رواية عالمي الخيالي الخاص الفصل السابع 7 بقلم سلسبيل احمد
رواية عالمي الخيالي الخاص الفصل السابع 7 هى رواية من كتابة سلسبيل احمد رواية عالمي الخيالي الخاص الفصل السابع 7 صدر لاول مرة على موقع التواصل الاجتماعى فيسبوك رواية عالمي الخيالي الخاص الفصل السابع 7 حقق تفاعل كبير على الفيسبوك لذلك سنعرض لكم رواية عالمي الخيالي الخاص الفصل السابع 7
رواية عالمي الخيالي الخاص الفصل السابع 7
- نور والله العظيم عمري ما حبيت طول حياتي انا كنت شخص كئيب عمري ما اتمني ارجعله كأني مخلوق بس للشغل لكن لما شوفتك انتي رجعتي ليا كل حاجه حلوة و دخلتيني العالم بتاعك ده غير… غير ان فيه تفاصيل كتير متعرفيهاش عن نفسك وانا محتاح تثقي فيا عشان اقدر اقولهالك
= عني انا!
– ايوه
= اي هي
- قوليلي الأول.. قادره تسامحيني!
نور بصتله وهي بتعيط:
قالت بقله حيله: مصدقاك عشان بحبك! و مش هقدر ابعد عنك عشان هما بيآذوني!
= مش حقيقي دول بيحبوكي اوي!! انتي بس كنتي عاوزاهم يكونوا زيي! لكن يا نور لازم عشان تحبي تقبلي الى بتحبيه بكل حالاته و هما ليهم طريقه معينه بالحب اقبليها انتي و حبيهم بيها
– انا بحبهم و مضايقه عشان كل الى حصل! بس هما كانوا بيحاولوا يدمروا سنين استنيتك فيها فاهم ده!
= فاهم ، لكن احنا هنحل كل ده سوا بس تحت اي ظرف دول اهلك و متخسريش اهلك عشان اي حد يا نور مهما حصل و اعرفي انك تقدري تعملي حياة تانيه و تتواصلي بطريقه تانيه مع العالم و متخافيش العالم بتاعك برضو هيفضل موجود
ضحكت له اخيرا: العالم ده اصلا انت متعرفوش
ابتسم لها بحب: اعرفه العالم الخاص بيكي الى مسمحتيش لحد غيري يكون فيه انا وانتي و النجوم و ذكرياتنا سوا وكمان ذكرياتنا اول ما رجعت
بصتله بصدمه: هو… انت ازاي
كانت مصدومه و مش عارفه تتكلم: ازاي فهمت كل ده لوحدك و ازاي عرفت !!!! ازاي
– لأني سألتك لو حد يعرف بموضوع النجوم ومكنش فيه غيري
=انت خبيث علي فكره!
ضحك جامد وبصلها: والله بحبك.. و اوعدك هندور على النجمة الى اختفت دي كمان بس تبقي كويسه و توعديني متبقيش متعلقة بيا لدرجه انك تتعبي بسببي دوري على حلم جديد ، و ارجعي الشغل و اعملي انجازات دي اكتر حاجه هتسعدني
بصتله بجديه: هعمل كده بس لو موافقوش نفضل سوا؟
= مش هبطل احاول اقنعهم بس قبل كل ده انا عاوزك تحققي كيانك و تثبتي لهم انك قوية و قادرة تتخطي اي حاجه ولما يرجعوا يثقوا فيكي هنعمل كل الى انتي عاوزه..
ابتسملها عشان تطمن: وبعدين متنسيش احنا عندنا عالم غيرهم عالم بتاعنا احنا بس
ابتسمت له بحب: انا بحبك اوي يا يوسف.. كنت علطول عارفه انك هتبقي اكتر حد بيحبني وبيخاف عليا.. حتي لو ده على حساب نفسك..وعشان خاطرك انا هركز..وهبطل تهـ ـور وهبطل اغلط
" و وسط نظراتهم لبعض دخلت سارة بتجري و سمية و محمود وكله ملهوف يطمن عليها.. وكمان أدهم.. الصفحة الخاصة بيا على فيس بوك سلسبيل احمد"
>>>>>>>>>>>>>>>>>>>>>>>>>>>>>>>>>>>>>
" اللهم صلِ وسلم وبارك على سيدنا محمد "
|| بعد مرور سنتين وشهور.. | في فيلا يوسف الشامي ||
- صرصور بطلي رخامه قوليلي هي مين
= والله معرفش مش راضي يقولي الخبيـ ـث.!
- طب يعني ايه عاجبه فيها برضو مش فاهمه
" دخل يوسف وادهم من الجنينه ويوسف شايلين طفل "
أدهم بضحك: الواد مش طايقك!!
سارة: عاوزة اشيلة
أدهم: بس ياحببتي هو مش هيسكت غير معايا
يوسف ناوله لأدهم: اتفضل وريني
" ادهم شاله وفضل يطبطب عليه ويلاغيه فا ضحك"
نور: يا سلام..وتربيتي وتعبي؟
أدهم: مقلناش حاجه بس القبول بتاع ربنا
يوسف ضحك: يأخي خده معاك وانت مروح
نور: يوسف!!
