اتكلم ،

-لي جيتي هنا عند خالك؟!

-مفيش حاجه 

-امل انا بسألك ياريت تردي 

-وانا بقولك مفيش حاجه 

بصيت علي ايده الي بيضغط عليها علشان يهدي نفسه 

غير نبرته لهدوء اكتر ،

-ممكن ياحبيبتي تعرفيني لي روحتي 

ابتسمت بجانبيه علي نبرته الي مش لايقه عليه 

-كنت بسأل منه علي حاجه 

-حاجه اي دي ؟!!

بنفاذ صبر ،

-طلعت هي الي مساعده امجد يفتح موبايلي خلاص يامحمود 

-بتهزري منه عملت كده 

بصيتله وانا برفع حاجبي ،

-وانت مصدوم اوي كده لي 

-لاء يعني انتي متأكده منه الي عملت كده 

لفيت بجسمي بعصبيه من انه عمال يكرر الاسم ،

-عاجبك الاسم اوي يعني !!!

ابتسم وهو بيرفع حواجبه ،

-انا مبحبش غير اسم واحد 

-لا والله واي هو ان شاء الله 

بضحكه ،

-اسم مراتييي

بصتله ببرود ولفيت وشي لاني مش طايقا ولو فضل يبتسم كتير كده انا ممكن اسامحه 

اتكلم تاني ،

-اتفاجت علشان عارف انك بتحبيها وانها قريبه منك مش اكتر 

انتي فهمتي اي 

لفيت وشي بعصبيه 

-متقولش اسم بنت تاني 

-اشمعنا!!!

-هو كده مش عاجبك 

-لا ازاي عاجبني طبعاً

-حلو ومتضحكش الضحكه السمجه دي 

اتكلم وهو بيشاور علي نفسه ،

-انا ضحكتي سمجه!!!

-اه ووديني علي بيت بابا 

-ربنا يسهل 

-انت ماشي من الطريق ده لي اصلاً

-هو في طريق غير ده 

-محمود وديني بيت بابا 

-طيب احنا اهو في الطريق 

-متضحكش عليا يامحمود وديني بقولك بيت بابًا 

-خلاص يابنتي صرعتيني بيت بابا وبيت بابا 

-كمان هتتكلم علي بابا من ورا 

بدهشه وهو بيفتح بوقو،

-انا اتكلمت علي ابوكي فين !!!

-متتكلمش معايا وديني بيت ب…

قاطعني وهو بيعلي صوته،

-هشششش عرفت خلاااص

واقف العربيه ولقيتنا واقفين قدام بيتنا 

بصيتله بعصبيه وانا بشاور علي العماره ،

-اي ده؟!

رفع كتافه ببساطه ،

-اي ده؟!

-محمود فين بيت بابا 

بابتسامه ،

-نسيته الصراحه نطلع بيتنا هكون افتكرت 

-انا مش هنزل ومش هقعد معاك في بيت واحد 

-لي ان شاء الله يختيي ؟!

-محمود متستهبلش انا مش هنسي حاجه 

اتكلم بهدوء،

-طب خلينا نطلع ونتكلم 

بعند ،

-لا مش هطلع 

لقيته نزل من العربيه 

انا عارفه انه هيستغني عني عادي واهو اتخلي عني بالسهوله دي

برقت وانا شايفا وهو بيفتح الباب وشالني بسرعه 

ضربته علي ضهره ،

-محمود نزلني متستهبلش 

مردش عليا وحدف مفتاح العربيه للبواب 

نزلني علي اول السلم ،

-كفايه كده ضهري اتقطم 

بعصبيه وضيق،

-وانا مش عايزه اطلع سيبني بقي 

شد علي ايدي اكتر ،

-وانا مش موافق تروحي دلوقتي بيت باباكي 

طلعنا وفتح الباب بالمفتاح وهو شاددني ورا زي الكلبه 

قفل الباب وراه بالمفتاح 

-هتحبسني يعني ولا اي !!

