كل دة مش مكفيكي

-لا اتصدق مدة قاسية 

لما هفكر هبقى ارد عليك يا امجد 

قولت كدة وقفلت في وشو 

حطيت تلفون على الكومدينو ونمت 

صحيت تاني يوم اتوضيت وصليت الفجر وعملت الفطار ليا انا وبابا ودخلت اصحي 

-بابا 

-بابا اصحى يا حبيبي عملت الفطار 

ناديت عليه تاني بس بابا مصحاش

وقفت ساعتها ومش عارفة اعمل اي 

كملت فوقان في بابا وانا بجمع كلامي بالعافية 

-بابا قوم قوم 

بس ساعتها لقيت تلفوني من اوضتي بيرن جريت جبتو وشوفت رقم امجد ورديت عليه بأرتباك ومش قادرة اخد نفسي 

-صباح الخير فكرت.... 

مالك يا منى

قولت وانا بحاول اجمع كلامي وببلع ريقي

-امجد بابا مش بيرد عليا 

-يعني اي مش بيرد عليكي

-صحيتو من النوم مش بيفوق 

-طيب اهدي انا هاجي

قالي كدة وانا لبست الاسدال ولسا بلف الطرحة لقيت الباب بيخبط

-امجد، ازاي جيت بسرعة

-دة وقتو 

فينو

-جوة 

قولتلو كدة وانا بشاور على اوضة

دخل امجد وحاول يفوق بابا بس مردش عليه شالو وركبو العربية وركبت انا ورا ونزلنا المستشفى ودخل على اوضة الكشف وهو بيلبس البالطو وبيكشف عليه 

فضلت مستنيه لحد ما طلع امجد 

-هو كويس دلوقتي، السكر قل بس

-ازاى انا بديلو دوا السكر في المعاد

-معاكي روشتة الدوا

-لا 

بس افتكرت اني كنت مصوراها 

-بصي هو العلاج دة ضعيف شوية هكتبلك على دوا اقوى 

قالي كدة وانا هزيت راسي 

قولت بخبث 

-انت مقولتليش حكاية انك دكتور دي

-مجتش مناسبة، بعدين في واحدة متعرفش خطيبها شغال اي عيبه في حقك على فكرة

قولت وانا بتريق عليه

-خطيبك شغال اي 

هو انت خليتني وافقت خلاص

-لا ماهو انتي لو موافقتيش همسك في زمارة رقبتك

قالي كدة وانا ضحكت وجات واحدة من الممرضين

-دكتور امجد في حاله في اوضة تسعه 

-حاضر 

مستني ردك متتأخريش

قالي كدة ومشي وانا دخلت لبابا 

-انت كويس يا بابا

-اة يا بنتي

-الف سلامه عليك، كدة تخضني عليك

-معلش يا بنتي 

-ولا يهمك يا حبيبي

اخدت بابا وروحت البيت وفضلت معاه اليوم كله 

وقبل ما انام رن تلفوني 

-نعم 

-مفيش تمهيد 

ايه نعم دي؟، فكرتي؟ 

-يا بني ارحمني بقى، قولت لما هفكر هقولك هخبي عليك لي

-انتي عارفة انك لما توافقي هتكسبي ثواب 

قولت وانا بضحك 

-ازاى دة بقى

-لأنك هتساهمي انك هتخليني اكمل نص ديني 

-ماشي يا امجد لحد ما افكر بقى بعد اذنك مترنش

-باباكي عامل اي دلوقتي 

-كويس 

-علشان تعرفي ان جوزك المستقبلي دكتور شاطر

-سلام يا امجد

قولت كدة وطفيت في وشو 

عدة يومين كان امجد بيرن عليا فيهم كل يوم مرتين

صحيت في يوم كالعادة  امجد رن عليا 

-يا بني بقى، بقيت احسك زي برشام باخدو قبل ما انام وبعد ما اصحى

بس هو رد عليا الرد المعتاد

-فكرتي 

قولت بعصبية متصنعه

-كام مرة اقولك انا اللى هرد عليك 

-ماشي يامنى قالي كدة وفصل في وشي 

قولت وانا بشهق 

-فصل في وشي 

اتوضيت وصليت وطلعت دريس بينك وطرحة بيضاء ولبست وفطرت بابا 

نزلت بس الغريبة انو مجاش زي كل يوم تحت البيت يراذي فيا اضايقت ومشيت وانا بكلم نفسي

