_ أنا بقول كفاية شغل بقا يا مريم، سيبتك تعملي إللي نفسك فيه 

_نعم عايزني أقعد من الشغل ! 

_عايزك تاخدي بالك من البيت إللي أنتِ بعيده عنه، و الولاد إللي مش بيشوفوكي، أنا نفسي مش عارف أشوفك

_ إحنا اتفقنا يا نوح أنك هتخليني أشتغل

_ أنا أتفقت هسيبك تحققي حلمك و تشتغلي، بس الشغل ميأثرش على البيت 

_ أنت قولت هتساعدني  ...

_ أنا فعلًا بساعدك 

_عايزني أقعد بعد ما حققت كل الإنجازات دي 

_ عايزك تحطي ولادك و جوزك من ضمن أولوياتك و انجزاتك يا مريم، مش عايز اكسر حلمك و كل إللي حققتيه عايزك تعرفي توازني بينهم لأن شغلك كفته غلبت عندك

_ أنا مش مهمله في ولادي يا نوح 

_ بجد..! طب تعرفي إن ابنك حاله استدعاء ولي أمر من يومين؟! تعرفي إن بنتك عندها مشكله كبيرة مع صاحبها في المدرسة عشان التنمر!! تعرفي أي عنهم غير أنهم عايشين؟! 

 مصدومه إن كل دة حصل فعلًا و أنا معرفش! أنا للدرجة دي كنت مُغيبة و الشغل عاميني!؟ 

_ أنتِ هتتحاسبي على بيتك و ولادك قدام ربنا يا مريم، و افتكري إن أنا أول داعم ليكِ لما قولتي هتشتغلي، كنت جنبك خطوة خطوة، و مش عايزك تقعدي غصب عنك، أنا بنبهك إن سفينتك بقا فيها عطل في نص البحر 

_بس دي سفنيتنا يا نوح..

_ كويس أنك عارفه إننا فيها سوا، هسيبك تراجعي نفسك و تفكري، و متأكد أنك هتختاري الصح لينا كلنا أنا واثق 

تاني يوم قعدت قدامه و حطيت القهوة لينا

_مروحتيش الشغل؟

_ أخدت اجازة شوية منه، قولت اظبط حياتي و أصلح سفنتي و أرتب أولوياتي و أقعد مع جوزي و ولادي و بعدين نبقى نشوف الشغل

أبتسم و سحب مني كوباية القهوة 

_و أي أولوياتك!؟ 

_ سفينتنا  بكل الركاب فيها أولوياتي

أبتسم و أنا أبتسمت لأن الركاب فيها كان هو و الأولاد، إللي منغيرهم السفينه تغرق....

تمت بحمدلله