-لا ياحبيبتي بطمن اننا في امان 

دخلت الاوضه وغيرت هدومي وقعد علي السرير بفتكر كل الي حصل بضيق 

دخل الاوضه وهو بيتكلم 

-تعالي كلي معايا 

لفيت وشي الناحيه التانيه ،

-مش جعانه 

-بس انتي مأكلتيش هناك

-لاء اكلت وسيبني علشان انام 

خلصت كلامي وانا بشد البطانيه عليا 

-احنا لسه المغرب 

-بحب انام المغرب 

طلع وسابني وانا دموعي نزلت وانا بهمس لنفسي

-ده حتي مهانش  عليه يتزلل عليا بارد يامحمود 

بعد ساعه سمعت الباب بيتفتح عملت نفسي نايمه 

قرب عليا وقعد علي ركبته قصاد وشي ،

-امل اصحي 

بتمثيل،

-اممم 

ضحك وهو بيتكلم ،

-باين اوي يعني انك صاحيه قومي يلا

بهمس ،

-سيبني واطلع عايزه انام 

-تعالي اتفرجي معايا جبتلك الفيلم الكرتون الي بتحبي

فتحت عيني بسرعه ،

-فيلم اي ؟

-معرفش هو تقريباً فيه فار المعفن ده 

ضحكت بحماس وانا بشيل البطانيه من عليا،

-الفار الطباخ

بصلي بدهشه وانا جريت قعد علي الركنه واتغطيت بالبطانيه اجي قعد جمبي وهو بيتغطى معايا 

-ابعد شويه لازق فيا اوي

-سقعان اوي ياامل اوي 

بصيتله بسرعه واتكلمت بنبره خوف غلبت موقفي،

-روح تقل هدومك

قرب عليا وهو بياخدني في حضنه بالعافيه ،

-لا كده كويس مدفي كده 

-محمود انا طلعت علشان الفيلم مش عشانك 

-هو انا اتكلمت 

وانا بحاول اشيل ايده الي كنت عايزه ميشلهاش الصراحه ،

-ابعد لو سمحت 

باسني من خدي ،

-خلاص بقي خلي قلبك حنين 

ابتسمت ببلاهه وحمد ربنا انه مش شايفني لاني جوه حضنه الفيلم بدء وانا اندمجت وحطيت رجلي علي رجله بتلاقئيه وشديت علي حضنه 

مسح علي ضهري ،

-سقعانه؟؟

-امم شويه 

-اقوم اجبلك حاجه تلبسيها 

-لا لا 

قرب البطانيه لغيت رقبتي ومسح علي شعري بحنيه،

-دفيتي كده شويه؟

رديت وانا بغمض عيني بنوم ،

-امم 

-قومي ندخل ننام 

قومت معا وانا هموت وانام.. اتغطيت ولقيته اخدني في حضنو وباسني في خدي 

اتكلمت بهمس وانا بحضنو اكتر ،

-انا مخصماك ومعتش تكلمني

ابتسم بهدوء عليها ،

-حقك عليا انا اسف 

عيني دمعت وانا سامعا،

-لا انا مضايقه اوي 

بعد شعري من علي وشي بحنيه واتكلم ،

-حقك علي قلبي من الزعل علشان خاطري متزعليش 

اتكلمت وانا راحه في النوم خالص،

-مش زعلانه 

ابتسم بفرحه وهو بينام براحه 

صحيت 

لقيته نايم جمبي  كنت هخبط علي وشه علشان يصحي رجعت ايدي تاني وانا بفتكر اني مخاصما ومش بكلمه قومت وانا ببصله بقرف 

 صليت ودخلت اعمل فطار لقيته داخل المطبخ وهو مبتسم،

-اه والله انا جعان اوي 

اتكلمت بهدوء وانا بعمل بقلب الشاي،

-ده ليا وبسس

ببساطه،

-طب اعمليلي معاكي 

عديت من جنبه وانا بطلع علي الصالون ،

-خلاص خلصت اعمل لنفسك

اتنهد بفارغ صبر وشويه ولقيته بيقعد جمبي وهو في ايده سندوتش وكوبايه شاي 

-هاتي الريموت كده 

-لا بتفرج 

-في اي انتي بتتكلمي كده لي؟!

