جدع حليوه سهاني و عضني من كتفي قطع حته منو وضحكلي ورمح في الصحاري ومقدرتش ارمح وراه ....فضلت اتبسم على ضحكته رغم ان دمي بينزف بسببه بس مقدرتش ازعل منيه واصل يا عمتي

ست قصادها في الاربعين بتبصلها باستغراب شديد وقالت....ايه الخطرفه دي يا بت يا اوصاف ...وريني كده لتكوني سخنه اشوفلك حكيم

اوصاف اتنهدت بيأس وقالت ...يا عمتي انا مش عيانه...انا شوفت حلم...بس مكانش كيف اي حلم...كانت حاجه عجيبه...زي ما يكون حقيقه كيف ما انا قاعده وياكي وبحدتك كده ...شاب طول بعرض ...عيونه كيف عيون الصقر...قرب مني وعضني كيف ما قولتلك وهملني ورمح ومقدرتش اشوف ملامحه زين ...بس هيئته تقلع القلب ...زي ما يكون ديب من ديابة الصحره كل اللي فكراه عنيه ...عنيه متتنسيش واصل

عمتها ابتسمت بسخريه وقالت....حلم ...كل ده حلم... بقى مقعداني قبالك بقالي ساعه تقوليلي معرفش ايه وابصر ايه ومهمله كل الي وراي  وقاعده اسمعك وانتي بتحلمي وتحكي احلامك كمان...قومي فزي الخيام اتملت زباين كلهم طالبينك بالاسم قومي

اوصاف قالت بضيق...قال يعني بنكسبو الدهب يا خي ...دول كلهم عالم عربجيه مفيش في جيوبهم حق الدخان اللي بيشربوه

عمتها قالت بضيق...مهو من خيبتك بتخدمي على المفلسين...والمتريشين مش بصالهم...بالك يا بت يا اوصاف اعيان الشرق والغرب بيطلعو الجبل مخصوص لجل عيونك... لو تسمعي الكلام هتعومي في الدهب عوم مش تكسبيه

اوصاف وقفت بضيق وقالت....قولتلك الف مره ولا تفكري حتى يا عمتي.... انا اخري اساعدك واناولهم ميه ولا طفح من اللي بيطفحوه لجل خاطرك عشان متتعبيش لحالك..وكمان لجل اعمل بلقمتي بدل ما جوزك بيلقح عليا لو تعبت ورقدت يوم واحد ..انما اكتر من كده متحلميش..ولا هروح مع حد ولا هترقص لحد ولا هغازل واحد وشه كيف جزمتي وجاي علشان يسمعله كلمتين حلوين يشوف نفسه بيهم

ووقفت قدام المرايه و كانت بنت جميله جدا في العشرين وشها يخطف القلب بصت لنفسها باعجاب و قالت بغرور....انا اية الجبل اوصاف..وصف للعزة مش المزله...وجمالي للي شاري مش للي يتسلى  

عمتها ابتسمت بسخريه وقالت....شاري ....اممم...طيب بشوقك خليكي مستنيه الشاري لحد ما تكبري وجمالك يموت ومتطوليش من الجبل غير ترابه يغطي ملامحك اللي فرحانه بيها

قالت كده وخرجت واوصاف مشيت بعدم اهتمام علشان تلبس وتجهز وتطلع لشغلها

قدام سرايه فخمه جدا من اكبر سرايات الصعيد خرج شاب في الثلاتين بطله وجاذبيه قويه قرب من واحد من الغفر وقال بضيق....هات مفاتيح العربيه 

الغفير اتوتر جدا ومبقاش عارف يرد وقال....ها

الشاب مسكو من هدومه وقال بغضب...ها ايه...بقولك هات مفاتيح الزفت دي ...يلا خليني اغور

الغفير قال بخوف...يا دياب بيه ..اصل...اصل ف.....فياض ..الريس فياض قال ممنوع تاخد المفاتيح  و....

وقبل ما يكمل ضربه قلم قوي وقعه على الارض وحط رجله على رقبته وبقى يدوس دماغه في التراب وهو بيقول بغل ...مين..قولت مييين...وهو مين هباب الطين ده علشان يمنع عني ملكي..ده خدام زيه زيك سااامع ...خدام ادوسه برجلي

الغفير كان بيتخنق والخدم كلهم كانو شايفينه ومحدش راح يساعده ابدا وكانو واقفين بخوف من دياب

 بس في الوقت ده وصلت عربيه فخمه ونزل منها شاب قوي جدا وهيبته مميزه وملامحه حاده  اتقدم على دياب ودفعه بسرعه وقوه وهو بيقول...انت اتهفيت في نافوخك..ايه اللي هببته ده ...خلاص مبقاش فيك عقل واصل

بقلم ....زهرة الربيع

وقوم الراجل ونضف هدومه وبص للغفر وقال بغضب وزعيق...مش شايفين واحد  منكم بيتخنق وبيموت...كنتو مستنين ايه علشان تتحركو

واحد منهم قال بخوف..مهو يا ريس فياض اصل....

