صرخت بدموع وعجر: یاماما الحقینی بسرعه

دخلت امها الغرفه بقلق وخوف کبیر وهنا کانت الصدمه بجد

نعیمه بصدمه: ایه ده یابت یاشمس منین الد*م ده کله هو حصل ایه هنا؟! 

شمس بدموع وعجر: معرفش یاماما انا فتحت عنیا لقیت هد*ومی بتبهدله زی ماانتی شایفه وبنز*ف اوی کده

نعیمه قربت منها بصدمه وخوف: طیب قومی علشان الحقك قبل ماد*مك کله یتصفی یابنتی

شمس بدموع وخوف: مش قادره والله یاماما حاسه جسمی کله مشـ*ـلول مش قادره احرکه خالص

نعیمه سمعتها بصدمه وبعدها قربت لبستها عبایه سوداء بصعوبه ونادت علی جوزها

نعیمه بصراخ وبرعب: سلیم الحقنی تعال الحقنی بسرعه

دخل سلیم جوزها الغرفه بندفاع وقلق کبیر: فیه ایه یانعیمه بتصرخی کده لیه؟! 

نعیمه برعب وخوف علی بنتها: بنتك یاسلیم الحق شوف شمس بنتز*ف اوی البت د*مها بیتـ*ـصفی علی السریر

انتفض سلیم من کلامها وبص لشمس وجری علیها وهی منهاره من الخوف

سلیم بصدمه وزهول: شمس یاحبيبتي مالك بتنز*فی من فین حصل ایه ردی علیا؟! 

شمس بدموع وتعب: بابا خدنی للمستشفی بسرعه حاسه جسدی کله مشـ*ـلول ومتلج اوی

اترعب سلیم من کلامها وحملها بسرعه بالملا*یه وجری خارج البیت ونعمیه لطمت علی وجهها بخوف ورعب علی بنتها وجرت خلفهم

وبعد دقایق سلیم وضع بنته فی العربیه ونعیمه نزل لدور الاول وخبطت الباب بخوف وستعجال وفجأه فتحت لها بنت فی العشرین من عمرها بملامح جمیله ورقیقه اوی

زینه بصدمه وقلق: خیر یامرات عمی بتخبطی کده لیه حصل حاجه؟! 

نعیمه بستعجال وخوف: معلش یابنتی بس بنت عمك تعبت وانا وعمك هناخدها للمستشفی وبدر ابن عمك فوق لوحده وانتی عارفه انه مریض مینفعش نسیبه لوحده فی البیت ممکن تطلعی تاخدی بالك منه لغایه مانرجع 

زينه بصدمه وقلق: حاضر يامرات عمي متقلقيش هاخد بالي منه وابقى طمنيني على شمس 

نعيمه بستعجال وخوف: شكرا يابنتي وان شاء الله هطمنك على شمس فوتك بالعافيه

قالت كده نعيمه وجرت علشان تلحق جوزها وبنتها وقلبها بيدق بعنف وخوف كبير عليها وزينه بصت في اثرها بقلق وهي بتدعي لشمس بنت عمها وصديقتها الوحيده وبعدها طلعت بيت عمها علشان تاخد بالها من بدر 

وبعد ساعه في المستشفي **

نعيمه بقلق ودموع: جيب العواقب سليمه يارب دي بنتي وقلبي هيقف من القلق عليها 

سليم بصلها بتسائل وقال: اهدي يانعيمه ان شاء الله خير بس قوليلي ايه اللي حصل شمس كانت بتنز*ف ليه؟! 

نعيمه بدموع وعدم فهم: معرفش ياسليم انا دخلت الاوضه بعد ماهي نادت عليها وكانت بتعيط وهد*ومها متبهد*له وقالتلي صحيت لقت نفسها كده وحاسه جسدها كله مشـ*ـلول

سليم بصدمه وزهول: اييه ازاي كلامك ده يانعيمه شمس نايمه امبارح في اوضتها عادي مكنش فيها حاجه انا اطمنت عليها قبل ماانام وبعدين مين اللي هيدخل البيت في وجودي انا واخوتها ويعمل فيها كده؟! 

سكتت نعيمه بقله حيله بعدها قالت: نطمن علي البت الاول ياسليم وبعدها يحلها الف حلال

سليم ضم ايده بعجز وغضب وسكت لان سلامه بنته حاليا فوق أي شئ تاني 

وبعد دقايق قليله مره عليهم خرج الدكتور من غرفه العمليات بتعب ورهاق فجرى عليه سليم بقلق وخوف

سليم بقلق وخوف: خير يادكتور طمني شمس بنتي كويسه مش كده؟! 