-مفيش 

-هو مش احنا اتصالحنا

بصتله بضيق،

-اتصالحنا !!! مين قال كده 

-انتي قولتي امبارح انك مش زعلانه 

-لا والله بتكلم وانا مش حاسه يعني ؟!!

-والله قولتلك متزعليش قولتيلي مش زعلانه 

بصيت تاني علي التلفزيون ،

-محصلش انا هروح علي بيت بابا اصلاً

-وانا قولتلك هتروحي بس مش دلوقتي 

-محمود انت زعلتني جامد وانا معملتش حاجه وفوق كل ده انت صدقت 

خلصت كلامي وانا بحاول معيطش 

قرب عليا واخدني في حضنو ،

-حقك عليا انا فعلاً غلط بس انتي قدري اني كنت تايهه علي الاقل صدقيني انا كان جوايا مصدقك وواثق فيكي بس الشيطان كان عمال يقولي لا صدق 

-اه اه هتقولي شيطان وبتاع ضميرك بيبقي اقوي 

حضني اكتر وهو بيتكلم ،

-فعلاً متزعليش 

بعد عنه وانا ببصله بزعل ،

-ولما قولتيلي لاء مش بتحبني اي ده كان شيطان برده !!!

ضحك علي ريأكشني ،

-معرفش قولت كده ازاي بس كنت مضايق اوي ياامل والله 

كمل وهو بيمسك وشي ،

-بحبك وجداً كمان يامراتيي 

ضحكت غصب عني 

اتكلمت تاني وانا برفع صباعي ،

-بشرط اسامحك

رجع بضهره لورا ،

-قولي 

-تطرد البت السكرتيره دي 

بيساطه،

-بس كده ده انا فكرت هتطلبي طلب عليه القيمه 

عقد حواجبي ،

-يعني مش مضايق

-لا ياستي هضايق من اي كنت هطردها او كنت هوديها علي مكان تاني 

باستفسار،

-اشمعنا لي يعني ؟!

هرش في شعره بتوتر حسيته خايف يقولي ،

-علشان تصرفاتها مكنتش كويسه 

قربت منه بعصبيه وانا بقف علي ركبتي،

-عملتلك اي يامحمود؟!!

بخضه ،

-اهدي معملتش حاجه والله بقول تصرفات

بغيظ،

-وانت كنت عارف بالرسايل

-لا وعرفت منك 

رجعت قعد تاني ،

-طب يلا اطردها دلوقتي 

-لا ماهو انا مش هروح الشغل دلوقتي هكلم يوسف يعرفها هو 

-مش هتروح الشغل لي؟!

قرب عليا وهو مبتسم وحط راسه علي رجليا 

-هقعد معاكي النهارده 

-لا والله اي المحن دي بقي ؟!

-والله العظيم انتي بتقفلي ابعدي عن وشي 

ضحكت وانا برجع راسه تاني ،

-خلاص بهزر 

اتكلمت تاني وانا بلعب في شعره ،

-محمود هو انا لو كنت مسامحتكش وخليتك تطلقني كنت هتعمل اي 

اتكلم بضيق في نبرته،

-بلاش تجيبي سيره الطلاق بس وبعدين يعني هو انا كنت هسيبك بسهوله كده 

-يعني انت ندمان اوي ولا نص نص 

-ندمان وجامد اوي والله وبعدين انتي لي بتفكريني دي مش حاجه حلوه 

-اممم بتأكد انك ندمان يعني 

-لا اطمني 

كمل كلامه يتوعد،

-وحسابي مع زفت امجد 

اتكلمت بخوف،

-لا بلاش يامحمود بالله عليك مشاكل خلينا في حالنا 

-مش هعديهاله مش هعرف 

حطيت ايدي علي دقنه وكأني بهديه،

-لا لا متعبرهوش 

حط ايده علي ايدي بضحكه بتكسف منها،

-خايفه عليا يامراتيي؟!