فياض قاطعه وقال بغضب وحده..... اصل ايه...خايفين على لقمة عيشكم لتطير....تقومو تسيبو واحد يموت قدامكم..يا اخي يلعن ابو المليم اللي يحكم الراجل كده ويخليه قليل حيله كيف الحريم 

الكل نزلو عيونهم في الارض بكسوف ودياب بصلو بسخريه وقرب منه وقال...انت كنت عايزهم يعملو ايه وياي يعني...يمدو يدهم علي مثلا

فياض بصلو بغضب وقال...انا بتحدت وياهم وبس ...ولاخر مره هنبه عليك..كلامك يبقى معاي انا ....ومتستقواش على اللي اضعف منيك

دياب ضحك جامد وقال..ده على اساس انك اقوى منهم ..معلش تقولي ايه بقى  الفرق بينك وبينهم ...ولا صدقت انك ريس عليهم وبقيت تدي اوامر  ومانعهم يدوني مفاتيح عربيتي كمان ...والله الدنيا خربت وجابت اخرها

دياب اتجاهل كلامه واخد المفاتيح من الغفير وقال..عايز مفاتيح العربيه...وكنت هتموت الراجل علشان قلك لاه مش كده ...طيب خدهم اهم ..يلا روح سوق كيف الاعمى....واتقلب بيها زي المره اللي فاتت ...وتعالى احجل على رجليك كيف ابو الحصين ...والعربيه في داهيه ...ما ده اللي بتعمله كل مره ...احنا خايفين عليك ليه.... العفش ولا بيموت ولا بيضيع

قال كده ولسه هيمشي دياب مسكه من هدومه وقال بغضب شديد...انت كيف بتكلمني كده ...كييف...انت خدام حدانا وانا هنا سيدك ..يعني تتكلم وياي وعينك عند جزمتي سامع

فياض دفع اديه بغضب وقال...انا ليا سيد واحد وهو  سيدك وسيد اللي خلفك ..ربي وبس ..ومن اي حد غيره مش بخاف ...ولما تعامل وياي تتعامل كيف البني ادمين بدل ما اعاملك كيف الحمير وانت عارفني زين

هنا دياب ضربه بوكس قوي جدا وفياض خرج عن شعوره وردهوله بطريقه اقوى  واشتبكو سوا 

بس قاطعهم خروج راجل في الخمسين من السرايا  لما زعق وقال بغضب..بتعملو ايه..بس...بس انت وهو ....هملو بعض

فياض سابو فورا وقال بحرج...خطاب بيه انا كنت ..

بس دياب قاطعه وقال بتوتر...يابوي ده مانعني اخد مفاتيح العربيه بتاعتي ....كيف يتمريس عليا كده...ده حيلا الخدام بتاعك

خطاب قال بغضب....قولتلك قبل سابق فياض مش خدامي...ده دراعي اليمين ومساعدي وكلمته هنه هيا كلمتي ...واخر مره الاقيكم تمسكو في خناق بعض كده.....انت مش عايز عربيتك يلا اهي قدامك غور اشبع بيها ..بس اعمل في حسابك لو حصلت اي حاجه متتصلش علي سمعت

 دياب اتنهد بيضيق وغيظ وراح ناحية العربيه ولسه هيركب شاف بنت جميله جدا في العشرينات واقفه في البلكونه بتاعتهم والقلق باين على ملامحها 

فياض كمان  التفت لها بس نزل عيونه بسرعه 

دياب شاف نظراتهم لبعض و بص للبنت بحده وغضب وهيه خافت جدا ودخلت بسرعه وقفلت البلكون

وهو غضبه ذاد اضعاف وطلع بالعربيه بسرعه كبيره

خطاب بص لطيفه وضرب كف على كف وقال..واعي...واعي  سايق كيف البغل ده 

فياض اتنهد وقال......تحب اروح وراه

خطاب اتنهد و قال لاه ..انا عايزك في موضوع اهم تعالى وراي

واخده ودخلو السرايا

عند اوصاف كانت في خيمه كبيره مفروشه بقعده عربي والكل بيشربو وبيسمعو الاغاني وفيه رقاصات بيرقصو للشباب ويتمايلو عليهم والكل مبسوطين جدا

اما هيه فكانت مخنوقه جدا رغم ان كل العيون كانت عليها لجمالها وانوثتها وشكلها اللي يخطف القلب قبل العين 

كانت بتتنقل بينهم وتودي طلبات الكل بابتسامه مصطنعه وهيه مخنوقه جدا من جواها 

واحد من الحضور نادى عليها وقال....بقولك ايه يا اوصافي انا طالع الجبل مخصوص لجل جمالك الموصوف  لو رقصتيلنا الليله هدفع كل اللي في جيبي 