-شكلو زعل مني 

روحت الكلية وخلصت بس ملقيتش مريم، مكملتش اليوم وطلعت على المستشفى اللي شغال فيها امجد

وسألت عليه الممرضة

-لو سمحتي فين مكتب دكتور امجد

-دكتور امجد فوق في الدور التاني بس انتي مش هتلاقي في مكتبه، هتلاقي  في الكافتيريا 

-تمام شكرا

قولتلها كدة وروحت الكافتيريا

بس شوفت امجد كان قاعد بيضحك مع بنت في ترابيزا

وقفت مصدومة وهو شافني 

-منى 

-ابعد  مكنتش اعرف انك لسا بتكلم بنات يا امجد 

كملت كلامي وعيني بدأت تدمع

-بس انا اللى غلطانة علشان كنت هوافق على واحد زيك بيضحك على البنات بكلمتين

-استني انتي فاهمة غلط

قالي كدة بس انا مشيت وسبتة وركبت تاكسي

__________________________________________

عند يزن

-اي رأيك

-حلو 

-ولي بتقولها من غير نِفس

-علشان دة الفستان رقم خمسة وعشرين اللى تقيسي 

ارحمي امي ومشيني 

قولت كدة ووقفت 

-لسا فاضل اتناشر يا يزن اقعد 

-انا اللى جبتو لنفسي 

قولت كدة و قعدت 

ودخلت هي تغير وطلعت تاني بس المرة دي كان الفستان حلو اوي عليها

-اى رأيك

قولت وانا مش حاسس بنفسي

-زي القمر 

ابتسمت هي 

-بجد

هو عاجبني بصراحة، خلاص افرجت عنك

قالت كدة وهي دلخت وانا لسا سرحان فيها قد اي شكلها رقيق

اخدتها وطلعنا 

عدت الايام وجه يوم كتب الكتاب

دخلت اخد شاور وطلعت قميص ابيض وبنطلون اسود 

وانا وبسرح شعري دخل بابا وهو ماسك ورق

-اي دة 

-دة ورق تنازل الملكية وكمان ورق الاتفاق اللى ما بينا ياريت تنجز في اقرب وقت يا عريس