اتكلمت بسرعه،

-اكيد طبعا يامحمود هخاف عليك 

علشان خاطري بقي متكلمهوش 

-ماشي ربنا يسهل 

كنت هتكلم ولكن ماما اتصلت 

-ايوا ياماما عامله اي 

-الحمدلله عامله اي ومحمود عامل اي 

-بخير الحمدالله 

-بقولك بكره كلنا معزومين عند خالتك علي العشا  وقالتلي اقولك علشان هي مشغوله 

-كلنا الي هو مين 

-انا واخواتك وخالك وعياله ومراته يعني وانتي وجوزك 

-اه فهمت طب هقول لمحمود وهقولك لو هاجي 

-ماشي بس مينفعش متجيش خالتك هتزعل 

-حاضر ياماما 

-ماشي سلام 

-سلام 

-محمود 

-اي 

-خالتو عزمنا بكره هنروح ؟!

-عادي بوديكي 

-لا ماهو انت كمان معزوم يعني لازم تيجي معايا 

-مليش انا في كده انتو كلكو ستات 

-لا ماهو خالو موجود وعياله وعيال خالتو يعني 

قام وهو بيتكلم باستفسار،

-نعمم !! يعني في الشباب في العزومه 

بتوتر ،

-لا لا انت عارف ان اكبرهم في اوله كليه 

-دول مش شباب يعني ؟!!

اعتذري مينفعش تروحي 

بزعل ،

-لي كده طب بص تعالي نروح انا وانت ونمشي علطول 

-اه وتفضلو يهزو معاكي بقي وانا هقتلك حد 

-لا ياحبيبي وعد مش ههزر مع حد 

قولت كده وانا مش واثقه لو هعرف امسك نفسي

-ونمشي بسرعه ؟

اتكلمت بثقه وانا بهز راسي ،

-طبعا 

-لو كده تمام موافق 

كملت لعب في شعره وعدي اليوم اتغدينا واجي بليل اتفرجنا مع بعض علي كرتون تحت الضغط طبعاً 

اتكلمت وانا نايمه علي كتفه ،

-محمود هو انت ممكن تتغير بعدين يعني من تاني؟

-اتغير ازاي 

اتعدلت في قعدتي وبصيتله،

-يعني اسلوبك يرجع قاسي تاني؟!!

نهيت كلامي بنبره زعل 

لف جسمه ليا وبصلي ،

-انا عارف انك زعلانه من طريقتي وانك اتصدمتي اني اتغيرت بس برده عارفه انه كان غصب عني واني غلط فعلاً وحتي لو قولتيلي دلوقتي انك مش زعلانه يبقي بتكذبي لانك مدايقه ومش عايزه الي حصل يحصل تاني و..

انتي بتضحكي كده لي؟!

-اصل انت فاهم وانا بحب الشخص الي بيكون فاهمني 

ابتسم ،

-ماشي ياستي وانا بقولك انسي الي فات واوعدك مش هيحصل تاني ورغم كل ده بشكرك انك قدرتي وفهمتي توهاني وانا متأكد انك مصدقه اني واثق فيكي مش كده؟!

حضنته ،

-المشكله انك فاهم وعارف الرد اقولك اي بس ؟

طلعني من حضنه اتكلم وهو بيحط شعري ورا وداني ،

-عايز أتأكد انك مصدقاني 

-طالما وعدني يبقي خلاص مصدقاك

-اي الناس الي بتصدق علطول دي ؟

خلص كلامه وهو بيضحك

-يعني انا غلطانه اني واثقه فيك؟!