الدكتور بحزن: الحمد لله الحاله بقت مستقره ووقفنا النز*يف في الوقت المناسب حضرتك لو اتأخرت شويه كمان للاسف كانت الحاله ما*تت 

سليم بصدمه وزهول: اييه انت بتقول ايه طيب وايه سبب النز*يف ده يادكتور؟! 

الدكتور بحزن على حالته: والله ماعارف اجبها لحضرتك ازاي بس بنتك تم الاعتد*اء عليها جسد*يا والمجرم قبل مايعمل كده حقن الضحيه بمخد*ر قوي المفعول وده اللي ظهر معانا في التحاليل وعلشان كده كان جسدها كله مشـ*ـلول

سليم سمعه وحس ان الصدمه نزلت عليه زي الصاعقه والدنيا لفت بيه ولسه هيقع على الارض الدكتور لحقه بسرعه

الدكتور بصدمه وشفقه: خلي بالك ياستاذ انا عارف ان دي صدمه كبيره عليك بس انت لازم تبلغ الشرطه علشان تجيب حق بنتك و

قاطعه سليم برفض: لا بلاش نبلغ الشرطه يادكتور ارجوك بنتي حصل فيها كده جوه بيتي ولسه معرفش مين اللي عمل فيها كده بلاش ندخل الشرطه حاليا وابهدل بنتي معاهم وهي بالحاله دي.. انا بنفسي هعرف مين المجر*م وبعدها هاخد حق بنتي منه 

الدكتور بتفهم: تمام يافندم انت عندك حق لان بنت حضرتك دلوقتي حالتها صعبه وتعبانه اوي خد بالك منها وربنا يقدرك على اخد حقها عن ازنك 

رحل الدكتور وسليم رجع مكانه بجانب نعيمه مراته اللي قالت بقلق وخوف 

نعيمه بقلق وخوف: طمني ياسليم بنتي حصل فيها ايه الدكتور قالك حالتها ايه دلوقتي؟! 

سليم بتعب ووجع كبير على بنته: الدكتور قال ان شمس تم الاعتد*اء عليها وهي نايمه جوه اوضتها في نص بيتي يانعيمه يعني في حيوان ابن و*سخ دخل بيتي في وجودي انا وعيالك ودمر حيات بنتي ومستقبلها بد*م بارد 

نعيمه لطمت بصدمه وزهول: يالهووي يالهوي عليكي يابنتي يالي مستقبلك وشرفك بقى في الارض مين جاله قلب يعمل فيها كده دي نسمه ومش بتزعل حد منها ابدا

سليم تجاهل كلامها وبصلها بتسائل وقال: ابنك يونس فين يانعيمه انا مشفتوش من الصبح جوه البيت 

نعيمه بتشتت: معرفش والله ياسليم يونس من امبارح مشفتوش قالي قبلها طالع يشوف صحابه 

سليم بضيق: اه صحابه الخمر*جيه والبلطـ*ـجيه اللي ملموم ابنك عليكم واللي زعيهم يبقى نوح ابن اخويا عماد مش ده؟! 

نعيمه بتفكير وصدمه: تفتكر ممكن اللي عمل كده في شمس يطلع نوح ابن اخوك عماد ياسليم انت عارف هو بيحبها من الطفوله ازاي ومتعلق بيها جدا ولما اتقدم لها انت رفضته تلت مرات لانه بيشر*ب وبلطجي فاكر 

سليم بغضب وجنون: فاكر يانعيمه وعندك حق بس وديني لو طلع كلامك ده صح ونوح اللي عمل في شمس كده علشان يكسر عيني ويجوزها غصب عني لهشرب من د*مه ونجوم السماء برضو اقربله منها 

نعيمه بصتله بوجع ودموع علي بنتها اللي راحت ضحيه في لعبه هي مالهاش زنب فيها 

وعلى الناحيه الاخرى في بيت سليم **

بدر بدموع: بابا وماما فين وشمس مجتش تصحيني زي العاده ليه يازينه هي زعلانه مني صح 

زينه بتعجب وستغراب: لا طبعا يابدر وشمس هتزعل منك ليه؟! 

بدر بحزن: انا بحب شمس اوي ومش عاوزها تبعد عني علشان هي الوحيده هنا اللي بتلعب معايا بس مرات عمي مديحه قالتلي انها هتتجوز وبعدها هتسيب البيت وتبعد عن بدر فانا اتعصبت عليها وقولتلها شمس مش هتعمل كده فقالتلي لو عاوزها متسبش البيت وتبعد عنك لازم تعمل ليها حاجه؟! 