قالها وهو بيضحك بسخرية 

اخدت الورق وحطيتها في الخزنة بتاعتي

بعدين نزلت قعدت جمب المأذون وانا مستني مريم 

_________________________________________

عند مريم ومنى

-مالك يا بنتي في حد يزعل يوم فرحه

ابتسمت بسخرية

-فرحه

كملت كلامي وانا بتنهض 

-كان نفسي الفرح دة يبقى حقيقة وكبير مش معزوم فيه غير انتي وامجد وعمي بس

طبطبت عليا منى 

-معلش لما توقعي يزن في حبك هيعملك اللي انتي عايزاه

-تفتكري 

-اكيد، يلا بقى علشان اتأخرنا

قالت كدة ونزلنا مع بعض

يزن كان باصصلي بصة انبهار بيا خلتني اتكسف اوي

قعدت جمبو وهو لسا باصص عليا

-هتفضل باصص كدة كتير

-اعمل اى شكلك حلو 

قالها هو وبيغمز

-لولا بس ان الجواز دة كدة وكدة 

كنت هخبيكي 

-كلامك دة يخليني اشك انك بتحبني على فكرة 

مردش عليا وابتسم

وفعلا كتبنا الكتاب 

-يزن 

-نعم 

-بقولك اي داري عليا لحد ما اروح اكل من المطبخ واجي

بصلي هو وبيضحك

-حتى في فرحك طفسه

-هتداري ولا لا

-حاضر بس متنسنيش معاكي

-لا تقلق 

قولت كدة وجريت على المطبخ

__________________________________________

عند امجد هو وبيصالح منى

-منى

ردت بعصبية

-عايز اي

-يا بنتي انتي فاهمة غلط

-وممكن تفسرلي انك كنت قاعد مع بنت وتضحك ازاى

قولتلها وانا بتصنع التفكير

-امممم افسر ازاى؟ 

-شوفت 

قالت كدة وكانت هتمشي وتسيبني بس انا مسكتها من ايدها وانا بضحك عليها

-طيب استني بهزر معاكي

على فكرة اللي كنت قاعد معاها دي ريم اختي وهي اكبر مني بِ تسع سنين ومتجوزة برة مصر وجات اليوم اللى شوفتيني معاها في علشان من بدري مشُفتهاش

قولتلها كدة بس هي قالت بشك

-اختك 

-اة ياستي، علشان تعرفي انك ظلماني وفيوم هوريهالك وهوريكي البطايق كمان

بس مقولتيش يعني من امتى بتغيري عليا

قولت كدة وهي بان عليها انها اتكسفت

-انا 

اتكسف محصلش

شدت ايدها من ايدي ومشيت

ضحكت عليها وروحت قعدت جمب يزن

-اومال العروسة طفشت وسابتك ولا اى يسطا 

-لا وحياتك راحت تاكل

قالي كدة وفضلت اضحك 

-وانت سِبتها

-عيب عليك قولتلها تعمل حسابي معاها 

-لا جدع

__________________________________________

عند مريم بعد كتب الكتاب مع يزن

-متفقناش انو انا وياك نقعد في نفس الاوضة 

-متنسيش ان بابا مش عارف حاجة عن الاتفاق 

قولت بتنهيد

-طيب 

وبعدين افتكرت حاجة 

-يزن 

-نعم

-في حاجه مهمة نسيت اقولك عليها

-خير

-انا نسيت اجيب هدوم هنا

-نعم يختي

-اعمل اى الاسبوع دة كنت مشغولة ونسيت الموضوع دة 

-والعمل

-تطّوع وتجيبلي اي حاجة من عندك لحد ما ارجع ڤيلتي اجيب هدومي

بصلي بعدم استِعاب وراح جابلي هدوم

-امسكي

-هو انت شايفني واحد صاحبك في الجيش جايبلي تيشيرت اسود وبنطلون اخضر 

-دة اللي عندي 

قولت وانا ببرطم 

-ابو الي يتذلِلك

دخلت الحمام وغيرت هدومي وعملت شعري كحكة عالية

طلعت ولقيتو بيفرش في الارض

-شكرا على كرم اخلاقك ونومك على الارض

-لا انتي فاهمة غلط اللي هينام على الارض انتي

-نعممممم

-دي اوضتي 

-اوضتنا اسمها اوضتنا متنساش

بس رد عليا ببرود 

-اوضتنا مش اوضتنا انا هنام على السرير 

-عيب منك كدة تخلي بنت بريئة زيي تنام على الارض في السقعة دي 

قولت كدة وانا نمت على الارض وهو حدفلي البطانية

-مفيش بربع جنية رومانسية 

صحيت تاني يوم بس ملقيتش يزن دخلت اخدت شاور ولبست فستان تاني بس وانا بلف الطرحة علشان انزل افطر لقيت يزن دخل ومعاه شنط كتيرة، مد ايدو ليا

-دول ليا 

-اة 

فتحت شنط لقيت فيها دريسات كتيرة والوانها حلوة وجمبيه اسدال للصلاه

-البسي دول مؤقتين لحد ما تروحي تجيبي هدومك

هزيت راسي بفرح وهو طلع 

طلعت شنطة كان فيها دريس بيج وطرحة بني

لبست وصليت ونزلت تحت

-صباح الخير يا مريومة 

-صباح النور يا عمي

قولت كدة وقعدت على السفرة جمب يزن 

__________________________________________

بعد شهرين عند يزن 

-حلو دة 

-ضيق

-عاجبني 

قالت كدة وهي بتحط الطرحة، بس مسكتها من قفاها وقولت 

-قولت ضيق، روحي غيري وإلا مفيش روح

-هتمنعني يعني اروح خطوبة صحبتي

-اة، لو عايزة تروحي غيري القرف دة ومستنيكي في العربية خمس دقايق ولو جيتي وانتي حاطة زفت ميكأب في وشك مفيش روحان ولا انا ولا انتي