اوصاف ضحكت باصطناع وقالت بسخريه...تلاقي اللي في جيبه ميجيبش حق اللي شربه وهيروح مديون

الكل ضحكو عليه وهو قال بسرعه...عليا الطلاق من بيتي اللي في جيبي يدفع حق مشاريب الكل هنه ويفيض

واحد تاني قال ...اللي في جيبي يصوغك بدهب دراعاتك متقلهوش بس ترضي علينا

كان واقف راجل في الأربعين وقال بطمع...هيه خدامتكم ...بس ترمو بياضكم

اوصاف بصتلو بغضب وقالت...خليك في حالك يا جوز عمتي هما بيتحدتو وياي 

جوز عمتها مسكها من دراعها بغضب وقال بطمع...ايه رايكم تعملو عليها مذايده واللي يفوز هخليها خدامته للصبح تعمله كل اللي عايزه ترقصلو تغنيله.... اللي يؤمر بيه

بقلم.....زهرة الربيع

اوصاف اتصدمت بشده وعمتها قالت باستغراب.. بتقول ايه يا نعيم..ما انت عارف انها...

بس نعيم سكتها بسرعه وقال.....بس يا فوزيه ... انا فاهم بعمل ايه

الشباب اتحمسو جدا وبدأو يعلو على بعض في الفلوس بمبالغ صغيره في قمة الاهانه 50 ..100...200 وو

اوصاف كانت بتبص لجوز عمتها بغضب ولسه هتتكلم وتوقفهم همس في ودنها وقال....خليكي ساكته. ...لو رايده اسكت انا كمان

اوصاف بصتلو بقرف وغضب وفضلت ساكته 

لحد ما واحد قال بصوت عالي ... 5 تلاف جنيه..مين يذيد ...محدش يذيد

الكل سكتو واوصاف كانت محتقره الموقف بس اتفاجأت بصوت تعرفه كويس قال....20 الف 

الكل بصوله بذهول وكان دياب

دياب طلع الفلوس ورماها على نعيم وقال بغضب...دول كل اللي معايا الليله...هملها

نعيم سابها فورا و نزل على الارض بذهول وطمع ومسك الفلوس وهو مش مصدق نفسه 

دياب بصلو بقرف و قال بتحذير...حركاتك الرخيصه دي اعملها مع اي بت هنه غير اوصاف... انت عارفني زين ممكن اقفلك المكان ده وتنزل تشحت بحريمك سامع

نعيم هز راسه بالموافقه بفرحه بالفلوس ودياب قعد على ركن وولع سيجارته بضيق شديد

اوصاف اتقدمت عليه كانت عايزه تشكره وهيه مستغربه جدا ومش فاهمه اللي عمله 

عند فياض كان واقف قدام خطاب وسامعه باستغراب وهو بيقول...فهمتني كده يعني المكان هناك مليان هجامه وقطاعين طرق وناس مايعلم بيها الا ربنا وعلشان نخطف بت من هناك محتاج معجزه

فياض بصلو ذهول وقال...نخطف

خطاب اتنهد وقال ..اه حاجه زي كده ....اصل البت اللي انا رايد اجيبها اهلها مش هيهملوها بالساهل لانهم اصحاب غرزه وهيه اللي بتمشيلهم الشغل ...هيه يتيمه وعايشه مع جوز عمتها راجل استغفر الله كلب فلوس وعنده بنات كتير بيشغلهم ....بس اوعى تغلط وتجيب اي واحده ... البت اللي انا عايزها  اسمها اوصاف صبيه تطلع  عشرين سنه او اقل تقول للقمر قوم فز اقعد مكانك ولا يقلهاش لاه

فياض مكانش فاهم اي حاجه وقال بدهشه.....انا برضو مفهمتش انت عايزني اعمل ايه...انت عايزني اخطف البت من ناسها...انا فهمت صوح كده

خطاب قرب منه وقال بثقه...انت عارف انا بعتبرك ايه...انا لما قلت لدياب انك دراعي كنت اقصدها بالحرف .... انت هنه دراعي وقوتي وانا خابر ان محدش في البلد كلها يقدر يطلع الجبل ويجيب منه بنيه من وسط اهلها غيرك علشان كده بقولك...انا لو شايفها صعبه عليك مكنتش هورطك اكيد

فياض قال بسرعه ...هو مش صعب عليا..بس...بس يعني ...كيف اخطف صبيه كده من غير ما افهم ليه...يعني انت عارف البنات شرف وعرض...وانا مقدرش ابقى ...لا مؤاخذه قرني واجبلك حريم لجل تتسلى ... دي مش اخلاقي يا خطاب بيه وانت عارف زين

خطاب ضحك جامد وقال..... انت فهمت ايه ....حد الله بيني وبين الحرام

وساوى شنبه وقال بفخر ..البت دي ريداني وانا رايدها ....وهجيبها هنه علشان نتجوزو انا وهيه

فياض اتسعت عنيه بذهول شديد وووووو