-لا طبعاً ده ليا الشرف 

قال كلامه وهو بيحضني بمناكشه 

سكت شويه وبعدين اتكلم تاني ،

-بس شكراً ياستي علي دعويكي ليا في صلاتك 

-اي ده انت سمعتني 

-اه سمعتك مصدقتش الصراحه انا قولت هتدعي عليا 

-لا طبعاً مقدرش 

مسك خدودي  ،

-مراتييي الطيوبه 

ضحكت وكملنا تفريج علي الكرتون ونمنا علي نفسنا محستش بنفسي غير الصبح 

قومت وصحيته فطرنا وهو نزل شغله وانا صليت ورتبت البيت وعملت اكل خلصت وقعد علي الركنه وفتحت الموبايل وشغلت بودكاست اسمعه 

بعد فتره طويله محمود اتصل 

-بتعملي اي 

-بسمع برودكاست وانت؟!

-خلصت شغل وجاي اهو

-ماشي خد بالك من نفسك 

-اجبلك حاجه وانا جاي 

-شكراً يامحمودي

ضحك،

-قولتي اي 

-لا خلاص هي مره بس

-والله وحشتني جداً 

ضحكت،

-ايوا طبعاً لازم توحشك

-ماشي يامغروره 

-سوق براحه 

-متقلقيش 

قفلت معاه وروحت البس فستان قصير احمر وسرحت شعري سمعت الباب اتفتح طلعت 

بصلي وهو بيقرب عليا،

-انتي مراتي؟!

ضربته في كتفه،

-لا والله تقصد اي اني ببقي وحشه 

ضحك وهو بيبوسني من خدي،

-بهزر والله شكلك حلو 

ابتسمت،

-شكراً روح غير هدومك وانا هحط الاكل

-مقدرش 

-نعم!!

بيبصلي بخبث وهو بيتكلم ،

-مش قادر اشيل عيني من علي الفستان

ضحكت عليه،

-طب غير بسرعه بقي وتعالي 

سيبته وحطيت الاكل علي السفره وبدئنا ناكل 

اتكلمت وانا بفكر ،

-مش عارفه البس اي واحنا رايحين عند خالتو

-انتي لسه فاكره تعالي اشغلك كرتون بدل مانروح

بصتله بنفاذ صبر،

-خلاص بقي خلينا نروح ونمشي علطول 

-طب هنام وبصحيني

-لا طبعاً احنا ناكل ونلبس علشان نروح

-انا مش فاهم عايزه تروحي لي

-وحشوني الصراحه كلهم 

خلصت كلامي وانا بحط الاكل  في بوقي بصيتله لقيته بيبصلي بضيق

بلعت الاكل واخد بالي قولت اي،

-تعرف يامحمود وانت وحشتني جداً

-اه اه خدي بعقلي حلاوي

-لا والله عيب عليك 

-انا خلصت اكل

-الاكل مش عاجبك

-لا قفلتيني بكلامك

-ياعم والله اقصد خالتو وخالو 

-خالو!!!

هزيت راسي برفض وانا بتكلم بسرعه،

-لا لا خالو اي بس خالتو خالتو وبس 

-امل معتيش تتكلمي 

ضحكت بجانبيه عليه،

-طب خلاص كل 

-لا مش عايز

-يامحمود متبقاش زي الطفل الله 

مردش عليا قومت وقفت وقعد علي رجله بكسوف 

مسكت المعلقه وقربتها وهو فتح بوقه ببلاهه ضحكت عليه حط ايده علي وسطي 

-هنروح؟

-بتعرفي انتي تضحكي عليا هااا 

-هو انا عملت حاجه بس 

-لعوبه صغيره

ضحكت وخلصنا اكل ودخلت البس وطلعت

-يلا انا جاهزه 

بصلي من فوق لتحت،

-لا لا ضيق غيري 

-محمود انا لابسه طقمين قبليه وغيرتهم وده مفيهوش حاجه بيزك وفوقيه بالطو لاخر رجلي في اي ده بقي؟!!