قولتلها كدة ومشيت وهي  كانت متعصبة 

نزلت دورت العربية ولقيتها نزلت لابسة فستان بيبي بلو واسع وطرحة بيضاء 

قالت بعصبية 

-قولي على سبب واحد مخلياني مستحملاك 

-معرفش شوفي انتي بقى 

حافظة تعليمات

قالت بعصبية اكتر

-حافظة، ممنوع رقص ممنوع ضحك بصوت عالي اخري اروح اسلم على منى واقعد جمبك

-شطورة 

قولت كدة ونزلنا للخطوبة 

حضرنا الخطوبة وانا عيني منزلتش من على مريم قد اي اتعلقت بيها، وكل ما افتكر ان الجواز دة مصلحة اتعصب من نفسي، لدرجة في الايام دي نفسي اروح اجيب الورق واحرقة واعيش معاها عادي من غير قيود

قطعتني هي من سرحي

-يزن يا بني

-ها

-ها اي ليا ساعه بنادي عليك 

-عايزة اي

-عايزة اروّح تعبت وجوعت 

-ماشي 

-هسلم على منى وهاجي

هزيت راسي وروحت عند امجد

-سلام يا مجمجة

-ما بلاش بقى الدلع دة، راعي اني خاطب دلوقتي 

ابتسمت بهدوء

-حاضر ياعم

-مالك يا يزن

اتنهضت 

-مليش

-لا ازاى باين عليك الزعل، انت حبيتها يا يزن؟ 

قالي كدة وانا سكت، كمل كلامو بمرح

-انتي حبيتي يا بطة 

قولها يا يزن، واعترفلها بكل حاجه 

قالي كدة بس قاطعتنا مريم 

-يلا يا يزن

اخدتها وطلعنا للعربية، دخلت العربية وفتحت شنطتها وطلعت مِنُه شبشب وهي بتقلع الهيلز 

مقدرتش امسك ضحكتي عليها

-متضحكش بعد اذنك انت مش عارف كمية المعناه اللي في الشيء ده

قالت كدة ورمته في الكرسي اللي ورا

وقفت العربية عند مطعم ونزلت جبتلها اكل وكملت الطريق للبيت

دخلت غيرت وهي غيرت هدومها ونامت على الارض

-مريم 

-اممم

-عايزة تنامي على السرير وانا على الارض 

لقيتها وقفت وقعدت على السرير 

-اخيرا حسيت 

-غيرت كلامي خلاص 

-يلا يا بابا من هنا

قالت كدة وانا نمت على الارض

__________________________________________

عدت الايام 

صحيت الساعة 2بليل  علشان  اشرب بس الغريبة اني ملقيتش مريم في الاوضة 

نزلت تحت لقيتها قاعدة بتتفرج على كرتون وبتاكل

-انتي  بتعملي أي؟ 

-خضتني يا عم، بسمع كرتون روبانزل تعالى اسمع معايا

ابتسمت عليها، وقعدت جمبيها حسيتها قد اى طفلة ومتستحقش اللي بيحصل فيها قعدت معاها لحد ما طلعت الاوضة ومسكت الورق علشان اتخلص مِنُه بس تلفوني رن برقم امجد سبتهم على السرير وروحت البلكونة 

-خير يا بني في حد يرن على حد الساعة دي

-وحشتني يا جدع 

-عايز اى يا امجد خلص

-مكملناش كلامنا يا صاحبي في حكاية مراتك، ماهو لو انت مرنيتش دلوقتي كان زماني اتخلصت من الورق خلاص 

-يعني مش هتستغلها يا يزن 

-لا وأقفل بقى 

قولت كدة وقفلت في وشو ودخلت الاوضة 

بس لقيت مريم بتقلب في الورق وبتبكي

تفتكرو مريم هتعمل اي مع يزن؟ 

وتفتكرو يزن فعلا حب مريم؟