سارة: خلاص سيبهولنا يوم
نور: لا طبعا مقدرش ده كتكوتي
يوسف بغيره: والله؟ تمام اوي
" نور ضحكت و يزن رجع يعيط "
أدهم: تلاقيه بص على يوسف عشان كده بيعيط
يوسف: بطل حقد بقا يعم هو مقريف عشان عاوز ينام
سارة بخبث: طب ما تطلعه اوضته بقا يا استاذ يوسف صحبتي تعبت انهارده كفاية الأكل
نور ضحكت: لا عادي هاته
سارة ذغدتها: ارتاحي بقا شوية
يوسف: خليكي يا نولا انا هطلعه
" يوسف طلع بيه وادهم قعد والاتنين بصوله "
ادهم بستغراب: فيه ايه؟
نور: مين البت دي ؟
ادهم بص لسارة: يا فتانه!!!
سارة: احمم انا عشطانه هقوم اشرب
" وفعلا مشيت ونور بصتله بنص عين "
- مش مفروض برضو اعرف عروسة اخويا؟
ادهم: عروسة ايه متكبروش الموضوع انا بس معجب بيها وطلبت رقم والدها نتعرف يعني وكده
- واشمعنا بقا طنط بقالها كتير بتزن عليك تشوف حد
أدهم بصلها بهدوء وابتسم: مش اطمنت عليكي انتي وسارة؟ جه دوري بقا
نور ضحكت: ربنا يخليك ليها يا ادهم
أدهم: ربنا يخلينا لبعض.. انا همشي بقا عشان الوقت اتأخر ساره فين؟
- في المطبخ تقريبا.. مش هتستني يوسف تسلم عليه؟
= ماهو تلاقيه بينيم يزن بقا سلمي عليه لما ينزل
ابتسمت بهدوء: حاضر
" خرج وسابني..واللحظات الى فضلت فيها لوحدي..مخي كان بيسأل ميت سؤال.. هو معقول كل السنين دي يكون ادهم كان عنده مشاعر ناحيتي ولا انا بس فاهمه غلط.. ودي مجرد مشاعر جيران واخوات.. وهل لو كان عنده مشاعر ليا! نسيها؟ ولا لسه! بقلمي سلسبيل احمد"
>>>>>>>>>>>>>>>>>>>>>>>>>>>>>>>>>>>>
لا إله إلا انت سبحانك اني كنت من الظالمين
|| في عربية ادهم ||
- ادهم انت مضايق من حاجه؟
= منك يا سارة.. كلامك ده ملوش لازمه
- والله كنت بهزر صدقني
= هزار ايه بس؟ انتي مش قادره تستوعبي انها متجوزة ومخلفه وحياتها مظبوطه بطلي تتكلمي عني بالشكل ده معاها عشان ميحصلش سوء تفاهم
- تمام يا ادهم معاك حق.. بس انا فعلا عايزه اعرف.. هو انت بطلت تحبها؟
" ادهم ضغط على الدركسيون واتنفس بهدوء "
- قولتلك ميت مره.. وهقول تاني نور طول عمرها اختي
>>>>>>>>>>>>>>>>>>>>>>>>>>>>>>>>>>>
|| في فيلا يوسف الشامي ||
" قاطع افكاري يوسف وهو بيحضني "
- يزن في سابع نومه تعب من كتر اللعب مع أدهم
بصتله بحب: نيمته يعني خلاص
= اه.. كفاية تعب عليكي على رأي صحبتك بقا
ضحكت: عارف اني بحبك ولا لاء
يوسف قرب لها: عارف وعاوزك تقولي تاني
" نور مالت عليه بدلع وهي بتضحك بسعاده "
- بحبك اوي اوي يا يويو..وعلى فكره مش عارفه دي المرة الكام.. بس انا مبسوطه جدا انك وادهم
بقيتوا صحاب.. وانا وسارة فضلنا صحاب.. وعلاقتي بماما اتصلحت عمري ما تخيلت نوصل لهنا سوا..ونعدي بكل ده اصلا
يوسف مسك ايدها وباسها بحب: دي اقل حاجه ممكن اعملهالك.. بعد لما رجعنا بعد كل السنين دي بسبب انك جيتي الشركة دخلتي حياتي تاني ورجعتها جميلة! بسأل نفسي كتير لو مكنتيش جيتي.. كان هيحصل ايه؟
ده غير علاقتي بـ بابا الى اتصلحت لما نزل مصر وكل ده بفضلك يا نور.. وختمتيها بأنك خلفتي لنا يزن
ضحكت: خلاص بقيت تحبه؟
ابتسم: انا بحبه اكيد بس بغير منه مش معقول ياخد كل الدلع وانا اتركن على الرف؟
نور حضنته: مش هيحصل ابدا.. هو صحيح يزن دخل عالمنا انا وانت.. بس مازال انا وانت بس الى فاهمينه!
يوسف شد على حضنها: ماشي يا نولا.. نسيت اقولك
بصتله: ايه؟
- مش انا لقيت النجمه
" نهي كلامه وهو بيغمز ونور ضحكت "
- طيب وريهالي بقا
مسك ايدها: يلا نطلع
= على سطح البيت الكبير..!؟
- على سطح البيت الكبير.. بس تمسكي ايدي لحسن تقعي..♡
**************************************
تمت بحمدلله
للانضمام لقناة الواتساب اضغط هنا