زينه انصدمت من كلامه وقالت: ايه الحاجه دي يابدر؟! 

بدر ببرائه ودموع: قالتلي اعمل فيها...... 

سكت بدر فجأه على صوت جرس الباب فخرجت زينه تشوف مين يمكن دول عمها ومراته رجعوا بشمس تاني

فتحت زينه الباب واول ماشافته قدامها زاد نبض قلبها بقوه ونفاسها بقت اسرع من فرط مشاعرها وحبها ليه 

يونس بضيق: انتي ايه جابك هنا وبتعملي ايه؟! 

زينه بتوتر وارتباك: انا انا بس اجيت اخد بالي من بدر علشان.. 

قاطعها يونس بضيق: تاخدي بالك من مين.. ليه فين بابا وماما وشمس راحوا فين يعني؟! 

زينه بحزن: شمس تعبت وعمي ومرات عمي اخدوها المستشفي القريبه من هنا مرات عمي نعيمه هي اللي قالتلي اطلع اخد بالي من بدر في غيابهم 

يونس بصدمه وزهول: اييه شمس تعبت وبعدين يعني انتي قاعده هنا لوحدك مع بدر ازاي.. انا عارف انه مريض وعقله صغير بس ده راجل كبير ده اكبر مني في السن يعني ميصحش تفضلي هنا معاه لوحدكم.. انزلي فورا علي بيتكم وتبعتي مرات عمي تفضل هي معاه لغايه مانرجع احنا تمام 

هزت زينه رأسها بطاعه وخجل وهي سعيده لانه خايف عليها حتي من اخوه

يونس بصلها بضيق لما لقاها مركزه فيه فقال بحده: انا مش بكلمك مش بتردي عليا ليه القطه أكلت لسانك يعني؟! 

انتفضت على صوته وقالت بخوف: لا لا انا معاك حاضر هدخل اقوله وهنزل علطول 

ابتسم لانها سمعت كلامه علطول ونزل وسابها بدون رد وزينه زفرت بقوه وهيام وهي متابعه اثره

زينه بهيام وحب: امتي بقى هتحس بيا يايونس دنا كل تصرفاتي معاك بتدل على حبي ليك بس انت اللي ديما بتتجاهل مشاعري تجاهك بقسوه وجمود

نهت جملتها بحزن وألم على قلبها اللي بيعشقه من زمان اوي بس هو اللي بيتعمد تجاهل مشاعرها دي 

دخلت زينه غرفه بدر ملقتوش فطلعت ودخلت غرفه شمس علشان تدور عليه بس بصدفه وقعت عينها على دبله رجالي على الارض بجانب سرير شمس فمسكتها بصدمه وزهول

زينه بصدمه وزهول: اييه ده.. مش دي دبله نوح اخويا ايوه انا متأكده انها دبلته بس هي اجت هنا ازاي؟! 

وعلى الجهه الاخرى في المستشفي**

جرى يونس تجاه امه وابوه بقلق وخوف: ماما.. بابا  شمس فين هي كويسه؟! 

سليم بضيق: حمدله على سلامتك يايونس باشا اخيرا شرفت وعرفت ان اختك تعبانه هنا؟! 

يونس بصله بعدم فهم ونعيمه قالت: مش وقته ياسليم في البيت نتكلم براحتنا مش هنا قدام الناس؟! 

سليم وقف بنفعال: وهيفرق ايه في البيت والا بره البيت يانعيمه ماشمس بنتك فيه حيوان اعتد*اء عليها في اوضه نومها في نص بيتي ومخفش من حد وابنك الصايع بايت بره البيت 

سكت ووجه نظره على يونس بغضب: كنت فين يالا الليل كله ومن امتي بتبات بره البيت يايونس والا هو الهباب اللي بتشربه مع الزفت نوح لحس دماغك 

يونس قرب منه بصدمه: بابا ممكن تهدى وتفهمني ايه اللي حصل مع شمس اختي 

سليم لسه هيرد عليك بس فجأه سمعوا صوت شمس وهي بتصرخ بشده فجرى عليها سليم ونعيمه ويونس بقلق وخوف كبير ودخلوا الغرفه بتاعتها وهنا الصدمه نزلت على الكل في المكان لما سمعوا صوت شمس وهي منهاره وبتصرخ بأسم مين؟!! 

يتبع... بقلم نور محمد