-لونه لونه مش حلو 

ضيقت عيني،

-انت اصلاً بتحب اللون البيچ

-امشي امشي قدامي الواحد مش عارف. يزهقق في حاجه

-ماشيه ياحبيبي 

وصلنا لبيت خالتو 

سلمنا علي خالو وعياله التالته" مازن "في تانيه كليه و"عمر "في تالته ثانوي و"منه" …وعيال خالتو "مريم" في تالته كليه و"محمد" في اوله ثانوي وكلهم سكر وبحبهم ومينفعش اقول حاجه قدام محمود طبعاً

منه حسيتها كانت مدايقه روحت وقفت قدامها وطلبت منها ندخل الاوضه علشان نعرف نتكلم 

-مالك في اي ؟!

اتكلمت وهي بتبص بعيد عن عيوني

-امل انا محروجه منك واوي كمان ومكنتش عايزه اجي بس ماما اصرت 

ضربتها في كتفها براحه،

-لاوالله مكنتيش عايزه تشوفيني 

-مش كده طبعاً بس انا غلط في حقك وحاسه بالذنب 

قعد جمبها علي السرير وانا بقرب راسها من صدري،

-وانا مش زعلانه منك انتي الشيطان لعب في دماغك لي لحظه وعمي علي عيونك ولكن بس بعد كده اتحكمي في نفسك وشوفي انتي بتعملي اي بامته وغير كل ده انتي تستاهلي راجل وتستاهلي الي يحبك مش انتي الي اجرب وراه يامنه وعلشان ترتاحي انا مسمحاكي ومتفهمه احساسك وقتها وكمان علشان عارفه منه حبيبتي متعملش كده 

بعدت عني وهي بيبتسم والدموع في عنيها ،

- قلبك حلو اوي و انتي عندك حق والله في كل الكلام 

انا بحبك اوي اوي 

ضحكت وانا بمسح دموعها،

-وانا بموت فيكي يامنه والله 

-يلا خلينا نطلع نقعد معاهم

-يلا 

فضلنا قاعدين كلنا في الصاله ساكتين شويه وقطع السكوت 

اتكلم محمد بهزار،

-ايوا ياامل اتجوزتي ومعتيش تعرفينا 

اتكلم عمر ،

-والله وحشتنينا ووحشني مذاكرتك 

بصيت علي محمود بخوف لقيته مبحلقلي 

بلعت ريقي وبجد بقي الي الرعب الي عايشه فيه ده

اتكلمت بهدوء ،

-هو ماما فين 

بصو لبعض باستغراب وطبعاً علشان ردي غريب 

رد مازن،

-لسه متصل عليها قالتلي جايه 

هزيت راسي وكلهم عمالين يتهامسو اكيد عليا برقتلهم بغيظ وهما ولا هنا 

قربت علي محمود واتكلمت بهمس،

-احم محمودي

-سيبي محمودك في حاله 

-في اي 

-انتي كنتي بتذاكري للولا ده!!

-ايوا ده في ثانوي يامحمود صغير يعني 

غمض عينه وبعدين اتكلم ،

-الصبر من عندك بلاش تقولي صغير لاني بتعصب

-طيب خلاص اهدي خالو جاي 

سلمنا علي خالو وقعد يتكلم مع محمود شويه ونزل يجيب حاجه 

محمد اتكلم بعفويه،

-امل ماتباتي معانا انهارده وننام مع بعض زي زمان 

مازن ضربه بخفه،

-انت عبيط يالا ااحنا كبرنا

-ياسلام طب ماانت كنت بتنام في حضن امل علشان بتخاف

برقتله بغيظ ومحمود قام بعصبيه وكان هيجم عليهم بغيظ ولكني وقفت بسرعه ومنعته 

-محمود اهدي 

في العربيه 

اتكلمت بضيق،

-محمود ازاي تعمل كده كنت هتضرب الولا 

-متعصبنيش ده بيبقول كان بينام في حضنك 

-يامحمود ده كان طفل في ابتدائي وانا كنت في ثانوي يعني فرق كبير 

مسح علي وشه بعصبيه،

-وينام في حضنك لي مفيش غيرك 

ضحكت غصب عني،

-بقولك كنا اطفال 

-ولو ولو ازاي يعني !!

