عند تقى كانت بتفكر إذا القرار اللي اخدته صح ولا خطأ

تقى :بجد انا غبية ليه اخترت اني اعيش مع الوحش دة معقولة اكون... لالا مستحيل

آسر دخل وفتح التلفزيون

تقى اخدت الريموت وفتحت قناة كرتون

آسر بغضب :غيري القناة

تقى :لأ

آسر :تقى

تقى ادتو الريموت بسرعة

آسر اخد الريموت وفضل باصص عليها

تقى :في ايه الريموت معاك غير

آسر قفل التلفزيون

آسر :تقى انتي حبيتي حد قبل كدا

تقى باستغراب :انت بتسأل ليه

آسر :عايز اعرف اذا حبيبتي كانت بتحب حد قبلي

تقى :حبيبتك؟

آسر :اه حاولت اكرهك بس ماقدرتش

تقى :بس انا بكرهك

آسر بضحك :عارف انك بتكرهيني

تقى :بتضحك ليه

آسر :اعيط يعني؟

تقى :هو انت الليلة هادي ليه وكمان بتضحك

آسر :معرفش بس يمكن عشان الكلام اللي قولتيه ل فريدة

تقى :اه خلاص اسكت

وقامت من السرير آسر مسكها ووقعها عليه

آسر :بحبك

تقى كانت ساكتة

آسر :مابتحبيني

تقى :مقدرش احب واحد معندوش قلب وكان بيعذبني

آسر :حقك عليا طفولتي وفريدة اللي خلوني قاسي

تقى قامت وقعدت ع السرير :وانا ذنبي ايه

آسر :ملكيش ذنب ياحبيبتي انا اللي مقدرتش اقدرك

تقى :بلاش حبيبتي دي

آسر :حاضر بس هتفضلي حبيبتي

تقى :مش مهم

آسر :لما كنت صغير ماما سابتني لأنها اكتشفت انه بابا بيخونها وبابا كل ما درجاتي في المواد تنزل كان بيضربني في نفس الاوضة اللي كنت بحبسك فيها وكل مرة كان بيشرب وبيجي يضربني بدون سبب هو كان قاسي معايا ياتقى ولما كبرت عرفت انه ليا بنت عم اسمها فريدة وانا حبيتها بجد بس بعد ما الشركة بتاعتي افلست فريدة قالتلي انها بتحب حد تاني وقتها عرفت انها كانت عايزة فلوسي بعدها بكام سنة شركتي بقت أكبر شركة في الشرق الأوسط ولقيتك ويمكن حبيتك من اول نظرة والسبب اللي كان مخليني قاسي عليكي هو فريدة

تقى كانت بتسمعه وفي دمعة هربت من عينها

آسر بابتسامة وجع :بحبك بجد ياتقى وصدقيني مستحيل اضربك

تقى :معرفش ليه انا اخترت أفضل معاك  يمكن انا حبيتك بس انا مش عايزة احبك

آسر :مش مشكلة انا مش هجبرك على حاجة انتي مش عايزاها....... اسف على كل حاجة عملتها معاكي وخرج من الاوضة

تقى طلعت الجنينة مع دادة نرجس كانت لابسة دريس بنوتي باللون الأزرق وحجاب بنفس اللون

تقى :غريب انا ليه ما لاحظت للجنينة دي

نرجس :حلوة؟

تقى :روووعة