-طيب خلاص ده في الماضي 

بس مكنش بينفع تحاول تتهجم عليه 

-عصبني عصبني قال بينام في حضنك قال 

-يامحمود اتكلم بعفويه مايقصدش حاجه متزعلش منه 

بصلي بغيظ ،

-وانتي مالك خايفه لازعل منه لي

-وانا هزعل لي يعني انا عايزه قلبك يكون صافي 

خلصت كلامي وانا بغمزله 

بص قدامه بضيق وانا مسكت  دراعه وانا بحضنه ،

-خلاص بقي متبقاش قفوش 

رفعت عيني كان لسه مضايق رفعت نفسي وبوسته من خده ،

-ياحبيبي  انا دلوقتي مفيش غير محمود الي مسمحوله ينام في حضني 

ضحك بجانبيه 

اتكلم ،

-زعلانه كنتي عايزه تاكلي 

-بصراحه اه يامحمود 

-نطلب اكل ونروح البيت ؟

-ولي مناكلش في مطعم 

-مطعم اي بس مباخدش راحتي 

-طيب علي راحتك 

كلمت خالتو واعتذرتلها علي الي حصل وهي ضحكت واتفهمت انه غار اي الهدوء ده مفيش احسن من الناس الي بتفهم من غير حوارات 

روحنا وقعدنا علي الركنه وجبت البطانيه وشغلت بودكاست علي الشاشه نسمعه مع بعض كان عن ازاي الراجل يعامل مراته حلو

قعد وهو ييحضني واتكلم ،

-بيتكلم علي اي ده؟!

-ده بيتكلم عن ازاي الراجل يعامل مراته حلو 

رفع حاجبه بسخريه ،

-لا ياشيخه وده بقي الي هيعرفني اتعامل ازاي 

-ايوا لازم تكون راجل ناضج وشخصيه واعيه 

-انا اتقفلت من الراجل ده غيري 

-انت مش عايز تعاملني حلو يامحمود

-اهو شوفتي هيوقع بينا ازاي غيري الراجل ده نصيحه مني 

-لا انا جايبا علشان تسمع اسمع يلا واستفيد منه 

-اي استفيد منه دي هو انا طفل !! 

-يامحمود بقي هستفيد والله 

بعد ساعه بنسمع وهو مغصوب وخايف للكلام يخليني اتشاكل معاه وانا عماله اضحك عليه علشان طبيعي فاهمه ان مش كل حاجه هلاقيها فيه ولكن علي الاقل يحاول يتغير ويبقي احسن 

اتكلمت 

-الجو ساقعه اوي انهارده 

مسح علي شعري ،

-فعلاً

ضحكت لما افتكرت ضيقه من ان ولاد خالتي علشان كانو بينامو في حضني خليته ينام هو الي في حضني

-انزل بجسمك يامحمود شويه انت طويل 

-انزل اكتر من كده رجلي هتروح عند الشاشه 

-خلاص كده حلو غطي رجلك بقي الجو ساقعه 

-امل انتي مش واخده بالك انتي اخده البطانيه كلها 

-طب شد شويه 

مسحت علي شعره ودقنه بهدوء واتكلمت وانا بضحك  ،

-شوفت اهو مفيش غيرك الي في حضني 

حط رجله علي رجلي بتملك،

-مراتيي بقي 

ضحكت عليه وكملت لعب في دقنه 

تمت بحمدلله